心手作

喺屯門置樂區又有新小店開張當然要去支持吓香港🇭🇰小店喇❤️今日就買咗個三文魚滑蛋飯 一上枱就聞到蛋香 三文魚煎得啱啱好撈埋啲半熟蛋漿同珍珠飯一啖入口真係邪惡到爆🐟🍳 蛋汁撈飯無得輸 加埋紫菜碎同芝麻 簡單但超滿足個秘汁壽喜燒豚肉飯都唔弱豚肉片肥瘦適中 煮到淋哂又入味個秘製甜醬油汁好掛飯 仲有啲洋蔥絲索哂汁如果可以加隻溫泉蛋撈埋應該仲正💥每日都有提供學生餐同是日精選平均都係三十零蚊就可以食到除此之外 仲有其他丼飯或者意粉選擇買滿$50仲送仙草 可惜個日無晒下次夜晚唔想煮飯又可以再去買🤣…Read More

係屯門置樂發現左間小店，全部即叫即製，可以透過手機WhatsApp落單，學生晏晝lunch $33‼️價錢CP值好高，而家老細仲推緊夏日優惠滿$50送自家製仙草一碗❤️🫶🏻沙嗲豬頸肉飯豬頸肉適中厚度，油脂啱啱好，咬落去肉汁爆發；配埋濃郁嘅沙嗲醬，帶點微辣同香料香，拌埋白飯食一流😋🫶🏻鰻魚滑蛋飯滑蛋煎到半熟軟滑，味道嫩滑細膩，鰻魚經炭火燒烤過後散發濃濃煙燻香氣，肉質肥美，配埋微甜嘅醬汁同米飯，滋味配搭豐富🤪🫶🏻XO醬雞蛋炒腸粉腸粉皮薄滑嫩，炒得輕輕帶炒香，加入咗濃厚嘅XO醬帶咸香微辣，雞蛋令整體口感更豐富，味道層次分明👍🏻…Read More

留意到香港嘅經濟越嚟越差小店都越嚟越難做🥲尤其係屯天元區..因為真係太近深圳😖好多人一放假就返咗大陸食嘢同玩令到香港嘅小店越嚟越難經營所以借此都希望大家多多支持香港小店令到呢啲特色小店唔好消失得咁快🥺早幾日我入屯門探完朋友🙈臨返屋企經過萬寶 見到間外賣小店好吸引😆忍唔住買咗幾個拎返屋企同媽咪一齊食😋.今次我就叫咗幾款煮食🍽️招牌鰻魚滑蛋飯賣相已經好吸引🤩大大塊鰻魚加上超多鰻魚汁食落每一口都好豐富😋推介👍🏻🍽️黑松露煙肉意粉超香黑松露味🙈平時食得唔多嘅我竟然都可以即晚成個意粉自己一個食晒下次一定要再叫呢個🤤🍽️秘製壽喜燒汁豚肉飯媽媽話鍾意食呢個😆用左好有特色嘅壽喜燒汁同平時出邊食嘅有少少唔同😋而且超足料 超多塊豚肉🫢🍽️火焰芝士手撕雞飯麻辣手撕雞就食得多 芝士手撕雞我好似真係第一次食😂估唔到都咁夾 有驚喜😲芝士味濃郁配上手撕雞啱晒唔食辣嘅朋友仔🤫另外我仲嗌咗兩款小食🍽️惹味沙嗲醬豬頸肉 超好味豬頸肉！呢個一定要叫嚟試‼️超香沙嗲醬配上豬頸肉 肉質鮮嫩真係食到停唔到口🥹🍽️XO醬手撕雞炒腸粉因為我同媽媽都比較鍾意食雞肉見到佢呢個手撕雞腸粉 好似出邊比較少見所以就叫埋嚟試吓😗手撕雞同腸粉本身味道唔會太濃郁所以配上XO醬味道就剛剛好👍🏻佢哋仲有學生餐會送埋嘢飲㗎🧃詳情可以去返佢哋IG度睇🔎支持香港小店😆記得follow埋佢哋啊🫶🏻…Read More

網上見到介紹有間未食過嘅餐廳 睇完個Menu好似都幾吸引 就叫咗個外賣試吓 打開個外賣整體上賣相都好好，滑蛋真係好滑，鰻魚多汁好味，有啲好似紫菜同芝麻嘅嘢令到整體嘅層次高咗好多。之後都會繼續幫襯。…Read More