DHYC Dimsum Restaurant (MONTEREY Place)

♥將軍澳南海濱高質點心專門店🥢♥✎ (❁ᴗ͈ˬᴗ͈) ༉‧ ♡*.✧
喜歡的話記得like & follow我喔♥位於將軍澳的DHYC Dimsum，這家新派點心店是我們的愛店！名字取自粵語「得閒飲茶」，是米芝蓮推介的「益新美食館」姊妹店，專注於創新點心，還提供180度的無敵海景！更難得的是，這裡是寵物友善的茶樓，可以帶著毛孩一起享受美好時光～最有驚喜是蟹肉大良炒鮮奶 ($148) ！🦀🥛 奶香濃郁，滑溜的鮮奶蛋白與蟹肉完美結合，口感幼滑，還可以加點醋提鮮味！蒜蓉粉絲蒸鮮魷 ($55) 鮮魷爽口彈牙，粉絲吸滿了魷魚的鮮味和蒜香！韮王鮮蝦腸 ($55) 和 蝦餃 ($42) 都是使用新鮮蝦製作，有誠意！🦐瑤柱蛋白炒飯 ($128) 炒得粒粒分明！📍DHYC Dimsum Restaurant將軍澳唐俊街23號Monterey Place1樓2A號舖
.・。.・゜✭・♥・✫・゜・。.#將軍澳 #將軍澳美食 #將軍澳南 #南將軍澳 #將軍澳海濱長廊 #將軍澳海濱 #將軍澳中心 #點心 #飲茶…Read More

海景點心之選《DHYC Dimsum Restaurant》食創新點心DHYC Dimsum Restaurant啊😍！餐廳位置向海，風景一流，內部環境都好優美，打卡一流📸。今次食左幾款店員推介嘅點心，賣相特別之餘，味道仲相當唔錯。鵪鶉蛋松露燒賣：幾特別，燒賣裡頭放咗粒鵪鶉蛋，再加埋松露，食落去口感豐富，味道香濃，真係好特別啊👍。蝦餃：蝦餃新鮮彈牙，皮薄餡靚，一口咬落去，蝦汁都爆晒出嚟🤤。size都幾大粒，食落好滿足😋。蟹黃燒賣：傳統嘅燒買上面擺放咗蟹黃，令燒賣嘅味道更上一層樓，燒賣入面嘅餡料都好足，食落去好鮮甜，蟹黃蟹肉嘅味道都好突出🤭。菜苗餃：菜苗餃嘅皮薄及晶瑩剔透，菜苗餡豐富，食落去清新而唔會覺得油膩😌。韭菜金錢蟹盒 ：其實即係炸雲吞🙈，炸得金黃香脆，外脆內軟，咬落去有韭菜嘅香味，而且入面嘅蟹肉都幾多，口感豐富。焗叉燒包：叉燒包嘅酥皮底好鬆化，叉燒餡料甜而不膩，味道一流。賣相都幾靚，值得一試😊。總結：得閒飲茶嘅點心款式多又創新，味道唔錯，而且餐廳位置向海，風景怡人，內部環境優美，打卡一流🥰😍。…Read More

新開系列😜Momchi搵食團🫣跟住mom去搵食😳Mom話將軍澳有間海景點心好正！食住點心嘆海景喎🤓#mochicouple_hk將軍澳美食團⸝⸝‪⸝♡ ꔛ ꔛ ꔛ ꔛ ꔛ ꔛ ꔛ ꔛ ꔛ ʕ´•ᴥ•`ʔ ‧˚ 1️⃣窩貼蝦多士（5件）🍤🍞($88)金黃酥脆多士上鋪滿鮮嫩彈牙蝦肉🤭蝦肉鮮甜☺️多士香脆😍份量都好夠！五件啱啱好😙唔會太膩😝強力推薦！2️⃣懷舊灌湯餃（2件）🥟🥣($68)細個最鐘意食灌湯餃😉以前食開係湯浸住餃子🤓呢款皮薄餡靚灌湯餃😊 一籠有兩件🤭好似小籠包咁！湯汁係晒入面😗湯汁鮮美😏一夾開🥢滾燙湯汁瞬間湧出🤪建議趁熱食🙂因為入面啲湯凍咗會結咗一塊塊3️⃣蝦餃（4件）🦐🥟($42)有4大隻蝦餃🤓蝦餃晶瑩剔透😍皮薄餡靚🤩餃皮薄而不破😏夠晒煙靭😎入面仲有Q彈蝦肉🫣4️⃣焗叉燒包($38)熱騰騰焗叉燒包🤗用上墨西哥包皮😜外皮酥脆🤫內餡香甜🤩叉燒餡料甜鹹適中😍口感豐富😏5️⃣蘿蔔絲酥餅（3件）🥕🥮($42)金黃酥脆蘿蔔絲酥餅😊層層疊疊酥皮🥹焗得唔會過油又不會太乾。包裹著香甜蘿蔔絲餡料😆口感酥脆😋 蘿蔔絲餡料清爽可口😝甜而不膩😋真係有一絲絲蘿蔔絲😋好足料！6️⃣韭菜金錢蟹盒🦀💰($55)有啲似炸雲吞😳係平時既酒樓未食過🤔幾特別！金黃酥脆金錢蟹盒🤪外皮炸到卜卜脆😝內餡飽滿😚係爆餡！勁多韭菜同鮮美蟹肉🤤 非常惹味同香口😗mochi媽咪都大讚好食！7️⃣茶位-陳皮普洱🍵 ($15)陳皮清香😆普洱醇厚😉普洱加咗陳皮好香😛解膩消滯😝可以清下口中殘留油膩😗陳皮普洱有助於消化☺️飲落去好舒服！⸝⸝‪⸝♡ ꔛ ꔛ ꔛ ꔛ ꔛ ꔛ ꔛ ꔛ ꔛ ʕ´•ᴥ•`ʔ ‧˚ 📍將軍澳唐德街9號將軍澳中心G樓G01及G02號舖🚇港鐵將軍澳站B1出口,步行約5分鐘🕒 Mon-Sun:11:00-22:00…Read More

每次飲茶，我都特別期待啲小食。就算係熟口熟面嘅款式，經歷時代變遷有時又會變出好多唔同花款，但人大左有時又想懷舊一下。最近喺將軍澳歎咗一餐茶，佢正正就係懷舊得黎又帶d新穎。🍤 窩貼蝦多士炸得香脆，蝦膠彈牙，麵包唔油膩，食落有啲似細個茶樓食嘅懷舊味。🥢 懷舊豬膶燒賣膶味濃但唔腥，質地滑，真係大大舊豬潤，仲大過粒燒賣。🥚 鵪鶉蛋松露燒賣係創新款，鵪鶉蛋流心，松露香唔霸道，層次感幾豐富。🍄 松露雜菌餃皮薄餡靚，菌香自然，味道清新唔膩。🐟 鳳凰焗魚腸少見之選，魚腸處理得乾淨，焗得香口，冇腥味，幾有驚喜。🍵 老黃瓜例湯清甜暖胃，冇味精感，依個天氣飲好消暑。餐廳環境新派茶樓feel，坐得唔逼，望住海景慢慢歎，啱晒想hea住食嘢嘅人。📝得閒飲茶 @dhyc_dimsumhk 📍 香港將軍澳澳南海岸唐俊街23號MONTEREY Place 1樓2A號舖#得閒飲茶 #將軍澳美食 #港式點心 #茶樓日常 #香港美食 #香港食評 #懷舊點心…Read More

Li間餐廳唔使多講，係全港數一數二嘅寵物友善餐廳🐶🐶開業多年，最近先帶我兩位主子去食☕️餐廳外圍全都是望海，望住靚靚嘅海景🌁，嘆住點心，大人真係爽，而毛孩都唔會差，餐廳設有特大風機，吹住都透心涼，熱感都會減少😍😍Mama見Papa捱夜多,order左佢地嘅是日靚湯，估唔到一大碗都非常足夠2人份量👏🏻👏🏻其次推薦佢地嘅窩貼蝦多士🦐師傅將蝦多士炸到金黃色，滿滿嘅蝦肉，再點少少沙律醬，食落口一d都唔覺得太油膩，仲會食到停唔到口👍👍👍👍另外鵪鶉蛋松露燒賣🥚原粒鵪鶉蛋包全，面頭有黑松露香味，非常滋味😋😋😋😋如果鍾意食全統點心，一定要叫菜苗餃🥟皮薄餡多，滿滿菜苗塞爆哂，食素者必叫💗💗💗💗…Read More

戶外坐位 可帶毛孩! 夜晚可以睇夜累 有條橋可以! 🍤 鍋貼蝦多士: 炸得好香脆 配鮮果沙律!!菜苗餃 : 餃皮好煙韌 豆苗同蝦好大隻🥹😍鵪鶉蛋松露燒賣 : 黑松露好香 鵪鶉蛋仲有蛋汁😆 新舊交替 好特別!豬潤燒賣: 豬潤燒賣 豬潤乾淨又大件😚 蝦同豬肉好滑嫩!炸芋角 : 蜂巢好香炸 綿密芋泥配肉碎好惹味😝是日明火煲湯 : 粉荀豬肉湯 好足料又解熱氣😋…Read More

暴風雨過後去咗屋企附近嘅《得閒飲茶》嘆茶食點心對住海景好chill 🤓ღ鍋貼蝦多士即叫即炸，鍋貼外層香脆帶點微焦，蝦多士裏面嘅蝦肉鮮甜彈牙，配搭層次分明，入口有酥脆又有鮮嫩，非常滋味ღ 明火例湯冇味精，仲好足料！飲落清甜暖胃ღ松露雜菌餃入口滑嫩多汁，外皮薄而有彈性，菌香濃郁混合松露香氣，咬落去滿滿鮮味又帶點奢華感ღ 菜苗餃外皮薄滑，咬開後餡料清新又有蔬菜嘅清香，整體輕盈不油膩，爽脆帶鮮甜ღ 瑤柱香茜餃鮮嫩多汁，加上香茜增添清新香氣，外皮柔軟薄滑，整體味道層次豐富又開胃ღ 焗叉燒包外層金黃微脆，內裏叉燒餡香甜多汁，麵包鬆軟彈牙，整體香濃又有層次感ღ 懷舊豬膶燒賣有大大塊豬膶喺面，口感鮮嫩又帶嚼勁，豬膶嘅獨特香氣突出，配埋鮮甜肉餡，勁正呀！…Read More

又到星期五，颱風過後的南澳回復平靜，明亮月光襯托對岸康城景色，令人心曠神怡。今晚去了澳南吃點心，餐廳裝修簡潔，既有室內座位，亦有室外望海的座位。🍍酥皮菠蘿叉燒酥～焗得金黃酥脆，咬落啖啖菠蘿甜味與南乳鹹香味的叉燒，甜中帶鹹，交錯滋味無窮。🐷懷舊豬潤燒賣～這種懷舊點心坊間已很少有，大大件且厚身的豬潤鋪在打到起膠的蝦丸上，豬潤粉嫩，蝦丸味道甘香。🦐🍞鍋貼蝦多士～蝦膠彈牙，多士香脆。再配合雜果沙律醬，味道更具層次，不油不膩。🥟松露雜菌餃～晶瑩剔透兼皮薄，包裹了大量雜菌，咬落啖啖松露及菇菌香味在口腔裡滾動。🍋🐔西檸三黃雞～薄薄的脆漿外皮包裹着厚厚的三黃雞肉，外脆內軟。再淋上香檸牛油汁，酸酸甜甜，清新開胃。得閑飲茶將軍澳澳南海岸唐俊街23號MONTEREY Place 1樓2A號舖…Read More

幾鍾意夜晚黎澳南晚餐，睇住海濱南橋真係幾chill ! 今次黎DHYC-得閒飲茶食點心！ 全部點心即叫即蒸，開放式廚房仲可以見到師傅整點心添！ ▪️ 鵪鶉蛋松露燒賣 ($55)一籠三粒，每粒燒賣上面都有一隻鮮蝦，咬開中間係流心鵪鶉蛋！蛋香同黑松露醬超夾，口感層次豐富，推介必點✨▪️ 韮菜金錢蟹盒 ($55)炸得金黃香脆，外形似金錢好意頭～外皮薄脆，入面塞滿韭菜同蟹肉，仲食到爽口蝦粒，香口唔油膩！▪️ 明火例湯（老黃瓜紅蘿蔔豬骨湯）一大碗夠兩個人飲，湯底煲到好濃郁，飲到紅蘿蔔同豬骨嘅甜香，老黃瓜清熱，真係足料住家湯感覺！ ▪️ 鳳凰焗魚腸傳統手工菜式！ 魚腸處理得乾淨，焗蛋加上魚腸、豬肉好有風味，焗得香噴噴，又有懷舊感👏▪️ 松露雜菌餃（3件）素食者一定會愛上！皮薄透光，包住滿滿雜菌同松露醬，香氣突出，口感清爽又有高级感～▪️ 菜苗餃（3件）同樣皮薄餡多，菜苗鮮嫩翠綠，清淡得來帶天然甜味，怕膩嘅人必試🌿總括：點心質素高且用心製作，尤其推薦炸物同蒸點！坐近窗邊仲可以望到海景，假期黎chill下真係一流。仲可以帶寵物一齊開餐添！ …Read More

聽朋友推薦，將軍澳海旁嗰邊有間高質嘅點心茶樓，可以望住海景chill住咁歎茶💕 餐廳個名仲幾盞鬼，叫做DHYC，即係得閒飲茶😂😂一於嚟飲啖茶、食個包‼️【鵪鶉蛋松露燒賣】賣相精緻👀 黑松露香口怡人，加粒滑溜溜嘅鵪鶉蛋令燒賣變得不平凡，完全係燒賣界嘅升級版‼️【韭菜金錢蟹盒】
外皮煎到金黃香脆，入面韭菜味道鮮甜足料，香醋令到更加香胃，食完仲想再叫多份😂【瑤柱香茜餃】
餃皮薄得嚟唔會爛，瑤柱鮮味十足，香茜味啱啱好，唔會太濃，啱晒鍾意清新口味嘅人。【焗叉燒包】
外皮焗到微脆，帶少少甜味，入面叉燒餡好香口，唔會太膩，係嗰種一食就停唔到口嘅包🤤🤤【明火例湯】
湯底清甜，絕無添加味精‼️ 材料十足，豬𦟌、老黃瓜全部大大嚿，飲落暖笠笠，好有家嘅感覺💕【蟹肉大良炒鮮奶】
驚喜之作👀 炒得好滑，奶香濃郁但唔會太膩，蟹肉鮮甜，口感好細膩，真係好考功夫嘅一道菜👍🏻…Read More

上次嚟呢間餐廳係中午， 景色非常靚，今次專登大朋友嚟飲茶，望住條跨灣大橋， 望住個view一路食嘢一路傾偈，別有一番味道.餐廳環境一流， 坐位寬敞又舒服，職員服務都好好，今日天氣唔算好熱，揀咗坐室外梳化位，個景一流，正明火例湯：沒有味精，好清甜，足料，大大碗．韭菜金錢蟹盒: 即叫即炸，炸到金黃色， 咬落脆卜卜，韮菜餡超多,皮又薄鵪鶉蛋松露燒賣： 松露味好出，粒粒都大大粒，咬落去鵪鶉蛋半流心，一齊食，好味松露雜菌餃：好香松露味，菇味濃，皮夠薄菜苗餃： 材料新鮮， 菜苗清甜鍋貼蝦多士： 香口，蝦滑咬落彈口， 完全做到外脆內軟既效果😂😂焗叉燒包： 必叫…Read More

一間bookmark 左好耐既餐廳，趁住打風前試下。雖然餐廳賣既係傳統點心同中菜，但環境裝潢就好新式，一d都唔老派，餐廳望出去就係大海景，亦都有戶外座位，係度慢慢飲住茶食下點心，真係好chill~✨窩貼蝦多士（5件）：麵包炸到金黃色，一啲都唔油膩，一口咬落去勁鬆脆，面頭鋪個層蝦膠又彈牙又鮮味，仲要夠厚身，真係真材實料，配埋沙律醬一齊食都好夾。✨明火例湯（一碗）：味道清甜，飲落都冇咩油膩感。老黃瓜煲到淋哂，但係又唔會爛溶溶，仲食到啖啖瓜肉，清甜得來帶少少豆香。飲落個口感到正，好順喉。✨松露雜菌餃（3件）：一上枱陣黑松露香味已經攻過嚟，香到呢～ 外皮夠薄唔會糊口，仲有少少煙韌。入面啖餡係雜菌碎，咩菇都有，口感好豐富，又爽又滑，仲索滿晒松露油嘅精華，勁濃味！✨鵪鶉蛋松露燒賣：鵪鶉蛋松露燒賣真係夠哂邪惡，燒賣頂鋪左黑松露，一啖咬落去係溏心鵪鶉蛋！濃郁蛋香同黑松露嘅霸道香氣撈埋一齊，個口感同味道層次豐富到癲！成個配搭又豪華又夾，完全冇違和感。✨韭菜金錢蟹盒：外形好特別，睇落真係好似一個盒咁，炸到金黃色，好吸引！一咬落去，外皮脆到不得了，完全係輕薄酥化，一啲都唔油膩。入面嘅餡係韭菜，另外面頭鋪左一層蟹肉，絕對真材實料，韭菜味香得嚟唔會攻鼻，仲帶出蟹肉嘅鮮甜，最重要係夠哂juicy! 點少少喼汁,酸酸地更加吊到個鮮味出嚟。✨蟹肉大良炒鮮奶：呢個真係考師傅功夫嘅經典粵菜！上枱賣相已經贏晒，白雪雪一碟，睇落好靚。一啖食落去，口感超級神奇！好似食緊一舊舊軟滑嘅奶凍，又滑又嫩，仲帶住濃濃嘅奶香同蛋香。啲鮮奶炒到剛剛好凝固，一啲都唔老，入口即化。蟹肉絲絲鮮甜，完全冇雪藏味，成個味道好溫和，唔會太濃味。…Read More

早前晚飯時間去咗將軍澳”得閒飲茶”，環境整潔，燈光柔和，仲要面對將軍澳海岸，坐得好舒服，服務員亦很親切。首先飲咗杏汁豬肺湯，因為媽媽好想飲，所以提早預訂。湯底香濃但唔膩，杏汁味自然，豬肺處理得乾淨，口感軟腍冇異味，係一款暖胃又有心機嘅湯品。呢間餐廳既杏汁豬肺湯真心推介，真係好好味，下次我都一定會再黎飲！鵪鶉蛋松露燒賣幾有特色，燒賣皮薄餡靚，鵪鶉蛋熟度啱啱好，松露味唔算濃但有點香氣，提升咗整體層次。菠蘿咕噜肉酸甜平衡，菠蘿新鮮唔過甜，咕噜肉酥脆，醬汁掛得均勻，食落唔會太膩。韭菜金錢蟹盒，外皮煎得香脆，入面餡料有韭菜香同蟹肉鮮味，比例適中，唔會太鹹，口感豐富。…Read More

有次見到朋友帶住狗仔去將軍澳食點心，背後仲有海景咁靚，一問之下，先知道原來係呢間寵物友善餐廳-DHYC 得閒飲茶。 今次我哋就冇帶寵物喇，但係夜晚嚟到，除咗食點心，仲試到佢哋嘅餸菜。鵪鶉蛋松露燒賣｜鹹水角呢兩款點心都幾懷舊！每粒燒賣內有一粒鵪鶉蛋，仲少少流心，食落去口感唔錯。鹹水角好有水準，正宗做法，外皮金黃香脆，內餡係豬肉同冬菇，甜中帶鹹，口感豐富又惹味。菠蘿咕嚕肉｜瑤柱蒸水蛋瑤柱蒸水蛋雖然是家常菜，但蒸得靚蒸得滑都唔容易。菠蘿咕嚕肉好送飯，肉質質素幾好，整體都好滿意。瑤柱蛋白炒飯單尾炒個飯，夠味得嚟唔算油膩。…Read More

得閒飲茶係澳南海岸嗰邊，坐低食嘢仲可以望住將軍澳海景同大橋，真係幾chill。餐廳環境靜靜地，有室內又有戶外位，啱晒同朋友hea住傾偈。我哋嗌咗晚餐，頭炮係赤小豆豬骨煲粉葛老火湯，夠晒足料，飲落去好清甜。之後嚟咗蒸土魷，啖啖厚肉，夠晒鮮味。蝦多士炸得香脆，蝦膠彈牙，配埋果味沙律醬，幾特別。最驚喜係大良炒鮮奶，奶香濃又滑，仲有蟹肉，食落口感好豐富。最後壓軸係荷葉飯，入面有雞有蝦，飯吸晒荷葉香，食到尾都唔覺膩。成餐飯食完又飽又滿足，景靚、環境舒服，真係值得再嚟！…Read More