忠輝燒鵝專門店

今日排隊，要肥叉雞飯，打開個盒，叉燒係橙色，衰過瘦肉，一點肥都冇，跟住隻雞，唔係脾，唔係翼，係頭頭尾尾果d黎，骨多過肉，其實28蚊，唔係貴，但俾d咁既質素就真係唔得掂，記得有一次，叫叉鴨，變左叉飯，隻鴨唔知去左邊。其實唔係得忠輝$28，好多燒味店都做緊呢個價，希望大家去其他地方試下。最後都係去隔離果間20蚊雙餸飯，無野飲都唔緊要，希望忠輝見到呢片文章，叫師傅唔好咁求其，生意好都唔好hea做，唔該哂！…Read More

家住元朗次次行過忠輝都唔知點解咁多人大熱天時都要排隊今日見人少少試下先$35沙薑雞飯雞脾嫩滑有雞味抵食收錢哥哥仲好有禮貌***********食埋隔離阿玉豆腐花…Read More

我相信大家有時都會想食下燒味,但係好多燒味鋪都冇表態或者係藍店。 今日就食咗一間元朗嘅黃燒味店。首先,佢嘅價錢相當平民化,一盒普通嘅雙拼飯,連紙包嘢飲都唔使40蚊。份量都算多,真係大件夾抵食。我今次食咗佢個招牌燒鵝飯都只係50蚊,平過一般燒鵝店。味道方面,佢啲燒鵝肥瘦適中,唔會有太多脂肪,又唔會冇乜口感。鐘意食燒鵝嘅朋友,可以試下。唯一我覺得不足既地方係,佢地只做外賣,冇得堂食,對唔喺附近住或者返工既朋友真係有啲唔方便。…Read More

下午3點幾先食完肉餅飯，所以都無咁快肚餓，買定個飯盒返去夜晚食就岩岩好。元朗有兩間叫忠輝，一間叫忠輝，一間叫新忠輝，大家唔好以為係一樣，起初我都以為係，但賣的嘢都有唔同，希望各位網友可以解答下小妹，兩間忠輝有咪關係。今次黎到又新街的呢間忠輝，又係唔駛排好耐就買到個沙薑雞飯($35) 蚊仲送紙包嘢飲。三十幾蚊有個飯盒，以為一盒過點知仲分開2盒，沙薑雞lucky 砌左雞脾，雞肉嫩滑，沙薑味都夠濃，沙薑濃厚度岩岩好，唔會啲沙薑漿住啲雞肉，又話者太水咁。即使唔餸飲食，都就咁食都剛剛好，愈食愈好味，愈食愈想再食。盒飯大大盒，小妹食半盒都夠一餐，仲送埋紙包飲品😊 又抵又好食!!…Read More

一向係自己屋苑樓下買開燒味食，但見有朋友推介呢間係又新街既燒味店，仲講到一食難忘，身為＂為食一族＂又點可以錯過呢！未去到離遠已經見到長長既人龍，至少有成十幾二十個人排緊，不過因為只做外賣既關係，所以都排得ＯＫ快。排隊時已留意到當中好多男人都叫４寶飯，似乎係最抵食，所以我都跟機叫左個４寶飯；而家庭主婦就通常要淨斬料燒鵝半隻／一隻。隔離仲有鹵味賣，下次會試埋。三十幾蚊一個４寶飯仲送埋野飲，價錢黎講已經冇得輸。打開個飯一望，燒味裝到超級滿，而且色澤仲好靚，送多飯又多，唔怪之得咁多人都揀呢個飯啦。食埋，我終於明白點解朋友會極力推薦呢間燒味啦，因為真係似岩岩燒出黎，Ｄ皮好脆，咸蛋又靚仔流油，下次真係要買成隻燒鵝番去加送先滿足到我。…Read More

🔎忠輝燒鵝專門店 (元朗) 💛 #黃店系列📍元朗又新街27-29J號建威大廈地下6號舖-💛文宣黃、播榮光、老闆深黃🔹雙拼飯$28今次食最佬嘅飯🤣燒肉叉燒飯呢個價錢呢個質素 仲要送紙包飲品 仲仲要係黃 點可能唔幫襯呢 真係連食在元朗藍屍都買埋一份 食飯時間成日都排長龍…Read More

元朗好多燒味店， 叫外賣 ，唔知食咩好 ， 行下行下就見到好過冇食嘅燒味店咁見到有燒鵝四寶飯， 咁抵35蚊就叫咗一盒另外加一隻鹵水雞翼， 有湯或者紙包飲品選擇一樣番到屋企， 打開已經執爆成個飯盒紅腸有五塊🥖， 鹵水 雞翼🐔， 鹹蛋半隻， 燒鵝中伏🦆， 除咗有一嚿係有肉食，之後 全部是肥膏， 幾失望㗎， 但係總括嚟講都係十分之抵食 請支持小店…Read More

懶得煮野食的下午，落街買個飯盒算了，去了街頭的新忠輝，午市同晚市都大排長龍㗎。不過是日三點黎到，就好好彩唔使排，一埋去就有得買。要了一會四寶飯配例湯，都係35蚊咋，平到咁好抵食呀。四寶飯啲餸滿晒㗎，仲有熱辣辣例湯。豬骨紅蘿蔔湯，好濃郁嘅豬味，湯頭好甜，夠熱好好飲，仲有大大舊豬骨係入面，煲過湯都無鞋喎，哈哈食埋佢先。四寶而加得返燒鴨四寶，乳豬無做了，燒鴨一樣咁正吖。紅腸有玫瑰露味無死鹹。滷水雞翼好入味，甜甜嘅滷水汁正喎。燒鴨有驚喜，無渣無羶味，皮脆肉嫩仲要唔過肥，好味喎。鹹蛋正正常常，白飯軟硬適中，粒粒米幾對胃，再加上薑蓉真係唔講得笑，大大盒都可以食完無難度。…Read More

今日下午2點左右，買左80蚊鹵水（豬大腸拼金錢肚），中左招，唔知咩黎噶，我估係甲甴😡，衛生嘅野，唔知點講，幫襯左好多次，食物質數都ok，今次竟然出現咁嘅情況，:(…Read More

今次初嚐忠輝 $28蚊雙併飯 又平又好食 真係要多多光顧12點鐘走到 小小人龍有人龍絕對係好事 代表好食 食材保持流轉今日叫左個叉雞飯 真係好好食 又衛生 老闆又好禮貌 翻食指數#加油…Read More

之前喺D元朗飲食page度見過好幾次有人推介呢間野, 又周不時經過都見到好多人排隊。呢日放工就去左買來試下。平時燒鵝同乳豬都屬於貴價野, 就算買個飯盒最平都要$4,50蚊,唔好講仲要係四寶飯了。但呢度燒鵝同乳豬四寶飯都係賣$35咋!佢另外都仲有單拼雙拼飯, 價錢中等啦, 唔夠街市燒臘店平, 但都比好多酒樓平。最後我買左個燒鵝四寶飯,燒鵝呀唔係燒鴨!仲有包檸茶送!!四寶飯d餸多到就滿瀉!!!味道都好唔錯呀!真係好抵食!有下次! …Read More

忠輝燒味飯真係好出色，價錢合理，連飲品 (雖然唔係凍既)，重點係佢一盒$28既雙併燒味飯既料係多到可以COVER晒D飯既，講真一句自己去買同樣份量既燒味都差唔多、甚至唔止呢個價，所以我同屋企人懶得煮飯既時候就會去買黎食!…Read More

每逢下午時段，這間店都大排長龍，好奇之下也跟著排買來當午餐，點了個叉燒併油雞飯，本來有贈送湯的，但天氣實在太熱了，明知喝不下就跟老闆娘說不要了，免得浪費。叉燒紅潤油亮的色澤頗為吸引人，微甜的叉燒腍滑且帶有燒烤焦香味。油雞肉質嫩滑，大概是用上「萬年豉油」弄，是甘甜的味道。薑蔥油味道偏咸，完全是為重口味人士設呢，少許已足夠令人吃下一大口飯。值得一提的是澆上飯的醬汁，微甜的豉油，拌上吸了叉燒油雞油脂的飯，太好吃了！…Read More