Tack Hsin Restaurant

二百幾蚊一位打邊爐放題，任飲任食，包埋任叫海鮮例如鮮蝦、青口、帶子等等，另外任飲嘅酒水絕對係驚喜，除咗一定會有嘅Soderberg啤酒，佢仲會有貴價啤酒任飲，我試過有Hoegaarden Rose、日本Premium天然水生啤酒、1664 Blanc白啤等等，真係每次去打邊爐都會有驚喜。呢間係傳統港式酒樓格局，用圓枱，所以地方好闊落，約埋一大班朋友一齊打邊爐高談闊論，渡過美好嘅時光。呢度仲可以由六點坐到去佢10點幾收舖，真係一個價錢可以任食兩餐。仲包埋Mövenpick雪糕每位一盒、任食糖水兩款。相比起出面嘅90分鐘放題食到趕頭趕命真係貼錢買難受，所以呢度真係冇得輸、冇嘢可以投訴。…Read More

我哋細細個嘅時候，爸爸媽媽會帶我哋嚟呢度飲茶，嗰個時候能夠喺德興飲茶都算係一個privilege。啱啱有個朋友嚟咗香港，我想喺尖東度搵一間開得比較早嘅酒樓見到少少嘅食評都講到點心不錯，咁就過嚟回味吓啦，點知我真係食到人生最難食嘅點心。真係冇乜必要大家都唔好再過嚟食點心。我哋先嚟四碟點心牛刀小試，然後等咗差唔多20分鐘都冇消息。終於第一碟腸粉嚟咗，腸粉嘅皮比較糊，啲蝦細粒唔新鮮。之後再等多我20分鐘啦，真係以為唔記得落單。鮮竹卷同蝦餃都嚟了，鮮竹卷無味的。最後再等多10分鐘連牛肉都嚟啦牛肉稍為正常。去到個廁所，有封條的。其實佢哋都係打算放棄自己了。不過到最後都發覺VIP房人名應該都係book滿晒嘅，可能晚飯始終都有熟客啦。最後當然就已經冇胃口，再試其他點心，急急腳走人啦。…Read More

公聯會蛇宴已經參加過幾年，一直都係深水埗樓上小店，今年轉左尖沙咀呢間德興酒樓，由豆膶咁大，手肘撞手肘但卻無比溫暖，人情味滿瀉既小店變到舊式酒樓，味道究竟會有否分別？:(畢竟是酒樓提供的餐飲，相信也能反映酒樓的功力經過根本沒人聽的主持人真情表白後正式上菜先來太史五蛇羹，明明寫著一人三碗，現實中一人兩碗已是極限，看似足料至極，實際是否百分百蛇肉真的難說，和蛇店吃到的味道不同，當然比不上蛇店，但單論味道也算不錯👌🏿百花蛇丸外帶蝦餅若干，我只能說，這蝦丸炸得很香口，蝦片都暗示了一切，名字恐怕是意思意思，味道呢，香口彈牙就是了。海味大拼盤。大家明亮的雙眼看到多少海鮮我的舌頭感覺到蠔豉，魚肚，冬菇，生菜和腐竹，份量依然不多，生菜佔了六成半，醬汁就是蠔油味，叫海鮮拼盤也同樣是意思意思，味道ma，一般🫠終於到了我參加公聯會蛇宴的唯一原因，三蛇湯，一上檯藥材味就撲面而來，油亮的湯色，滾熱的湯汁，相當暖胃但藥材味太重，烏雞味被壓下去，毫無甜味，感覺和以前飲的不是同一個味兒，明明之前可以飲3碗這次一碗停手🤔講真餐飲至此，理應有點飽腹感，但現實中絕無此事，一人半隻乳鴿實為救命稻草，味道跟外間的燒味店一樣，肉汁久違，肉質卻不錯，不過份量還是那一點點:(蒸鱔，不吃魚的我由同事口中得知，鱔肉太肥，油味過重，而且有點不夠新鮮羊腩煲，真心全晚最好食既一味餸，羊腩相當軟滑，馬蹄腐皮都同樣入味，有著點點的膠質口感，非常好吃蛇汁生菜⋯早前的（海鮮拼盤）就一堆，再來一盤真是無話可說同時臘味飯也上場，炒得相當乾身，食味很好，煙韌入味，加上最後的幾片冬天當做西瓜？蛇宴也畫上句號😯整體黎講真是吃氣氛，餐飲體驗相當一般，總感覺前幾年的公聯會蛇宴更好吃，再加上早前蛇店蛇宴太驚艷，真是沒比較沒傷害。吃完腹中依然空虛，回家路上又要去便利商店了…Read More

原來上次幫襯巳2年前的事了。冬天飯局，朋友提意再去這間傳統"無限時任食火鍋"酒樓。平日也坐無虚席，好彩有預訂。星期日至四，每位$240再加一，可由5:30-10:30pm任食，非常超值現在變了QR code落單，埋單也是拎枱号纸直接去收銀處"自行了事"。服務人員更可專注在服務質素上。清理枱上雜物碗筷和落單後食物上枱也超快喜出望外，自助火鍋食品選擇不小，食物品質也大大提升。QR 落單的鮮蝦，鮮魚雲，手打蝦丸，鮮鱔片，鮮脆肉鲩，花膠，雞子，牛肉，羊肉......也非常新鮮，不是雪藏貸亦有多款台灣，韓國，香港飲品選擇，啤酒也無限暢飲美中不足是糖水(紅豆沙，西米露)供應有限，一大鍋，手快有手慢冇每位加送一客monvenpick(雲尼拿，士多啤梨，朱古力）雪糕…Read More

之前都幫襯過好多次，但今次給我有史以來最不能接受的經曆。洗手間無人清潔，本身使用的人又好自私，用到個洗手間超級污糟。有一格成地水，唔知係乜嘢水再加一堆紙巾在地上，有一格有堆屎在馬桶內，又不沖乾淨才離開，咁大個人自己啲屎都唔沖走，好心啦，另外有一間亦非常污糟，坐板位全部係XX跡，另外有三格係封咗的。當天全部都係本地人，不是旅客。好心食店知道本地人而家質素咁差，就安排一個清潔工人清潔洗手間啦，而家國內啲食店洗手間乾淨過香港不知幾多倍。淨係識話人返去大陸食嘢，又唔諗吓自己管理有幾差。冇晒某款飲料，原來職員私下收埋，只供給某一兩枱客，可能係熟客，呢一啲係好差嘅服務。另外全晚某一廳房一打開門就聞到強烈的煙味，已經見有人反映比酒樓經理知，但仍然整晚一打開門都有煙味。。。。。。。。。…Read More

呢間火鍋係朋友聚會既飯堂呢兩年黎左廿次都有大家都鍾意佢唔限時男士們又鍾意佢啤酒任飲係一間仲keep到廿年前既港式任食火鍋無論味道、款式咁多年都係呢個水準平時火鍋店好少有雞子、粉腸、鵝腸仲有港式糖水自己拎每次食完都送一張「二人同行、一人免費」既卷今次仲做緊四送一呢個價錢冇錯係好多選擇但果種廿年前嘅味道真係出面食唔到…Read More

同班死黨難得約齊腳去打邊爐，我哋又咁多計傾，限時對我哋嚟講唔得啦，俾我搵到呢間冇限時，仲要係任飲任飲嘅，問完佢哋即刻book枱啦😆⋯⋯地方好大不過唔會要行好遠攞嘢食，眼見佢哋有兩個位置係可以攞嘢食嘅，咁啲食物都好豐富嘅，有鵝腸、水魷魚、牛柏葉、飲品等等係自己攞👍🏻牛肉、蝦、鱔片等等係手機落單，落咗單唔係等好耐就有嘢食啦，不過都有問過啲服務員，唔想用手機落單可以點樣，佢哋話有紙可以劃嘅唔覺唔覺已經坐到佢哋閂門，原來我哋由6:30坐到11:00喇，我哋成班女仔又真係太多嘢講啦🤣🤣🤣今晚食得開心又舒服，佢哋又唔會話夠鐘趕你走嘅，當然我哋坐到人哋閂門，係有少少唔係咁好嘅😅😅啲死黨已經話下次打邊爐嘅話，要再嚟呢度喎🤣🤣🤣…Read More

每次和朋友聚会都会去，食物新鲜，每次去都会点珍寳猪骨窝，最中意海虾和鳝片，浓汁牛筋丸，鲜淮山片。甜品红豆沙都好好食。待员都好好礼貌好好招呼。有时会过来问我们要加点水吗换下碟吗…Read More

12／10／2023晚 一行四人到香港参与夜缤纷夜游香港旅程，第一站到尖沙咀购物，随行亲友发现吃到饱火锅，虽然价钱略高，抱着一试无妨心态便入座，随后发现货不对办，多 款食物需额外加钱，食物大多是素菜，肉类选择少，质素更难以入口，向当晚值班男经理杨生投诉食物大部分客人取后未有添加，饮品柜选择少更不停漏出雪柜内 的污水滴落饮品罐上，酱料区更未见清洁，一名杨姓男经理言语嘲讽自助只有这些食物，如要质素高可加购其他食物例如海鲜类龙虾等，饮品可加购红酒白酒 感觉不受尊重，只系想反映食物质素居然获得如此回覆，对香港再次旅游机会不大，食物大打折扣，价格约每位300港币，回头率极低…Read More

屋企人每一個人都有喜歡食的不同食物，在這裏打邊爐就能夠滿足四位家人不同對食物的要求、牛肉非常新鮮、新鮮海蝦非常好味、淮山性價比非常高、有家人喜歡食羊肉、無論菜、新鮮雲吞、鵝腸等等….今次去連服務態度都有所改善，非常好👍…Read More

日期:2023年10月12號星期四晚當晚同朋友尖沙咀行行下街諗住揾間火鍋舖食，向商場樓下見到廣告牌話有任食火鍋就上去試下，一試既中伏。食物: 種類少，飲品款式少，牛肉硬到柴皮咁，好多食物要加錢先有，鱔片腥到不得了服務: 舊式酒樓作風，員工態度惡劣，收銀女仕十問九唔應，追問要電腦單據發俾氣鬧人，反映比部長楊生聽仲話返你轉頭，果然保留傳統風格。環境: 空間環境算大但冷氣不足，場內有多部風機，空氣依然感到侷促。總括: 可一不可，無下次…Read More

今次去咗尖沙咀德興任飲任食火鍋👍🏻呢度吾限時任食好好👍🏻湯底同食物種類多，有肥牛羊卷肉又有鱔片，牛舌片金錢展，自助吧又有好多菜同丸拎👍🏻可以慢慢食到飽🤗又有啤酒任飲，同朋友傾計一流…Read More

晨早嚟到尖沙咀，見到德興酒樓諗住上去飲早茶，點知冇早茶供應，只得全日茶市早上8:00至16:30，不過都即管試下😆🥢德興蝦餃皇$38.5新鮮熱辣，餡料實泵泵而且非常juicy，裡面全部都係蝦肉，唔覺有豬肉喺裏面，餃皮煙韌但非常薄身🥢蒜蓉蒸鮮魷 $35蒜蓉味非常香濃，鮮魷爽口彈牙但又唔會過韌，魷魚份量比較少，不過裏面仲有兩舊麵筋🤣🥢韭黃鮮蝦腸 $38.5粉皮比較腍身，蝦肉冇蝦餃及蝦角咁鮮味，呢款麻麻地🥢沙律明蝦角 $35皮脆熱辣辣，內裏餡料充足，蝦肉爽彈有鮮味呢間酒樓最好嘅就係…如果只得兩人飲茶，但係又想食多啲款式，有部份點心提供兩件選擇👍不過呢度嘅侍應服務態度確實有待改進🤭…Read More

星期日位於尖沙咀食晚餐,居然可以有任飲任食無限時嘅火鍋,食物亦相當不錯,$275一位連加一。食物方面,肥牛,蝦,牛舌,牛展,魚腩骨,鱔片,新鮮,值得推介。服務收碟快,所點的食物沒有漏單問題,上菜快,服務員親切坐得舒適,地方闊落…Read More

同朋友出開尖沙咀，心血來潮想食港式火鍋，朋友介紹呢間酒樓，星期六日唔使$300全包，計埋加一，抱住冇期待嘅心情試吓🙈上到去覺得位置好寬敞，枱同枱之間有距離，大致上好多人都係火鍋。首先揀咗湯底，有10幾款選擇，有普通嘅麻辣湯底，清湯，沙嗲湯，麻辣雞煲，胡椒豬肚雞煲，我哋揀咗東瀛海鮮鍋，湯底本身有蝦，蜆，墨魚仔，青口，麵豉湯底。某啲食材喺出面自己夾，普通急凍鋪賣嘅丸類，牛柏葉，水魷，豬腸，牛肚都有。另外豆製品，蕃茄蘿蔔粟米，菜都有幾款選擇，全部自己拎。如果唔夠飽，有出前一丁烏冬自己拎。其他肉類，例如肥牛，牛腱，滑雞，羊片，同埋其他海鮮，就係用紙自己tick，其中比較有驚喜嘅係:白鱔片，脆鯇魚骨腩，有魚油香😋飲品選擇方面，有糖冇糖都有，亦有兩款啤酒選擇，餐後每人可以選擇一杯movenpick雪糕，中式糖水有兩款，當晚係紅豆沙同埋南瓜西米露。總括嚟講，食物質素正常，沒有漏單情況，職員態度良好，下次可以再嚟~~~~…Read More