心滿意粥

Open Now

Now Closed

餐廳：心滿意粥地點：西環堅尼地城菜式：粥店餐牌：即熱粥品、生滾粥品、腸粉、油器、特色小食、飲品，都有生滾三餸湯飯。瑤柱滑雞粥 $42生滾粥大大碗，粥煮得好綿，係專業粥鋪應有水準，正！連皮連骨滑雞有四件，有雞脾，雞胸同雞翼位，雞有雞味。瑤柱好滑又帶鹹香，份量有好幾粒。粥面加上花生粒同蔥花，粥入面都食到蔥段。加鮮牛肉 $8鮮牛肉份量好幾塊，夠厚切有口感，牛味都唔錯。加魚片 $6 魚片薄片唔大塊，味道鮮甜，好少骨，伴有薑絲。美味鮮蝦腸 $23美味鮮蝦腸一客三大條，每條切開兩半方便食用。腸粉滑溜，每條有兩隻爽脆大蝦，如果加埋韭黃就完美啦。豉油甜甜地，夠嗮調味。叉燒腸粉 $21叉燒腸粉都係一客三大條，每條切開多段，叉燒碎份量都唔少。蛋黃鹹肉粽 $23蛋黃鹹肉粽大大隻，熱辣辣上枱，果然足料，有綠豆，蛋黃同肥肉。我叫左走糖同豉油。都好好味！上湯油菜 $21上湯油菜我揀左生菜，都可以揀菜心。份量大大碗，清湯好健康，味道帶微微鹹香，夠味。雪碧，無糖可樂 各$7汽水夠凍。今餐食物都唔錯，食完感覺好健康，唔口渴。

今日經過堅尼地城見到呢間街坊粥店，突然想食暖胃既野，於是入去試下。今日試嘅幾款都幾滿意～生菜鯪魚球粥（另+皮蛋） 粥底綿密濃稠，鯪魚球手工打製，仲食到粒粒蝦米，好特別且鮮彈紮實，加上皮蛋同爽脆生菜，食完一碗好飽肚！ 美味鮮蝦腸 腸粉薄透滑溜，蝦仁大隻爽甜，豉油唔會太鹹，簡單好味。蛋黃鹹肉粽 糯米軟糯鹹香，蛋黃油潤起沙，豬肉入味化開，阿嫲的味道完美升級！ 上湯菜心 菜心嫩綠冇渣，上湯清甜，唔會油膩，配粥一流熱豆漿 豆香味濃，口感順滑，甜度適中，飲得出係每日新鮮製後生一代接手老店，保持到傳統味道之餘，用料同製作都用心，整體價親民，會再回頭支持～

今日想健康啲清下腸胃，所以走咗去食粥。免治牛肉腸外皮幼滑，內餡滑嫩多汁，咬下去時有彈性，豉油唔會太多，好健康。手打肉丸粥粥的口感滑順，肉丸緊實而彈牙，清腸胃之選。而且份量都幾多，性價比唔錯！鴛鴦米麵一次過食到銀芽炒麵加銀芽炒米，兩者一啲都唔油膩，好啱我胃口。油炸鬼油炸鬼外酥脆內軟，咬下時有明顯的層次感，比起市面的油炸鬼冇咁油膩。白糖糕口感柔軟綿密，帶有彈性，甜而不膩，出色！豆漿豆香濃郁，超級少糖，正！

今日經過西環堅尼地城「心滿意粥」，見這間粥舖光光猛猛，有梳化的卡座位，環境舒適衛生，價格實惠，加上想食得健康清淡啲，入去試試。生滾魚片粥+豬潤：即叫即煮，粥底綿滑有米香，魚片鮮甜嫩滑，豬潤入口滑嫩，富含豐富鐵質蛋白質，粥底亦加入蔥花、薑絲、炒花生等調味，味道鮮甜美味，滋陰潤肺、健脾養胃。油條：油條炸至金黃酥脆香口，店家已貼心剪成小條，油條兩吃，一吃：就咁食香脆可口，二吃：放入粥內，吸滿充滿米香粥水，有點軟綿，又有少少酥脆，食粥必備配料。美叶鮮蝦腸：軟滑煙韌的腸粉，包住新鮮彈牙鮮蝦，加上甜甜的豉油，皮薄餡靚，十分美味。凍豆漿：豆味香濃，清凉微甜，解渴降火，健康富有豐富蛋白質。「心滿意粥」還推出夏日限定的冬瓜粒湯飯，消暑解渴又清爽健康，還有富高蛋白質的肌蛋粥。咁健康，唔怪之得咁多街坊幫襯，食完還外賣一份返屋企啦。心滿意粥 (西環)西環堅尼地城卑路乍街102-114號聯友新樓地下A號舖#西環堅尼地城 #心滿意粥（西環）#西環美食 #生滾魚片粥 #美叶鮮蝦腸

今日専程坐車嚟呢間位於堅尼地城既心滿意粥食早餐，早餐時段都差不多有一半枱坐滿食客。揾到個卡位坐低，望一望個餐牌，跟住就點了艇仔粥同埋鮮牛肉腸。一陣两樣野就嚟到，試一啖粥，足料，有少少味道，清清地都ok。佢呢個鮮牛肉腸係我食咁多間粥店中最好食既牛肉腸，這個不是碎牛腸，係一片片既鮮牛腸，本身牛肉醃過，再加上豉油，夾上嚟唔散，又夠滑，我十分之喜愛。口味：🥚🥚🥚🥚环境：🥚🥚🥚🥚服务：🥚🥚🥚🥚性价比：🥚🥚🥚

夏日炎炎都有鋪食粥癮🤣食完心滿意粥真係會心滿意足架～本身鍾意食粥企好怕個環境太暗太迫同地下痴笠笠嘅鋪頭，呢度係完全相反，感覺好乾淨簡潔，仲好年輕有活力果種感覺😉極力推介下午茶去食，最平$25一個粥加一個小食👍🏻今次嗌左皮蛋瘦肉粥拼炸一（+$5），仲follow 社交平台送多半份油炸鬼。下午茶入去食都係為左滿足心癮，小店真係好仁慈，一個大人加兩個小朋友嗌一個下午茶餐，加支豆漿，盛惠$43大洋，居然好好服務之餘仲冇比面色我地睇

心滿意粥 (西環)西環堅尼地城卑路乍街102-114號聯友新樓地下A號舖減肥想食清淡些想唔咁油膩，食下粥品清清腸胃都唔錯！即叫即整腸粉$21，叉燒 腸粉夠滑落埋甜鼓油，米氣足。竟然有瑤柱肉片粥$36， 再加蛋$3是鹹香味道出，食到有瑤柱絲，加埋蛋營業高，粥底特別香，綿綿粥底好滑，有米香，耐左都唔會出水！食一碗飽肚及弟粥有內藏，材料豐富，同唔腥處理得幾好洗得乾淨油器有傳統黃糖糕，炸煎堆都有$10 ,我就叫粥支豆漿啦$10

以為粥舖只係老一輩先食？NoKtown有呢間由90後青年接手嘅粥店❤️‍🔥勁多粥選擇、腸粉、小食、白糖黃糖糕▶️ 生滾三餸湯飯 ($47)蕃茄、皮蛋、慢煮雞胸 (+$3)湯底清清地，充滿鮮蕃茄🍅全部多汁唔酸，熟到皮肉分離雞胸肉有五大片🐔入口唔嚡雖然白雪雪，但有調過味，個人覺得夠晒鹹皮蛋原隻切片，冇一般皮蛋咁鹹但好有彈力，餸飯啱晒白飯一大碗🍚啲餸多到可以食晒成碗飯▶️ 上湯油菜 ($21)揀咗菜心🥬咬落新鮮清脆湯底夠味，唔使特別落豉油▶️ 凍豆漿 (+$7)支裝上，大支抵飲-味道雖然普通，但感覺天然健康無加工似足屋企食飯💗佢哋有高蛋白質「肌肉粥」💪🏻超適合gym友環境都坐得舒服嘅，平日晚餐時段好多街坊嚟食，坐滿之餘仲好多外賣訂單價錢平民，一碗粥$20左右，大份抵食亦有唔少街坊淨係嚟買白糖糕，估計應該唔錯～簡簡單單想食個住家飯可以食呢間😙

🌥️ 西環天陰陰，最啱就係食碗熱辣辣嘅靚粥暖胃暖心～心滿意粥~🍚 心肝寶貝粥膶片厚切但又夠滑身，完全冇內臟腥味，仲煮到啱啱熟，保持鮮嫩。啖啖都係暖笠笠、好補身嘅感覺～特別啱返工前或者轉季時食，食完真係覺得「起返身」！🦪 生滾蠔豉粥啲蠔豉唔鼓🤣粒粒都大大嚿，唔係得個樣，咬落去係真材實料嘅海鮮味～啖粥一啖蠔，鮮味同鹹香融合得啱啱好，唔會太重口味，但又好夠味。唔少得鹹煎餅！煎得夠香脆，鹹鹹甜甜中間帶少少煙韌，配粥一齊食係完美配搭～ 蔥花炸兩同齋腸粉，甜醬+麻醬+豉油三重奏，每一啖都係童年味道😋😋💬 如果你都鍾意老派港味、手煲粥底同港式小食，可以嚟試下心滿意粥，你都會心滿意足💯#心滿意粥 #西環美食 #港式粥品 小店探店 #生滾粥推薦 #炸兩必食 #HKfoodie

心滿意粥西環堅尼地城卑路乍街102-114號聯友新樓地下A號舖經開堅尼地城，老友推介地道粥舖，環境舒適，食材新鮮，入去嘆下先！😸生滾魚片粥大廚即叫即製，白粥底原材料味道更出，粥底夠綿，面層放了香蔥和香脆花生，內層有鮮味十足的魚片和薑絲，下火一流。😽美味鮮蝦腸又香又滑，口感鬆軟，蝦肉爽口彈牙，鹹度適中，豉油另上，份量可以調節，好味道！😋上湯油菜 (菜心)菜心新鮮爽口，鮮甜多汁，原汁原味，份量十足，健康之選。😙冰凍豆漿豆味香濃，甜度適中，支裝夠凍，消暑解渴。😃心滿意粥 環境舒適，食材新鮮，侍應服務態度好，回頭率高。🤘🏻😎

🔹️今日到堅尼地城 "心滿意粥" 清清哋食碗粥🥣店內環境舒適衛生🌿 食物健康、高水準👍😋 店員友善🙎‍♂️🙎‍♀️ 價錢極親民💰 🔸️魚雲粥🐟🥣粥底綿滑可口, 魚雲鮮美、滑嘟嘟, 配上薑、蔥等提味的配料, 令味道更加昇華, 香氣四溢👍🔸️豬潤粥🐖🥣豬潤新鮮嫩滑、無腥味, 粥底吸收豬潤的精華, 帶有淡淡的肉香和鹹味, 粥底十分綿滑😋🔸️鮮蝦腸粉🦐🫔大大隻鮮蝦鮮味十足、口感爽彈、腸粉幼滑, 加點豉油十分滋味🤤🔸️炒鴛鴦🍝從遠處已聞到香嘖噴, 炒米粉和炒麵的質感Q彈, 惹味香口👍 🔸️油菜🥬油菜點了爽嫩生菜, 份量滿滿🥢🔸️炸菜🥘炸菜粒粒爽脆、味道微辣惹味, 十分開胃😶‍🌫️🔸️牛脷酥🥖外層炸至酥脆, 香氣十足, 味道鹹中帶甜, 份量大滿足👍🔸️白糖糕🫓白糖糕晶瑩、香甜、彈牙, 口感爽滑😋🔸️飲品🥛🥤飲品點了甜度適中、充滿豆香的豆漿和冰凍解渴 雪碧✌️💫朋友仔還買了外賣蛋黃鹹肉粽回家試試🛍

🌟🍴 【 西環• 心滿意粥 】 🍴🌟 📍 心滿意粥 (西環)西環堅尼地城卑路乍街102-114號聯友新樓地下A號舖🍖🥟🍟🥚🍰🍲🍇 • 🥪🍓🍤🍪🍜🍡🍹 油炸鬼一條 🥟: 外皮炸得金黃酥脆，咬下去香脆可口，油香四溢，完美早餐小點！😋鮮魚骨腩粥 🐟: 粥底綿滑，魚骨腩鮮甜入味，湯頭清香，暖胃又滿足，超讚！👌瑤柱豬心豬肝粥+蠔豉 🦪: 瑤柱提鮮，豬心豬肝軟嫩不腥，蠔豉濃香加分，粥味層次豐富，超正！🔥凍豆漿 🥛: 冰涼清爽，豆香濃郁，解膩又健康，夏日必點！❄️油菜菜心 🥬: 清脆爽口，簡單調味保留菜心清甜，健康又開胃！🌱🍙🥤 餐廳評分🥤🍙 🔥 餐廳環境：🔥🔥🔥🔥🔥 ⛄ 服務質素：⛄⛄⛄⛄⛄ 🍾 食物味道：🍾🍾🍾🍾🍾 🎟️ 性價比：🎟️🎟️🎟️🎟️🎟️ 💰 消費：HKD 160✨🥢🍣🍕🍜🍴🍰✨ #西環美食 #web3西環 #心滿意粥

港式粥檔其實都係我杯茶 有別於我平時對粥檔嘅印象呢間店嘅格局有啲似茶餐廳 比較多卡坐 座得好舒適同埋我發現店員全部都好後生㗎！見有咁大張檯 當然就要點多啲野食🤣💕心肝寶貝粥 豬心同豬潤都銖新鮮 冇豬臊味 生滾粥即叫即整💕菜乾豬骨粥菜乾唔會話剪到好碎 仲食到好大條與其話係豬骨 其實話係排骨更加合適 食落啖啖肉 醃得好入味有鹹香 最緊要煲得夠腍個粥底食落好綿 食完唔會口渴💕炸兩最鍾意粥檔出面有個油器櫃 即係有牛脷酥咸煎餅油炸鬼炸兩最緊要梗係油炸鬼夠脆啦 呢度食落卜卜脆個腸粉皮夠滑唔會好厚 係我鍾意嘅質感💕鴛鴦麵米呢個真係好貼心 可以一份食到兩種口味啱晒啲有選擇困難症嘅人 例如我炒麵同炒米都炒得好乾身 夠香口得來唔會油冧冧💕蛋黃鹹肉粽裏面有大大隻嘅鹹蛋黃 糯米有咬口又有綿綿嘅綠豆粒最正當然係裏邊滲有豬油香💕美味鮮蝦腸蝦肉爽口彈牙大大隻 一份蝦腸有成六大隻蝦㗎💕 豆漿豆漿係支裝 飲落唔係好甜但又充滿豆味$9一支真係好抵飲

食評人人話好就慕名去試！第一次試食，的確好足料及性價比高，食到以前粥品油器的感覺，樣樣都相當好👍，但覺有味精，要飲可樂😂油器腸粉做得好，所以第二次去試食白粥，應沒有味精吧，但係都失望而回！對於有味精敏感症的我很失望😞！其實可唔可以唔落味精呢🙂‍↕️😅但對於冇味精敏感人士，食材/粥感/份量/環境/整潔，的確是冇得挑剔！

心滿意粥😘😘😘食粥要有米氣西環堅尼地城、有米氣粥店、90後有❤️經營、傳統港式烹調、加入不同食材、且透過精心熬煮、不僅健康營養、還可調養脾胃🥰菜乾豬骨粥$27+$6 鯪魚球因睡眠不足引致臟有熱、咽喉不適、用菜乾、豬🦴、清熱除燥、而最重要粥底、時間、火喉、適量油鹽、熬出一碗綿綿滑滑靚粥、養生養心❤️鯪魚肉攪拌起膠成球狀、爽滑彈牙、清甜魚味！生滾鮮牛粥$35+$6艇仔將來預先煮好靚🥣底、用小鍋加入新鮮蝦牛肉、追加艇仔、滾片刻離🔥而成、生滾粥的做法保存、食材鮮英度、又不會破壞其他營養物質、非常鮮甜美味😋、添加艇仔材料、錦上添花！蛋黃鹹肉粽$21不用端午節、粥麵店、日日可以品嘗、糯米軟綿、包裹脫殼綠豆、半肥瘦五香豬肉、流油鹹蛋黃、配搭一流！港式傳統美食！甜食蘸砂糖更滋味！黃糖糕（兩件）$10𠄘傳傳統小食、切開蜂巢組織、質感Q彈淸甜香口、滿滿片糖香氣😛煎堆$10豐滿圓渾而不凹陷、炸時不斷用鑊鏟輕壓、在受壓下脹大！煙靭有嚼口、不油膩、沾滿香口白芝麻粒！牛脷酥$10粵式油炸小吃、粥店必備、自家製作伴粥小食、因為加入砂糖、中間甜絲絲、大火炸才能速令麵糰膨脹、變成小型欖球－樣、賣相吸晴👀美味鮮蝦腸$22白滑