OKIKU Japanese Restaurant (Closed)

本人一直由它開張到今天都仍然有光顧，但最近餸菜份量大減。令人極之失望。個人認為『御菊』已經不值得繼續光顧，因為以下的原因：1. 剛與另外一位朋友進入餐廳，明明四周有不少空置的沙發位（包括二人沙發位），但侍應卻把我們帶到       狹窄的二人檯。經過多番要求才安排調檯。2. 在換位置之後，侍應上了茶，但近杯子與嘴唇的接觸位滿佈塵垢，實在令人胃口大減。3. 我點了我一貫常叫的銀鱈魚西京燒定食，價錢是＄78。這套餐會附送三片三文魚刺身，但這次放入口後     的口感奇怪，味道不新鮮，感覺像放了在室溫環境裡很久的刺身。4. 繼三文魚後，我期待已久的主菜：銀鱈魚西京燒終於上了！但令人髮指的是餸菜份量大減，原本銀鱈魚       的份量應該有圖中的那麼多，但結果現在的份量卻只有一塊魚柳，大小只有圖中（右邊）的 4/5。我當       場向侍應反映，得到的回覆是每塊魚的尺寸不一，不能以上次作準。我心想，這個藉口有點牽強，很多       餐廳也把例如魚，牛排，豬排等食材先按重量定好，務求做到每一道菜的份量也差不多。再者，就算魚       塊的大小有分別，分別也不會大到少了一大塊吧... 5. 連沙拉上的芝麻醬也少了很多，吃下去的味道像是長頸鹿食草一樣，淡而無味。～～總結以上原因，我以後也不會光顧這間餐廳。希望這篇食評能為讀者們作一個參考～～…Read More

住在西灣河，第一次嘗試這個餐廳也是因為朋友推薦，但是真的非常之失望。同老公两个人食咗二人餐，加一服務費共計hkd250,完全無服務之余，D野食仲要唔好食！牛扒第一次上來完全係凍既，攞返廚房又將佢煎到㝫晒（黑色），又同service人講，結果廚房應該發脾氣，整咗一塊超肥既牛扒。我哋已經費事出聲，以後一定唔會光顧呢間餐廳，同時我唔明，咁樣質素既餐廳，點樣可以生存得倒？ :( :( …Read More

住係呢頭附近當然唔係第一次係度食啦，之前食過幾次整體味道都okay嘅。等我我今日同大家逐一介紹今日午餐嗌咗咩食啦...首先父親大人嗌咗個叉燒與拉麵定食同一個吉列生蠔。賣相都唔錯嘅，味道okay,無咩特別。細佬就嗌咗日式煎餃子同加洲手卷，較之見佢食得津津有味我諗都唔錯嘅，加州手卷就冇乜嘢特別喇，不過味道都可以。嗌咗一客餃子雞翼share, 一客三隻都幾好食，不過雞翼略小。我就嗌咗個燒鯖花魚同火燙三文魚壽司，推介推介！！最後嗌咗個燒粟米share, 呢個真係要介紹下，碟邊會比埋特製嘅牛油用嚟搽係粟米道食。牛油係預先同蒜蓉攪拌過，有好香濃嘅蒜蓉味，配粟米食一流！十萬推介！不過燒粟米有時好耐先嚟，通常解作最後都要催佢哋，好彩今次唔洗。 母親大人亦都嗌咗個鹽燒秋刀魚定食，但係就無影相啦。午餐總共$429，每人除番大概$107…Read More

係太安樓對面馬路有2間差不多的日式料理我最終選了來這間是因為被這裡較光而且裝修雅緻吸引未到12時我在當中選了吞拿魚丼套餐賣相超吸引啊 !有超多魚籽理應令到飯啖啖有爽彈感可惜飯沒有醋香又不是珍珠米魚籽雖多都吃不出那種鮮味 :(吞拿魚也算不錯味道不算很濃郁至少超新鮮顏色鮮艷亮麗 還有一個豆豉湯$50 價格合理環境寬敞坐得舒服…Read More

餐廳位於太安樓對面....屬於大街大巷的位置入到去便有位了....我同屋企人坐左係近門的卡位特上壽司定食: 飯既份量偏少,飯本身醋味唔夠,飯唔夠凍,三文魚ok,吞拿魚有重魚味,劍魚腩唔錯,其他一般雜錦刺身飯定食: 三文魚ok不過唔太凍,應該同室溫差不多,章紅魚唔錯 有魚味鮮甜,其他一般免治吞拿魚飯定食 呢個係全晚最好味既東西,吞拿魚夠凍,免治得來唔會太碎,飯既份量都足夠,但醋味唔夠有點失色,如有機會可再試串燒帶子: 正常味道,價錢同味道成正比加洲卷: 還可以吧,不過有一兩舊包得比較求其,蟹子份量略有不足係第一次落單時叫左個鹽燒三文魚骨$20 但要到最後食完定食還要等多4個字先到,前後都催左幾次,有點兒失望,不過味道唔錯鹽既份量剛剛好另外定食係冇前菜,只有一碗普通既面豉湯,略為有點不足…Read More

西灣河沒有很多日本料理店，見新開張門面裝修好有日本feel, 十分期待。今晚父親生日，決定到此一試！不用等位，很快被安排坐四人枱。店內裝修簡潔，以木調為主調。侍應很快送上茶及Menu。一看menu便好有香港風。。。 :(有不同類形。。sushi, 串燒，煱物，壽司飯，天婦羅等。雜錦天婦羅有蝦3隻及雜菜（南瓜、冬菇、eggplant and carrot)炸粉不太厚ok, 但太多油。一般，不太突出雜錦刺身定食 $68有三文魚、吞拿魚、甜蝦、八爪魚、立魚刺身都算新鮮，除了吞拿魚外。每款都有2至3片以呢個価錢有呢個份量及質素都算ok。可以一試。:)雙色壽司飯 $88有海膽及吞拿魚腩賣相不吸引，吞拿魚腩被菜蓋住，撥開后只見到暗淡色的吞拿魚腩，食後沒有魚味,海膽份量都算多，但海膽味不重，海膽顏色淡黃份量少，但飯多。失望！:(飯不是日本米，而且煲飯不夠乾有D似爛飯。麵鼓湯：一般豆腐海帶麵鼓湯價錢不是太貴，選擇多但定食沒有前菜沙律，只有跟麵豉湯。。。前菜沙律、餐飲都不是太值錢，但絶対係add value 的東西在西灣河舊區要站穩真不太易，希望加倍改善食物質素，期待下次再光顧有新驚喜！…Read More