Mihachi Tsukiji (Closed)

星期日出得去食晚飯　如果唔係好早出去拎位　都一定要等所以個日都估到要等位:(　不過有好野食又點會介意呢！一坐底就叫食野啦　餓死人啦:)依到的三文魚真係好正　又長又肥美　咁的價錢係到質素咁好的三文魚真係抵哂:)三之戀係媽媽的　佢次次來到都要食　因為有多幾片三文魚麻～而中間個個係啊哥食的　我冇試到所以唔知道係咩味燒三文魚三文魚都幾肥　但係燒得有點耐　三文魚個種味道好似流失左咁而芝士又好似冇受熱　冇熔到只係就咁放係面　不過都ｏｋ啦:)鹽燒鯖魚 好厚身而且好多汁　好鮮　雖然價錢貴小小　但係真係好好食好鮮甜！卷類　味道都不錯　而且卷得好令！整體黎講真係唔錯　店子小小但係所有食物都不錯價錢則在中上價錢　不算太貴！…Read More

住大埔要食日本野通常都係食依一間=) 但係都係第一次為佢打食評:)7點幾去到門口 依日又撞正做節 門口超多人等位 諗住死啦一定又要等啦點知我地二個人又唔洗等有得入@@!! 有點意外三文魚壽司 長長的三文魚 好肥美^^帶子壽司 好新鮮:)軟殼蟹卷 次次食壽司都一定要食 即叫即做 好香口^^只係食壽司都食到好飽 因為三文魚好肥V_V 所以都冇叫到第二D野食了下次一定再試!…Read More

九點五拎飛等三張枱九點八九個字入場拎位拎3個人,朋友未到入場入2個先知佢11點閂門,朋友已趕緊黎,所以嗌住野食先叫左三文魚刺身,帶子刺身D三文魚夠厚,D帶子都幾鮮甜,但薄左D另外叫左炸軟殼蟹,跟左個酸汁,但隻蟹本身冇乜味,點左汁都係得汁味炸多春魚同炸雞軟骨, 得舊檸檬, 冇醬點,鹽都唔落兩粒,完全冇味牛油帶子勝在上枱夠熱,不過粒野烚過,又係淡某某,有牛油吊香都冇用三文魚海膽卷同吉列之士炸蠔卷都幾好食對比炸蝦卷就有D遜色10點4個字已經停手,留番比未到位朋友食侍應開始收檔,就唔得閒理我地幫隔離枱針水,見佢望到我杯冇水都唔順手針埋正行正過10點7朋友飛的過來仲要ORDER多2碟壽司,店員樣子更不耐煩10點8朋友仲未到,然後竟然出現一位較年長的女店員跟我說:小姐你可唔可以食快D呀?我地11點要收工我生平第一次係餐廳聽到呢句說話,我自己都做過飲食,呢D說話絕對唔應該係樓面口講出黎囉,係幾甘冇禮貌何況,你11點先關門, 你11點趕我走都未遲啦,而且我拎位拎3個人佢好似唔發現我仲有個人未到,要我同佢講仲有個人未到呢位樓面阿姐先如夢初醒10點9朋友終於出現,野都未食先埋單用15分鐘食晒我地留比佢既野食,仲趕得切係佢收工前走人,而且仲唔係最尾走個枱唔知個位樓面姐姐有冇同另外個枱傾得好投入既人叫佢快D走呢真係激死人,比加一服務費再比貼士就係得到D咁既服務服務都不在下話,返到屋企就肚痛,肚屙左5,6次,屙左3個鐘頭,呢次真係貼錢買難受喇…Read More

話說母親節去食飯, 6人枱要等一個鐘, 6點鬆D去到都差唔多要等到7點先有, 其間個老闆寫錯飛仔, 搞到叫位有D 亂但服務仲總算唔差..起碼佢地出錯肯道歉ORDER 左之後野食都好快到, 係母親節人多時候都KEEP 到咁快, 值得一讚!! 6人一共食左$8XX ~ 不過環境真係迫左D..隔離枱嘈一嘈, 5人同行的, 由4人枱加位變左6人枱, 搞到我張枱完全出唔到唯一推介個刺身船真係幾好食..刺身厚切, 之前叫過薄切, 真係好唔抵!…Read More

六年前第一次幫襯，刺生又淡而無味又唔新鮮又唔肥美、拉麵質感同湯底十足即食麵一樣、熱燻差過快餐店，食到黑面走人。兩年前比多次機會佢試多次，魚生肥美鮮甜，炸物香脆鬆化、燒物香口，極奇滿意，笑住走。最近裝修後再試，非常滿意，好愉快既一餐。但始終坐得不太舒服又等位耐，因為舖位較細囉。活亦貝，good good good ﹗好滿意，新鮮爽口彈牙。三文魚腩，一樣咁正呀，勁豐富既脂肪同魚油，入口嫰滑鮮甜，真係甜味濃郁。什錦刺生船，海膽半板、墨魚、赤貝、吞拿魚、甜蝦、三文魚、魷魚、北寄貝、油甘魚、帶子，足足十樣不同刺生，賣相不俗。首先海膽半板，未試過齋啪海膽落口囉，食左咁多年咁多間飯店，點都會有紫菜跟，可以卷黎食，有啲飯店仲會提供埋壽司飯添。海膽新鮮，味道鮮甜，大大粒，形狀完整馬屎形，滿意，只係齋食有點怪。墨魚，咸香爽口，無咩特別。赤貝顏色雖略淡，但都夠爽口，味道又鮮。吞拿魚，一般都只係用上紅肉質量，口感都會較乾而且鞋，好采仍有淡淡魚味，個人散叫只會 order 極肥美既極上吞拿魚腩，肪脂同魚油都勁豐富，口感超滑溜，入口即溶。甜蝦肉質爽，只帶淡淡甜味，可以啦。三文魚普通貨色，脂肪紋雖少，但平均，味道淡淡甜味，接受。蟹籽魷魚絲，夠新鮮所以黏口彈牙，唔錯。北寄貝，由細到大都唔係太喜歡，口感嚥靭，海鮮味淡。油甘魚，如果夠肥的話，魚油同脂肪都勁多，會勁甜勁滑勁重魚味，但依家加就有點欠棒，不過都滿意既。帶子，無味帶子，可能始終呎碼細，所以淡口到食唔到甜味。如果食大或珍寶帶子，真係鮮甜得緊要架。總括黎講散叫會好食過刺生船併盤。炒什菜，個賣相都幾驚嚇，油淋淋、混亂、顏色陰沉，講返個味道，油膩帶點混濁，感覺唔到生氣或清新，麻麻。一來係炒功問題，二來係選料，現主要得椰菜，其他立立什什有芽菜、紅蘿蔔絲、什菌絲。燒牛舌，先加少少鮮檸汁先，燒得香口、口感爽，不錯，如果再乾身啲更好。炸軟殼蟹，原來叫一客得一隻乍喎，得左右兩邊連一隻殼，我地三個人咁咪有個要齋食殼囉，不幸啊。天婦羅脆漿做得好好，薄薄一層又夠鬆化。軟殼蟹香濃海鮮味，多膏多肉好美味。我覺得以手卷黎食會更加好味道，淨食有點膩。鹽燒三文魚頭，放上枱大家既感覺都係講咁細個頭既，係咪 BB 黎架？因為係出面食開既 size 較大。試一試味道唔係太突出，有點普通。魚味濃，有燒烤香味，都燒得幾好，肉汁仍可以保持。鹽燒秋刀魚，大家都係同一觀感，咁細條既，係咪師父諗住細條啲佢既肉會嫰啲呢？秋刀一向魚味都勁濃，唔喜歡既朋友可能會覺得係腥。燒得滿意，皮脆肉嫰，鮮味非常。天婦羅蝦手打烏冬，朋友仔 order 完後，我都好擔心又會被騙，用啲假野平價烏冬扮手打烏冬，因為實在有太多唔開心既經驗喇。熱鍋上枱喇，滾熱辣最愛，見到佢既形狀，應該係喇，再試啖試，放心晒，係手打烏冬喇，嚥靭、滑溜、彈牙、米香非常、吸味能力高，只有手打烏冬可以做到，好好味呀，如果係即打烏冬，以上所講既好處更倍增，正呀。天婦羅炸蝦做得大水準，脆漿鬆化、蝦肉鮮甜彈牙，美味。豬骨湯底濃淡適中，今次唔洗加任何醬料已夠味喇。…Read More

大埔比較少日本餐廳，想食日本菜只有很少選擇，好在御八也不錯。鹽燒鯖魚 ($50)：魚肉厚身多汁鮮味，好新鮮既感覺。三文魚壽司 ($19)：三文魚肥美。龍蝦沙律蛋皮軍艦 ($22)：用蛋皮包住沙律味道配合，唔係度度有呢款壽司。忌廉芝士帶子卷 ($36)：忌士芝士加埋飯一齊咬既味好香。芥辣八爪魚壽司 ($20)：芥辣味可以勁些更正。燒羊西冷 ($45)：騷味重，肉唔夠嫩。海膽墨魚壽司 ($24)：海膽太細粒，食唔出任何味道。其實大埔甘多人住，可以開多幾間連鎖壽司店就好了。…Read More

今日同女友去左御八食lunch,我叫左lunch set 鏝魚炒飯,但係個飯黎到發現鏝魚得幾粒,都唔明點解叫鏝魚炒飯,但係佢個飯既伴菜金菇牛肉都ok既,之後叫左我最鐘意既炸雞軟骨同帶子芝士卷,不過佢杯凍檸水超難飲:(順帶一提,埋單果時好激氣,d人係到吹水企左係到,冇人幫我埋單,等左成分鐘…Read More

入開大埔,睇到係呢到既評語唔錯,就去試下...入去見到個menu已經想走人,因為見到佢既價錢同間鋪既感覺有d不相乎!但最尾抱住試下既心態~冇走到~牡丹虾刺身拼盤:2隻牡丹虾(都幾大隻下,幾鮮甜)3片三文魚(普通貨式),3片tuna(冇味,好多筋,難食),一堆仔尤魚(普通貨式),咁就收你$138價錢同質數唔成正比!!出名既特長三文魚壽司:普通tuna壽司:又係有筋,冇味!!賣成25蚊一客,同板X價錢一樣,但呢到完全冇果隻甘甜味囉鐵板牛油帶子:帶子完全冇帶子味!!d肉死死實實霜燒牛肉:呢個ok...幾特別...d牛肉切到好薄,外面熟中間生~吉烈炸虾卷:虾係即炸既...上枱時仲熱~2個人就係叫左咁多野,物單$360本人覺得佢d豉油有少少怪,同一般食開既唔同味!但友人就話唔覺~總結:都係比較支持連鎖店~起碼食物質數有保證先啦~下次都係唔會再亂咁試...…Read More

由知道有呢一間野咁耐,其實都係第一次黎食 比預期好既就係今次唔洗等位(因為聽講多數要等一陣),可能係因為2個人去所以都易有位喇 :)門面都ok,入到去見到既裝修就麻麻地,唔多似係日本餐廳 :(員工見到有客人入黎都會一齊打招呼,不過個感覺就怪怪地 因為得2個人食,所以試左唔多野食三文魚壽司張紅魚壽司火龍捲炭燒牛舌魔女抄拉麵兩隻壽司都ok,三文魚其實都切得唔薄,刺身都新鮮同埋都食得出有味,但係d飯就好似有少少酸 火龍捲上面好多蟹籽,中間既炸蝦食落有d似麥樂雞既味,但值得試 :)牛舌雖然係有汁比你點,但本身唔係好夠味 :(至於個抄拉麵就麻麻地,味道其實ok,但抄得同一般抄公仔麵唔係好大出入 整體ok,食左一次,會再黎試下其他唔同既野食 :)…Read More

星期6晚小兔黎到大埔小羊就同小兔去御八築地食壽司啦 ^^8點度去到 門口好多人等緊我地2個人比較快 加上有好多人走左所以等左大概15分鐘就有位我地叫左一個壽司拼盆+ 鐵板牛油燒帶子壽司拼盆最吸引我地既就係長長既三文魚甜蝦都好食其他既就一般不過個拼盆真係幾抵 可以食到咁多種壽司我地都好鐘意個鐵板牛油燒帶子一黎到個時仲"支支"聲牛油同蒜蓉味好香整體黎講都唔錯 :)…Read More

今日請左假去左睇醫生，睇完剛剛好下午茶時間~三文魚狂熱分子(媽媽)想見識下御八三文魚的長度!見到學生餐好抵牙....25蚊仲有野飲wor!好懷念以前讀書啊~~~~~~~好!坐下來媽媽先來三碟三文魚，我再點了赤貝、北寄具壽司、海謄手卷&串燒組合~三文魚上檯的時候!份量果然驚人~嚇得媽媽嘩一聲....漏死了!點了3份.....而且勁長!!!!至於我必食的2款都好新鮮~海膽又鮮甜而不臭!份量還滿多的~的確不錯!!!!等了很久~最後上的串燒組合就不過不失!沒太大的驚喜~係大埔黎講，呢間既水準都不錯~會繼續支持…Read More

今日生日唷!哈哈好想食壽司所以去左朋友做既御八築地食=]今日我同男朋友兩個食唔係叫左好多野但都係我覺得最正的食物(PS我唔食生野的=P)就係度同大家推介下啦~如果你鍾意食壽司又唔食生既好岩食=]有鰻魚壽司,芝士焗帆立貝,火龍卷,火灸芝士蝦仲有一個比錢都買唔到既壽司''蛋糕''好靚吧=]…Read More

看店舖裝潢，此店跟一般非連鎖式壽司店沒兩樣，想不到食物水準卻相當不俗。點了兩客三文魚壽司、一客赤貝壽司、4件三文魚海膽卷、兩客鰻魚壽司、一客芒果蟹籽沙律、一窩蕃茄湯底海鮮鍋。三文魚壽司的三文魚十分長，但切得太薄，而且爛爛地，不太好吃($30兩客)赤貝壽司竟然頗新鮮，推薦！($20)三文魚海膽卷也是出奇地好吃，難得的是海膽並不苦 ($42四件)芒果蟹籽沙律有很多蟹籽，本來不錯，但加入了芒果味道反而怪怪的，下次一定不會點($28)海鮮鍋不過不失，只為填飽肚子($42)鰻魚壽司普普通通，但好貴！($48 兩客)此店不收加一，非常好！但兩個人$210也吃不飽，實在可惜。…Read More

今日約左老朋友食晚飯，打算搵間日本料理嘗嘗，聽人講御八築地唔錯，見到佢寫住創意料理，心想可以一試~:( (雜錦刺身(10款) (一般新鮮，但好似冇乜味，帶子仲有d雪藏味)一口牛 (肉質軟，有牛肉味，今晚最好味)三文魚壽司 (好大件，不過都係冇味):(介辣八爪魚壽司 (冇介辣味，有酸菜味，因為落左酸菜，唔好食)燒三文魚頭 (我冇食，不過見到佢地食晒，我諗ok掛)雜錦天婦羅 (最"驚"典都係喱個，我真係從來未食過白菜同蓮藕做既天婦羅，難食之餘仲好有創意)…Read More

火龍卷芝麻八爪魚三文魚壽司芒果蟹子沙律先來上菜 不然又會忘記啦昨天晚上小小的發著燒 身體熱熱的翹了課從學校回來受最近在看的日劇《料理仙姬》的影響拉著小蘑公去吃日式料理一間不大的木屋子拉開和室的門里面滿滿當當地坐著人熱熱鬧鬧的環境不吵小溫馨食物很好吃服務也很優免加一日式料理的貼心和拿捏在這里或許還不能完全體驗到然而 卻不像粗制濫造的快餐文化至少三文魚 精神飽滿天婦羅 香香脆脆八爪魚 汁料濃郁不錯的小店手寫的木制小餐牌…Read More