Video
Opening Hours
Today
07:00 - 22:00
Mon - Sun
07:00 - 22:00
Above information is for reference only. Please check details with the restaurant.
喺呢區工作20幾年，所有粥譜都食過 呢間嘅粥舖粥底嫩滑 唔記得影相 豬潤粥 好食，好多好多豬膶仲要厚切 幾滑唔會Over cook ！推薦炒麵係 紅磡黃埔區最好食嘅一間 因為其他間嗰啲一係淡茂茂 一係啲面太爛 太濕，呢間比較炒得乾爽 啲面都仲有口感！ 蘿蔔糕好唔同其他，較似家庭式嗰啲蒸嘅蘿蔔糕有蘿蔔絲 蘿蔔糕有胡椒粉味 好睇個人鍾唔鍾意呢種 我就還OK濕濕潤潤嘅感覺腸粉冇乜特別啲皮又唔係薄 滑嗰種 但啲叉燒都足 都唔會孤寒 不過不失店舖都好多人食，好多時候都冇位睇落都係乾淨企理
continue reading
一早起身，唔想又食公仔麵同煎蛋，知道有間新嘢，試吓佢先。依家市面上，開得最多肯定係茶記，估唔到仲有人開粥鋪，試諗下，十零廿蚊一碗粥，加埋人工等成本，其實真係好難生存，所以真係難得有人選擇開店，緊係要食吓佢。二口子，二個都係滑牛粥，粥底綿滑，牛肉一樣好滑，粥底不錯。叉燒腸，腸粉軟滑，叉燒又竟然係新鮮果隻，好食，我真係一粒叉燒都無浪費，清碟。蛋腸，一樣都係軟滑，容許我講一次廢話～有蛋味😂。其實後加左碟蒸蘿蔔糕，不過無影相，如果煎的話會Q彈啲，蒸的話就好軟淋，軟到夾都夾唔起，但食得到一條條嘅蘿蔔，一樣幾好食。補充番～因為我用apps落單，無留意有得揀粥底嘅味道，其實個粥底當你食第一啖，係好食嘅，但係食多幾啖你會發覺～好鹹，個粥底真係幾鹹（不過其實間間都係），所以提提大家落單前，最好揀其他粥底呀！二個人食咗$150今餐個人覺得值$130雖然係個人失誤無揀粥底,但係個底真係鹹，返到屋企仲要好口渴
continue reading
軟綿綿粥底，香滑的腸粉，不需甚麼文字上的雕琢，食岀真正的美味。餐廳雖然只是開張了幾十天，但係師傅烹調嘅功力，煮食出嘅味道，找遍全個黃埔和紅磡，冇其他粥品店媲美得上。
continue reading
這碗粥滑順細膩，米粒煮得恰到好處，湯底清香。搭配新鮮的配料，瘦肉，增添了風味。粥的溫暖感令人舒心，非常適合作為早餐或輕食。雖然味道簡單，但卻有種家的溫暖，讓人倍感滿足。整體而言，是道健康又美味的選擇，值得回味。
continue reading
我估因為這間餐廳CP值非常高，所以裏面常常坐滿了不少食客。今天特地點了一碗生滾粥，粥底煮得極為綿密，味道十分入味，不會因為長時間放置而變得水水的，保持了粥的鮮美和濃稠感。腸粉也是一絕，點的時候現場製作，剛叫即蒸發，光澤亮麗，彈牙有嚼勁，每一口都能感受到製作的用心。油器部分同樣新鮮出爐，香氣四溢，口感酥脆卻不油膩，完美地搭配了粥和腸粉，使整個餐點更加豐富多樣。服務員態度友善，出餐速度快，整體用餐環境乾淨整潔，讓人感到十分舒適。這次的用餐體驗讓我對這家店更加滿意，下次經過此地一定會再來光顧，並且推薦給身邊的朋友們一起品嘗，相信他們也會和我一樣愛上這裡的美食與高CP值！
continue reading
You may be interested in