Pizza Hut (Closed)

#eatgood_九龍灣⭐️必勝批買一送一優惠
Pizza Hut 由即日起至7月3日，連續4星期推出單點Pizza買一送一優惠，有足足11 款必勝批任揀，最平＄108 就有兩個普通批！全線分店堂食及外賣自取都適用㗎～而除咗全新爆脆批、手工酸種薄批、鬆厚批外，仲可以優惠價升級芝心批或芝脆批！⭐️17款指定歐陸精選、特色小食、湯及甜品限時半價‼️ 仲可以同必勝批買一送一優惠同時使用🤯次次都叫嘅「原味/辣味雞翼」、「蒜蓉包」加配優惠只係$30，仲有最愛嘅「蘑菇忌廉湯」折後每客都只係$12～想再豐富啲，仲可以用$72加配埋「星級醬燒豬仔骨（半份）拼脆薯角」添！*可享加配優惠最多3次。加配優惠均為折實價。⭐️Pizza買一送一優惠⭐️夏威夷風光大批 $171 +$25 (升級芝脆批) 酸甜菠蘿火腿同茄醬，好開胃，芝脆批又脆又有芝心，真係芝士控必食，一定要升級！瑪格麗特大批 「瑪格麗特」係新鮮羅勒絲+莫札里拉芝士+車厘茄同香濃茄醬，經典味道！[加配] 星級醬燒豬仔骨（半份）拼脆薯角 +$72酸甜惹味，肉質又夠軟腍，脆卜卜薯角份量仲好多！[加配] 蒜蓉包 +$30香脆又香口，好重蒜味！[加配] 蘑菇忌廉雞湯 一客 +$12經典嘅味道，由細飲到大🫶🏻推薦指數: 8/10勁抵食，兩個批要4-6個人先KO到🤣呢個優惠真係好抵！啱晒一家大細聚會同開party😝快啲用 Pizza Hut 手機應用程式或網站或分店自行落單啦！📍必勝客 (九龍灣)九龍灣牛頭角道77號淘大商場2期1樓F173-187號舖@pizzahut.hk#PizzaHutHK #買一送一 #必勝批 #薄餅 #加配小食 #低至半價 #芝心批 #芝脆批 #期間限定 #優惠…Read More

今次我地去試食Pizza Hut 新Pizza——明太子鮑魚脆批二人餐。Pizza 上面有有青瓜、番茄、鮑魚、芝士、木魚。鮑魚有6粒，都唔算細隻喎！配明太子醬食，我地覺得幾夾，但係都有幾個失望位——落單嘅時候，見描述寫「啖啖都係明太子」。但其實個pizza只係有6小篤。另外，脆餅底係今次嘅賣點之一，但其實配搭食物之後，脆感其實真係唔明顯，係最邊邊嘅部份先保留到少少。…Read More

成間舖頭既員工都好似活喺自己世界入面咁入座後多枱舉手落單，但所有員工都係望到都冇反應，照活喺自己世界，執枱既執枱，有位員工更加離譜，顧住執餐具斟水都唔理客人，多枱客人行出位親自走到員工旁要求落單，但被告知要使用QR Code落單，但多枱客人枱面都冇QR Code。員工先逐枱印返QR Code。落單後，野飲前後問咗3次，等到全部野食食哂，員工都冇跟進，依舊活喺自己世界。呢間pizza hut真係我人生最差既體驗，仲好意思收加一服務費，零服務可言。…Read More

約咗一行七人去迪欣湖野餐，諗緊叫乜嘢食，最容易最方便就係叫Pizza Hut啦，我哋今次叫咗大批孖寶299 ，分別叫咗千島海鮮芝心批大批同埋藍芝士蘋果手藝大批，千島海鮮一向都係我嘅First Voice，不過通常呢個批如果叫平價個d二人餐三人餐,叫千島海鮮芝心批都要加錢，但係呢個299嘅大批孖寶就唔需要加錢，超級抵，另外呢個藍芝士蘋果手藝大批就係我屋企人非常之鍾意食嘅怪味pizza，呢個Pizza我覺得質素有啲參差，有時好鹹，有時嗰手藝大批又好硬，不過Anyway都係一個好好嘅選擇…Read More

中秋佳節，一家人外出行街及外出用餐，街上人來人往，人山人海，熱鬧非常。到了晚餐時間，所有餐廳都充斥着人龍，最後還是選擇想食的。🍕至尊海鮮薄餅Pizza底軟熟唔硬，餡料豐富，好味😋。🍕芝士包麵包軟熟，配上練奶一齊食，味道更好。🍕蒜蓉包麵包鬆軟，但蒜蓉味唔大。🍕辣雞翼，薯蓉辣雞翼味道juicy，少少辣味唔會過味，薯蓉發揮正常。🍕肉醬千層闊麵好味道，千闊麵吸收了肉醬的精華，好入味，有驚喜。🍕西班牙海鮮炒飯意外地差，無味道。🍕忌廉湯正常水準。間中外出吃飯感受下節日都唔錯。…Read More

今個月老公生日，Pizza Hut又有優惠券，就同大少小妹去食佢哋最愛之一嘅Pizza.呢間Pizza Hut面積都幾大，有好多卡座，景觀又開陽，坐得幾舒服。今次要特別介紹嘅係生日pizza，大少又當自己生日，開心影相打卡。拔呼地必勝批呢個批真係好驚喜，窩夫響面外脆內軟，有的曲奇碎響窩夫面，下面個批又脆，有蜜桃、士多啤梨，重有d蜜糖，甜甜地，又唔係太甜！我哋一家都鍾意食😁香蒜肉絲意粉意粉彈牙，重蒜味，配埋肉絲、蘿蔔絲、洋蔥、青豆炒，個味好夾，一向鍾意食。芝士蕃茄腸仔飯個飯好多腸仔，大少好鍾意，蕃茄同芝士焗，確係好味。但如果係炒飯底就更好。忌廉蘑菇雞肉湯忌廉香滑，雞肉同蘑菇都唔少，熱辣辣飲，好暖胃。…Read More

早排成日見到pizza hut嘅廣告promote 佢隻新產品-Dip脆批，今日經過一於試吓當下午茶。我揀咗意式辣肉腸口味，上碟有兩件手掌大細嘅薄批，外皮焗得好酥脆，有少少焦香，中間夾住一片片辣肉腸同濃濃嘅芝士, 咬落熱辣辣仲有拉絲效果，點埋跟批附上嘅牧場沙律醬, 口感層次豐富。睇落件批薄薄哋唔算好大件，但係食完都真係滯滯哋，好在跟碟有幾塊沙律菜同兩片蕃茄，可以解一解膩。整體唔係話好有驚喜，不過味道都唔錯。如果平時食厭咗pizza，可以試吓。…Read More

琴晚9點鐘行到陶大諗住食晚餐，收銀冇人，有個侍應上緊菜就冇叫佢，另外一個侍應收緊餐牌，咁我哋好有禮貌話，五該，兩位，收餐牌侍應望一望我哋，然後轉頭繼續收餐牌，我諗住佢忙啦，就問可唔可以坐低？收餐牌侍應再望一下我哋，又唔彩我哋，跟住有個侍應行咗出來，我再問，仲有冇得食，佢話截咗單，咁我就火來了，收餐牌個侍應咩態度阿，講聲截咗單有幾難阿？今時今日香港服務態度就係呢d人搞衰咗…Read More

食物質素下降！！到後來平均要等半個鐘！！問返先知原來唔記得上甜品！！白白等半個鐘！店員又冇主動問有冇需要！一餐食兩個鐘！浪費時間不但至浪費金錢！等都等到肚餓！！差！…Read More

中午去食，人流不算太多，有卡位，環境舒適😎意式風情厚批批底口感不錯，外脆內軟，芝士味足夠🥰香蒜肉絲意粉蒜香味夠，意粉焗後不太乾👍脆薯角焗時間不足，外皮不夠乾身😅原味雞翼肉質柔軟，多汁，夠味👍 …Read More

中學畢業唔需要再嚟補習就好耐冇去淘大咁岩係呢邊睇完戲就食埋個晚餐 簡簡單單就揀左Pizza Hut(都好耐冇食)咁岩見有新批就同朋友2個人試吓啦2人餐既份量都岩岩好但有一道菜就揀左香烤芥末椰菜花，諗住食下蔬菜點知嚟到個賣相已經麻麻，食落口陣味好怪好怪 有芥末味既 但又5知點解要落胡椒 搞到啲味奇怪 食落去仲苦苦地 想問下你地公司出呢道菜之前有冇試食過🌚🌚🌚-新批就好好食 叫左海鮮嗰款 Size岩岩好夠2個人食 醬汁都好好味-另外有一樣野就係9點就截數同要人埋單，咁都冇野但去到9:26分有職嚇行過嚟同我地同埋其他食客講餐廳收9:30但其實仲有少少嘢食未食完 搞到最後好狼狽其實點解你9:30收工 你要人埋單嗰時唔同埋客人講埋同埋你地位同事表面上好有禮貌同客人交代聲 但你聽完係唔舒服 個態度其實係麻麻地我都做過Part time 阻人收工係好衰但你咁遲先同客人講會唔會太遲平日收咁早都明白 但可以早啲交代清楚其他枱既客人都仲飲緊杯嘢完…Read More

【Pizza Hut 藍芝士蘋果】話說有日係屋企好肚餓 好想食pizza🍕就叫左pizzahut 見到有個新款pizza 叫藍芝士蘋果🍎 馬上果斷落單～*藍芝士🧀️蘋果🍎pizza $164一打開 就聞到好濃郁嘅芝士味 我鍾意食厚批 叫左芝厚批 蘋果切成片鋪排係上面 有淡淡蘋果嘅清香 咬落一啖 哇 係拉絲嘅芝士！！！平時都怕食芝士會好濟 但今次有蘋果嘅出現 中和翻 味道岩岩好 令人愛不釋手 大力推薦👍🏻🤤評分味道：⭐️⭐️⭐️⭐️抵食：⭐️⭐️⭐️地址：必勝客 (九龍灣)九龍灣牛頭角道77號淘大商場二期1樓173-187號舖 …Read More

中秋節難得一家人出去食，諗住食好小小去Pizza Hut,當時門口已經好多人等外賣。入到餐廳無任何職員理會，因為職員都忙於處理外賣訂單，咁就揮手叫職員開張QR Code 比我自己落單，之後一家人好開心繼續吹水。轉眼半個鐘過左，正常大家都會問下職員係咪系統出問題或者漏咗單啦，職員過到來我就問佢啦，佢用一個好無問題既語氣同我講"落單後最少要等一個鐘先有野食wo,同事無同你講咩"(個刻我呆咗）。之後職員就比其他食客叫去追單，睇來唔止我個枱係咁。但我見到廚房係不停出外賣。我個人比較八卦就問下隔籬枱等咗幾耐，原來佢地都等左一小時十五分鐘。我只係叫左一個套餐加一個小走拼盤，你最少都比左個湯同幾杯野飲我先啦，因為正常都係早就準備好既野，最終等左四十五分鐘先來左湯同飲品。其他食物差唔多個半鐘先到，除左Pizza 味道正常以外，其他真係難食同入唔到口。最後走既時候安心出行顯示逗留時間大約兩個鐘,即係大約個半鐘係等食物，得半個鐘係真係食野。中間有食客叫過職員跟下啲食物，過左陣個客再問個職員幾時先有野食，個職員夠膽同佢講你都無同我講追咩野食我點同你跟。所以大家無咩野都係唔好食佢好啲，可能叫外賣仲快小小。…Read More

原本好想食pizza，但嚟到Pizza Hut又掛住佢嘅香蒜肉絲意粉，最終都係意粉勝出午市套餐：香蒜肉絲意粉 $49包餐湯及餐飲咁嘅價錢我係覺得好抵食，而且肉絲意粉冇以前咁乾，又有好香嘅蒜蓉味但份量好少，食咗一兩個鐘又開始肚餓了…Read More

食左個普通芝心批，無乜特別。另外有個龍蝦汁意大利飯，龍蝦味好濃，又唔太過多汁，水準OK 嘅， 但賣相就個擺盤好似大排檔嘅炒飯咁。但最有趣嘅係個甜品，隱藏左大量鹹味花生醬。。。 what?? menu 都無寫有花生醬，即刻唔開心左，又鹹又甜，完全錯曬。。。。其間仲有D 小飛飛， 飛黎飛去贈興:(…Read More