Pizza Hut (Pacifica Mall)

Ordered a pizza and paid online, then went to collect it. When I was there, I waited for quite a long time as a staff insisted I didn’t pay. I showed my email to her, she had no patience to see my record and asked me to line up for payment. Finally, I got my pizza, but the ice cream I ordered on the way from Mcdonald was melt. …Read More

喺屋企冇嘢做 又見肚餓就落街食個下午茶首先 令我好不滿嘅係點解下午茶時間可以淨係得一個侍應明明有其他侍應 但佢地唔會幫手？一個人又岀餐又賣單又落單等到我同婆婆都嬲😠等左大約十分鐘 侍應先得閒幫我地落單未食已經成肚氣！不過Pizza Hut嘅嘢食都有一定水準多士係最好食😋好似茶餐廳嗰啲咁意粉偏冧 唔太好食pizza就大件夾好食下午茶嚟講都抵過其他食店仲要食到飽不過咁樣嘅服務真係唔掂！以後唔會再黎！食茶餐廳算😤…Read More

星期日同一家人去荔枝角Pizza Hut食晚飯，成晚只係換來一肚氣！話說一開始點餐點左兩個Pizza千島海鮮大批，雞至尊細批，來到嘅時候兩個批掉轉咗，唔緊要我哋都冇所謂照食，直至食完晒我哋枱上面嘅嘢之後仲有一個意粉同埋一個spare ribs未到，我哋追單順便再加其他食物。有個四眼高高地嘅男侍應行過嚟同我地講：你哋冇落到order喎！我哋有冇落order我哋好清楚，啲職員竟然自己落少左然後話返俾我哋聽係我哋冇落，呢啲根本就唔係服務態度⋯⋯都仲算⋯⋯我哋照加單，順便叫佢加返個ribs⋯⋯加單嘅食物全部到齊個ribs都係冇到，跟住另一個女侍應行過嚟問我地仲有冇野加，我話我哋仲有個燒骨未到，佢繼續問咁你哋仲有冇野加，我再繼續講我連應該有嘅食物都未到點樣加單，跟住佢反眼幾次，我即時話佢嘅服務態度真係好差，佢話佢冇然後繼續反眼，跟住我叫咗佢經理過嚟，講番頭先成餐飯遇到嘅事，個經理話好抱歉對唔住好抱歉對唔住好抱歉對唔住⋯⋯我話咁你淨係講對唔住冇乜意思，其實你可唔可以幫我跟下D單，同一餐飯兩次落單啲食物都唔齊，咁呢件事到底會係餐廳嘅責任定還是係我哋食客嘅責任呢⋯⋯隔左冇耐經理拎張final單過嚟俾我睇，順便諗住埋單⋯⋯點知佢拎完張單走咗之後佢有冇再拎張單返嚟⋯⋯到底佢係想我哋埋單定係唔想我哋埋單⋯⋯兩個侍應冇禮貌，經理又處理唔到件事⋯⋯食完飯一肚火，有冤無路數！…Read More

窮遊香港-食pizza冇伏之選.今日去左食pizza hut✌🏻見到佢新出左個現製手藝薄餅有三文魚誘惑 同巴馬風情 2隻味鐘意食三文魚既我 梗係揀 三文魚味叫左2人餐 餐牌可以睇圖落單果時 店員話要等15-20分鐘（可見應該係 即叫即整）.味道如何呢？⭐️三文魚誘惑手藝薄餅😋等左15分鐘就到啦 果然冇令我失望👍🏻呢個餅底 唔錯wo 外面有小小脆 入面幾軟似點咖哩果d 薄餅厚小小 再脆d既口感👍🏻表面有好多芝士 蜜糖芥茉醬 甜甜地既味👍🏻好多拉絲芝士 本來可以玩拉絲但店員上菜果時已經好細心咁幫你切好😭冇得玩（不要玩食物）此外仲有蝦 煙三文魚 紅洋蔥整體配合好夾.此外 2人餐仲包埋⭐️蘑菇忌廉雞湯2個入面有唔小肉絲 同蘑菇粒⭐️辣味雞翼拼意式迷你腸唔多辣 雞翼烤得幾香 唔油⭐️大蝦蜆肉焗飯呢個其實係香草茄汁海鮮焗飯香草 茄汁 加上 表面大大粒蝦肉焗飯粒粒分明 同埋有唔小蜆肉.野飲都係茶 啡果d但我叫左百事可樂 ‼️可以問店員免費要多杯.#必勝客 (荔枝角)地址：荔枝角深盛路9號宇晴匯2樓89-90號舖.⭐️評分：味道：4/5環境：4/5服務：4/5抵食：4/5…Read More

間唔中食下連鎖店既食物都唔錯.最近先開始草pizza hut既分，真係可以換到食物，唔似其他得過草字XD.所以lunch用積分叫左個超級夏威夷鬆厚批加一個午餐（葡汁雞焗飯）.午市如叫汽水可免費添飲一次同款.好似間間分店既出品質素都唔一樣，荔枝角呢間就正正常常，起碼每樣野都係熱辣辣先！.************** 環境❤️❤️❤️衛生❤️❤️❤️❤️人手❤️❤️❤️可逗留時間 ❤️❤️❤️❤️食物質素❤️❤️❤️禮貌❤️❤️❤️❤️選擇❤️❤️❤️❤️送菜速度❤️❤️❤️座位數量 ❤️❤️❤️❤️攝影環境❤️❤️❤️.5❤️為滿分…Read More

廢廢的小妹又生病了，咳了一個月也接近放棄治療的狀態。今天是weekend，好像還沒習慣不用回公司工作的舒適感，真奇怪。.下午起床後，外面雨下很大，不用想又和👩🏻來到樓下的Pizza hut🍕吃個午餐。餐牌已經是熟到可以背默的程度。.迷你大蝦飛魚子沙律🥗 - 是超迷你的一人份，配以芝麻沙律醬還Okay，放得有點零零落落。辣味雞翼 - 是必點小食之一，惹味又夠味。怕辣的我卻絲毫嘗不到辣味，這是個好處嗎？迷你至尊必勝批（厚批） - pizza hut的基本🍕，惹味，二人份，是不過不失之選。焗肉醬意粉（牛肉）- umm,, 重🍅和肉醬，有點過鹹。HAHAHA,, 報告完畢。只能說，就是個平民🍕的選擇，喜歡這裡的環境和舒適感，裝潢和服務都很好，只是weekend會有點人手不足的情況。…Read More

備註：顧客出示長者卡堂食任何餐點，均可贈送免費冷/熱飲品一杯 Pizza Hut始源自1958年，當年在美國堪薩斯州的兩兄弟在住所附近一幢細小的店舖開設薄餅店，開始售賣薄餅。雖然薄餅對當時大部份的美國人來說是較新的餐飲文化，但是這對兄弟深信這門生意具發展潛力。PizzaHut在半個世紀後終於成為一個以薄餅、意粉美食享譽國際的品牌，至今除了在本土美國有超逾6,000間分店外，在全球94個國家也設有逾 5,600 間分店。至於Pizza Hut 的名字由來也非常特別，由於當年的始創店外的招牌只足夠排列 9 個位的英文字母，而這間餐廳的外觀又與茅屋相似，所以決定將Pizza餘下的3個空位填上 Hut，以配合這第一間 Pizza Hut 薄餅店舖的外觀 首間香港Pizza Hut在1981年開業，為了入鄉隨俗改了一個很具本地華人特色的中文名字「必勝客」。始創店開設於九龍的尖沙咀中心，至今「必勝客」在香港已擁有76間分店。我今天光顧這家位於荔枝角私人屋苑商場的分店不論在室內設計及裝飾都十分華麗，足可比美大酒店的餐房。加上服務生態度親切，環境整潔，值得一試啊！ 下午茶套餐(包括免費添飲汽水一次或冷熱飲品) 供應時間2:15pm-6pm ▲大蝦煙肉焗薯蓉配蒜蓉包 + 熱奶茶 HK$22 ~ 這份下午茶餐雖然份量不多，但勝在即叫即焗，熱烘烘的上桌，非常好味，價錢也十分經濟抵食 …Read More

食過咁多間 pizza hut都未試過遇到咁離譜嘅事， 約咗幾個朋友7點去食嘢 ，我同另一個朋友到左，但係另外幾個朋友都話要大約20分鐘後先到，於是七點鐘個時我地order咗一份小食先，諗住食住等，只係一份好簡單嘅炸魚薯條 ，基本上都係擺落個炸爐炸完就攞出嚟， 但係居然 過咗 25分鐘 ，遲到嘅朋友仔已經到曬 ，但係份小食都未副，於是就問下個女職員，個女職員聽完呆下呆下，淨係應咗一句：我了解下 ，跟住轉身入廚房 ，出返嚟冇同我哋講發生咩事， 咁我哋就繼續等啦， 喺等緊嘅過程我哋仲叫咗其他嘢食， 過咗十分鐘嚟咗份沙律 ，最後個炸魚薯條係等咗45分鐘先出到黎， 同埋間餐廳明明有好多職員，但係又好似好唔夠人咁，有兩個女職員好得閒間唔中仲有時間傾偈， 食完嘅嘢全部都唔會主動收走啲碟，要我哋舉手叫佢哋嚟先收， 有一個好似高職位小小嘅男職員， 的確係會主動出餐 ，見到客人叫嘢食 會落單，但係態度最差就係佢， 黑口黑面，好似欠咗佢咁， 我哋叫嘢食 佢係完全唔望你，聽完 我哋叫咩嘢食轉身就走， 啲嘢食又出得超慢，唔知想點 ，邊有可能 30分鐘先出到蒜蓉包 ，佢唔好同我講個包係即叫即刻搓粉去焗麵包， 再慢慢將個麵包焗做蒜蓉包， 真係未試過去一間pizza hut啲嘢食係可以出得咁慢，又唔好食 ，又可以成間舖啲職員一係發夢一係態度差 ，返得工著起套制服 ，收得人哋人工就應該用心去做嘢 ，第一次遇到間餐廳好似當啲客全部唔存在咁…Read More

為左試新批~ 步入pizza hut因為純粹為食唔太餓 就單點了 BBQ醬烤雞大批 （$191）🍕來到有驚喜 因為本身唔知道佢已經係芝心批邊😍 芝心滿爆邊 啖啖芝士🧀，本身批邊上面都有烤得脆脆既芝士碎，雙重享受😆😆 當然唔少得批面上既cream cheese, 不過我個人like芝心多d. 全個pizza既配料有雞肉、煙肉、菠蘿、蘑菇、車厘茄、忌廉芝士、燒烤醬BBQ醬同波羅片 酸酸甜甜，好開胃雞肉大大粒 幾嫩滑幾好食~~值得下次試埋海鮮果款唯一就係等左大概40分鐘先出現個批 比相像中耐 但係好新鮮既…Read More

一行六人，大概六點鐘去到唔駛等位，樓面得兩個人做嘢，半個場有人，等佢落單等耐啲都冇所謂啦。叫咗個最新嘅大批同一份芝士龍蝦。仲有幾樣食物。當中個千層麵，唔明點解可以四圍係凍嘅千層麵小小暖！即焗嘅食物點會暖第二離譜嘅係忌廉意大利飯成個都係半暖半凍又唔想叫佢換😰 個廚師沙律當我地鬼遮眼叫錯😹因為真係好難食個芝士龍蝦直頭難食到唔想講D肉焗過龍連鎖店都應該管理下食物嘅質素⚠️⚠️⚠️失望到以後都唔想食！！…Read More

今晚慶中秋 周圍都好多人食飯最後行過Pizza Hut 見到有新批幾岩食 仲有信用咭優惠幾抵 所以叫黎試下叫左個二人餐 食物多到好似4人餐咁😅跟餐有周打蜆湯 鮮茄羅勒大蝦批 （普通批）肉醬意粉 蜆肉焗薯蓉 巴拿馬火腿沙律 仲有跟餐飲品口痕加左個蟹棒薯條😎整體黎講 批底脆蝦份量十足 薯蓉同意粉作為Pizza Hut招牌多年 水準一流 沙律不過不失有時食得多特色店 偶爾幫襯連鎖店都有一番體會😊…Read More

咁下午茶又唔知食乜好，又想食西餐，咁就決定食 這一間。其實佢下午茶時段都唔錯嘅，有時候仲有啲會員優惠，好似今次見到有個買二送一下午茶餐，係幾抵食嘅。咁佢嘅選擇都幾多架，價錢有20幾蚊去到70幾蚊都有，隨自己選擇啦。海鮮芝士焗飯 $62佢都係即叫即焗嘅，咁個飯唔算太大又唔算話太細，都幾多海鮮。一個茶餐都會配一個嘢飲。千島海鮮迷你必勝批 $68細細個都幾好食，我仲加左之心，加10蚊，加左啲芝心正好多。威尼斯迷你批 $42我覺得係我最鍾意食嘅甜品，佢呢即叫即整配埋芝士煉奶，正。奶茶啦，唔使多講啦都係咁。呢個係紅莓夢幻，幾好飲架。買單$150左右，每人$70幾，都OK嘅。…Read More

難得星期日，喺屋企附近搵嘢食，佢心血來潮想食pizza, 黎到了Pizza Hut。嗌左晚餐2人套餐，份量好足，好抵食！頭盤凱撒沙律，雖然份量唔係太多，但係面頭嘅Parma Ham 好新鮮，個dressing 亦撈得好均勻，好惹味餐湯嗌左一紅一白，佢飲嘅蜆湯好好味，好creamy,我嘅菜湯覺得酸左小小餐飲，佢嗌青檸梳打，好有水準，有泰國嘅味道我就嗌左紅莓梳打，哩個味道就麻麻，好似就咁用紅莓jam搆出黎咁，不太好薯蓉焗田縲就食得多，不過配埋酥皮真係第1次食，好香口不特止，面頭仲有焗芝士，加上薯蓉有濃厚嘅忌廉配搭，口感非常特別焗龍蝦汁意粉，唔會太乾，汁嘅用量恰到好處。加左薯蓉賣相好啲，不過5係覺得太襯意粉意粉仲有加粉你帶子同幾舊蝦，味道不錯重點來了試近期新出嘅海洋之星pizza, 好好味，好足料！面頭除左有芝士味外，仲有好濃厚嘅蒜香味！個批邊仲要夾住煎香嘅香腸，麵包亦焗到好脆，無得彈！面頭嘅蝦亦好新鮮，一定要試！…Read More

必勝客 Pizza Hut始源自 1958 年，當時在美國堪薩斯州威奇塔市的兩兄弟在住所附近租了一幢細小的店舖開設一家薄餅店，開始在那裡售賣薄餅。雖然薄餅對當時大部份的美國人來說是較新的餐飲文化，但是這對兄弟深信這門生意具發展潛力。他們萬萬也想不到，Pizza Hut 會在半個世紀後成為一個以薄餅、意粉及各款美食而享譽國際的品牌，至今全美設有逾 6,000 間分店，並在全球 94 個國家設有逾 5,600 間分店。至於Pizza Hut 的名字由來也非常特別，由於當時餐廳外的招牌只足夠排列 9 個位的英文字母，而這間餐廳之外觀與茅屋相似，所以最終決定將Pizza餘下的 3 個空位填上 Hut ，以配合這第一間 Pizza Hut 薄餅店舖的外觀。 首間香港必勝客在1981年開業，始創店就位於九龍尖沙咀中心，至今這家薄餅專門店在香港已擁有78間分店。這家位於荔枝角私人屋苑商場的分店不論在室內設計及裝飾都十分華麗，足可比美大酒店的餐房。加上服務生態度親切，環境整潔，值得一試啊！ (午市套餐) 意大利菜湯/蘑菇忌廉雞湯/迷你飛魚籽田園沙律 (3選1) + 主菜 (10選1) +飲品 (午市套餐) 日式咖哩脆魚魷魚圈飯 HK$68 (配 意大利菜湯及即磨咖啡) …Read More

一行三個人黎食PIZZA~ 其實係2個半~ 哈哈, 因為另一個坐坐就走左~嗌左個$309既星星SET~忌廉雞湯: 飲左好多次, NO COMMENT巴馬火腿凱撒沙律: 有三塊火腿, 菜新鮮~ 酥皮芝士焗田螺: 面頭係薯蓉, 田螺上面舖左酥皮, 分開六份. 個底既薯蓉冇咁結身, 應該溝左忌廉落去大蝦龍蝦汁意粉: 蝦有四隻, 算中SIZE啦~ 龍蝦汁OK既~海洋之星 (海鮮批): 個名好靚~ 批邊入面除左芝士, 仲有腸係入面, 個人覺得好似食緊熱狗~切開6份, 每件都會有隻蝦~ 餡料有: 珍珠帶子、辣肉腸、煙肉、火腿、菠蘿、紅椒、車厘茄、黑橄欖、蜜糖熱狗美容醬. 成個賣相好靚。個批幾特別，可以試下…Read More