Tokuzen Sushi (Closed)

今日約咗一班同事到上環德膳午餐，午市套餐價錢由$75-$195，任君選擇。本人揀咗德膳和食便當$98，有味噌湯、茶碗蒸蛋、沙律吧任食（食兩round 都飽咗）。午餐上枱啦賣相吸引，有兩片新鮮的三文魚、厚燒玉子、小食係螺肉、燒物揀咗吉列豬扒，豬扒炸得好脆口，但味道一般，還有一片鯖魚，份量雖然少但味道不錯。同事們點咗野菜牛肉鍋，份量十足，好多牛肉。還有三色魚生飯、生羗燒牛肉飯，各式各樣等...飯後還有甜品，相當豐富。午市不用加一非常抵食…Read More

卜左坐壽司巴台，難得見到新鮮運到既menu上面有粒貝😍，即刻叫左一份刺身回味一下。粒貝好爽脆好好味，師傅將內臟加熱變成湯，好正呀！個湯好甜呀！😛我好怕食到腥味，但係呢度啲三文魚子少少腥味都冇而且脆卜卜。問左師傅點解，因為佢地啲三文魚子係有腌製過既。日本海膽叫左兩次，食完再encore左一份，因為今次既海膽冇腥味仲好難得有少少鮮甜味。😋左口魚邊既油份相當好，軟淋淋溶係口入面既感覺超正！😌日本帶子，磯燒帶子，大大粒，有甜甜地既燒烤味。第一次係香港食咁大粒既新鮮日本帶子。整體黎講，質素可以媲美日本既餐廳！去唔到日本既時候，可以食呢間頂下癮先。個人認為師傅們都好用心，事前會問有冇咩唔食既，會留意大家既進度，會問下有冇咩特別鍾意食，有邊啲冇咁鍾意食。嘴刁既小妹誠意推薦俾大家，用心製作既小店。👍🏻…Read More

真係豈有此理！第一次食放題食到咁躁！當晚食有限時放題7:30pm-9:30pm，係8:30pm落左第二輪單之後，係8:30-9:30依段時間，係無野食黎過，結果我地8:30-9:30係呆坐係到！係等既過程我地一共催左四次單，都係無野食黎過！相反隔離枱不停黎野食。第一次催既時候，個staff話幫我地跟，最後都係無哂下文，我地都係坐係到食風。到第二次再催既時候，個staff同我地講，壽司要時間整，所以要耐啲。但個問題就黎啦，既然壽司製作需時，點鮮隔離枱會一碟接一碟咁黎？我地比佢早叫海膽手卷，但佢竟然黎先過我地。見住依個情況，我地決定第三次催單，結果同之前一樣，個staff都整係話會跟進。今次終於忍唔住同佢講：「其實我地成個鐘無野食黎過！但係隔離枱keep住黎，甚至同我地落既野食係一樣！」第三次催單既姑果都係跟進！到最後差唔多9:30埋單，到第四次催單先有人同我地講，搵唔到我地啲單！到最後佢就算比我地食多半個鐘又點？落完單轉過頭番黎，話叫既野食無哂。我睇唔透佢延長多半個鐘，係比我地坐定係食野。結果2百幾既價錢，我地有一個鐘係坐係到呆等！如果黎依到食放題，你當係2百幾食一個鐘就ok。因為運氣唔好，就算佢比你落單，都未必有野可以食。…Read More

以前黎過好多次食午餐，因為性價比算高，所以定期會黎依間餐廳，但今次既經歷真係太差、太令人失望。午飯時間，等了約25分鐘差唔多可入座，一位待應就叫我同同行友人可落單先，為左慳返啲時間，我同友人就落左單先，叫左個牛肉鍋同天婦羅set。入座之後，我地都驚漏單，所以再同待應確定一次落左既單，之後等左好耐好耐（>25mins)，友人既天婦羅都食完，又見到之後入座既客人order既牛肉鍋都上埋台，再追問待應先知漏單，仲話牛肉鍋剛剛賣哂！我只好點第二個set，等左超過半個鐘⋯⋯lunchtime 都完喇，要貼多兩蚊買個外賣盒take away 返公司食…Read More

今晚有幸相約友人過海食晚餐，日本野食得多反而放題比較少食，但今晚友人力推其飯堂過我我唯有舍命陪美女呢間友人平時食開散叫但知佢夜晚有做放題今晚專登黎試一試位置離上環地鐵站唔算遠，但有啲估唔到門面幾有日本feel先黎個前菜醒醒界先湯煮蘿蔔，好甜佢放題刺身種類都算多Round 1：各種叫少少試下點先，分別有：甜蝦、生蝦、帶子、希靈魚等等………甜蝦：都算大隻，都幾鮮甜又唔會雪到硬晒未溶雪個隻…唔錯生蝦：泰式生蝦個隻，對比甜蝦有少少雪味帶子：有驚喜好大隻，十足十平時個啲帆立貝size味道爽口鮮甜…值得推介其他就不過不失，都合格Round 2：就梗係開始食重點：帶子同甜蝦話晒壽司店梗係試少少師父既手藝飯既酸度適中唔會話係放題客就求其，主要都係試佢啲火灸，我就覺得可以再燒多少少就好啦再黎天婦羅，都有好多選擇，有蝦、冬菇、茄子等等……炸得幾好唔會粉多太乾，入面仲有汁燒帶子：甜甜地有牛油味，幾好，可以淺嚐淺嚐牛油炒雜菇：都好食，即炒熱辣辣拎上枱炸野其實我一般般，但見到有蠔點都要試下炸得幾好…熱辣辣唔乾咬落去仲有汁最尾黎個燒玉子ｰｰ禮成ｰｰ完結成個晚餐總結款式好多適宜多少少人去就可以試晒所有野，整體以放題黎講幾好，服務好好，仲會同客人傾下計介紹下有咩好食，埋單每人二百幾唔算貴，下次要真正試下佢啲壽司師父既手勢…Read More

假日晚餐😍like 爆呢間，超有水準！少可放題有咁高質刺身 大大碟 蝦🦐食落好鮮甜 小編至愛既既吞拿魚 仲更加冇得彈 啖啖魚既油脂入口 😋壽司 🍣 加州卷 多左陣芝麻香 食落相對香口 不過嫌蟹籽太少唔多過癮唔鐘意食生冷既朋友 可以嗌佢玉子卷 佢冇日本個隻蛋香甜但就好夠創意 焗蠔 都係另外一個不容錯過既食物呀 …Read More

同事介紹上環有間日本野唔錯~就訂定位一班人中午去食, 可能因為星期五人多的關係, 要1點就交枱, 不過我都習慣速食, 所以無問題~在電車路後一條街, 平時都無留意到有間日本餐廳~我估都是主要做午市生意, 晚上放工後應該比較少人會去那個位置餐廳裝飾好有日本風格, 旁邊一排BAR枱可以一直望住幾個師傅整壽司~好多刺身選擇>< 但見到隔離枱個鰻魚好吸引~還是要鰻魚~門口旁有個迷你自助沙律吧, 有生菜,栗米,麵包粒,蛋,青紅黃椒,豆.....沙律醬都有好多選舉~大部份都新鮮的, 可是那個雞蛋有點"縮"= ="雞蛋容易變壞我的鰻魚飯是一個木盒子, 跟我在日本食過的好像~HAHA鰻魚份量都多也肥美的~有蛋絲~飯唔算多因為木盒的木板是由中下的位置開始, 所以睇落好大盒, 飯應該是一碗的份量~每個餐都有茶碗蒸,味噌湯及甜品~但都是分開上~ 我見侍應是把一大盆茶碗蒸派給已經上了餐的客人茶碗蒸好熱~好食!幾滑~甜品雖然只有一粒失望了點, 不過是好食的~1點阿姐崔埋單~我見門外已經有7,8個人等緊位可能再來食~…Read More

今晚兩口子在上環打算吃過晚飯才回家，老公提議到這家店吃日本菜，進店內，環境是不錯的，有吧枱。 還有地道的裝修，感覺很日本。 女店員問我們吃放題還是吃單點，因我俩都很飽了，於是就單點吧，她吩咐我們坐在吧枱，但其實是有其他位置的，不過我倆都沒所謂吧。想不到，我們7時15分下單，等了差不多一個小時都沒有菜到！我們坐在吧枱，眼見一碟又一碟的壽司刺身巻物送到其他客人前，真不是味兒，我請女店員跟進，三番四次叫我等，我查詢到底是否漏了單，她以不友善的態度跟我說沒有，已經下單。到8時女店員才跟我說，梅子茶漬飯沒有，可否轉三文魚茶漬飯，我即無名火起，為何你到現在才跟我說！？她說是印單機壞了！還一句道歉也沒有，豈有此理! 到了8時10分才有東西吃，而這只是一個稻庭烏冬($60)！味道是OK的，但真是一肚火😡 再來野菜牛肉鍋($72)，這個真的不敢恭維，牛肉和餐牌上的照片差十萬丈遠，牛肉一點也不新鮮，碎碎的，口感鞋，湯亦得一個甜字！這麽簡單的一道菜竟然可以做成這樣。 期待以久的菜漬飯來了，雖然這個三文魚茶漬飯($48)不是我當初點的，唉算啦，快點吃完就走了，這個味道也沒什麽特別。 鰻魚班戟($57)，差點忘記了點了這個，味道是ＯＫ的，蛋皮夠軟，是新鮮整的，鰻魚的肉質夠鬆軟，但超爆多骨，差點哽到。 送給我們的甜品，份量為三啖也吃完，但小妹吃了第一啖已經不想吃了，這個士多啤梨奶凍，味道人工，口感硬，一點誠意也沒有！ 最令人憤怒的是那個女店員一味只顧與我們旁邊的熟客閒談，對我們一點歉意也沒有，真可惡！老公說他試過午飯時段也試過有漏單情況，我相信這裡的刺身應該是不錯的，好像只有我們點熱食，唉，只嘆自己選錯餐廳點錯食物。…Read More

已經是第二次來這餐廳，都是訂星期六第二輪8:00-10:30，食物質素ok, 刺身選擇不多，但尚算新鮮，甜蝦幾鮮甜！其它食物種類選擇也不少，除壽司外，還有天婦羅，串燒，煮物等等，芝麻雞亦也不錯，是職員推介的！還有汔水啤酒和其他飲品都是免費的，最後每人一小杯Haagen dazs, 價錢都算合理！但8:00入席，9:30食物便last call, 只可食甜品，10:00便要埋定單，雖說可以坐到10:30，感覺有點不！…Read More

一去到安排坐幾舒服的位置，開始畫紙仔order食物，食物齊全，刺生新鮮，尤其是帶子好好味、炸物燒物正常、仲有好似限定的芝麻雞翼，味道一般有點太油的感覺，終於食到最想食的芝士年糕，一上枱見舊年糕被剪開了有點唔開心，但入口竟然仲係熱熱加流心😍，見到勁多人叫牛肉鍋物同烏冬，不過今次太飽食唔落了。order無漏單、生果甜品係自己去櫃攞，不過見d生果同慕絲蛋糕唔太靚無攞到，最後叫埋雪糕，肥肥飽飽埋單走人。…Read More

都有一段時間無食過日式放題。朋友推介呢間放題，咁就一齊試下啦。等咗大約10分鐘就有得坐。一坐低就即刻叫野食...都算黎得快，叫左之後5-10分鐘就陸續上檯。刺身唔錯，都算幾新鮮。小弟唔係好鍾意食蝦，所以都係專攻三文魚～八爪魚。壽司手卷等等都OK。大家一開始叫少少先，咁樣就可以試多啲野喇！以下4個前菜...大家見到都應該唔陌生。酸薑係首推。唔會好甜，薑味都幾出，食完好開胃。反而韓式泡菜唔好食，超苦。繼續介紹小食！枝豆同鰻魚玉子燒都好正，大家不妨試試。全餐最滿意既一定係燒菠蘿。出面放題一般都唔會將菠蘿肉切出黎，食嗰陣都幾狼狽。呢度會好貼心咁切開菠蘿肉，變相用牙籤輕輕一吉就食到，超方便！而芝麻雞翼都唔錯，食幾舊都得呀！ 話雖如此，我覺得呢間黎一次就夠。甜品選擇令人失望，80%都係雀巢雪糕同雪條；芝士蛋糕超難食。300零蚊既放題唔應該只係得呢啲“甜品”。用餐桌面超細（兩人用既檯面），放幾樣嘢已經滿晒。洗手間環境亦令人失望。我相信呢個價錢可以搵到更經濟實惠既放題。如果大家未試過可以試下。不過我食過既就唔會再翻兜喇。…Read More

夏日炎炎中午，烈日當空，有無一種想放假感覺？有掛住日本築地壽司？無假放日子對自己好少少，中午去到德膳食lunch，一解對築地思念情懷。由中環去上環搭車，就當搭一程飛機！午市套餐由$75-195，豐儉由人，魚生質素不錯。餐廳日式裝修分2層，樓下table枱樓上設有日式座位(需要除鞋喔)煙三文魚沙律沙律菜新鮮，加入抽子沙律汁好清新開胃日式蒸蛋及麵豉湯蒸蛋滑加入冬菇、蝦、蟹柳，都幾足料麵豉湯加入蘿白、海帶又唔會過咸，可以飲曬極上壽司定食 $168定食包括：厚燒王子、蔥拖羅茸卷、八件精選壽司。壽司整體新鮮，特別海膽新鮮唔腥甜品：抹茶蕨餅有抹茶香而不太甜，口感冰涼QQ為下午繼續工作打下氣．Menu…Read More

過完大海又差唔多到食飯時間近近地過對面放過題都差唔多滿坐 所以被安排到樓上坐唔講咁多前言啦 去相!!我地得兩個人又唔食得太多所以刺身唔澎湃嫁講真擺得唔係幾靚既但刺身最緊要夠凍 哩樣佢做到而且食落就知新鮮 特別係鱆紅 好好食不過想叫多ROUND既時候已經冇哂..清酒味好濃 而且蜆食得出係新鮮 完全冇沙 好鮮甜 上枱時仲係熱既牛舌係底 俾隻蝦遮住左牛舌燒得啱啱好 唔會好UN而且好夠味蝦估唔到佢咁大隻 而且好好食 我都ENCORE左幾次其他就正常味啦好少放題地方有得食 忍唔住叫左個粉太多 搞到成舊鵝肝都好粉 而且整得太熟 哂左舊鵝肝如果可以整得好味D都可以係個賣點 因為唔係好多放題有得食上枱只係暖暖地 要即刻食D牛肉 擺得太耐就會UN左D甜甜地 係唔錯既如果加番個爐好似打邊爐咁會更好最係每人係可以揀一個甜品 我唔記得影相推介柚子雪糕 酸酸甜甜 好食 …Read More

第2次食德膳，想食任食刺身就會諗起呢度，因為性價比高，質素都唔錯；座位都闊落，居酒屋型既店面食放題，胃口都好D新到手既廣角鏡，邊食邊玩先～帶子好鮮甜，其它魚生（sor我唔識分）都好新鮮，係街外居酒屋散叫既質素！鰻魚蛋卷：好味啊 係我最愛既甜蛋，熱辣辣岩整起，唔會太甜，中間卷入D鰻魚肉，幾香，口感會豐富好多～encore encore!各式壽司／卷：花之戀非常滿足，好過D咩海之戀啊厚身三文魚，又唔會落勁多沙津醬去痴住D蟹子，飯又細細舊咁，一啖食落口滿足到講唔到野！ 必推！！！燒菠蘿！！！首先佢係好大既菠蘿，原片猛火燒，燒到表面少少燶熱辣辣，上碟前好快咁切成一塊塊，present得靚之餘又食得方便，同埋超juicy超甜！！人生最鐘意食既菠蘿排第二位！（第一位係行山行到攰啪一塊既冰菠蘿）打打下依家都有D流口水。。。會再番兜，間唔中食下心情大好！…Read More

友人特意過來和我吃午飯，我也想不到有甚麼好吃，他推介了這間德膳。雖然就開在我寫字樓附近，但我這麼久也還未去過，正好可以一試。東西極對板，環境也舒適，雖然多人，但井井有條，也不會吵鬧，全部都很斯文。真是甚麼樣的磁場就會吸引到甚麼人，我們坐的一枱，八個人，分為四組，各不相識，但大家都很有禮貎微笑，讓我有深刻印象。這裏有甚麼樣的磁場？就是好吃的食物，好的招呼。菜式選擇甚多，主要是吃壽司，這裏有極上壽司餐，很好味。我覺得以百多元的價位在上環而言，這個套餐的配套是很齊備的，有湯，前菜，甜品。如果要炸雞，可以用 HKD128.00 吃這個套餐，壽司份量也夠；自家製的甜蛋也印上自家 logo，味道很好，魚很新鮮，吃得出不是下價貨（請你相信我，在上環的日本舖頭下價貨不新鮮佔了八成以上，因為很多都是賣得很少，所以入了貨可能放很久。）如果是極上的壽司 set，HKD168.00 一客，我覺得很抵食，還有海膽。炸雞絕對值得一提，通常這些日式餐廳，對於炸雞我就沒有甚麼期望了，但這裏做得很出色。雞不硬，很軟熟，有肉汁，味道較得很好，意料之外，必食推介！甜點也是很好味的。這次來到，讓我深有體會，一間餐廳的食物好不好，看食客的表情及氣氛就知道了；這裏午市雖然人多，但一點也沒有壓迫感，全部都是客客氣氣，笑容滿面。有可能會有人說，這和上環近中環，文化水平較高有關，此言差矣。我也常到中環吃飯，那些人都木無表情，而且陰暗面極强，對身邊的東西極其介意，穿載整齊口黑面黑很 mean 的人大把。在這裏，你完全看不到，大家都是很開心的談笑但絕對不會吵鬧，只讓人感覺和諧，這是我的體會。我以後會常來這裏，以百多元價錢吃到這麼好的東西，真是開心。這裏晚市還有自助餐，人均消費是二百多，我必定會試。…Read More