Pizza Hut (Closed)

年初三赤口，拜黃大仙後食Pizza三個女的食二人餐，可以又食又拎，份量大大大碟巴拿馬火腿沙律火腿不會太咸沙律菜新鮮軟殻蟹大王咸蛋黃醬芝心批咸蛋黃有沙沙的感覺，份量剛好！欣賞PIZZA底是薄底，香脆好味!卡邦尼意粉和焗薯蓉，不過不失！…Read More

今曰同朋友拜完黃大仙，就泥左pizza hut 食個tea! 兩個人點左個俄羅斯沙律配煙肉波蘿芝士酥。同埋試個新甜品，朱古力軟心曲奇配雪糕。芝士酥先上碟，熱熱地幾好味。但個沙律很一般，性價比不高。後尾再上朱古力軟心曲奇，好大份，有八吋，兩個人食都好滯，食唔哂。個曲奇其實幾好味，不過如果多人share會更好！…Read More

堂食二人餐，叫左「芝士堡壘批」套餐，見普通二人餐$250幾，芝心批又要另加十幾廿蚊，見價錢差不多就新嚐試下。套餐都係standard包餐湯，小食，意粉/飯& 主角Pizza。餐湯🥘-PizzaHut蔬菜湯都算正常，白湯係蜆肉湯，但未試過唔知好唔好味。小食三選一-次次都係叫拿玻里肉丸，雖然落左好多茄膏煮個汁，但添加香草，配料香，肉丸正正常常⭕️意粉/飯-都係係三選一，因為我家大爺唔吃得辣，只能叫拿破崙意粉，同樣都係用蕃茄汁煮，都係正常菜式海鮮堡壘批-有好多條蟹柳，面頭「海鮮」有點Hea 。批裡面係芝士菠菜雞蓉，未食之前好驚芝士味好味&唔夾菠菜味，但食落都香口，好幾好味飲品-熱柚子蜜&凍青檸，青檸味道有點伏…Read More

一心諗住去食pizza 入到一間覺得實冇死既pizzahut 點知失望而回😩 叫左個二人套餐 有兩碗湯 一個意粉/飯 一個小食 一個pizza 兩杯野飲 講下個湯先 嗌左兩碗忌廉磨菇雞湯加$10要酥皮 一上碟見到兩個酥皮唔同色 一個冇色一個金黃色 都知有少少不妙 好彩味道都okay既 到之後個小食 葡汁焗蔬菜 哇 個葡汁浠到冇得再浠 成碗野食淡而無味 已經開始唔期待之後既野食 到肉醬意粉 d粉好硬 d汁一patpat 凝固左 完全食唔到 到pizza喇 叫左芝心批既超級至尊 呢個平平無奇 最後叫左8隻辣雞翼 係成餐飯最正常既野食 野飲方面 嗌左杯凍檸水同百事 黎左凍檸水個陣發現佢冇俾飲管就叫佢俾番 個侍應諗住插番飲管 點知佢d手指都插埋😱 整體黎講 冇諗過一間大眾化既pizzahut會係甘樣 成餐飯都聽住侍應係甘打爛野 臨走前仲見到侍應汁野個陣有如打籃球射波一樣 可惜唔中個盤 枝叉連飯跌落地下 搞到成地都係 個侍應扮睇唔到走左 呢間野真係好特別😵…Read More

呢排趕Assignment 趕到個樣殘哂好彩屋企人知我攰話帶我去食好西於是去左Pizza Hut 食新出嘅黃金熔岩批唔食都唔知係融合左唔同嘅芝士🧀一食啲芝士就流哂出黎 超誇張🤤加上唔同嘅海鮮同辣肉腸完全係令我想食多幾舊叉叉電🔋_________________________裝修環境：✨✨✨✨服務態度：✨✨✨✨食物質素：✨✨✨✨(5個✨為滿分)價錢：$188________________________…Read More

今日星期日，訓醒係屋企食個light brunch再hea 陣就出去黃大仙拜下神順便行下街。由於今朝個brunch 宜係太少清淡既關係，行到兩點幾就開始有啲肚餓，就係商場搵下有咩下午茶食。由於唔太熟黃大仙，就是但搵左間近近地既pizza hut。我地係門口counter 睇左menu,見到有個迷你pizza加小食餐仲有野飲先係五十幾，都接受到既。點知坐低左之後，個waiter 俾左個內容唔太一樣既menu我地，入面係無迷你pizza加小食加野飲既餐！只係得迷你pizza加飲品餐，仲要價錢無平到！問個waiter點解同門口餐牌啲餐唔一樣既，佢答非所問咁答「只有依家俾你呢個餐牌上既餐提供」，來來去去佢只答呢句答案，好似機械人咁。後尾問返另一個女waitress,個女仔答話面counter 個餐牌係外賣餐牌，所以有啲唔同。個男waiter 一早咁答咪明白晒囉！好喇咁我地兩個人嗌左兩個pizza餐，個pizza 係一個手掌咁大，批亦夠厚，食完都飽既，不過係個面團夠多食飽你，啲pizza 料就好少埋單兩個人食茶餐要143，茶餐來講真係偏貴喇。唔會再來呢度食茶餐。…Read More

最記得食二人餐個次，有兩碗湯，兩材野飲，半隻燒雞，有薯條，一碟飯，最好食莫過於半隻雞，香口又脆，加埋黑椒汁真系冇得輸，不過食多幾啖就好快濟，整體來說都幾好食，都夠飽…Read More

晚餐時間尚早唔多人，環境潔淨，由於祇有我和媽咪兩人，老人家食量少，點了一款限定推廣的星芝批，單點$150普通size，原來都夠食，等了二十分鐘，服務員好快送到桌上。星芝批有兩種口味，揀咗鮮茄羅勒大蝦，個批整到好似手指咁（有18隻），好得意又方便一個個拉出來再點芝士醬，批又夠脆又夠熱，鮮蕃茄酸酸味味配爽蝦同磨菇，口感清新得來又好豐富，想再豐富啲再加少少tobasco ，嘩簡直無得彈。下次會試其他嘢，好似小食拼盤等等。長者堂食贈送飲料一杯𠻹。…Read More

以前不太喜歡芝心批😕因為覺得芝士較淡味而且批太厚,現在新出呢個星型批,邊邊每一顆裡面都有超多芝士以及半條芝士腸,一顆就已經有幾款不同的芝士😍所以芝士鹹香出眾又濃郁!這款是海鮮為主的,主要有蝦、帶子、菠蘿、火腿、腸仔等等,多芝士之餘,又帶有海鮮的甜和菠蘿的酸😯意外地不太膩喔!另一款是以雞肉、水蜜桃、香腸、火腿、辣肉腸等等組成的香烤之星，兩款同是一樣的芝士星星批。不過相較之下，海鮮的味道更為令人驚喜！當然，如果你喜歡吃水蜜桃，甜甜的蜜桃配pizza這配搭應該都會令人愛上的！連Pizza Hut都可以吃到芝士焗龍蝦😍實在太方便了!龍蝦好大隻,來自加拿大的有足550g!龍蝦雖是原隻呈上,但其實早已拆肉,肉一件件的拌勻了白汁蘑菇,吃起來更加方便!芝士脆面更加與龍蝦的爽口是絕配!之前都有吃過Pizza Hut的豬手，這次都有再點！看似很大盤，其實肉不算好多，2人Share都可以。肉真的煮得好軟腍入味，加上蜜糖中和鹹味是完美的！可是跟上次一樣，蜜糖量還是不夠慷慨呢！不知道芝士星星批是不是長做長有呢？如果不是期間限定的話，相信將來我每次到PizzaHut都會叫這個了！…Read More

PIZZA HUT相信好多人都會選擇外賣, 但我自己就幾中意去堂食. 因為覺得PIZZA係要岩岩出爐熱辣辣先最美味. 堂食不算多人, 上次去MK銀城都係可以即入. 今日去的黃大仙分店其實都有位. 但我拎左飛幾分鐘先叫我的号碼. 叫左個精選二人餐, 因為係金會員, 有9折, 另外再送一客每月精選. 4月是凱撒沙律. 加錢叫了龍蝦湯. 其在比餐湯好太多. 濃郁夠味. 又多蝦肉. 加埋酥皮仲好食.跟餐本來就有一個沙律. 加上送的, 共有兩個沙律. 沙律菜都好新鮮, 水份夠. 沙律醬另上的. 味道唔錯微酸有蛋黃味. 雞肉RISOTTO 有點淡. 亦不太似RISOTTO的半生熟口感. 講真仲難食過葡汁雞王飯. 酥皮焗田螺薯蓉. 只可以話酥皮有點多餘. 同田螺唔夾. 薯蓉好SMOOTH, 味道唔錯.PIZZA因為星星形狀, 覺得比圓形批的細. 批邊食唔到芝士味, 比腸仔cover 曬. 配料雖然主要係雞肉同桃, 但因為仲有辣肉腸呀, BACON呀, 火腿呀. 雞味都不太食到. 而整個批感覺就係一個豪華腸仔包. 其實佢地好多BASIC野都好好食, 只係今次叫既全部都唔岩口味. …Read More

星星的魅力有多大？無論是來自星星的你、繼承熱潮的炸雞，還是 Pizza Hut 最新出品的「雙脆星芝批」，都令人無可抗拒，至少在小孩心中如此。話說家附近有間 Pizza Hut 外賣店，囝囝每次行經都表示想吃星星批，終於上週帶他去如了願～黃大仙這間分店地點便利，環境又優美舒適，實在是爸爸收工開餐之選。早段日子兩口子拍拖吃過一次，今次帶同兩兄妹一起去高興一下，感覺更熱鬧了～ 選在半圓馬蹄型沙發坐下後，首先選點一份 兒童餐，給兩兄妹分享。Pizza Hut 的兒童餐十分抵食，又雞翼又菠菜雞肉長通粉（也可選肉醬意粉）又啫哩糖又飲品，份量十足，定價不過$50。單是為美味的雞翼及色彩繽紛的啫哩糖，已經值回票價，再加上兩兄妹愛喝的熱朱古力，非常抵食啦！ 主角「雙脆星芝批」也來了，星星批邊的確很吸引小孩，餡料有香烤之星或海洋之星，我們選了前者，配料包括雞飲、辣肉腸、煙肉、火腿、蜜桃、菠蘿、紅椒，加上蜜糖熱狗美容醬而成，大批盛惠 ($186)。中間餡料肉味香濃，最特別是周邊釀滿 Mozzarella 芝士以及脆皮腸，吃到周邊很有在吃芝士腸仔包的感覺，囝囝非常喜歡，一共吃了三大件；膽小妹妹就有點不習慣，要將 Pizza 解體成為兩部分，才肯享用，哈哈！ 兩口子都是標準芝士迷，同時非常喜歡吃龍蝦，見店內同時推出標榜用上550g加拿大生產的 巴馬臣芝士焗龍蝦，又忍不住點了一整份 ($268)。龍蝦身量果然十足，肉身焗至金黃香口、味道不錯；鉗位亦已細心拆用，放置近蝦頭位置，一起焗香，不過沒有蝦殼保護下，鉗位明顯較乾身，是為小小的不足。另外，兩兄妹見到同上的黃金薯條，馬上發瘋來搶吃；的確粗薯滋味就是不同凡響啊～而其實多款菜式中，最得兩口子歡心的，還是皮香肉嫩又多汁的慢烤德國豬手：豬手慢煮超過 10 小時至口感軟腍多汁、掃上香濃黑椒蜜糖汁，再搭配別具風味的茴香燒汁，不脆口但超入味好吃，連同上的薯泥及配菜也很讚！最後再來一杯曲奇味與咖啡同樣香濃的 曲奇妙趣咖啡，就是飽足美好的一頓！憑Pizza card消費還有折扣；為了好吃的豬手，以及不斷推出的創新Menu，相信不久後又會再來了～…Read More

回憶, 是美好的片段, 您的回憶當中, 可有Pizza Hut? 由中學年代開始, 已經在Pizza Hut吃過不少遍. 來到今天, 帶著下一代來到, 想不到, 跟Pizza Hut的故事, 還能夠繼續下去.雙脆星芝批: 香烤之星 / 海洋之星 來Pizza Hut, 當然要吃Pizza. 今次我們吃的是新品, 雙脆星芝批. 對, 在做廣告的那一款. 薄餅上檯, 賣相就是很多星星包圍著, 星星入面是莫扎里拉芝士跟脆皮腸, 是為芝士香腸雙脆邊. 香濃的莫扎里拉芝士, 加上我最愛的脆皮腸, 很討好. 把其中一部份切開, 反轉看看, 就是Love, 這個emoji, 您喜歡嗎?雙脆星芝批有兩款, 香烤之星跟海洋之星. 一款是肉, 一款是海鮮, 其實餡料也差不多, 亮點反而是蜜糖熱狗美容醬, 就是平日吃熱狗時那款醬汁, 這個配搭, 有新意.巴馬臣芝士焗龍蝦 吃過薄餅, 還有巴馬臣芝士焗龍蝦, 原隻加拿大龍蝦, 550克, 斤両十足, 開邊後一人一大件, 龍蝦肉跟惹味的白汁, 及香濃的巴馬臣芝士同焗, 當然吸引.慢烤德國豬手 至於慢烤德國豬手, 就贏在肉汁夠, 肉嫩, 皮脆, 慢烤, 就是有這個優點. 吃豬手, 已經很飽足, 再加上有水準的薯蓉, 大滿足.熱情果蘆薈冰茶 / 草莓青檸賓治 在Pizza Hut, 除了喝汽水之外, 也可以喝特飲, CEO的是草莓青檸賓治, 我那一杯就是熱情果蘆薈冰茶, 微甜, 清爽.帶著回憶來到Pizza Hut, 雙脆星芝批的Love, 會是我們的新一頁回憶嗎?…Read More

Pizza Hut的薄餅, 可說是陪著大家成長. 超級至尊, 厚批定薄批, 大家一定耳熟能詳. 最近, Pizza Hut推出了全新的雙脆星芝批, 是晚就跟文迪及小晴晴來吃晚餐, 像跟舊朋友聚聚舊.香烤之星: 8分, 雙脆星芝批有兩款, 香烤之星是以肉類為主打, 餡料包括有雞肉, 辣肉腸, 煙肉, 火腿, 蜜桃, 菠蘿, 紅椒, 以及蜜糖熱狗美容醬. 先說說雙脆星芝批, 賣點就是那芝士香腸雙脆邊, 每粒星星, 也內藏莫扎里拉芝士, 以及脆皮腸, 香脆而帶濃郁的芝士味道. 而且看上去更像個心心, 甜蜜嗎? 餡料是挺豐富, 特別在那蜜糖熱狗美容醬, 吃的時候, 有點吃熱狗的影子.海洋之星: 8分, 另外一款雙脆星芝批是海洋之星, 單從名字也知道, 是以海鮮作主打, 餡料包括大蝦, 珍珠帶子, 辣肉腸, 煙肉, 火腿, 菠蘿, 紅椒, 車厘茄, 黑橄欖, 以及蜜糖熱狗美容醬. 其實兩款雙脆星芝批也有星星, 芝士香腸雙脆邊, 選擇那一款也沒有大分別.巴馬臣芝士焗龍蝦: 7.5分, 另外一個新品就是巴馬臣芝士焗龍蝦, 以Magnum Cheesy Lobster為賣點, 用上加拿大龍蝦, 大大隻, 加入了白汁, 以及巴馬臣芝士一同去焗, 味道香濃, 只是稍嫌肉質乾身了點. 加上旁邊的薯條, 以及雜菜, 就當作是點綴吧.慢烤徳國豬手: 8分, 上次來吃過有水準的慢烤徳國豬手, 這次再嚐, 依然令人滿意. 慢烤之下, 肉質自然是嫩滑得多, 帶肉汁, 最怕吃到乾乾的豬手, 這裡的出品, 就沒有這個問題, 加上香滑的薯蓉同吃, 讚.草莓青檸賓治 / 熱情果蘆薈冰茶: 8分, 當然要找點喝的, 草莓青檸賓治, 酸酸甜甜的, 很開胃. 而文迪就選來熱情果蘆薈冰茶.兒童餐: 小晴晴吃的就是兒童餐, 陣容包括菠菜白汁雞肉長通粉, 雞翼, 啫喱糖, 以及飲品, 一客$50, 真的幾抵食.Pizza Hut全新推出的雙脆星芝批, 每粒星星皆是芝士香腸雙脆邊, 挺有特色, 而巴馬臣芝士焗龍蝦就味道香濃, 兩款新品皆值得一試.…Read More

近排愛上了懷舊。想起那些年的pizza hut ，任食1round 沙律bar，能人異仕齊出動，搭個成尺高的沙律塔。。。經典。今晚就去食個必勝客啦。今趟去左黄大仙店，裝修帶點工業風，座位寛敞，今晚人流唔旺，好寧靜。雖然冇沙律吧。但二人餐都唔差喎，一前菜加兩主菜，仲有湯同飲品。可能太耐冇幫襯，個至尊批好似跟以前（遠久遠久前）唔同左。。。（可能係心理作用多些）:(葡國雞飯甜左少少。如果有薯仔，個汁面焗燋香少少就更好。食物保持必勝客一貫口味，非常“必勝客“，談不上好好味或者好差！！服務員，態度有禮。發生少插曲(好似好無聊）：要楜椒，就點都出唔到。唯有扭開樽蓋睇睇。楜椒碎粒大過個窿，咁又點出嚟呢唔知係偶然，定預謀(慳得一蚊得一蚊？）？？？…Read More

今日試左Pizza Hut既新批，感覺係超級多款唔同種類既芝士同埋有金光咖～成件事變到好奢華呀以下係兩份 二人套餐 $286金玉滿堂金粉灑左喺球型芝士上面，非常啱芝士迷因為有七種芝士咁多。食兩件都飽左。薄餅餅底香軟，芝心邊既軟芝士煙韌，香腸都唔錯。海鮮盈滿雖然以海鮮為主題不過海鮮唔係咁多。野菌意大利飯飯煮得有少少爛，同埋味道偏淡，餸都少。周打蜆肉湯忌廉夠香，蜆肉爽口。巴馬火腿凱撒沙律菜幾新鮮，沙律醬好傑身，難撈均落啲菜度。三文魚忌廉意粉白汁煮得幾香，意粉偏軟身但可接受。紅莓夢幻酸酸地，唔會過甜，幾清新。我次次黎都點呢杯～…Read More