御麵の坊

Open Now

Now Closed

上星期幾個同事嚟到都會置富廣場食LUNCH, 由於工作繁忙太肚餓,所以揀咗泡菜豚肉飯, 加杯熱珍珠奶茶。呢度嘅泡菜豚肉飯幾好食, 豚肉有濃汁好好味, 好易送飯, 而且有少少泡菜,粟米,撈勻食,好開胃。略嫌有子薑, 我唔鍾意食。

之前食佢明明覺得好好食㗎，依家質素真係差左好多。佢呢個滑蛋豬扒飯，有好幾個問題。第一，佢啲豉油呢唔係我哋想像中嘅日式豉油，好食個種，而係我哋屋企日常就會食到嘅中式鹹豉油，同個飯係一啲都唔夾㗎。第二，佢啲滑蛋炒落都好一般，滑係滑，但係食落去就唔香蛋味。第三，啲豬扒亦都唔好食，你係一咬就覺得係雪藏左好耐嘅豬扒。總括而言，唔好食滑蛋豬扒飯啦。

因為飯腳同事今日帶了飯，唯有自行去買外賣回公司上網睇youtube送飯啦。揀咗紅磡都會商場入面嘅御麵，中午12:45前結賬會有9折。我點了一碗麵豉湯花枝丸拉麵及熱檸檬柑桔，先講拉麵，麵豉湯比較咸，好濃味，愛吃濃味食物的我，都可以頂得順，不過食完麵，真係幾口渴。麵質彈牙，我喜歡這個麵有點蛋香，好食。花枝丸不過不失，得三粒太少，如果店方加多一兩粒會更好。熱檸檬柑桔，有點酸了，如果甜少少更好飲，下次試下叫熱珍珠奶茶。

因為學校係附近所以都成日黎食。侍應好有禮貌同埋效率～排隊都唔洗等好耐。我鍾意飲呢度嘅珍珠奶茶，雖然甜但有香味，同埋泡菜豚肉飯都係我嘅首選，如果夜晚黎仲有85折優惠，好抵呀！

在置富都會不想吃food court，便隨便走進這間頗有日本家庭料理風味的餐廳有不少便當選擇🍱我們叫了兩個便當。分別是御飯便當（煙三文魚沙律、豬肉軟骨餃子、蒲燒鰻魚飯、炸雞肉）及 松便當 （煙三文魚沙律、木魚豆腐、汁燒牛柳絲、御飯），芝士年糕和忌廉蟹肉餅。便當十分豐富。煙三文魚沙律菜新鮮，煙三文魚也有大大的兩三片。炸雞肉也不會太油膩，外面炸得香脆，內裡的雞肉都算嫩。而豬肉軟骨餃子的餃子皮已軟掉了，一夾就破，不是新鮮煎出來的，味道也一般般。而饅魚飯的份量很多，一大塊的饅魚，不過魚肉就不夠彈性，很淋。珍珠奶茶很大杯，味道偏甜，茶味不重也不夠香。珍珠也不多，不夠嚼勁兒。一樣，煙三文魚沙律菜新鮮。木魚豆腐上面超多木魚，豆腐煎成金黃色，裡面的豆腐十分嫩滑。汁燒牛柳絲味道一般，有點鹹，沒什麼牛味。芝士年糕好食，剛剛炸起熱辣辣。外身香脆，裡面芝士味香濃忌廉蟹肉薯餅也是剛剛新鮮炸起的，炸至金黃色十分漂亮。外面口感很酥脆，裡面的質感是白色的忌廉醬，忌廉味很重，沒有一點蟹肉味，連蟹柳味都沒有🤣

有事去開紅磡地鐵站附近，想食個quick lunch，就入左去尼間日式餐廳。餐廳有兩個場，幾多位所以lunch hour都等得唔耐；地方好闊落，大部分都係卡位，坐得幾舒服。食物既選擇亦非常多，有各式各樣的拉麵、和風系列ge飯......叫左個漢堡排餃子拉麵，可以自由選擇湯底，有豬骨、泡菜、麵豉、冬蔭公味，我覺得泡菜味最正，少少辣之餘又幾入味。朋友叫左醬汁雞排伴麵，個醬汁好好味，同個雞排非常match. 價錢都幾reasonable,係抵食之選！😋😋😋

晏就有鬆動d既時間食lunch，我地就拋棄學校canteen黎到都會既御麵坊啦  我每次黎都係貪佢會送珍珠奶茶，作為一間唔係專賣台式食品既食肆，呢到既珍珠奶茶認真唔錯，而且可以揀要凍定熱  當然，都要佢既野食好食先會黎，好食之餘價錢又唔會太貴  我今次就叫左個泡菜豚肉飯，泡菜味道正宗得黎又唔會太辣，等食唔到好辣既人都可以點呢個飯  除左泡菜同豚肉，仲有好多伴菜，我每次都會將飯、肉同配菜攪雲佢，食落就好似食熙伴飯咁，每啖飯都有味道，好滿足！  

晚飯時間 7點左右都幾多人，等左一陣有位入去。啲飯對女生嚟講應該都幾大份，食唔哂。叫左肉燥飯，冇咩特別。送餐飲，可以揀珍珠奶茶，凍既細杯就好夠，亦唔洗加錢!上菜時間都係5分鐘左右，咁滿座都算係快!

今晚去睇演唱會前，同朋友諗住食好少少。四周圍都要等位～我地想食日本野，所以就揀左呢間。望到個門面同埋見到咁多人，諗住應該唔會伏啦。點知？真係貴得黎又唔太好食！我叫左個「梅」，主菜係鯖魚、豬軟骨。其實當佢一上枱，我見到d醬，就心知不妙。鯖魚配呢個甜醬油，真係怪怪的！個魚腥到不得了，第一次食咁腥嘅鯖魚！好在個豬軟骨都叫正常！朋友叫的，主菜係雞翼、豚肉。我同佢都覺得一般般。雞翼係正常味道，豚肉就不太特別。整體來說，$100左右一個餐，唔值！

放lunch同同學去左置富都會，唔知食咩好。見到御麵果時唔洗等位（好難得架！平時係間舖出面排晒隊！好受歡迎架！）咁我地就入去食啦我地個位係唔顯眼既角落位，但係侍應都好好，間唔時會行過來，所以我地好快就落到單。我叫左個 「豬頸肉拉麵」，可以免費自選湯底，我揀左 豬骨湯（感覺上會夾d ) 。仲會送野飲，我叫左一杯凍既珍珠奶茶，少甜少冰。D野食好快就到。個珍珠奶茶雖然叫左少冰，但係都有幾多冰下....... 佢好重奶味，珍珠幾有咬口。個拉麵就唔錯既，個麵唔會太林，d豬頸肉唔un，岩岩好。個湯底好濃，再配埋d粟米食，唔錯呀！

拉麵黎講算不錯👍 想平平地食個拉麵lunch set 我會簡呢間～平均50-60左右一個lunch set 包飲品😋 而大家都必點珍珠奶茶 因為唔洗價錢就可以有😍😍 想健康d就可以叫蜂蜜綠茶 都唔洗另外加錢😆 今次叫左雞排伴麵 係唔錯嘅 雞排炸到剛剛好 自己可以隨意加上日式醬汁 加上一杯凍珍珠奶茶 好滿足 對比一般女仔大食嘅我 都會話飽呀😋經過都會 想食拉麵🍜 就試下啦👍

Not bad for the price. Is one of the economical lunch option area the area. Kimchi is added separately so the pork isn't spicy. Actually the pork is slightly sweet, matches well with the kimchi's sour n spicy flavour. Highly suggest to order your drinks with request of less sweeten. And no service charge during lunch

路經都會商場搵食, 大堂靠右有2間日本餐廳, 第一間唔多啱心水, 來到呢間”御麵之坊” 個名就日本feel, 有定食, 拉麵…等等, 加雲決定食呢間, 我都無乜所謂啦.入到舖頭只有2-3枱人, 有一枱係內地客, 全部7-8女人, 其餘都係2-3人, 唔多人, 隨便搵咗個位就坐底, 店員都好有禮貌招呼, 仲叫我地坐鬆d唔洗咁迫添.最後我揀咗個”梅” 定食($82), 加雲要食”醬汁豬軟骨拉麵” ($62), 各自都送飲品, 我地都揀咗凍嘅珍珠奶茶.首先講下”梅”定食包乜東東先, 有煙三文魚沙律啦, 燒鯖魚啦, 2件豬軟骨, 白飯及少少酸薑.  燒鯖魚就無乜特別, 都係一般味道啦, 但我覺得好食嘅. 豬軟骨好”冧” 有帶少少脂肪, 入晒味, 軟骨都好脆, 我比較鍾意呢種有得咬下嘅, 連骨都冧埋就唔好食.加雲都覺得豬軟骨好冧, 好味, 同我嘅口味一樣, 拉麵都係不過不失啦, 都有成3件豬軟骨架, 算做抵食.而我自己覺得珍珠奶茶有點偏甜, 反而加雲今次覺得啱啱好喎 (反常),唔通我今日嘅味覺有問題?

這日是欣賞張敬軒與王菀之(不是嘉賓)2017演唱會的大日子，演唱會帶旺人流，附近許多食店都好多人等位。我和朋友們分頭排隊，等了約十五分鐘，最後這裡最先有位，我們一行五人就在此食晚餐了!我點的是這個泡菜雞絲麵($58)送飲品。我選了台式飲品中的最愛:熱珍珠奶茶。幾正，雞絲足料口感不錯，泡菜與麵的結合有特色又兩者調味得幾好，麵條軟滑。為食的小妹妹朋友也夾了一些來試，試過也讚好味。食完就起行去欣賞演唱會了，幸好上菜速度也不算慢所以我們仍有足夠時間行過去。演唱會精彩絕倫! 不過這是食評，就忍一忍手不在此詳述了。

好開心買到星期六睇張學友演唱會，便滿心歡喜同親人喺紅館附近搵好嘢食。上網搵到這間紅碪都會廣場的餐廳，環境似乎都不錯。我們都等了十五分鐘左右才安排到座位。雖然說不上寬敞，亦算不擠迫。我家人點了個海鮮冬蔭公拉麵，食得辣嘅朋友一定鍾意，湯底夠濃，蝦同蟹柳中規中矩。咖哩吉列大蝦飯 這個咖哩飯有點失色 咖哩汁不夠惹味，豬扒跟咖哩汁和飯亦不能夠融為一體，感覺很是一般。珍珠奶茶是這晚最好的餐點，珍珠夠彈口，若茶味重多一點就很好。不過最令人失望的是服務，雖然鋪面很繁忙，始終是服務性行業，怎能不以心待客? 我們非常驚訝店員向店鋪負責人話"那枱粉樣摧單"，負人又叫多人迫客走，我們食客也是人，實在太過份了。整晚四人合共埋單320玩，加上這樣的對待和食物質素，說真的可一不可再。