心夜來潮 (Changed Hand) New Restaurant

心夜來潮 - 聽朋友介紹過幾次話唔錯，今晚收工終於食到喇！是日雖然落住微雨，三陂坊一帶好多打冷店，唔少人都繼續坐外面。行到最盡頭終於見到心夜來潮。佢地有兩間分店，分別喺荃灣、旺角，前者比較方便我地，所以選擇左喺呢間分店。果然係比較新派嘅潮州菜，店內燈火通明，裝潢簡單，以木枱木凳為主，近門位置係幾張大枱。而且衛生狀況良好，雖然落住雨，店員都密密拖地，整體感覺都同平時食開嘅打冷唔同仲令我諗起以前成日喺深圳食嘅砂窩粥店。平日晚飯時間都有唔少客人，我地坐左喺最角落嘅四人枱，夠闊落。仲放左紙巾盒、濕紙巾，方便客人使用，都係貼心位。餐單選擇多樣，有砂窩粥、醬鹵類、小炒、蒸品、湯品、街頭小食、蔬菜類、炒粉麵飯、茶品甜粿等。定價中上，勝在味道唔錯，企企理理。比較特別啲嘅仲有醬醃海鮮，例如赤蟹、大花蝦。仲有我本來都好想試嘅砂窩卜卜蜆煲 ($168/小)！同大部分打冷店一樣，上菜速度快，啱哂唔想等嘅餓鬼。菜甫煎蛋 $42唔知係我肚餓定點，覺得煎蛋好好食蛋香突出，熱辣辣煎起，令人食慾大增。又香又脆，加上蔥花，好快俾我清哂，不過記得趁熱食~蔬菜方面有四款：蒜蓉椒絲炒通菜、方魚炒芥蘭、爆炒醬啫秋葵，同我地點嘅菜

今天來到荃灣探朋友，順道一起晚餐，當然，由地膽帶我去搵食啦來到三坡坊，原來呢度成條街好多嘢食他揀左位於三坡坊既心夜來潮，餐廳名字好得意，喺食潮州菜店內裝潢簡單整㓗，喺木既枱及木櫈，好有大排擋感覺擂茶擂茶喺茶葉、芝麻及花生擂爛至糊狀，然後加入熱水，最後將炒米放在上面便完成，由於工序煩複，現在好少地方可以見到所以一定要試下擂茶茶味淸香，又有芝麻香，加埋炒米卜卜脆，好好飲，令人回味無窮脆炸獅子頭外面香脆，豬肉好腍，鮮味，又有東菇香，蘸少少醬汁，更加好味

水都冇杯，叫都唔攞嚟！跌石灰！叫餸職員態度差！埋單計數計多咗。大家埋單嘅時候記得睇清楚張單啊！冇叫嘅餸寫落張單入邊，如果唔睇單都唔發現。同佢講話冇叫嗰個餸，唔使查吓即刻幫我取消。你話有冇問題！

心夜來潮既名係電視報紙聽得多了，今次第一次食。不過失望收場，滷水既肉全部都唔夠淋。小米餃無咩特別，平時係蝦作餡，佢就用豬肉。炒飯份量只係緊緊四少碗，大食啲都唔夠份。煎豬肉餅、方魚炒菜、煎蠔咯都係不過不失。整體味道一般，感覺似去食“潮樓”。

個人對潮式菜都十分喜愛，鍾意味道較濃味，感覺隨意有特色。餐牌圖文並茂，清𥇦吸引。裝修用農村風格石牆木枱，別一番風格。潮式炆豬手墨魚，味道香濃惹味。醬汁特別香濃，豬手較彈牙，膠質重，加上墨魚鮮味，令味道增添層次有別於一般煮法，味道較重，適合送飯送酒。潮洲煎蠔餅，食潮州菜必食菜式。意個蠔餅邊位煎得香脆，蠔仔多，沒有太厚的粉漿。潮式鹵水併盤，有六款食物，每款份量夠。整體味道入味甘香，價錢合理。豬耳爽口，肥腸肥美，鵝片甘香。海膽潮式炒飯，海膽較咸身，因醃製過，但攪拌炒飯一齊進食，味道剛好，帶海膽鮮味，份量夠，不錯。甜品叫左南瓜洛，是用砂糖及南瓜一齊即炸，味覺又不會太甜，香脆，份量超大。

是日朋友為小妹慶生,我地揀左依間好出名食潮州菜既餐廳,想一試佢馳名既砂鍋粥,因為知道餐廳都好爆滿既關係, 朋友一早就book左枱,不過黎到都要等大約10分鐘先清到張枱比我地~黎到睇睇menu先,menu整得好特別, 好有中國風!我地一行人嗌左幾個小菜同最想試既砂鍋粥,不過侍應既態度唔係太好, 可能唔夠人手啦, 叫好多次先肯理下我地, 幫我地落單~等左大約15分鐘先上第一道菜醬鹵拼盤 ($128)黎到食潮州菜當然唔少得食鹵味拼盤啦~大家所見有6樣鹵味, 包括紅腸, 豆卜, 豬腸, 豬耳, 鹵肉同鴨腎,全部小食都鹵得幾入味, 當中最欣賞個豬腸同鹵肉, 夠晒肥美 因為都幾夠味就冇咩點用到佢附上既調味醬喇!不過依個價錢黎講,份量真係比較少, 一行8人唔洗一陣就食晒成碟!醬醃生蝦 ($68)上枱後第1個感覺係覺得好似韓國既醬油蝦,而事實上都係幾類似, 蝦係凍冰冰既, 另外上面配左d辣椒, 蒜同香菜,不過個人覺得同韓國既醬油蝦差太遠太遠,因為隻蝦係超級咸超級咸, 咸到有d苦, 完全蓋過晒隻蝦本身應有既鮮味,對比韓國既醬油蝦, 仲可以食到蝦既鮮味同蝦膏既油甘味, 而醬油係更加幫忙吊出左蝦既鮮味黎講,

這間朝洲打冷餐廳~ 裝飾帶有小小風味有種古式古香的感覺~這是亂棍打死豬八戒即為豆角配豬肉,這道菜,比較推薦,主要是豬肉好食, 肉身比較軟不太咸, 而又很爽口鐵版茄子這道菜用鐵版上, 夠香, 熱辣辣新鮮整好可見到肉汁還在滾,  由於肉身煮到很入味所以味道沖擊比較強~鍋燒肉 可改善的地方是有小小過硬吃落似吉烈豬扒, 偏咸味, 份量比較多~但配飯食則可以中和咸度~最後炒腸粉, 比較香~可惜的是份量比較少~味道都很濃, 帶偏咸服務員說潮州菜是偏咸...整體服務好, 同服務員會有講有笑比較熱情唯餐廳沒有門~如天氣比較凍時,坐門口會陣陣冷風~要注意=3=

呢到D餸名改得夠哂潮.牙籤雞靈感來自一口牛?牙籤設計,方便大家食.外層香脆,無雪藏味，同泰色辣醬幾襯。鍋燒肉炸到卜卜脆，豬肉幼嫩，有南乳嘅香純。手打牛肉丸自家打，牛丸肉質好彈牙。配埋淡淡清湯底，用莞茜調味。D湯令到D丸唔太乾，好配搭。沙白蒸水蛋水蛋好滑，可見蒸嘅時間啱啱好。沙白鮮味溶入蛋入面，清甜可口，送飯一流。南瓜烙今夜甜品，賣相已經先聲奪人。將金黃南瓜炸得更金黃，再砌成雀巢形狀，就係一種凌亂美。為黃金雀巢灑上糖衣，香噴可口。食落脆卜卜，甜度適中，好啱我。

作為荃灣人無理由三坡坊既，每次夜收諗晤到食咩都會去既地方，因為食市林立，大多數都會營業到凌晨，絕對係三五好友聚腳好地方，今次同朋友食飯，就選擇左意間潮州菜食。鋪頭裝修用磚頭牆邊，加上木枱櫈，較有地道風味，有長枱及圓枱，方便一大班人黎食飯。餐牌主要用菜式相片展示，方便選擇。圖片吸引。潮式炆豬手，口感較彈牙，醬汁較香濃。份量算大份，用砂鍋上能保存熱力。炒蟶子，用上蟶子皇，肉質厚身彈牙，味道鮮甜，加上豆豉汁，十分惹味。潮式醬醃海膽炒飯，醃海膽較咸，但配上炒飯，出奇地平衡。更顯鮮味，又不會膩口。必食^_^最後點左意個甜品，無錯係甜品。南瓜酪，即叫即整，熱騰騰，又香口，味道不會太甜，正^_^

潮州話成日聽，但潮州菜就真係好少食。今日同一班朋友聚舊，難得咁耐先見一次面，我地都想食啲特別啲既野，留下美好既回。我地最後心血來潮地去左心夜來潮。南瓜烙一開始見到呢道美味佳餚既時候，就知道入口會非常香脆。呢道南瓜烙脆卜卜，而且甜而不膩，非常適合做飯後甜品。XO 炒腸粉呢道菜感覺偏鹹，但係呢個正正係潮州菜既特色，食起上黎爽口彈牙，又非常嫩滑，實在令人回味無窮鍋燒肉呢道菜用左上盛既豬肉作為食材，味道鹹鹹地又帶點甜味，豬肉既鮮味亦都好突出，咬落質感唔錯，酥脆可口。香辣魚仔炒花蛤王呢道炒花蛤王鮮味多汁，清爽可口。一開始食起黎就覺得會令人食唔停口，果然不出所料，我地好快就食到只係剩返啲殼。可見呢道佳餚既吸引力有幾大。饅頭都有得炒?呢道炒饅頭係哩間鋪既特色，饅頭同牙籤雞一樣都一口設計，咬起黎鹹甜適中，非常和味。加上配料有特製既魚仔，魚仔咬起來一開始唔覺辣，一段時間過左之後先發現佢辣既威力🌶🌶家常牙籤雞呢道菜咬起黎質感非常好，味道鹹甜適中。每一舊雞既大細比例都非常好，一啖就可以食完一舊雞🐥，食極都唔覺得膩，簡直係人間美食。手打牛肉丸🐮清新既湯底配埋粒粒手打既牛肉丸，食起黎非常正。牛肉丸非常爽口，煙韌

一班朋友最適合一起吃家鄉菜 share 吃，好有家的感覺。牙簽雞一枝牙簽一口雞，外皮卜卜脆，裡面的肉又彈牙，帶點微辣，好好吃！饅頭都有得炒 ？潮洲菜多是咸，不喜咸的可試這個！光看五彩繽紛的賣概已經很吸引，令人食指大動。 外脆內軟，而且不會炒到好油，一口饅頭，適合女士和喜歡清淡味道的人。亂棍打死豬八戒 雖然名字好暴力 但很好吃。醬汁完美地包裹著豬肉，肉稔軟適中，連素來只吃牛不吃其他肉的朋友都吃了一塊又一塊。手打牛肉丸大大粒，口感十足，很結實，頗彈牙。沙板蒸水蛋又是份量十足，蛋又香又滑，滑溜溜的。醬鹵拼盤微苦的鹵汁很特別！個人最喜歡紅腸，醬不會蓋過紅腸原本的味道，亦沒有肥肉。燒牛肉餅燒烤得十分透徹，可惜有點乾。石板燒汁茄子茄子很稔軟，味道不會太濃。適合口味清淡的人。最後叫了一個甜品：南瓜烙超大的一個南瓜烙！南瓜條上加了砂糖一起蒸，有時吃到糖的甜，有時會吃到南瓜肉的甜，挺有趣。飲品我就主要叫了王老吉，加多寶和王老吉也有齊，個人覺得加多寶味道比王老吉淡。建議大家不要一次過點太多，逐點逐點點，不然放涼了的話，味道就會打折扣，很可惜。服務好親切好 helpful ，菜色選擇多、價錢不貴，可以一試！

很久沒見幾個朋友了，因為大家都很忙，很難找時間聚在一起。為了要找時間見面，大家在幾個月前約好這天到荃灣吃晚餐。三陂坊那裏食店林立，自成一國，不特意來這裏的話，平時根本不會經過。通過一條小巷走進三陂坊，很神奇，明明小巷是那麼冷清，但走到盡頭後，一間間人頭湧湧的食店映在眼前，就像哈利波特走進魔法世界一樣。一間又一間的餐廳，看得我們眼花撩亂，最後看到「心夜來潮」，很安靜的待在最盡頭，遺世獨立，我們決定在這間店裏吃！看上去有點像日式餐廳，但其實裏面賣的是潮州菜：店裏的裝飾非常有中國特色，灰色的磚牆和木製的、古色古香的擺設，令人眼前一亮，又感覺像置身於中國古典住宅裡。研究餐牌後，我們開始點菜。醬鹵拼盤＄128材料很豐富，包括豬耳、豆卜、豬腩肉和紅肉等。算是冷盤的一種，除了本身的味道外，醬汁令整道菜變得更惹味。其中我最喜歡的是豬耳，咬下去很有口感，肉的部份很彈牙，軟骨的部份很有咬口。石板紅燒醬香骨＄76這碟因為是石板燒的，所以最好趁熱食。豬肉肉質鮮嫩，軟硬度適中，濕潤度也掌握得很好。紅燒醬跟豬肉很配襯，加上香蔥很香口。香辣魚仔炒花甲王$108喜歡吃蜆的人不容錯過，鑊氣很夠，加上三色椒，完全是視覺和

琴晚自己一個食宵夜，入到越夜越多人既心血來潮去見到推薦魚仔炒花蛤王咪試下囉。一炒出黎花蛤香氣醉人，聞到我個口。一早已經垂涎三尺。啲花蛤仲要鬼死咁大隻，吃落去一點沙都無，你問死未。食落去仲要十分之惹味，配菜既洋蔥及燈籠椒咬落幾爽口，份量唔多唔少，剛好是一人配酒菜的份量。在夜夜星空之下，一個人食宵夜，炒花蛤加支啤酒，獨酌一番，簡直係另一番男人的浪漫。離開既時候見到門口已人山人海，勸想黎食既朋友盡量早d黎啦。

上OPENRICE 找打冷，見新派野就試下：叫左4樣野1炸巨魚蛋：36蚊加一食一粒魚蛋都算，炸到乾晒，無味，無汁。同食麵粉團無分別！再三問先有個酸汁比你！2鵝片（單上叫醬滷鵝）大佬，我叫鵝片，你比碟鵝件都算！人人都期望淨肉，出黎係三四舊鵝件+大量鵝骨件（絕對有呃錢感覺）3鴨蛋煎蠔餅： 係一件唔識發既PIZZA，薄，硬，細！4啤酒（唔夠凍）以上的都算！最討厭係態度，好似我欠你十萬九千七咁！大佬我黎食野姐，唔洗睇你面色呀？未入門口就笑笑面，坐低左就黑口面，埋張單要等10分鐘！絕無作大！因為問A埋單，佢話要揾呀B，揾到呀B。仲要等佢老人家落曬其他臺D ORDER，再做埋其他野，再去打單。補充，我張臺離收銀機約只有8呎。無語了！我終於明白點解隔離果幾間都甘好生意！

今日外出工作之後，沒有約朋友晚餐剛剛走到附近的心夜來潮雖然不是太夜，但一想到他們家的潮味菜式就食指大動一個人走進去，點了愛吃的，獨酌2杯，嘆一嘆青島啤一啤用的是碗不是杯，夠豪氣吧！ 一飲以下，整個人都很舒暢，夠解渴！ 點了2碟海鮮獅醃味道很鮮，size是小了一點不過還是很乾淨，沒有沙一粒接一粒，吃得過隱而瀨尿蝦刺身，不是太多地方有夠特別本身的味道很清，但醬汁帶咸，有點點酒味變得非常惹味好吃！ 吃完冷盤，又點了個熱食，紅棗蓉杞子鮑魚我還真的很喜歡吃鮑魚， 不過平時吃清蒸的比較多。今次看見他配搭的是紅棗茸杞子 ，覺得還真特別 。吃上口不算太甜 ，有微微的紅棗香 ，鮑魚彈牙，整體算不錯。 一個人吃吃喝喝， 感覺也很不錯。