Video
Telephone
68912278
Opening Hours
Today
11:00 - 20:00
Mon - Sun
11:00 - 20:00
Above information is for reference only. Please check details with the restaurant.
見依間舖好多人食就打算試下，$27買咗小丸子，見住佢係急凍櫃拎現成急凍貨翻炸頓時失望咗。等咗幾分鐘就拎到小丸子，外皮偏硬，粉感較重，同一般嘅口感有啲落差，其中有一粒仲要裂開咗，入面嘅餡都炸到熟埋，味道偏鹹，面頭仲要冇紫菜碎，成個感覺完全同一般嘅章魚小丸子唔同雖然$27價錢唔貴，但質素可以更好，我見佢格仔餅都有自己調製嘅粉漿。希望店家可以考慮改進做法，提供更新鮮嘅選擇。畢竟客人幫襯，都係想食到用心製作嘅小食，見到係急凍嗰下真係sad咗
continue reading
喺屯門行行吓街，突然之間口痕想掃街，諗起華都呢邊有好多小食檔！呢檔心思思美食店每次經過都有啲人流，決定試吓先～咖喱魚蛋(8粒)💰HK$1010蚊有8粒魚蛋係抵食嘅，可惜魚蛋個質感勁硬，而且一啲都唔入味，非常之失望～格仔餅💰HK$19本身真係對格仔餅冇乜期望，點知味道有驚喜！格仔餅即叫即整，外層口感有少少煙韌，再加埋砂糖啲奶同埋花生醬，超邪惡超正～
continue reading
今日真係好熱，好想食雪糕，但又想食格仔餅，放工經過華都商場就試吓食心思思，食過的朋友都話抵食，旺角都食唔到，結果我買咗2味的雪糕格仔餅（薄荷朱古力+曲奇味）🧇等咗一陣就有得食，整得好快，兩隻雪糕都好好味，係格仔餅就比較硬和無咩味，size真係夠大，食完都覺得自己涼快啲，經過都可以再試吓的。
continue reading
❥雪糕格仔餅（$30）格仔餅即叫即整🧇口感QQ彈彈好特別，仲有淡淡蛋香味。雪糕口味可以雙拼～曲奇同薄荷啊唔該🫶🏻店員姐姐超豪邁將一球球雪糕塞爆整個格仔餅🍦確定吾會蝕本嗎？🤣
continue reading
嘢係好食 但係態度真係好差今日又去咗呢間買嘢食 叫煎釀三寶 咁啱我前面有個叔叔 又係叫煎釀三寶 佢哋嘅煎釀三寶係擺喺個雪櫃裏面 但係佢哋嗰個雪櫃前面 係有個櫃頂住嘅 所以佢每次都要推開嗰個櫃 先打開到嗰個雪櫃 咁我見到阿叔嗌 我就跟住嗌埋要煎釀三寶 費事佢又要再推開個櫃 再打開個雪櫃攞嘢跟住嗰個肥女人(佢只係吊高把聲嚟講嘢 但內容 行為 係冇乜禮貌) 好似好愕然咁 無乜禮貌地同我講:"要等喎!" 我:"我知, 唔該曬."之後我就睇下有冇其他嘢食買 此時 佢向我收錢 我話:"好, 等等." 佢就話:"有呀, 有煎釀三寶呀!" (......🥴我都無問佢有冇) 我話:"我知, 我睇下有冇其他嘢嗌埋."跟住我就揀冷麵 執好一兜 就攞去畀佢 佢竟然將我個冷麵分 5 次嚟整！ 整一兩下 就幫其他客人撈冷麵 再返嚟整一兩下 又再幫其他人撈冷麵 來來回回總共 5 次 我一路都係企喺側邊等佢 而亦都肯定佢係見到我係等緊佢開頭嗰一兩次我都覺得 佢應該係想等我嗰個煎釀三寶炸好先再整 但係後來我覺得佢應該係特登玩嘢 有乜理由係咁整一兩下 又幫其他人整啫 可能係我頭先話:"我知, 我睇下有冇其他嘢嗌埋." 得罪咗佢......🙄今日有另一個嘅員工(呢位員工嘅態度就好好 好正常 唔會特登吊高把聲嚟講嘢 對話舒服 唔會好似嗰個肥女人咁) 嗰位員工就負責我嘅煎釀三寶 就問:"煎釀三寶要豉油甜醬?" 咁嗰個肥女人都聽到佢問嘅 我嗰個煎釀三寶已經搞掂啦佢就將我嗰個冷麵放咗喺櫃面 乜都未落 就企咗喺度 要我同佢講:"要蒜要辣, 唔該." 佢先拎起嚟整 真係極度冇品跟住佢收錢嘅時候 我就咁將啲錢放咗喺櫃面 就擰轉頭走 哨到佢啤住我忍咗佢咁多下 佢擺明玩嘢 係咁來來回回咁多次幫其他人整 要我喺度等佢 咁冇品嘅行為 就唔好要求人哋有品咁對返佢 已經忍咗佢好多下 我仲要唔該前 唔該後喺 Open Rice Google Map 同埋 連登 都見到有人話佢態度差 我好希望老闆可以睇到呢啲評論 正視下呢個問題囉
continue reading