德發茶餐廳 (Closed)

做完gym， 覺得個人有少少虛脫咁樣，個肚餓到咕咕聲，就入咗去呢間茶餐廳食啲嘢，入到去又唔知食乜嘢好，就求其叫咗自選車仔麵嚟食，因為通常食車仔麵都唔會衰得去邊。我揀嘅自選車仔麵，係三餸車仔麵， 三個餸就係豆卜，牛腩，雞翼， 麵就係粉， 豆卜夠圓夠大食落好香， 牛腩煮得唔係好夠淋但係就好入味，最好食就係嗰啲雞翼，好淋好滑好入味仲好香，碗麵嗰啲湯係牛腩湯嚟，我覺得飲落都幾好飲， 因為通常嗰啲車仔麵嘅湯都會好咸，但係呢個湯我覺得係唔錯嘅。加埋一杯鴛鴦，真係冇得彈。…Read More

又係去到大角咀做嘢，因為想食個early晚餐，見到有間茶餐廳有粉面飯既下午茶，就中左入去食，呢間係舊式嘅茶餐廳，都有唔少街坊係入邊。下午茶都有唔少選擇，本身就想食炒貴叼，但係原來冇河粉，所以就揀咗個星洲炒米再包一杯熱檸水都係$31。過咗5分鐘左右，星洲炒米就到咗，但係覺得好似冇咗一忽咁，可能相片唔係好睇到，都算啦唔係咁肚餓，米粉還算爽口，唔會炒得太濕，而且個辣到都夠，入邊都係有叉燒蝦仁，牛餐肉，入邊仲有最鍾意食嘅熟洋蔥，味道一般，未有十分驚喜，值得讚嘅係唔係太油，下次趕時間嘅時候都會再嚟食，貪佢都多選擇。同埋佢個侍應姐姐好得意，外表有點凶惡，但聲線十分之溫柔。…Read More

今朝起身唔舒服朋友仔陪我睇完醫生後黎呢度試下d早餐叫左兩個set我要左沙嗲牛肉銀針粉拼餐肉煎蛋朋友仔食左榨菜肉絲公仔麵奄列沙嗲牛肉銀針粉：估唔到有銀針粉食,份量唔少,湯底都幾好味,沙嗲牛肉用梳打粉醃得過龍無晒牛味,沙嗲汁雖然唔夠沙嗲味,但都算幾好味餐肉煎蛋：餐肉煎得面頭夠脆,煎蛋亦唔油榨菜肉絲公仔麵：試左少少榨菜唔會過鹹,但個汁有d含糊,不過朋友仔話味道唔差,只係d湯唔夠熱奄列：包住火腿絲,火腿份量唔少,ok另外跟既熱檸茶夠茶味牛油方包既包身夠軟熟ok以16蚊一個set係超抵食…Read More

呢間茶餐廳無乜特別,但係一定要介紹佢一項好好食又好抵食既食品,就係$6大大碟既炒米粉,好好味架!而且有好多架!米粉炒料唔同種類既菜,包括雪菜,椰菜絲,生菜絲,紅蘿蔔絲等,炒得黎一d都唔覺油,唔會食到個口油淋淋,所以幾好!味道唔會好似某店咁偏鹹,反而令人覺得清清地,而且份量算多,我試過買黎帶番公司做午餐都好夠,而且番叮都唔會難食,推介得過!…Read More