Tak Gor Hot Pot Expert (Closed)

覓食女子組又再出動, 今次黎到呢間火鍋專門店, 展開我地呢次女子組吹水大會店舖面積不大, 格局普通唔離地, 魚缸內放滿左各種海鮮, 邊款新鮮靚仔, 一目了然火鍋就打得多, 今次試下呢個全港首創"浩瀚桑拿海上鮮" (每位$388, 2位起)侍應透露預備製作需時25分鐘, 於是試下呢2款前菜"司㰩", 女子組其中一員話好鮮甜; 另一款係麻辣木耳海蜇, 味道都幾麻辣但幾爽口終於有得食啦, 侍應拎上枱時我地都不禁發出哇一聲, 好有睇頭下喎, 將錫紙揭開時, 香味散發出來材料包括沙巴龍躉(魚皮食落有膠質感, 肉唔會嚡), 花蛤(肉幾鮮甜), 流浮山生蠔 (煮熟都咁大隻, 勁!), 農場鷄 (肉幾嫩), 海生蝦 (肉質幾彈牙), 鮮帶子 (食落有些少痴牙), 花蚧(雖然唔大隻, 但蚧蓋都有D膏食下)食緊期間, 可加入豆腐卜索埋D海鮮精華一齊食, 唔夠飽仲可以煮埋個烏冬食完呢個咁勁量既海鮮鍋, 侍應送上冰涼一點甜...............雲呢拿味道既雪米糍結束我地呢次女子組吹水大會.........................哈..哈!…Read More

近來天氣反常，時熱時凍，還是天氣有點冷，就快快約朋友去打邊爐，來個入春滋補一番。見到呢個浩翰魚翅雞鍋推廣價HKD188，又有雞、魚翅和冬瓜，便決定要了這個湯底。 店員說要先飲湯才好下食物，真的是這個湯底很香濃清甜，魚翅份量也不少，再加上雞一起煲，滋陰補身又暖身。 加州象扙蚌 HKD388，看見隔離枱的象扙蚌如此大碟，我們也要來一份，真的沒想到是如此大碟，可以切的那麼薄片。 加州象扙蚌單看肉身色澤光澤，很新鮮，入口爽甜，實在好吃，而且又咁大碟，大家都吃了很多，很享受。本地手切肥牛例牌 HKD298，肥牛的脂肪都不算多，本地肥牛的肉色都是較為深紅一點，牛味都會較為濃一點。熟了的肥牛變得粉紅了，肥牛切的很薄，但是咬下有點軔，牛味也是一般。白鱔片 HKD90，愛吃魚的我又怎會少得要一份魚，如果白鱔片是新鮮，打邊爐就會非常爽口好吃，價錢都合理，就要上一份來試試。 白鱔片雖然切的很薄片，但是確實是爽口，特別是魚皮位置，真的好吃。 自家炸魚皮HKD48，魚皮每塊都很大片，看上去有點厚身，還是暖暖的，紙底又沒有什麼油。 當浸在湯中變得一點都不脆了，還有點韌口，反而不浸湯吃，就沒那麼韌口，但還是不脆口的。 巨無霸雲吞 HKD20/隻，一人一隻巨無霸雲吞，雖然好大隻，看出這個雲吞皮薄和很多蝦在內。 店內會提供蝦子，灑在雲吞上吃，雲吞便多了點鮮味，雲吞內裏蝦很大隻，還有很多隻混在豬肉中，豬肉不是肥膏的豬肉，一樣好吃。 雖然這餐打邊爐食物不多，但只飲個湯，食象扙蚌都好吸引，還要每人HKD323，都是合理價，和朋友食得開心，食物又不錯，也是一個不錯的朋友聚腳之地。…Read More

嚟到佐敦道，食啲乜野好？是晚人材濟濟，打邊爐吧！浩瀚魚翅雞鍋，雞鍋端上來時嘩了一聲，真的很浩瀚的食材喔！瑤柱、魚翅一大綑的，光看也預計到雞湯將會非常濃郁有膠質吧。在正式打邊爐之前喝了一大碗，果然是滋補暖胃之選，雞肉也熬得香嫰幼滑，單是雞鍋材料已值回票價。由於人數眾多，多點了一個火燄醉蟹花蛤湯底，正中我我下懷，我超喜歡吃蟹的！這個蟹鍋也相當足料，原隻肉蟹煮出的海鮮湯，鮮甜入味，清新而有層次，一邊打邊爐一邊吃蟹，非一般的享受。同場朋友是愛魚之人，點了原條鮮魚刺身2食，還有魚皮手工菜，看著大家吃得很滋味，但由於我腸胃對魚類敏感，前菜有得睇冇得食！當然，點牛肉的時候我就舉手讚成，點了手切本地肥牛、安格斯牛柳粒、手切本地新鮮牛展，還有牛肉刺身。我自己個人最喜歡安格斯牛柳粒，肉味香濃，而且有𡁻口，一層層散發著牛肉油脂味道，甘香豐厚，令人吃著一口又一口。無論吃西餐中餐我都是生肉控，3成熟是我的指標，所以很開心這裡可以點牛肉刺身，配生蔥伴吃很有質感，而肥牛則簡單輕輕焯熟已經很完美，還帶點粉紅色的牛肉嫰滑易入口，吃得很高興。然後繼續吃我最愛的海鮮，花雕醉蝦比較特別，用心製作，但煮熟的蝦其實沒有太多花雕味道，反而吃回蝦肉爽口彈牙的原味。其次的德哥四式滑、三寶丸也做得不錯。特別是鵝肝墨魚丸，流心鵝肝香味濃郁，很有驚喜。不得不提的是炸響鈴，即叫即炸，立即食或是放湯煮同樣美味，一放入口比薯片更脆卜卜，豆味香濃，熱氣也要吃多一件。最後已經八九成飽，簡單吃完田園蔬菜併盤和竹笙等等作結，就此晚安。…Read More

成班人最好去邊?我首選食火鍋最近成班姊妹又黎'十下十下'一來到,門口,魚缸已放滿生猛海鮮一開始就要飲枝樽裝可樂而家外面食肆難得再找到枝裝汽水,呢度竟然有,正!再來紫貝天葵（HKD38）打邊爐難免熱氣,當然來壺飲飲清一清味不會太甜，飲落口好似山楂味道,十分解渴解膩提到生猛海鮮當然不少得呢條海赤𩶘魚,店員撈上來時還蹦蹦跳跳魚肉會用作刺身（HKD688）賣相一流，旁邊還製造了出煙效果刺身感覺較韌身，但味道鮮甜,另一邊還有八爪魚刺身，一樣味鮮煙韌,口感十足當晚我們成班還點了好多其他食材,琳瑯滿目,食到眼花繚亂另外要一提,就係呢款中華爽口魚皮（HKD58）今時今日好難會食到,呢度又有得食!魚皮鋪滿薑絲蔥絲花生碎，爽口輕脆,唔腥反而香滑講左前菜,係時候來個湯底打邊爐浩瀚魚翅雞鍋（HKD390）入面有冬瓜,雞,花膠及瑤柱等材料單單睇食材已夠豐盛,用料十足,因此味道亦好鮮甜,遠遠已聞到其香氣四溢有湯底,亦要有材料,以下係特別且想介紹下頂級花膠筒（HKD78）左上 :將佢放入湯滾後,食落口滑溜,味鮮,但不可煮太久,否則溶曬就無啦牛黃喉（HKD78）右上:本以為係菇類,原來係牛的一部分滾熟後好爽口,咬口幾特別,完全想像唔到係牛的喉嚨頂級桂花蚌（HKD100）下:同樣爽口,新鮮鮮甜,完全滲入雞湯,更入味好吃打邊爐不少得牛肉手切本地新鮮牛展（HKD198）牛展煙韌,啖啖肉,亦係好少在外打邊爐吃到手切本地肥牛（HKD298）聽店員告知煮三秒左右即可食,不過我始終認為不是刺身,所以還會煮耐一點,加上可令雞湯底滲入,令其味道更鮮呢個花膠筒真的超正,啖啖花膠滑嘟嘟牛肉筋肉相連,美味還有一個必點:德哥四式滑（HKD228）包括黑松露墨魚滑,蟹子蝦滑,新鮮手打牛滑及鯪魚滑一次過食到四款,不錯,特別牛滑外面較難吃到墨魚滑完全散發黑松露的氣味蝦滑蝦味甚濃牛滑牛味十足,只吃到其啖啖牛肉鯪魚滑無骨,魚味鮮甜整體彈牙,味濃,夠滑,很不錯食到飽,當然來個蔬菜清一清腸胃田園蔬菜拼盤（HKD78）多種不同蔬菜盡在一籃種種新鮮放入湯底中滾後,變得更清甜德哥呢度的食物選擇超多,而好多款式係時下火鍋店未必找到所以呢度感覺更懷舊…Read More

３月的天氣還是很涼，晚上幾個姊妹又約去吃火鍋今次去了尖沙咀與佐敦之中間的德哥火鍋火鍋前，先點了個立魚刺身我還是第一次吃，所以跟了出去看，到底是什麼魚一看之下，原來立魚非常大條，超級生猛片成刺身之後，每片都是很厚的肉，看上去非常晶瑩剔透由於是新鮮即時在水箱中打撈上來，所以一點雪味都沒有如果原味吃，味道很清；沾醬油加上wasabe更引出它的鮮刺身切得有點厚，肉質比較結實，如果切得再薄一點，口感會更好中華爽口魚皮 (HKD 48)平日我很少吃炸魚皮，因為不太喜歡乾的感覺難得這裡有薑蔥灼魚皮魚皮本身很滑，加上薑蔥很香口，整道菜變得又香又脆又有爽口，下次來也一定要吃這道小吃潮式獅奄 (HKD 58)獅奄一直是我極愛的貝類食物，內裡血紅色，有人嫌腥味重，但這才是精華德哥的獅奄看得出花了不少功夫首先洗得很乾淨，沒有泥味道內裡保存的精華沒有過份流失，肉質爽甜鮮味，沒有過咸，非常值得吃火鍋湯底上來，這陣子都喜歡進補，湯底愛點 - 花膠瑤柱雞湯湯底煮滾之後，裝了一小碗品嚐有清香的雞味道加上瑤柱的甜，如果再滾動多半小時，湯味更濃花膠很大一片，吸收了雞與瑤柱的味道，又稔又鮮，養顏滋補之後我們點了火鍋配料有 ：本地手切肥牛 (HKD 298)每片牛都2分肥8分瘦，滾30秒撈來吃，口感肉質都剛剛好，夠嫩又有牛味道牛喉王 (HKD 78)第一次吃牛喉王，本身沒有什麼味道一開始還以為是雞脾菇，其實外貌跟口感都極相似不肥不膩，如果怕吃內臟，其實可以初試這牛喉王，非常爽脆德哥四色滑 (HKD228) + 田園蔬菜併盤 (HKD78)四色滑有牛滑、墨魚滑、鯪魚滑、蝦滑都是被打成膠的新鮮食材我還是最喜歡蝦滑、墨魚滑 ，彈牙，味道夠鮮芝心蝦丸 (HKD78 ) 鵝肝墨魚丸 (HKD78 )很特別的丸物一咬下去分別混雜著芝士及鵝肝的味道味道特別炸嚮玲 (HKD40)德哥家的嚮玲非常好吃，暫時是我吃火鍋的人生中，最好吃的嚮玲不是普遍外面包裝好的貨色，是自己炸出來的拿出來的時間，還是非常燙手我們點著甜酸醬來吃，又香又脆又熱辣辣一路吃碎片一路掉，好吃得不能說話竹串生蝦 (HKD70)吃火鍋最後總要最少一人有一隻海蝦才算完滿海蝦新鮮，肉質結實，味鮮，不錯又是最抵吃的海鮮 …Read More

黎到佐敦搵食, 見到門面係極為新鮮的海鮮, 水質清澈, 海鮮生猛, 店舖細細, 見環境幾乾淨, 決定入內一試.一睇MENU, 食物選擇及種類極多, 少有的火鍋配料都有齊, 仲有多款養生貴價鍋底選擇, 我們決定點2個鍋, 大飽口福.我們一坐下, 店員已奉上熱茶, 茶香而且無苦澀味, 細問之下, 原來名叫”六安骨茶”, 六安骨是茶葉梗, 我係網上見到原來好少茶樓會用的!友人未到齊, 先點了小食及飲品 – 中華爽口魚皮, 潮式獅奄 及 紫貝天葵.中華爽口魚皮係有薑蔥個種, 魚皮超爽口, 麻油香!潮式獅奄粒粒肥美, 完全無沙又鮮味, 而且份量都幾多, 抵食!紫貝天葵帶一點點山楂味道, 酸酸地好開胃, 配火鍋係最佳配搭.店員介紹今日的有新鮮送到的生猛深海赤立魚, 可以做刺身, 魚肉用黎打邊爐, 赤立魚一條超過1尺長, 來自南中國海! 勁生猛, 係甘爭扎, 刺身肉質清淡有咬口, 還附送了少量八瓜魚刺身, 同樣新鮮, 上檯還有乾冰製造煙霧效果, 睇得又食得!2個湯底點了 火焰醉蟹花蛤湯底 及 浩翰魚翅雞鍋.火焰醉蟹花蛤湯底材料十足, 花蟹, 大隻花蛤, 蕃茄等等, 即時煮滾, 我們第1時間飲”頭啖湯”, 十分鮮味, 用上海鮮做湯底, 油份較少, 比較健康!浩翰魚翅雞鍋用了冬瓜圈盛起半隻黃油雞, 魚翅群邊及3粒大瑤柱, 湯底微咸, 應該是用了鹽焗雞, 滾起後大家都快速食曬魚翅, 雞件仍然好滑.手切本地肥牛, 手切本地新鮮牛展, 鮮脆鯇骨腩片, 花彫醉蝦手切本地肥牛超新鮮, 每片厚度岩岩好, 滾4秒可以即食, 無根而且牛味十足!新鮮牛展筋紋靚, 較為薄身, 滾3秒夠了, 太耐會縮水, 多食幾片都唔怕.鮮脆鯇骨腩片有2種口感, 脆鯇片 + 骨腩, 我最愛骨腩因為油脂較多, 好鍾意佢油甘香味!花彫醉蝦用了花彫和杞子浸住, 用作火鍋後花彫味就沒有了, 不過蝦肉十分彈牙, 真係超新鮮!頂級桂花蚌, 花膠筒, 牛黃喉, 德哥四式滑桂花蚌又大件又彈牙, 非常JUICY!花膠筒有成8-9CM長, 比較薄肉, 女士必食.牛黃喉, 即係牛的喉嚨, 一般火鍋店少見, 牛黃喉有點似有咬口的雞脾菇.德哥四式滑係必食推介, 有齊墨魚滑, 牛肉滑, 鯪魚滑及蝦滑, 每款都幼滑無根, 牛肉滑有牛肉鮮味, 絕不花假!炸嚮鈴, 牛肉刺身炸嚮鈴是配甜酸汁上檯的, 嚮鈴係即點即炸, 由內到外都好香脆, 就甘點甜酸汁食比用作火鍋更好! 我一口氣食左3件!!於火鍋店食牛肉刺身真係第一次, 配酸汁及紫洋蔥食用, 都幾野味喎.鵝肝墨魚丸, 芝士蝦丸, 韮菜餃, 有營三寶鵝肝墨魚丸係必食, 帶點肉粒的墨魚丸, 裡面包住一小粒鵝肝, 十分甘香, 鵝肝流出少少油, 鵝肝味滿佈整個口腔, 久久不散!安格斯牛柳粒, 油麥菜, 田園蔬菜拼盤安格斯牛柳粒帶少少牛根, 仍十分好食, 唔會太韌, 可以跟手切肥肉比下去!油麥菜 及 田園蔬菜拼盤 賣相好靚, 菜切得整齊又洗得乾淨.…Read More

這晚來到德哥，6個女仔叫到成枱都係不特止，仲encore多成十碟野，真係不得了有時唔好睇少女仔的威力，分分鐘仲拆得勁過男仔😅我真心覺得我地好厲害！先來一條海赤𩶘刺身（$688），店員從魚缸取出，新鮮到極。海赤𩶘刺身賣相精美，魚質煙韌，味道淡口，條紋清晰，旁邊還有八爪魚刺身，同枝鮮甜有嚼口。牛肉刺身（$98）薄薄一片，再配上洋蔥後特製醬汁，味道還不錯啊！中華爽口魚皮（$58）配上薑絲蔥絲，再加入調味，入口嫩嫩滑，質感彈牙，很好吃！現在不少地方可以吃到了。潮式獅奄（$58）用鉗子輕輕一夾，就能打開。用質肥美鮮甜。主角來了，我們6個人點了兩個鍋。火燄醉蟹花蛤湯底（$270）入面有醉蟹、花蛤、蕃茄等等，湯底鮮甜美味，一邊食也不忘飲啖靚湯呢！浩瀚魚翅雞鍋（$390）入面有冬瓜、半隻雞、花膠和瑤柱，盡顯矜貴，湯底同樣鮮甜美味。手切本地肥牛（$298）這個超級捧，煮三秒半便可食用，肉質鮮嫩，有嚼口，食唔停口。手切本地新鮮牛展（$198）牛味濃郁，肉質有嚼口。安格斯牛柳粒（$138）牛黃喉（$78）質感很特別，有點像牛柏葉，還不錯呢！芝心蝦丸（$78）流心的芝士配上彈牙可口的蝦丸真心不錯呢！鵝肝墨魚丸（$78）墨魚丸同樣鮮嫩彈牙，夾著一小顆鵝肝味道不錯呢！德哥四式滑（$228）包括黑松露墨魚滑、蟹子蝦滑、新鮮手打牛滑、中山鯪魚滑。墨魚滑和蝦滑彈牙可口，鮮味突出，手打牛滑同樣彈牙，咬落沒有根的雜質，完全能夠吃到牛肉本身的鮮味。韮菜餃（$40）皮薄饀鮮，惹味至極！頂級桂花蚌（$100）花彫醉蝦（$80）賣相非常吸引，用惹彫浸住生蝦，但吃上來花彫味道不太突出，但蝦肉新鮮彈牙。鮮脆鯇魚腩片（$78）爽脆嫩滑。頂級花膠筒（$78）這個好吃，但不要煮得太久。炸響鈴（$40）是即叫即炸的，香脆可口，可即時食用，配上甜酸醬更好味。田園蔬菜拼盤（$78）款式選擇頗多，而且樣樣新鮮，很滿足呢！油麥菜（$32）有營三寶（$68）包括了芋頭、南瓜、蕃薯，鮮甜腍滑，而且芋頭夠粉，好吃！紫貝天葵（$38）味道不太甜，帶點山楂味道，球酸甜甜，頗開胃的。這晚非常滿足，吃到都是好吃的，過了一個開心而瘋狂的晚上。…Read More

天氣開始涼，又係時候同朋友打邊爐，朋友住佐敦，我地就相約在附近搵食，路過被德哥火鍋門口嘅易拉架所吸引著，睇見加州象拔蚌特價每條$388，朋友都喜歡食象拔蚌，於是二話不說就走左入去了。好彩時間還早，仲有枱可以比到我地，店內地方雖小，但食物一應俱全。我地都係衝著象拔蚌而來，當然整返個頭盤 加州象拔蚌刺身先啦，刺身切得長長的一片，份量也不少，咬落口感十足爽脆彈牙，鮮味可口。英國藍龍蝦刺身，隻龍蝦真係好生猛，上枱時龍蝦頭還在郁，肉還在震，雖然咁講有點恐怖，但相信愛食的香港人除了味道還喜歡看賣相，在這相機食先年代，個個都爭相拍攝呢段短片。藍龍蝦肉質十分爽嫩，味道清甜，用來做刺身真係最好不過。除了龍蝦身的肉做刺身外，魽及頭用作打邊爐，湯底更添鮮味。至於湯底，我們揀了 魚翅雞鍋$188，原來還有冬瓜作為湯底，冬瓜圈內有滑雞同埋魚翅，魚翅仲份量十足，先試試湯底，雞湯味濃郁，亦有魚翅的鮮味，相信已經熬上一段時間，湯濃且膠質豐富，鮮甜養顏，未開始打邊爐我地已經差不多飲完這個湯了。打完邊爐後再食個冬瓜，個冬瓜先至係精華，吸收晒魚翅和雞的鮮味，更包含左其他鮮料的味道，真係越食越想食。打邊爐又點少得啤酒，難得呢度竟然有生啤仲做緊特價， 德國保羅蘭生啤$38，泡沫細緻，麥味清香，入口微甘，打邊爐配呢款生啤真的不錯，值得推介。花彫醉蝦$80，用新鮮海蝦浸落花彫酒內，吸收了花彫和杞子嘅香味，吮一吮滾熟了的蝦頭，花彫酒香再加蝦頭鮮味，一試上癮，蝦身彈牙兼略帶酒味，酒不醉人人自醉。另一個化學作用推介，就係呢個鵝肝墨魚丸$78，墨魚丸鮮味彈牙，一咬開就有少少鵝油滲出，開始嚐到的不是鵝肝味，而是金華火腿的甘香鹹味，很特別的一個配合。美國桶蠔，愛吃蠔的人相信也難抵擋呢款巨蠔嘅威力，蠔身超巨型飽滿，淥熟後份量也不會太縮水，口感豐腴，鮮味可口，滿足晒愛蠔的我。食完巨型桶蠔，再試另一款香港人喜歡的生料巨無霸雲吞，比起平時食的雲吞大成幾倍，內裡的餡料也份量十足，真係蝦肉多過豬肉，另外仲奉上蝦子比我地自己落，鮮味香口，滿足晒我地港人口味。打邊爐食肥牛也是常識吧， 手切本地肥牛$298，牛肉色澤鮮明，脂肪分佈均勻，厚度適中，牛味香濃，邊位有點脂肪，正合我心意。另外新鮮鵝腸、野生竹笙都好好味…Read More

天氣開始凍，即慶打個邊爐。老公好鐘意食象拔螃，佢記起行過佐敦呢間有得食，所以就決定一試。安格斯牛肉好正，軟但有口感，唔係嗰啲薄切切！湯底好正。叫咗鯊魚骨豆乳湯當然就係象拔螃啦。刺身，但我覺得快煮一下好似仲鮮甜…Read More

期待已久的寒冷感覺終於襲來，也是名正言順外出打邊爐的好時候。新聞說這年十一月的天氣是五十年來最熱的，這種天氣即使外出享用火鍋也覺風味不足。乘這幾天天氣下降至二十度左右，身體也感到點點寒意，就到這裡吃火鍋了。回想上次的火鍋放題，真是一趟災難式的體驗。沒法子，自己對將貨就價的餐廳素來嗤之以鼻。尤其是火鍋吧，不用廚師下廚，經營成本已比其他餐館低，如果連一個像樣的湯底也沒有似乎說不過去。看看這裡的點餐紙，湯底選擇新奇多樣，由上價的松茸螺頭雞、火焰醉蟹花蛤、魚翅雞湯底以至相宜的麻辣、香茜皮蛋湯底都一應俱全。還有期間限定的蟲草花湯，選擇之多叫人咋舌。一家用心做湯底的火鍋店絕對大大加分。這個湯底名叫浩翰魚翅雞鍋(特價$188)，湯底一奉上就見真章，上面差不多鋪滿瓣瓣的魚翅群，份量頗多。除了魚翅外，也可以見到已切件的雞隻和一大片冬瓜，材料豐富得盛滿了大半個湯鍋。把湯底煮開後，先嚐一嚐湯底，滾熱的湯水入口雞香濃郁，鮮味得不得了。雞肉油脂不多，也能保持應有的嫩滑。嚐過這鍋美味的雞湯後，另外兩道精彩的菜式又奉上了。這道吸睛的藍龍蝦刺身($672)，伴以爪子仍會動的半截龍蝦身，放在餐桌上已是先聲奪人。龍蝦肉的顏色像帶子刺身，入口冰滑，肉質綿滑彈牙，伴以微微的蝦香，相當不錯。餘下的龍蝦殼可以加進湯內，使湯底添上一層龍蝦鮮味。還有原隻象拔蚌刺身($388)，碎冰上的是已切成薄片的蚌肉。蚌肉冰冷，薄切卻不失彈牙爽口，味道也十分鮮甜。即使不點豉油，也可以嚐到當中的鮮味，足見貨色新鮮。打邊爐必備牛肉，這道手切本地肥牛($298)顏色呈深紅色，脂肪較少，灼熟後牛肉的質感較為結實，脂肪雖少但很容易咬開，牛味也算濃郁，質素相當不錯。美國黑豚腩片($78)切成薄薄的一片，放進湯內數秒已可灼熟。與肥牛一樣，脂肪不多，肉質比牛肉更柔滑。這個巨無霸雲吞($20/隻)據說是這裡的招牌菜，比茶樓的灌湯餃還要大，比較之下真的有如拳頭般大，誇張得很。內裡餡料豐富澎湃，除豬肉外還有八隻蝦左右。店家還細心地訓送上了蝦籽，添了蝦籽後雲吞味道更濃郁。雲吞餡料飽滿，體積也使人留下深刻印象，但用料稍嫌普通，建議店家可以大膽加入其他材料，加強雲吞的味道層次。另一道叫人驚喜的是這道美國桶蠔($168/4隻)，又是大得誇張的東西，每一隻蠔都有掌心般的大小，視覺效果相當震撼。桶蠔灼的時間要拿捏得準確，否則體型大大縮小，就失去了點大蠔的樂趣。蠔肉味道濃厚，沒有令人卻步的腥味或金屬味，質素良佳。德哥四式滑($228)又是賣相精緻、份量驚人的一道配料，四種滑分別是中山鯪魚滑、蟹子蝦滑、新鮮手打牛滑和黑松露墨魚滑。鯪魚滑腥味不重，魚味頗濃；蝦滑呈自然的橙紅色，口感極彈牙；牛滑牛味濃郁，入口柔滑無筋；墨魚滑也能夠做到彈牙。如果喜愛「滑」的話，點這道四式滑比各自單點更划算。至於另一道手打蝦麵($60)與蝦滑也有同曲異工的效果，而且將蝦麵放進湯裡的過程充滿娛樂性。（為何有娛樂性就要靠閣下自行想像了……）蝦麵其實與一條長型的蝦滑差不多，但總覺得「麵身」太粗了，出來的效果不太像麵，幸好蝦味仍舊非常突出。鵝肝墨魚丸($78)內裡可以嚐到一顆味道濃郁的鵝肝粒，外層的墨魚丸與墨魚滑一樣新鮮彈牙。最後想寫一寫最不起眼但有驚喜的蜂巢豆腐($32)，入口是粗糙的口感，豆味頗重，吸湯效果一流，吃時要小心滾燙的湯水不斷溢出來呢。整體而言火鍋湯底與配料質素上佳，絕對有資格在火鍋店林立的佐敦爭一席位。…Read More

天氣開始涼，又係時候同朋友打邊爐，朋友住佐敦，我地就相約在附近搵食，路過被德哥火鍋門口嘅易拉架所吸引著，睇見加州象拔蚌特價每條$388，朋友都喜歡食象拔蚌，於是二話不說就走左入去了。好彩時間還早，仲有枱可以比到我地，店內地方雖小，但食物一應俱全。我地都係衝著象拔蚌而來，當然整返個頭盤加州象拔蚌刺身先啦，刺身切得長長的一片，份量也不少，咬落口感十足爽脆彈牙，鮮味可口。 英國藍龍蝦刺身，隻龍蝦真係好生猛，上枱時龍蝦頭還在郁，肉還在震，雖然咁講有點恐怖，但相信愛食的香港人除了味道還喜歡看賣相，在這相機食先年代，個個都爭相拍攝呢段短片。藍龍蝦肉質十分爽嫩，味道清甜，用來做刺身真係最好不過。除了龍蝦身的肉做刺身外，魽及頭用作打邊爐，湯底更添鮮味。至於湯底，我們揀了魚翅雞鍋$188，原來還有冬瓜作為湯底，冬瓜圈內有滑雞同埋魚翅，魚翅仲份量十足，先試試湯底，雞湯味濃郁，亦有魚翅的鮮味，相信已經熬上一段時間，湯濃且膠質豐富，鮮甜養顏，未開始打邊爐我地已經差不多飲完這個湯了。打完邊爐後再食個冬瓜，個冬瓜先至係精華，吸收晒魚翅和雞的鮮味，更包含左其他鮮料的味道，真係越食越想食。打邊爐又點少得啤酒，難得呢度竟然有生啤仲做緊特價，德國保羅蘭生啤$38，泡沫細緻，麥味清香，入口微甘，打邊爐配呢款生啤真的不錯，值得推介。花彫醉蝦$80，用新鮮海蝦浸落花彫酒內，吸收了花彫和杞子嘅香味，吮一吮滾熟了的蝦頭，花彫酒香再加蝦頭鮮味，一試上癮，蝦身彈牙兼略帶酒味，酒不醉人人自醉。另一個化學作用推介，就係呢個鵝肝墨魚丸$78，墨魚丸鮮味彈牙，一咬開就有少少鵝油滲出，開始嚐到的不是鵝肝味，而是金華火腿的甘香鹹味，很特別的一個配合。美國桶蠔，愛吃蠔的人相信也難抵擋呢款巨蠔嘅威力，蠔身超巨型飽滿，淥熟後份量也不會太縮水，口感豐腴，鮮味可口，滿足晒愛蠔的我。食完巨型桶蠔，再試另一款香港人喜歡的生料巨無霸雲吞，比起平時食的雲吞大成幾倍，內裡的餡料也份量十足，真係蝦肉多過豬肉，另外仲奉上蝦子比我地自己落，鮮味香口，滿足晒我地港人口味。打邊爐食肥牛也是常識吧，手切本地肥牛$298，牛肉色澤鮮明，脂肪分佈均勻，厚度適中，牛味香濃，邊位有點脂肪，正合我心意。…Read More

佐敦交通方便，通常平日聚會均以此為中心點，既然天氣轉涼正值進補時，一眾友人數個開了討論組，商議養生大計，有人提議德哥有許多特色鍋底，紛紛入組成團。長白山雪雁燉蟲草花  $228一望推介就決定來個不油膩的長白山雪雁燉蟲草花，脂肪說好不高，但要耐心等等，因為補湯要點火喉。湯帶點藥材香味而有點深紅色，而湯底清澈略有油，雁肉顏色偏紅，跟蟲草花數量都很多，足足由湯料佔了半鍋，侍應提點要享用補湯及湯料，一嗑湯甘甜蟲草味，肉味都有但以藥材味為主。加州象拔蚌  $388這兒的主打是象拔蚌刺身，在門口經已為大家提示菜色，每隻都好有份量、即叫即切，眼見都知其新鮮，刀功切得薄薄一片，肉質爽脆，鮮甜不腥，非常開胃。手切本地肥牛  $298一上枱色澤鮮艷紅潤，厚度平均份量都可以，略感脂肪未夠。因為都比較大片厚切，要多一點火喉，怎料熟後咬食落猶如牛扒般咬口，啖啖肉，味道夠肉味香、湯味濃，令朋友們很驚喜！油麥菜  $32，炸響鈴  $80  菜大棵亦水份足夠新鮮，未見枯黃，只需一、兩分鐘滾熟，配以濃湯不蘸豉油，都清新鮮味。而響鈴質地較薄，輕輕拖一拖，帶有少少湯輕咬半脆，很惹味！蜂巢豆腐  $32其實這豆腐很方便，不用睇火計時，全放這鍋由它去，隨時順手夾來，點辣油加些蒜，蜂巢間充滿香濃補湯，一口豆腐已送半口湯，豆味香質感嫩，很好。野生竹笙  $88大件切開，每件都挺身潔白，材料新鮮。滾後不會縮水，襯出補湯更見藥材味香，咬口清爽不腍，真的食出"索索"聲，鮮甜而帶著濃湯味。巨無霸雲吞  $80可以叫最少三粒普通雲吞於一身，尺寸似拳頭，皮薄見肉餡，要比點耐等它全熟，然後加上蝦味，帶蝦乾味，餡肉有七、八隻海蝦及有豬肉，與朋友共享更好！花鵰醉蝦  $80:)花鵰酒加冰配調味浸著竹簽上，未煮就帶有酒味香，有光澤都夠新鮮。蝦身不厚，直接放鍋很快就熟，食落酒味退減，但味道被引出了它的清甜又不腥，肉質經過冷河較彈牙。鵝肝墨魚丸  $78外層是墨魚，丸中有鵝肝粒，需要比較長時間才熟透，一咬鵝肝汁非常濃郁，可惜配火鍋湯底會有反差，味道變得不太"鵝肝"，不見鵝肝的油脂，亦未見與墨魚丸相襯。紫貝天葵  $38/JAR比較鄉土情懷的點了這個飲料，深紅色的淺嚐帶酸，同時有點似山楂的味道，不會太人工甜，口味可以。手打蝦麵  $60還以為會怎樣的蝦麵，結果擠了出來不似麵反似蝦滑，賣相一般但味道都有濃郁蝦味，不爽口但口感細嫩，都值得點選。閒來無事補一補，一眾朋友齊分享，便是人間好時節！…Read More

近年發現天氣凍的日子一年比一年少, 如果要等到天氣涼的時候才開始去打邊爐, 應該一個冬天都未必打到5-6次, 唯有趁約到幾位志同道合的朋友就要出發啦~火鍋店位置在佐敦廟街附近, 地鐵站出口行數分鐘就到, 都非常方便, 入場已見到有一班人坐最入的位置, 用兩張大枱連起用, 都有十幾近二十人, 枱的安排都可靈活調動。今次朋友帶我去食好野, 聽聞這店主打養生湯底, 幾位朋友都嫌最近返工辛苦, 屋企又無湯水提供, 妝都比之前化重左 , 所以聚會都不妨找找湯水飲。今次到來就已經出秋冬滋補湯水, 有隻是瑪卡燉豬展湯, 我想應該專為男士而設吧, 今次我們全女班, 當然選了另一個唔肥的湯底—長白山雪雁燉蟲草花湯 。雪雁脂肪低 , 而且蛋白質豐富, 又有十幾種胺基酸及礦物質, 一聽都知對女士好啦~, 蟲草花 滋潤平氣, 入口爽口清香, 湯底一到, 職員已叫我們等再煲滾後要一人一碗, 品嚐後再打邊爐。湯底因蟲草花而色澤偏啡, 入口清甜味濃, 味道近似煲鴨湯, 但湯面極少油, 完全沒有油膩的感覺。藍龍蝦刺身- 聽個名好特別, 是英國入口的龍蝦, 令我想起皇室的'blue blood', 龍蝦蝦肉不多, 未似象拔蚌刺身般爽口, 但有清清的海鮮鮮香,肉質軟微爽, 反而有黏口的感覺。象拔蚌刺身 大特價, $388有一條, 當然要食。師傅刀工及手法都一絕, 象拔蚌片片薄切, 處理後爽口有鮮味, 分量都有好多, 5位食都好足夠。美國黑豚腩片($78) , 手切本地肥牛($298)- 兩者同時間到, 就好自然地一齊做個比較。本人一向都喜歡食牛, 但自從一次食日式火鍋, 發現黑豚肉用於火鍋的確較牛更好, 今次更反映出結果。豚肉入口即溶, 肉香不羶, 反觀手切牛雖味濃又鮮, 但就算剛熟取出, 入口仍會偏鞋。德哥四式滑($228)- 人多可選擇的都多, 分別有牛, 墨魚, 鯪魚及蝦滑。墨魚滑 確實值得推介, 面的黑色粒粒是黑松露, 上枱時已有陣陣松露味, 入口墨魚滑爽口彈牙 , 更加入唐芹令濃濃的墨魚味多一份清新。巨無霸雲吞($20) - 我偏好食餃子類, 難得有個特別大的雲吞就要試一試。一位有成大半個拳頭, 一度懷疑熟後未必識浮上面, 哈哈。除有原隻蝦, 更有碎蝦肉混合豬肉, 職員更會有一瓶蝦子 提供出, 食出鮮味外, 亦多一個層次感。手打蝦麵($60)- 比起其他蝦滑及蝦丸, 這個一定是最爽口的, 用唧唧的方法, 條條厚度平均, 以為會混合麵粉做麵條, 誰知啖啖肉, 更有蝦甜鮮香, 而且有得玩, 哈哈。鵝肝墨魚丸($78)- 原本食左4式滑, 覺得墨魚滑配黑松露好夾, 但原來同鵝肝就.....味道會少許怪, 內裡有一方粒的鵝肝, 材料好足, 但味道與墨魚不夾, 帶少許腥味。5個女仔食左咁多野, 仲話想減肥, 堅持不去任食火鍋店, 不過就因為他們的執著, 才發掘到一間有好湯底, 味道好的配料的店。…Read More

幾個舊同事約出來聚一聚, 同事A話帶我們去”德哥”食火鍋, 聽他說抵食, 火鍋料新鮮, 及有靚湯飲.店舖不太大, 有六張枱, 枱與枱有距離, 坐得舒服.踏入秋季, 係時候進補, 先飲湯, 後火鍋. 叫了店推介的長白山雪雁燉蟲草花湯. 蟲草花有補腎, 增強體力, 降低血糖,等功效. 湯底講究又足料, 雪雁肉質似瘦肉, 沒有脂肪, 食及飲得放心炸響鈴即叫即炸, 特別香口, 再放入湯, 吸收了湯的味道, 食得不能停口.鵝肝墨魚丸, 手打, 彈牙, 食時鵝肝似中式的金華火腿, 口味帶咸香, 手打材料, 即日打制巨無霸雲呑, size 似小孩的小拳頭, 我們一粒兩人分.食時灑上蝦籽. 足料, 爽口.安格斯手切肥牛, 牛脂分布平均,看得到, 食得出,入口肉香而不膩.…Read More

中午經過,見佢35蚊煲仔飯餐好抵,於是一試。個餐有汽水,我本來要罐裝可樂,個阿姐話有支裝揀,咁我就要支裝啦,但係埋單就加左10蚊囉,要加錢冇問題,但唔好同我講話有得揀又唔話俾我知要加錢,仲要係同散叫冇分別,擺明係呃 講返個飯,上到黎只係暖暖地,同埋一D飯焦都冇,其實只係用煲仔上既蒸飯而已。 …Read More