Pizza Hut (Closed)

好耐無食Pizza喇, 見電視賣緊既Pizza Hut廣告相當吸引 , 全新口味既芝士七重奏, 好有衝動去試食, 咁僑最近渣打卡有做優惠, 二人套餐只需$268.-, 即刻吹雞去食…嘻嘻!Pizza Hut好爆ga 我地十個人, 打算book 7:30pm食, 提早5日book, 剩係book到旺角呢間咋 !唔知係米太肚餓呢…大家居然 一致揀哂呢個優惠二人套餐5 sets, 食成35重奏喎, 好激呀 !!! 呢個二人套餐包有: 一個Pizza(有三款批任揀)、一個沙律、一個焗薯蓉、一個意粉∕寬條麵∕飯、兩個餐湯(有兩款任揀)、兩杯餐飲等等, 相當豐富 呢!芝士七重奏 : 芝士饀超級rich, 味道濃郁又唔膩, 鬆鬆軟軟拉出絲, 上面果pat cream cheese very creamy, 而個芝士脆脆批邊好香脆鬆化, 略嫌個批薄身左, 下次加錢要厚批先得。蜜桃帆立貝 :) : 加左甜甜既蜜桃, 感覺唔錯几fresh, 但我都係鐘情芝士七重奏。菠蘿煙燻豬肉 :( : d煙肉本身鹹, 加左落個芝士批度變得好鹹唔好食, 呢個批唔得!!!意大利沙律 :) : 沙律蔬果夠新鮮, 加左黑醋之後, 酸酸甜甜, 好醒胃。香蒜芝士白汁蜆肉焗薯蓉 :( : 嘩…完全無哩味道, 淡到無朋友!西西里肉丸意粉 : 肉丸鮮嫩可口, 肉味濃香, d茄醬意粉好入味。卡邦尼雞肉磨菇寬條麵 : 忌廉味夠濃郁, 寬條麵粗身滑溜, 材料豐富, 口感十足。粟米白汁海鮮飯 : 白汁香滑, 好多海鮮, 正!!!磨菇忌廉雞湯 :) : 好香濃幼滑。今餐飽到超出Quota, 下次再去, 唔好揀哂套餐勒 ……Read More

必勝客以前主要銷售Pizza，但近年來PizzaHut也開始走輕食的路線，不但如此，並推出了更多迷你批作套餐。那天心癮起想去Pizza吃個下午茶餐，見到海報，原來這間豉油街的PizzaHut快要結業了，而等候了大概半小時，終於到我們了！正正坐在門口，雖然不太想坐在門口位置，眼見都沒有其他的座位，所以也沒辦法。點了個法式西多士套餐和煙三文魚香草包套餐。套餐還包括一杯飲品，以下午茶的價格 算是合格。法式西多士套餐（$26)感覺比茶餐廳的高級，而價錢是茶餐廳的價格，還以草莓作裝飾而價錢只是茶餐廳的價位，不知道味道如何呢？雖然感覺高尚，裝飾也挺別緻，但味道麻麻，而且有點乾和太油膩。老實說，我覺得茶餐廳的更好味⋯⋯煙三文魚香草包套餐 ($49)麵包的外層被烤過，脆脆的入面有蕃茄，青瓜，三文魚醬(我覺得較像呑拿魚）不過吃得久，麵包的外層太脆，會刮到口，有點太過煎炸。最後結帳10% 服務費，總結$85.8 …Read More

前幾天tea time黎食，用會員積分換左個普通批同海鮮闊條麵，仲嗌左下午茶餐既雞翼薯格花生醬多士同蜜糖芥末薯條。小食都好味好ok，闊條麵不是我的，但男朋友都食晒，唯獨是個pizza，因為兩個人坐二人枱，嗌既食物多，又一次過黎放唔晒，店員話pizza之後上，預左擺一陣都無咁好食，其實到我地清左兩碟，店員都無留意我地可以上得pizza，要我地嗌先上，都唔expect有燈曬住keep住溫度，但個pizza應該真係擺埋一二邊吹風再拎出黎，黎到係全凍既其實當時唔算多客，有一位客人坐四人枱，order一份tea，但我兩位order咁多就要食凍既，難道因為係積分換，免費的，所以就得到咁既待遇？？極度失望:(…Read More

我挑選了1個渣打優惠餐，柯打了磨菇忌廉湯味道合格外表平平無奇，之後來了客沙拉，淡而無味，像吃克力架一樣意粉終於到了，賣相吸引，很可惜煙三文魚西蘭花白汁意粉 同全部白烚一樣意粉有煮好的西蘭花水味，粟米沒什麼味道，重點來了，煙三文魚竟是半生熟，而那種感覺就像熟既三文魚柳一樣只是很鹹，上面還加了芝士粉去掩飾熟左既事實!新年菠蘿巴馬火腿薄餅到了，本來認為應該終於有好吃既東西到肚裏，整個薄餅都很鹹，完全掩蓋了他們所表達的多重芝士味道整個都是重口味，中間有舊白色的芝士外熱可惜裏面是冷的，這個批最有特色是菠蘿，菠蘿是批發商供應，所以好吃，整個餐完全失望，我寧可浪費金錢也不想影響舌頭，不想吃完去買幾公升水解渴，這一餐完完全全浪費我時間!絕對沒意思再來!繁華既旺角2層既食肆，虛耗了時間，浪費了金錢，我寧可去女人街吃些特色餐廳都還比大集團好!…Read More

同朋友喺MK做完嘢後決定食埋飯先走，不過林林種種一時之間真係諗唔到食乜好，最後個個好似好耐無食過Pizza，就去Pizza Hut回味吓。電視近來大賣「芝脆堡壘批」廣告，難得嚟一次又唔想諗食咩，所以就直接叫咗「芝脆堡壘批4人套餐」。套餐有四杯餐飲，可以選平時咖啡、奶茶，都可以選擇無限添飲嘅汽水。餐湯都係基本嘅「紅湯」意大利菜湯同「白湯」蘑菇忌廉雞2款，不過味道相當一般，而且唔算熱:(。煙三文魚凱撒沙律 ，份量不多不少四個人剛好，煙三文魚味道唔錯，配上蔬菜同法式硬飽條口感豐富清新。酥脆蝴蝶蝦 ，睇落幾靚，但味道好一般，無咩蝦味，只FEEL好炸野嘢嘅脆感同熱氣:(。秘製雞槌 ，味道香口惹味，帶少少辣，比炸蝦好得多！大蝦帆立貝芝脆堡壘大批 ，皮厚料少，雖然係特別出品，但味道真係好一般，只在份量取勝。意式鮮蝦蜆肉焗飯 ，極酸！而且有生米，完全入唔到口啊！雞肉煙肉意粉配拿破崙汁 ，見到拿破崙汁以為唔會出事，點知都係撞咗，兩碟主食都係茄汁，酸到喊出嚟！太耐無食，始終都係覺得意粉屋好得多，Pizza Hut？都係Party時叫外賣算。…Read More

某日同2個朋友出去旺角行街，由於成日出街都食米線，所以大家都擰晒頭唔想晚餐食米線...行下望下，最終既晚餐落腳點就係Pizza Hut啦...雖然都幾多人係道等位，但係我地都只係等左一陣，係夜晚黎講算唔錯啦:)是晚由朋友作主食d咩，食咩無所謂，我既唯一要求就係個批一定要食厚批等左都算幾耐，不過要食好野梗係要等下啦...食Pizza Hut我只食厚批，其他批底我都唔鐘意，因為新鮮熱辣既厚批批邊外表脆卜卜，內裹軟綿綿個種感覺真係食極都唔厭！呢個腸仔其實無咩特別，算係普通既脆皮腸加茄汁，不過酸酸地幾開胃！最失望就係呢個小食，薯條好正常普普通通，但係個雞柳就好乾身，好難吞落去...不過整體黎講都算滿意啦…Read More

因為工作和住的附近都好少有Pizza Hut 難得在旺角有事情要做，又有4個人就一起去吃了！最近廣告經常賣的「芝脆堡壘批」，當然是首選想吃 所以我們點了 - 「芝脆堡壘批4人套餐」。首先餐飲有4杯，如果是汽水的話可以免費無限次添飲 ^^然後餐湯有2款可以揀 - 意大利菜湯 / 蘑菇忌廉雞湯 湯一點也不熱.. =   =|| 所以味道還是差了點吧。接著來的就是餐Set好的 - 煙三文魚凱撒沙律 :)份量不多不少，4人分的話還算剛剛好。秘製雞槌其實味道不錯~雞肉也很滑 ^U^但只有6件...怎分也不公平/口\！！酥脆蝴蝶蝦 <~ 這款除了好油好熱氣的感覺外，就沒特別了。飯/意粉是三選二 但很失策地點了兩款都是紅的...很酸Orz(意式鮮蝦蜆肉焗飯) (雞肉煙肉意粉配拿破崙汁)這套餐最重要的當然是 - 「大蝦帆立貝芝脆堡壘大批」重點的Pizza 料會不太多，這是預料之內。不過沒想到味道也只屬試過一次就好的貨色。就是很普通的Pizza吧！ …Read More

都已經唔知幾耐無黎過pizza hut食野喇, 因為坊間多左好多pizza店, 都做得出色過佢好多某天見到團購, 見到佢個牛肉煱好似幾吸引就買左喇當日無預約, 唔知係咪因為黃金週既關係, 九點去到都依然好full下, 被安排左係2樓角落頭位到坐後面枱有2位小朋友係到追逐又叫囂, 雖然職員好忙碌但都好好咁幫我安排轉位著灰色衫既職員(我估係經理)帶我去另一個位話有d迫, 不過我都無理咁多, 總之聽到有位就即刻拎埋d野行啦點知行到去另一個職員姐姐好好人咁話有窗口位問我地坐唔坐, 梗係坐啦忌廉湯: 細個好鍾意飲呢到既湯, 因為好濃又好creamy; 可謂而家d水準真係差左好多, 好稀凱撒沙律: 蔬菜新鮮, taste fair香蒜芝士白汁焗薯蓉: 賣相好吸引, 個邊焗到金黃色, 脆脆地。味道都唔錯, 只可惜d蜆肉選材有d差…波爾多牛肉煱: 等左咁耐主角終於都出場喇; 個煱幾得意喎, 再加上個木匙係到搞搞下, 友人話加上煱個顏色好似巫師係到煮毒藥, 哈哈因為個火實在太太太細, 我地等左好耐好耐, 個煱都仲係未熱…只係有得睇無得食, 救命我地跟住職員既教法, 落左d配菜之後先再落飯同芝士芝士溶係d飯到再加埋d汁的確唔錯, 不過佢d飯真係太過泠了, 煮左好耐都仲係一舊舊佢d牛肉都好林, 啖啖肉汁加醬汁, 不錯其實呢個牛肉煱既概念都真係幾好, 只不過個火真係太細, 等左好耐都未有得食就算我地食個時都只係微熱, 如果改變埋呢一點呢都ok既…Read More

其實黎得Pizza Hut食我就唔預有d咩高期望。只係對服務咁差有d surprise。同朋友N係MK行到攰, 就趁6點幾未洗等位時黎食。朋友N係VIP, 所以有折。6點幾其實都已經開始多人, 位同位之間好近, 其實都幾迫。兩個人叫左一個大批食。個Pizza本身冇咩野, 加左芝心, 幾惹味。但對於一個千島海鮮Pizza上而紅椒同青椒比海鮮多10倍我好有意見。加上服務員 (包括樓下接待既職員) 都傾向中意用walkie傾計多過招呼客人,叫個waiter 埋計叫左成4, 5分鐘先有人應既情況之下, 我唔想再黎。…Read More

突然想食Pizza就近是但揾間Pizza Hut明明二樓有位唔明點解仲要在樓下等咁耐算 唔好破壞心情上到去即刻叫餐因為系三個人所以叫做個二至三人套餐剛剛好兩個白湯略嫌有點鹹味道越來越重了跟餐指定小食有半價所以多叫兩樣小食芝士薯條出奇地好好味薯條炸到剛剛好再加芝士兩者配搭新鮮而又口感豐富 雞槌都好好味雞肉比較嫩滑有醃過所以好入味唯一的負評呢一堆系肉醬意粉你冇睇錯味道就好似我買錯番茄醬之後撈意粉果時加咗一大杯水咁味道真系好怪量系明顯少咗真系好難食早知就要焗飯落單時唔記得轉薄批所以來咗個厚批呢個系錦繡至尊普通批食咗啖發現厚薄批的選擇系唔會影響味道比較驚喜先前試過的冇咁好食材料都好足肉腸切薄片再去烤薄脆之餘帶有少許鹹味總括而言 呢餐真系唔錯好驚喜Pizza Hut都有翻啲水準…Read More

雖然覺得近年pizza hut 的質素不斷下降，但一想食pizza都只係諗起食pizza hut，說真的，味道點都唔會難食，不過個批好似縮左水，芝心批的芝心亦少了，感覺都係咬到個餅多個啲芝士，令人覺得魅力已減，意粉同個飯都唔錯。環境都坐得舒服，適合我地依類放工想舒服食下飯嘅人，衛生呢，未入過廚房都唔知咩事，不過感覺上用餐地方都係乾淨。希望可以再改善下食物質素啦。…Read More

Happy Friday~友人想食pizza, 於是搵位~我就想試下佢個新款PIZZA食落, 原來係一粒粒的蝦丸....UM...味道都OK既, 不過就無咩特別, 除非你好鍾意食蝦丸...叫了兩個跟PIZZA既優惠小食~分別係芝士薯條與烤雞沙律芝士薯條油左D, 味道很好呢個話係烤雞沙律....但個雞係無烤過既痕跡, 食落亦唔香口不過勝在係優惠價, 而且都幾大碟因為三個人, 驚唔夠食, 所以叫多左碟意粉呢個係松露長通粉~!惹味~!!食左好多~…Read More

情人節當晚，度度都要等位，pizza hut叫做唔算等得耐，是關係等位飛上面印著限坐一小時。當然，派飛員工是沒有提醒顧客的。如果一家大細，有老有嫩就不要吃了，否則會像鄰座的客人，還沒吃完就硬要埋單。講返自己食個餐先，這晚要左個set dinner，唔使諗咁多吖嘛。餐湯，忌廉蘑菇湯，落單後約十分鐘到，好濃好creamy，唔錯。餐飲要了coke同cream soda。焗肉醬意粉，離餐湯約十分鐘後到。好熱，意粉亦夠硬身。但肉醬偏酸同出水，麻麻地。海陸厚肶，有腸，肉粒，人做蟹柳為配料。味道唔錯，甜甜地嘅蟹柳令芝士無咁膩。但係食完個意粉後成廿分鐘先到囉，食第二塊已經要埋單。諗食咩，揾人落單都已經用左十分鐘…等食，每一樣都要等，得一個鐘真係超趕，佢個pizza又遲遲唔到。單都未埋已經叫定客係走廊等位…同我地差唔多時間埋單嘅隔離枱同侍應講話佢地個甜品未到，個侍應仲話返佢地話有落甜品咩，客話個餐有…見到位侍應黑哂面入去問前枱，最後上左甜品，不過等位嘅人望住食啫。…Read More

今晚倆口子係旺角搵野食,先生話想試新意粉,於是就去PIZZAHUT 食,呢間都來過幾次堂食服務都算不錯,環境就一般,座位都幾迫,而且比較嘈吵,可能多人食既關係二人叫咗一個千島海鮮厚批&蕃茄醬海鮮意粉蕃茄醬海鮮意粉 >> 份量同海鮮料比較少,但幾好味,不過唔夠熱,只係微暖千島海鮮厚批 >> keep 到水準,味道不錯,由於即塲食,所以脆卜卜,好香口,正!…Read More

不久前在九龍灣Pizzahut吃午飯，記得那時還有lunch set的餐牌，可是這次來到旺角鬧市這家Pizzahut，店員遞上餐牌卻欠奉。找來服務生問個明白，給予的答覆竟是「等我問問先」。這樣的答覆讓人覺得這個優惠似是新推出，而店員不清楚有關的promotion。事實是，這個優惠已推出至少有一年之多，上年暑假我還在黃埔吃過呢！起初大概以為這服務生是新來的，對優惠條款不太清楚。怎料點餐時，鄰枱的客人卻走過詢問我手拿著的餐牌是怎麼一回事！這難道是餐廳的一種握銷手法嗎? 單點的話價錢可差得遠了！午市套餐點了葡國雞飯，附送蒜蓉飽兩件及無限添飲的汽水。送上的蒜蓉飽有蒜香味，可是卻一點也不熱，有失水準。葡國雞飯是熱騰騰的，葡汁滿溢，完全蓋過了飯。雞肉多是切成薄片，數量也不少，而且嫩滑，水準不過不失。也試了友人的至尊厚批pizza，即叫即焗，特別脆口。優惠午餐推出的迷你批，一批四小件，正合二人享用。要是沒有爭取那個優惠餐牌，大概不單會浪費金錢，也會浪費食物！…Read More