德興記粉麵

幾年前嚟食過呢間麵店，水準還可以，又未至於好好(唔明當年點解俾笑臉)，朋友話我知好似個伙記頂咗嚟做，麵店裡翻新咗之餘，仲話食物好食咗好多，於是就再嚟食一次，睇下係咪真係咁多食。我都幾鍾意食麵同好滑嘅河粉，印象中呢度嘅麵有鹼水味，所以點了肥腩撈河，$36，先食一件肥腩，3分肥膏、7分牛腩肉，牛腩肉不會鞋口，幼身河粉，本身已經有腩汁，再加埋蠔油一齊食....河粉就普通滑溜，但已經好過好多地方了，可以再來一次。…Read More

同朋友做完gym就過嚟呢度食下嘢 地理位置就喺體育館隔離好方便 咁就見餐牌就買咗個鐵板餐 呢度塊牛扒 比想像中要大快好多都係比出面搞法真係大一倍有多 而且佢仲有好豐富嘅魚 薯菜 有碗湯汁醬你可以點嚟食有 黑椒汁 燒汁 洋蔥汁 三揀一 不過我喺呢度嘅習慣我就唔慣落啲汁因為我覺得有啲肥 因為本人係 比較鍾意食原味牛扒囉同埋踢減緊肥所以盡量少汁其實佢塊牛扒都好厚 正常一個人食應該都好飽唔使食佢既暑菜但係如果對一個做開運動嘅男仔嚟講就啱啱好嗰份量…Read More

本來朋友話帶我去隔幾個鋪食，但突然又話去多間，要穿過商場兩條巷才到，是一間賣牛什、雲呑、水餃的麵店，都未坐低朋友已叫一碗牛什麵，多蔥，原來只係$24一碗，好快又有得食，有牛腸、牛肺、牛膀、牛肚，牛腸夠肥，其他都夠入味，好咬口，雖麵有少少鹼水味，不過麵質算爽口，三扒兩撥就食完了，又上路了..........…Read More

暑假係附近上班，本人又好愛吃粉面，見到有間粉面店，一定要試下的！間店一入到去，見到ｄ餐牌，樣樣都係十五蚊一碗粉，有ｄ雙拼二十蚊咁。叫左個牛腩面，碗野都有七八舊牛腩，雖然平，但好足料:)牛腩肥瘦度我覺得都ｏｋ，ｄ面煮得好有咬口，有種爽的感覺！可惜湯底好像太淡，失色了一點。再者，入面好似冇水吧，得汽水之類，不過叫得粉面店就冇所謂啦:)總括黎講，間野十五蚊一碗足料粉面，係出面邊到食到啊，起碼都十八十九蚊啦我覺得十分抵食，平令正，下次路過一定幫襯！…Read More

今晚去左食夜晚飯. 叫左碗牛肚河同一碟菜心.望住個男人整麵. 其實覺得佢幾有心整畀D客食. 唔係求其好快咁整畀你.個牛肚河都有8大舊牛肚. 講真. 真係算足料.加左腩汁. 但我覺得佢個腩汁如果再濃多少少味會更加好!!河粉唔會太削. 食落都有煙UN既感覺. 唔會太淋.碟菜心連蠔油我都覺得唔錯!整體黎講. 雖然間鋪睇落好似舊舊地. 但係乾淨的.加埋22蚊. 又食得飽. 又幾好食! 真係唔錯.會有下次!!…Read More

"仍然情深我未淡忘看見雨點假想她在旁..."一路駕車去朋友度, 藍戰士不停的唱.剛巧又下著毛毛雨.回想, 上次聽這歌, 真的係上世紀的事了.舊歌總是帶給人一點回憶或感覺的...但對我來說, 這感覺倒是幾模糊...買了個牛腩撈外賣, 另加個菜.共27蚊.一回到家, 吓, 果兜我以為係清湯的兜內, 原來係油菜!咁個湯呢?俾返我呀~~~但太餓了, 唔返去攞湯了, 就咁食啦.咬口菜, 都仲ok.打開盒麵, d 牛腩咁淺色既, 心知不妙...咬口, 果然中招. 冇腩汁味, 又韌, 勁筋.冇舊係肉.d麵都仲ok.但唔會再o黎.食完, 帶著莫明的心情...."夜雨催促歸去傷心小雨繞心裡..."諗諗吓, 又幾似我呢刻呢...…Read More