Video
4-min walk from Exit A1, North Point MTR Station
continue reading
Telephone
25705529
Introduction
賣糧油起家的德成號，由於60年代超市興起轉而售賣自家製蛋卷，全部人手捲製特別鬆化。
continue reading
Opening Hours
Today
09:30 - 19:00
Mon - Sat
09:30 - 19:00
Sun
Closed
*Retail sales are available from Thursday to Saturday only
Above information is for reference only. Please check details with the restaurant.
第一次聽到德成號嘅大名係一位熱愛美食嘅朋友話自己辭職之後要去排隊買蛋捲 所以我就趁住假期去排一排一探究竟🧐 因為網上資料有差異 所以星期三摸咗次門釘🥹 但就更加激起我想試嘅心 星期四就再去多次😤特別留意⚠️德成號一星期只係開3日 逢星期四、五、六作開市發售⚠️一去到就已經被長長嘅人龍震懾🫨 德成號9點30分先開 但8點45分去到已經排到傢俬舖 接近龍尾嘅位置🥹 唔敢想像排頭位嘅人幾點嚟到😱最後排到10點20分 終於到我啦！！☺️買咗家鄉雞蛋卷同埋鮮牛油蛋捲各2盒☺️ 因為購買數量有限制 所以變得好珍貴！終於大功告成 可以返屋企抖下啦☺️ 由出門口到買完蛋捲返屋企 總共歷時3個鐘😱 排到腰酸骨痛🥺德成號蛋捲比起坊間嘅蛋捲的確有更香濃嘅蛋味 而且口感特別 平時食開嘅蛋捲比較鬆脆 但德成號蛋捲就係鬆化☺️不過個時間成本實在太高啦 價錢又唔平🥹 除非你有好多好多空閒時間 如果唔係唔值得排隊去買🥹🥹 但無可否認全人手製作嘅蛋捲的確好難喺其他地方搵到！
continue reading
德成號是香港出名難買的家鄉雞蛋捲，在北角渣華道只此一家，九點半開店要預早一兩小時排隊，否則一定買不到的蛋捲神店！是日到北角朋友家作客，向朋友打聽德成號，打算路過順道碰碰運氣，怎料朋友非常客氣，竟然一早排隊購入德成號蛋捲，真是萬分感激。家鄉雞蛋捲($110)，被冠以「神級蛋捲」之美名，果然名不虛傳，蛋捲蛋味非常濃厚，蛋捲口感十分鬆軟，留意到蛋捲捲成大約四五層，卻能保持鬆化不死實，而且甜度剛好，配方拿捏準繩確係好食。據說，如遇過年過節更要早幾個月預訂，如果沒有預訂就要在非節日排隊碰運氣了。在如此高質素之下。定價$110一罐屬合理價位。如今世代手工有價之下，排隊一罐難求自然是意料中事，入手蛋捲的時間成本也相對較高。總括而言收到的一方真幸福，也證明對方對你有多麼的重視。你會為你重視的人，入手這一罐德成號嗎？
continue reading
馳名《德成號》手工鮮雞蛋卷食左好多年🥚師傅人手捲～好薄的蛋卷，正👍食開紅罐，鮮雞蛋卷，真材實料🥥鮮椰汁雞蛋卷，食既時候有淡淡的椰汁香味🤤🤤🤤🤤🤤🤤唔好諗住一入口就大陣椰味只係淡淡清清的～又有蛋香如果唔洗排隊，梗係想食多幾盒😂細罐裝每款口味都係一百蚊鬆啲一盒排隊買到的，真係唔容易限日子賣、限數量買無網上放售，小心被騙真係有唔少人在網上見到放賣諗住唔洗排隊跟住被騙錢架～唔好睇少騙徒手法
continue reading
【北角德成號】全香港最難買既神級蛋卷係社交平台 既蛋捲group 入面，最常被人推界最火熱既蛋捲店其中一間就係呢間為於北角既【德成號】，有被喻為係為全香港最難買既神級蛋卷，【德成號】前身其實係一間賣糧油雜貨店80幾年既老字號，之後出名時係已經轉型左獨孤一味，淨係專做手工蛋卷，每日門店前一兩個鐘就已經會有二、三百人排緊隊等佢9:30 開門買，仲要開門唔洗2個鐘就火速售罄，唔好彩買唔到又要第2朝勁早黎排隊，諗起都心累，好彩買到既就每人限買4磅，即係一係4罐細既一磅裝，或者係2罐大既二磅裝，個人建議大家都係買細既一磅裝，因為蛋捲一開就好快透風架喇，擺唔到好耐，始終都係D手工製既食品。家鄉蛋捲 $110一打開罐已經聞丁好香蛋味，食落蛋味濃郁，蛋捲非常鬆脆，只係係罐拎出黎已經會成台都係碎碎，蛋捲好薄皮，但每條都捲左大約4,5層，好有口感，唔會好似食緊空氣咁，牛油味亦好豐富，甜味適中唔會食完惹痰，食完一條會想接一條，唔怪得朝朝咁多人排隊，今次托朋友既福，終於有幸試到。
continue reading
10877 views
名字響噹噹的港產蛋卷老店「德成號」有幸食過兩三次，但每次都是家人或者朋友送贈，從未試過親自購買。一直聽聞一定要開店前最少一個小時去排隊，否則好大機會買不到。話說某天下午大約一點去開北角，順道走去碰碰運氣，果然已經沽清，但唔知點解店內仍然有幾個員工當值?! 興之所至，決定下個星期六一早起身，搭地鐵去北角排隊買蛋卷！星期六一早8:30到達，已經有30多人在排隊。排最前面的十幾人都是上了年紀的婆婆，估計全部都是代購，賺取微薄代購費，代購網站再轉售圖利；其餘排隊人士都是自用。「德成號」 上午9:30才開門，排在小編前面的嬸嬸明顯是熟客，有備而來，帶備小摺櫈。小編藉此機會攀談取經，請教購買「德成號」蛋卷攻略；綜合之後詢問店內收銀姨姨所得資料，歸納如下。小店雖然星期一至六開門營業，但只在星期四至六門市現場發售蛋卷，每日售完即止，其他日子一定冇得賣。據説唔想師傅們太辛苦，因為所有蛋卷全部人手生產。近兩年半已經相對容易購買，疫情前國內自由行蜂湧香港遊的日子，需要更早前來排隊。道聽塗說可以預訂蛋卷，原來每年只在中秋節後，開始接受電話預訂下年度農曆新年前交付客人的蛋卷，作為拜年手信；預訂額滿又會截止，真有霸氣。還有最重要一點，由於要趕訂單，每年新曆11月中左右之後，即使繼續開店，但門市會暫停售賣現貨蛋卷。門面左右兩邊的玻璃飾櫃充滿70年代風情；內裏展示了店舖出品，有簡單廣告標語及標明價錢。想當年這種設計絕對是摩登時尚，今日看來當然有點老土；但正是這種土氣才能展示「德成號」 的香港老舖風情。鋪面面積細小，內裏裝修簡陋，但乾淨企理，似乎開舖以來從來沒有改變。眼見幾個員工全部上了年紀，不苟言笑；有禮貌得來帶點拘謹，令人回想起70年代的糧油雜貨鋪及辦館（編按：辦館應該已經在香港消失了？）。雖然「德成號」 名聞香港、國內及台灣，但日本及海外遊客卻不知底蘊；原因是店舖作風低調，沒有任何宣傳、沒有自家網頁、不接受訪問；品牌名字甚至被不知名人士採用在社交平台 作為登記帳戶，但老闆只簡單在店舖門面張貼說明：「本號並無在網上或社交平台發售或訂購德成號蛋卷，敬請顧客提防受騙」，竟然沒有任何法律行動。現實卻是，多個網站仍然聲稱可以代購，到底有幾多是真貨？根據網上流傳的有限資料，「德成號」 在上世紀40年代開業，原本只是北角春秧街的一間雜貨鋪。到了第二代（約60年代初）才開始售賣自家手制蛋卷，竟然大受歡迎。發展到今天已經是間只賣蛋卷的60年歷史老店，只有三款出品：家鄉雞蛋卷、鮮牛油蛋卷及鮮椰汁蛋卷，每款有兩種容量，分別是400克裝及800克裝。家鄉雞蛋卷（$110 / 400 克裝）用傳統鋁罐包裝，罐面設計同樣老土，到底多年以來有沒有改變呢？但正是這個老土設計，印證了老派穩健傳統作風。新派鋁罐裝曲奇或者蛋卷，只會採用全揭蓋式設計，以配合機器自動化生產及入罐。「德成號」就仍然採用嵌入式罐蓋，維持老派作風。打開鋁罐，揭起牛油紙，共有三層半蛋卷。牛油紙又是傳統智慧，可隔開水氣，有防潮效果。在沒有防潮劑小包的那些年，可説是唯一選擇。每條蛋卷表面有些氣孔、而且凹凸不平，蛋卷兩端又有少少破碎、巖巖巍巍；很明顯並非機器製作，只有人手生產及人手入罐才會如此。始終圓形罐口的直徑稍稍短過蛋捲長度，用人手入罐難免會稍稍弄碎蛋卷兩端。蛋卷直徑約2cm，肉眼所見大約有五層。入口鬆化，並非偏硬香脆口感；係好傳統嘅港式蛋卷口味。每層皆相當薄身，尤其表層特別鬆化；內層只需輕輕一咬就碎，同時又有挺身實在口感，並非那些只有兩三層的空虛蛋卷。初初只嚐到淡淡蛋香，但細味品嘗後，蛋香餘韻悠長，真正做到齒頰留香。鮮椰汁蛋卷（$118 / 400 克裝）同樣全人手生產及入罐，分別只在於蛋漿原料加入了鮮椰汁。入口同家鄉雞蛋卷一樣高質、一樣鬆化。細味下滲出淡淡椰汁清香，但並沒有過濃，沒有掩蓋蛋香，味道很平衡。「德成號」傳到第三代，經營手法仍然充滿老香港作風：冇開分店；有人情味、善待員工；堅持人手製作、沒有改用機器大量生產；沒有追求高利潤、賺夠就算 ⋯⋯ 很難想像這種作風仍然可以在香港生存，深信地舖一定是自家擁有業權，才可以沒有租金壓力。希望將來第四代會接手經營，並且維持現有模式，延續傳奇 ⋯⋯可以做到好似日本的百年料理老店一樣！
continue reading