Pizza Hut (Moved)

Pizza Hut 今次推出全新既口味🍕襯有半價優惠試下買了pizza、意粉、甜品和飲品，半價pizza真心抵！「必勝叉燒批」🍕餅底有多款選擇，鬆厚批、薄脆批、三藩市式手藝薄批同埋加錢轉芝心批都得，加上惹味嘅叉燒，配搭酸甜多汁既菠蘿，再淋上中式蜜糖叉燒醬，配搭芝士，用料真心無欺場👍🏻👍🏻我點既係鬆厚批🍕，餅底有一定厚度，非常足料👏🏻餅底食起上黎估唔到脆脆地，叉燒既分佈好平均，攞上手唔會太鬆散，入口帶有叉燒的鹹甜，再加上多汁菠蘿🍍同口感豐富既芝士🧀，而且唔會覺得死鹹，有新鮮感👏🏻…Read More

星期六想簡簡單單食個下午茶🗓但好多餐廳都會因週末而調整價格🙈難得搵到間價錢實惠💰而且有品質保證嘅✅接近飢餓邊緣嘅我決定要滿足一下自己😚🥖蒜蓉包（$43）蒜蓉包表面塗上一層薄薄嘅牛油蒜蓉醬👍🏻味道相當突出✨外層鬆脆滋味☄️內裏口感軟熟🙆🏻‍♀️值得推介😺🍝卡邦尼煙肉意粉（$70）☕️熱檸水呢度嘅下午茶選擇種類繁多🤩小食🍟正餐🥘甜品應有盡有🥞今日選擇咗呢款經典菜式🙌🏻意粉軟硬度適中😃醬汁濃郁富蛋香🥚配菜蘑菇🍄煙肉鹹香惹味🥓為意粉增添味道層次😊🍕千島海鮮迷你必勝批（厚批）（$76）🥣飲品轉蘑菇忌廉雞湯 （+$2）💥餐湯配酥皮（+10）忌廉雞湯味道濃郁💋酥皮鬆化香脆🤠飽肚感十足🤰🏻飲完湯店員隨即送上剛焗好嘅熱焫焫Pizza🍕薄餅餡料相當豐富💫有大蝦🦐蟹柳👉🏻青椒🫑紅椒🌶菠蘿等🍍千島醬酸甜開胃💁🏻‍♀️中和咗Pizza嘅油膩感💓個人認為係眾多款薄餅入面最滋味嘅🥳…Read More

必勝客真係無一刻唔多人排隊, 本身條癮一起, 路過見倒2人枱得返3個no.就到, 點知足足等左成個鐘先入得座, 如果一早知道, 真係寧願轉外賣自取.既然入得座, 無理由唔試下新野啦, 新出既松露龍蝦將點芝扭扭批, 淨係睇相見倒個醬, 已經欲罷不能. 每粒邊都可扭出黎醮醬食, 厚重既龍蝦味, 比龍蝦湯更濃味, 而且配搭埋黑松露醬, 多左一分香菇味道, 簡直係值回票價, 原本好驚醮晒D醬有冇得叫職員添加, 不過食到最尾, 剛剛好醮得晒全部芝心邊. 批芯我地就無去醮醬, 因為佢係標榜雜錦海鮮, 所以唔想蓋過個味道, 雖然批芯唔脆, 但芝士再配魚肉, 魷魚等, 份外軟淋.威尼斯迷你批係叫滿某個價錢, 就可以免費贈送, 哩個批襯熱食真係無得彈, 有時都會下午茶時段叫黎試下, 而家仲要送既, 醮埋煉奶食, 簡直分唔清楚佢應該係甜品定主菜, 脆口既批底, 加上面層淡香既拉絲芝士, 完全係主角之流, 但因為太多野食既關係, 最尾留左一半外帶, 但煉奶係帶唔走, 翌日再夾返熱, 就算無煉奶, 都不失其香味, 只係無左份甜味, 芝士既咸味仍然保留.辣味雞翼都係用積分換取既, 簡直係老少咸宜, 每次都會叫黎試, 就算唔食辣既人仕, 都會忍唔住叫辣味黎食.前菜係蜜糖芥末汁薯條同吞拿魚肉腸長通粉, 當然食得以上2個批, 真係食唔晒, 最尾打包埋大半長通粉, 薯條既汁唔算多, 但唔係好食得出個汁既味道, 主力都係醮返茄汁食. 而個通粉都唔錯既, 但比想像中既味道, 多左一份蕃茄既甜味. 果然必勝客最主打都係PIZZA.…Read More

今日是學校考試最後一天，小朋友努力溫書，今日帶他們到Pizza Hut食午飯放鬆吓。我們一行三人都很肚餓，於是叫了兩個Pizza普通批，一客蒜蓉包，一個長通粉，一個焗飯，一個意粉，食得好滿足！特別喜歡芝味香濃茄醬pizza以及烤雞至尊Pizza。兩個Pizza都有勁多拉絲芝士，我們一家都係芝士控，勁鍾意！蒜蓉包勁多牛油同蒜蓉，超好味！香蒜肉絲意粉勁多蒜，小朋友食會覺得有點辣，對我來說就覺惹味。芝士菠菜蘑菇長通粉，有很多菠菜。環境舒適，座位闊落，味道唔會太濃，可以同小朋友再來幫襯。…Read More

媽媽生日指明想食pizza hut最新推出的「點芝扭扭批」，回想起來，我都有一段長時間沒光顧pizza hut了，因為仿間有很多更高質的選擇，要不是媽媽要食，基本上我已把它遺忘。記得第一次食是初中時代，由那時起一直都是它的會員，但近年見證著它由盛轉衰，質素下跌了許多，但願今次生日聚餐可以令人滿意吧！今次主角當然是「點芝扭扭批」啦！另外還單點了一個焗肉醬意粉和加配了一個辣味雞翼拼意式迷你腸。點芝扭扭批 (配松露龍蝦醬)隨薄餅附送的沾醬是個賣點，沾醬有兩款：美式燒烤醬和松露龍蝦醬，但要留意的是，宣傳單張圖片看似一個批會同時免費提供兩款醬料，但實際上，沾醬只能免費選擇一款，如果想同時要兩款醬料要加$10，個人感覺有點「小家」，畢竟薄餅的原有設定就只有兩款沾醬，為何不考慮將另一款沾醬都免費提供呢？這可以讓食客同時享受兩種截然不同的口味。薄餅餡料主要有帆立貝、魷魚、蝦肉、車厘茄、小青瓜和紅洋蔥等，而批底醬料是蒜香白汁。在眾多的餡料中，以帆立貝和魷魚的味道最為突出，但略嫌海鮮比較細碎，而且份量有點少，不夠足料。批底的蒜香白汁較有驚喜，味道不錯，帶有淡淡的蒜香味，只是汁醬份量較少，吃起來會有一點乾。扭扭批邊不會焗得太乾硬，表面撒有類似麵包糠的細碎脆粒，裡面則釀有芝士，軟綿綿的芝士配上微脆的脆粒，吃起來口感外脆內軟，不錯，如果芝士味道可以再濃點就更好了。最後終於來到是次重點 - 松露龍蝦醬。醬汁表面有少量松露醬，由於家人不愛松露醬，所以我可以獨享，那濃濃的松露幽香味道實在討人喜歡；而龍蝦醬則帶有濃濃的龍蝦湯味道，味道甘鮮沒澀味，當批邊沾醬，味道就像喝龍蝦湯配麵包。其實龍蝦醬除了配搭批邊外，塗在薄餅上味道也不錯，龍蝦醬跟海鮮餡料非常夾，帶出與蒜香白汁截然不同的風味之餘，亦彌補批底稍乾的缺點。整體來說，海鮮餡料、蒜香白汁底醬和松露龍蝦沾醬在味道上確是頗佳組合；如果可以足料一點，口感定會更好。焗肉醬意粉意粉有點乾硬，醬汁很少且味道較淡；意粉底部有很多油，整體麻麻。辣味雞翼拼意式迷你腸雞翼帶點微辣，味道不錯，不過雞翼外層不夠乾身和香脆，如果可以稍微烤香一點，口感會更好。迷你腸有點像蜜糖腸的味道，不會太鹹，帶微微甜味，味道不錯，不過外層只是稍微烤過，未有徹底烤香，所以整體一般。威尼斯迷你批現凡購買點芝扭扭批，會贈送一個威尼斯迷你批。批面鋪有芝士，附以煉奶沾醬，吃起來有淡淡的芝士鹹香，亦有煉奶的香甜味道，整體不錯。整體來說，薄餅類比較好食，而小食和意粉類就一般般吧！…Read More

Pizza Hut黎講, 我通常都係食超級至尊同火辣滋味, 但係見倒app入面介紹, PIZZA HUT X 鏞記, 內心非常掙扎, 一向鍾意食片皮鴨既我, 鴨肉都可能要諗下, 今次居然係用鵝肉, 最終都係選擇搏一搏, 點知出奇地有驚喜. 點解會有猶疑既感覺呢, 因為好驚會落得太多片皮鴨個醬汁, 令到個pizza會變左甜味.廚師切到每一塊pizza都有一片鵝肉, 鋪上紅椒同京蔥, 再加少量既醬汁味, 完全呈現返片皮鴨既味道出黎. 再加上近期新出既三藩市式手藝批底, 感覺近似意大利軟包咁, 鬆軟得黎帶點煙韌.辣味雞翼同芝士海鮮焗飯都維持倒水準, 但係個忌廉蘑菇湯, 今次變左仿似無忌廉既清雞湯一樣, 稍為遜色左…Read More

今日約了朋友喺馬鞍山新港城小聚一下，大家少年嘅時候經常去Pizza Hut，所以毫不猶豫地入去食一餐午飯懷念下。內裏裝修整潔衛生，而且枱與枱之間都有段距離，我哋叫了一個飯、一個長通粉及一個Pizza。意式雞皇飯這個飯有超多白汁，雞肉唔削。芝士菠菜蘑菇長通粉撥開啲汁就見到好多菠菜，幾乎三份一碟都係菠菜，有幾粒車厘茄，建議白汁再加多點芝士就會更「芝味」，否則就似白汁多啲。芝味誘惑香濃茄醬薄批 芝士味道的確好濃郁，加埋香濃茄醬，芝士同蕃茄素來都係好拍檔。今次選了薄批底，批底比較「林」，我覺得有點美中不足，建議批底可以香脆一點就好了。…Read More

因為疫情關係，較早之前去咗pizza Hut 買pizza外賣自取，有買一送一優惠，order咗辣肉腸pizza及超級夏威夷pizza，兩個都揀咗厚批。去到等咗20分鐘左右就可以，講真返到屋企過兩個pizza仍然熱辣辣真係好食，咁可能係買一送一關係，pizza面頭上嘅配料明顯少咗，不過總括而言，因為即叫即焗嘅關係， 個pizza真係夠新鮮夠軟熟，口感真係一流。不過等我外賣嗰時要不停咁問住，因為有時啲pizza整好咗擺喺後邊，店員未必第一時間叫客人去攞。…Read More

雞翼拼薯格+朱古力格仔餅$41格仔餅香脆，雞翼有點點蜜糖味，好味😋魚柳拼薯格沙律$48，魚柳熱騰騰咬落香脆可口，薯格份量適中拼小小沙律🥗唔會太油膩；一人份量剛好👌🏻…Read More

今天母親節，於5:30分在網上已訂好餐，顯示於一小時後可自取，當6:15分到店後發現店外已分了三批人在排隊，龍尾排至UNIQLO，6:40分終於排到，店員說我的外賣自取未整好，可在龍頭附近等。當時相信有很多客人都跟我有同樣的疑問，心想為什麼外賣準備好後，店員為什麼不叫號碼？店員亦不利用店外的顯示牌？而店內有大量已準備好的外賣他們不即時分送給外面的客人，而需要客人排隊？情況是排了隊的客人沒外賣取在龍頭聚集不願離開，後面的客人沒法上前取外賣。 在極度混亂的情況下，我在7:15分直接入店內找經理，一問之下發現我的外賣已於6:47分準備好（單據顯示）並放了在收銀櫃後面的檯上，只可以說店員太忙及不會變通吧，希望他們之後會檢討返，好好利用店外的顯示牌，不過我之後都不會再幫襯了，浪費時間，加上食物凍哂.......…Read More

👣Pizza Hut馬鞍山安祿街18號新港城中心3樓3021-3022號舖🍕 Pizza Hut係兒時憧憬既美食，小時候大食會叫佢都覺得貴亦好珍貴，年代變有更多pizza店選擇，忘記左Pizza Hut，心血來潮想食返，原來那份味道已經只能留在昨日懷念......🚩黃金芝士熔岩批2人套餐 $315 加一🔸南瓜藜麥湯呢個湯好好味，南瓜湯加上忌廉，湯打得唔結唔稀剛剛好，加埋藜麥既配搭，口感更豐富唔會膩，而且又好健康👍🔸蜜糖芥末醬煙肉瘋薯條薯條醬汁少，煙肉焗得太乾，薯條焗得脆，如果多d醬其實都好好味🔸拿破崙雞肉煙肉意粉呢個雞肉意粉正正常常，蕃茄味濃，都睇得出係足料既🔸黃金芝士熔岩海鮮LAVA熱重點......失望，見個廣告好吸引，本身好鐘意食芝士批，見到成個pizza底都係芝士真係好心郁郁想試，但一試真係便知龍與鳳，芝士味唔突出，海鮮味又唔突出，唯一係加左意大利醋係pizza上，味道幾特別，但同時蓋過左海鮮味同芝士味😪其實真係好可惜，本身想懷舊一下，但最重點既Pizza以往個份美味失去左，唯一優點係佢無咩人等位，坐得好舒服Pizza美味指數：4/10前菜主菜指數：5/10整體指數：3.5/10 （加了0.5是我對舊日的懷念）…Read More

這個暑假Pizza Hut又推出了不少新菜式，今天試了南瓜藜麥湯、俄羅斯沙律和龍蝦汁藜麥飯。藜麥是最近當紅的健康食品，不少餐廳都用它加入飯中，但甚少用來煮湯。因藜麥本身無味，加入南瓜湯中並沒有影響口味，而且份量不太，所以只是口感略有不同。龍蝦汁海鮮飯係我較喜歡的，粒粒米飯都滲入龍蝦湯汁，摻入藜麥令人感覺更健康。雖然選取的海鮮食材並非上乘，但也不會太失分。…Read More

馬鞍山Pizza Hut 裝修後光鮮左好多，空間感大左。見到環境不錯，於是入左去醫肚。午市套餐都有好多野可以揀，套餐包括意大利菜湯/蘑菇忌廉雞湯或飛魚籽迷你田園沙律+主棻+飲品。主棻有A-K 11款可以揀，非常熱愛食Pizza的我，等不到朋友gathering一齊食大批，決定獨自黎一個迷你批。最後揀左D餐，夏威夷風光迷你必勝批 ($65) ，蘑菇忌廉雞湯同埋熱柚子熱情。Pizza配料份量相宜，味道保持水準。唔好睇佢迷你批細細個，一個人食完都幾飽。值得一提是除了環境舒適外，職員服務態度都很nice。見到餐牌有慢烤德國豬手同埋意式香草烤雞都幾吸引，下次可以同埋朋友仔黎試。最後埋單連加一$71.5…Read More

平日下午茶時間一位等了20分鐘。入到去其實好多枱。一坐下就落單了，點了下午茶餐，等了十五分鐘，詢問待應才知道原來沒有下單，最後差不多等了半小時才送到。食物質素是好的，即叫即焗。可是眼見整間餐廳，很多枱沒有人收拾，待應不專業，似乎大部分都是新請的暑期工，看不到一位較專業的待應。想不到平日下午茶也是這樣，對食市沙漠的馬鞍山真的好失望。…Read More

唔知點解...每次食pizza hut都好似要等半個世紀咁耐先食到咁，唔知大家有無同感呢??但係因為童年既回憶，果一份既親切感，就算明知要等咁耐，你都會間唔中就會想去食下咁，呢啲是咪叫自己攞黎呢。今次我哋叫左個新既批，係「巴馬火腿牛油果火箭菜普通批」，因為我本身好鍾意食巴馬火腿，所以一見到佢有呢個批，就算平時自己只會食至尊厚批都好，都想叫黎食下。不過都無令我失望，佢既巴馬火腿都好夠味，咸香味濃，如果材料方面可以略為多一點點，成個感覺應該會更好的。由於係一個套餐，我哋揀左「意式肉丸意大利粉」，肉丸都很入味，個香濃蕃茄汁醬我都好鐘意，加上意粉既軟硬適中，不過敗在有黑橄欖，令到成碟意粉都有一陣「澀味」，扣左唔少分。另外小食方面，我哋揀左「辣味雞翼配火腿腸」，其實呢兩樣都好穩陣的，辣味雞翼直頭係pizza hut既扣招牌雞翼，都無人唔識，基本上雞翼控既朋友們黎到pizza hut 都一定會叫的。火腿腸更加唔須要多講吧。一紅一白既餐湯分別係「白汁忌廉湯」和「意式雜菜湯」，總括黎講，呢餐飯都滿意的，至少食到我想要既味道。沒有失望既感覺。…Read More