Full Moon House

今次係第二次食雖然啲碗碟唔同咗，但係依然精緻，擔擔面好爽口糯米飯都幾香口，粒粒分明，唔會太油膩。冬天食係有少少溫暖。呢碟魚係最鍾意食一碟，充滿膠質。有好多好抵食又好味。壽包第一次食，入邊有鹹蛋黃👏…Read More

食物一般，無大突破，服務員服務非常一般，態度又差。還要限時進食，到時后不停催你走，不管你食完未也好，並非一個值得再回去的食肆，太令人失望了。。。。。。。。。。。…Read More

可以講話成個大圍商場得一間粵川菜，菜單好多選擇。同屋企人慶祝節日，揀間質素好啲，又坐得舒服，Lubuds集團開的。坐得好舒服，啲餐具好華麗😍呢加二人套餐仲做緊優惠$698/2位，一家人一齊食抵啲。芝麻卷，懷舊小食，好多酒樓吾再做因為工序繁複，逐漸式微，屋企人食返懷舊食品覺得好窩心，芝麻炒得好香口，金黃色脹卜卜。炸饅頭嗰隻碟好特別，黑色底，突顯左饅頭嘅硬淨，包滿，光滑嘅表面。咬落去好鬆脆啊My Fav蠔仔肉碎湯，加埋脆米成大兜俾你任添，好滿足, 分開兩款器皿擺放食材，蠔仔大大粒米飯軟熟，熱燙充滿芫荽中芹的香氣,熱湯中和脆米的油膩感，加啖蠔仔飯雞煲都幾大份，砂礓好入味小炒王用咗芽菜，好清爽冇油膩好鹹的感覺。隻碟好似皇帝享用晚餐咁…Read More

本來都想同家人想試下在網上卜左12/9晚上8:30，怎知卜完打電話確認話截單依加截9:00提早左，因為家人收工夜,當電話回答我9:00截單都可以食到9:30-10:00心諗都可以，仲建議我可以早點來飲住茶先，第二天又有另一個工作人員打電話比我，話提提我截單截9:00,但只可以食到9:30一定要走，係一定要走，同家人商量過咁講邊食得切，結果隔離同家人舒舒服服地食返餐…Read More

大圍巧手中菜 🥢念月樓集合粵菜，川菜，高級點心中式裝修 ，座位寬敞，不會有壓迫感最靚是國風餐具，给人印象深刻😁店內黃牌點心 : 雪山叉燒包 👍👍 脆皮面，裏面的叉燒也很熱芋角。香口鬆脆 小籠包 。熱辣辣內面多汁叉燒腸粉 。超級滑餡料多驚喜點心 : 棷汁馬蹄卷👍👍 我們也覺得這個好食推介…Read More

見門面咁企理，放假就帶一家三人去飲茶，價錢貴都預咗，但估唔到係唔合理到一個點，唔好計啲食物價錢，淨係計茶水費＋1都俾咗成舊水，啲點心都係好普通，屋村酒樓嘅點心仲好食過佢，真心真係完全唔值呢個價，最離譜嘅係呢度嘅侍應水平竟然可以差到一個點，真係唔明呢間酒樓都叫做行中高檔路線，點解可以好似完全冇培訓個員工咁？一入到去已經俾個着黑衫嘅高級侍應態度好差咁*幾位啊*，飲茶嘅時段成間嘢得幾台客都可以完全無視客人，舉手幾次啲人都好似扮睇唔到咁，問佢嘢就敷衍回答，走嘅時候連一句多謝晒拜拜都冇，去食譚仔啲姐姐都好有禮貌啦招呼周到啦，你依間酒樓收咁貴服務可以差到咁真係早日執笠，食到一肚氣！…Read More

念月樓個名幾古色古香，假期都多人排隊不過新開，環境同用具都仲好新好靚。兩個人唔係點左好多野，食落味道同其他酒樓好似都差不多。不過，勝在環境舒服。但留意價錢都真係偏貴架～…Read More

環境寬敞，食物賣相骨子，整體味道不錯，但偏細碟。我們八人訂座，每人點了一個菜，感覺有點不夠，之後再點了各款餐牌上的飯後甜品，才覺剛剛好。經OpenRice訂座有九折，每人只消費了300多元，尚好。…Read More

態度差，上菜慢。食物普通，唔值。叫套餐聲稱份量大碟，但只係普通份量，性價比超低！上菜超慢！上咗幾碟菜就停咗，催咗幾次等咗半個鐘都唔齊。服務態度其差！難怪母親節竟然仲有位…Read More

今晚在念月樓品嘗四位套餐，環境舒適，餐具精緻🫖🥢套餐菜式包括：🧄蒜泥白肉：蒜味濃郁🐔鮑汁雞腳：雞腳韌而有咬口🥣杏汁燉白肺湯（4位）：正🌟！白肺肉質軟嫩，是有淡淡果香的濃湯！🐷黃酒豬手煲：豬手軟糯，黃酒香濃🐟雞油花雕蒸馬友：魚肉鮮嫩🥦蒜茸炒時蔬：正常～🍚櫻花蝦醬海鮮炒飯：勁大碟！乾身有鑊氣🥥椰香馬蹄卷：甜品較為失色，口感有待改進…另加渝洲凍麵🍜：味道清淡，冇什驚喜…總體而言，套餐大多數的菜品都令人滿意餐廳價錢略貴，性價比不高🌟食評指數：7.8/10💁🏻‍♀️人均消費～HKD500🗺️ 地址：想睇更多餐廳分享，請like & follow @_jolly.foodie_#twfood #twjollyfoodie #JKHK…Read More

移民英國舊同事回港睇mirror concert，順便約飯局，負責訂枱嘅以為舊同事仲同屋企人住喺名城，所以book咗喺圍方嘅念月樓。一入去，只感覺一個嘈字！係平常街坊茶樓嗰種嘈，頭頂speaker仲播埋音樂，幾影響用餐氣氛。我哋5個人嗌咗一個4人餐，本來見先嚟嘅頭盤唔算太大碟，所以另外再嗌多咗2樣嘢，但原來主菜都幾大碟，差啲就食唔晒，好彩兩位男士食力過人。蒜泥白肉（4人餐）：呢個好味，蒜泥夠，調味唔鹹，肉肥瘦剛好。鮑汁雞腳（4人餐）：醬汁濃稠好黏口，雞腳唔會太腍，仲有少少咬口。杏汁白肺湯（4人餐）：杏仁味唔算好濃，但豬肺夠腍，湯亦唔算太油，算幾ok。黃酒豬手煲（4人餐）：味道一般，亦唔係好腍，有啲難咬。雞油花雕蒸馬友（4人餐）：唔講以為食緊清蒸黃花魚，肉質腍，亦完全冇雞油香。樟茶鴨（4人餐）：鴨肉唔算太老，但又唔算嫩，味道中規中矩，配嘅饅頭因為得4件，所以冇食到，唔知夠唔夠軟熟。大舊招牌炒飯（4人餐）：炒得幾好，算粒粒分明，亦唔會太鹹。椰汁馬蹄卷（4人餐）：唔算太甜，但亦唔算好食，好一般。蘆筍炒鴿肉（單點）：蘆筍唔算老，鴿肉唔算嫩，調味唔算太鹹，好普通。椒鹽鴨血（單點）：呢個好食，鴨血夠實唔鬆散，椒鹽香口。環境寬敞，枱與枱之間空間足夠，但實在太嘈，好似屋邨酒樓一樣。…Read More

之前係圍方食飯時候行過，見好多人等位，朋友話點心幾好食，於是襯差唔多過年就訂枱食團年飯。由於屋企人唔好辣，見個4人餐都唔錯，又唔駛煩諗食咩，就一於係佢。套餐包左2個前菜，有蒜泥白肉，幾好味，同鮑汁鳳爪，阿仔鍾意食。我最鍾意既杏汁豬肺湯，好入味。豬手炆得算腍，黃酒馬友，我就覺得一般，樟茶鴨，肉質唔錯，套餐仲有個炒飯，時蔬同甜品。另外，我地額外散叫左薑葱蠔同燒雞半隻。 服務同環境都好，價錢就略貴。不過下次都想試下佢地川菜味道。…Read More

臨近聖誕各大商場節日氣氛濃厚，作為大圍車站上蓋大型商場，圍坊的聖誕裝飾也見心思，除卻固定佈置如聖誕樹等，地板上還有聖誕動畫投射，為場地增添不少節日氛圍。商場有不少食肆，最後選擇念月樓，因為還是最喜歡飲茶。酒樓環境不錯，裝修沉實有格調，餐具華麗，絕對可提升用餐體驗。跟據資料，此乃世界廚師錦標賽2023得獎作品。金魚蝦餃做形可愛，口感及味道與正常蝦餃無異，龍皇牡丹蝦的餡料則是原隻鮮蝦，而龍珠是紅菜頭水晶餃。由於龍皇牡丹蝦只有一件，無緣品嚐，但紅菜頭水晶餃及海鮮湯都相當美味，總體而言，擺盤精美，食物可口，得獎實屬合理。小籠包的麻辣味道非常有勁度，湯汁中的花椒味十分突出，正好平衡了肉饀的肥膩感覺。鮮竹卷肉餡豐富，可惜味道單一，食材各自的鮮味並不明顯。泡脆米飯是平常蠔仔泡飯的變奏，蠔仔肉碎湯和脆米分別盛於不同器皿，蠔仔湯非常熱燙，而且充滿芫荽及中芹的香氣，熱湯可減脆米的油膩感，泡軟的米粒脆中帶軟，雙重口感，雙重美味。…Read More

是晚叫左個4人套餐，頭盤鮑汁雞腳，份量少就預左，size細唔緊要，甩皮甩骨。冬瓜炆豬腳，豬腳尚可，冬瓜未入味，稍硬。焗豬扒飯是另外加的，食唔出有咩特別，同普通茶餐廳無分別，但價錢係3倍。炒飯偏硬。蒜蓉菠菜，好咸。條蒸馬友就合格。比較滿意就係最後既甜品。服務態度麻麻地，當服務員在收碗碟時，我地提服務員“可否加加水”，佢答“我收緊碗呀，一陣先啦”。其實，你可以話“我整理完枱上碗碟再幫你加水”。要培訓！…Read More

念月樓 - 大圍📍大圍車公廟路18號圍方2樓232號舖第一次黎the wai呢個新商場，地鐵行過黎一分鐘，扶手一上直行就到。念月樓係望月樓姐妹店，食中式川菜，仲有二人餐，好抵食。前菜 +茶水冷盤 麻辣貢菜，開胃, 小小辣，好爽口。蒜泥白肉白肉包住青瓜，減去咗豬肉嘅肥膩。上面嘅蒜泥，磨到非常之細，好考心思。而個汁就甜甜地，啱晒我地口味。香辣豬耳絲對比起蒜泥白肉雖然冇咁特別，調味係少少辣，少少滷水味，都係爽口既，如果入味啲會更好。白肺湯除咗豬肺仲有瘦肉，白菜頭，杏仁味十足，秋天咁乾最啱潤肺。入邊啲料都好豐富，細細一碗，已經有六七粒豬肺。酸菜桂花魚故名思意有酸菜，桂花魚係無骨既，菇，湯底好香麻油味，冇味精，可以當湯飲，小酸，但好開胃。魚肉好滑，肉質爽口，夠晒鮮味。擔擔面因為我哋唔食辣，所以可以俾我哋轉擔擔麵，估唔到佢一人一碗細細碗，個湯頭好甜，少少麻辣味，仲有一啲花生香味，唔會太杰太濃，好易入口。麵底都好彈牙，推薦！上湯菠菜熱辣辣出晒煙，有炸蒜嘅味道，菜好新鮮，夠稔，大大碟，好滿足芝麻卷內外都係芝麻，夠晒薄，攤返開，見到佢嘅黑芝麻一粒粒，非常足料，仲好爽滑煙靭…Read More