得寶軒偉師傅私房菜

粵菜以其精緻的烹調技術和豐富的食材而著稱，做得好其實好考功夫，朋友推薦呢間係灣仔嘅私房菜，菜品好好味陳皮欖角鮮肉排這道菜選用了新鮮肉排，搭配陳皮和橄欖，經過醃製後煮制，散發出獨特的香氣。陳皮的清香與肉質的鮮嫩相得益彰，表面嘅炸粉脆而薄，入口鬆化 脆香薑絲龍躉包這道菜用腸粉包裹著鮮嫩的龍躉，內裡加入脆香的薑絲與雲耳，中間嘅粉絲吸收左魚及豉油嘅精華。腸粉的滑嫩與龍躉的鮮美形成絕妙的搭配，口感層次分明。鮮淮山上湯浸時蔬淮山的清甜與時蔬的鮮脆，經過高湯的浸泡，味道更加醇厚。富含營養，展現了粵菜注重食材本味的特點。蟲草瘦肉雞湯這款湯品以雞肉和蟲草為主要食材，湯底清澈鮮美，滋補養生。蟲草的獨特香氣與雞肉的鮮嫩完美融合，既能暖身又能增強體力。…Read More

地點方便，樓上舖設有包房，打牌、聚餐都幾合適。之前試過晚市私房菜，感覺唔錯，今次嚟試日常家常菜，睇下水準有冇保持菜式整體唔花巧，屬於穩陣路線。陳皮欖角鮮肉排炸得香脆，唔乾柴，味道調得恰到好處，配飯啱啱好。脆香薑絲龍躉包口感有層次，調味唔會太重，適合多人分食。甜梅菜菜心走清新路線，味道唔搶戲，但食落舒服餐廳環境方面，包房有一定私隱度，不過整體感覺比較casual ，氣氛就見仁見智。偉師傅依舊健談，態度親切，雖然幫襯過幾次都未必認得人，但都唔會覺得生疏。整體節奏悠閒，唔趕客，細節位有進步空間得寶軒嘅家常菜以傳統做法為主，味道有保證，炸物處理得唔錯，適合三五知己一齊坐低食餐飯、打下牌…Read More

不得不介紹之前朋友帶我去灣仔呢間德寶軒韋師傅私房菜，首先係你個富貴蜆中球，呢度菜係師傅特別喺蜆肉裏面釀咗啲蝦滑來蒸及放了西蘭花，食落去口感好有彈口，一次品嚐兩種海鮮味；第二道菜係陳皮欖角骨，呢度菜就係用煎嘅方法撈咗欖角碎入口非常惹味，不會太乾入口都有Juicy嘅，第三道菜薑絲龍躉包，呢度菜好佩服師傅嘅心思及手工，用咗餃子皮嚟包住啲龍躉肉裏面仲有木耳絲真係好考手藝，上面鋪咗粉絲及炸香咗嘅薑絲😋，再嚟就有蟲草花燉雞湯，鮮味到不得了！下次我都要帶家人去呢度試吓其他特別菜👍…Read More

今日晚上想輕輕鬆鬆食返個小菜就搵到呢間私房菜🌙 位置喺大廈樓上都有啲驚喜🥹有唔同嘅包廂可以唱K適合Gathering 🪕午餐都有啲小菜套餐抵食可以試吓呢☀️⭐️ 脆香薑絲龍躉包 🐟好有創意嘅一道餸菜😊用腸粉皮包住龍躉充滿鮮味🌊 配上粉絲同埋薑絲口感好豐富🫚⭐️ 咖喱薯仔蝦球 🦐蝦球飽滿又彈牙值得一讚🫶🏻配上咖喱同薯仔嘅味送飯一流🥘⭐️ 瑤柱豆苗 🥬豆苗鮮嫩配上瑤柱嘅點綴🐚整體充滿鹹鮮嘅感覺💚另外仲有姬松茸燉湯真材實料🍲加上雪耳糖水好滋補🍭聚會你講係好好嘅選擇…Read More

位於灣仔的「得寶軒偉師傅私房菜」，除了地理位置方便之外，菜式也很特別，用料上乘。除了大廳之外，還設有多間獨立房間，可供大家開party，打麻將，唱卡拉ok。蟲草花燉雞湯，火候十足。富貴蜆中求 $280每隻蜆都釀了蝦膠，脹卜卜，彈牙有口感又有蜆肉的鮮味，而且很花功夫，可見師傅的心思。脆香薑絲龍躉包 $180用粉皮包住龍躉肉、木耳絲、榨菜絲，加粉絲、蔥粒和醬汁一起蒸，面頭再加上炸過的薑絲，－口咬落去，除了龍躉的鮮味之外，木耳和炸菜的爽口，而且還有脆脆的薑絲味道。陳皮欖角鮮肉排 $188肉排外脆內軟，肉汁豐富，每一口都嚐到淡淡的欖角香味和蜜糖的甜味，趁熱食味道一流。木瓜雪耳糖水，最特別係好濃嘅薑的香味，但一點也不辣，非常滋潤。…Read More

話說呢間私房菜都開咗好多年，以前都好少留意呢類型餐廳，不過而家同朋友敘舊最緊要就係可以坐得耐同埋要多啲私人空間，所以揀咗呢間可以有包房嘅私房菜試吓第一道菜「胡椒海中蝦」一上枱已經聞到陣陣胡椒味，啲蝦新鮮彈牙，個胡椒味香而不嗆，啲蝦肉帶有少少咸香，配埋啲入晒味嘅洋蔥，簡直就係白飯殺手跟住係招牌嘅「菠蘿咕嚕肉」，睇落賣相已經好吸引。外層炸得香脆，入面嘅豬肉軟嫩多汁，配上酸甜適中嘅醬汁同埋菠蘿，香甜可口又唔會太膩。「鮮淮山惹菌浸白菜」就清甜爽口，啲淮山切片煮得軟硬適中，配埋各款菇菌，個湯底清而不淡，白菜入味又保持爽口，絕對係健康嘅一道菜。最後嗰個燉湯就真係無得頂！個湯濃郁無比，飲落暖笠笠，仲可以食到啲料軟綿綿咁，個湯底香甜得黎唔會太油膩，簡直係養生之選。總括嚟講，得寶軒啲菜樣樣都有講究，無論係配料定係調味都恰到好處。價錢都幾親民，以呢個水準嚟講真係抵食…Read More

呢日同男朋友去左灣仔食私房菜，餐廳非常高水準，全部都係充滿心機既菜式。首先，點左呢度出名既燉湯滋潤下，雪梨川貝燉瘦肉一上枱就已經聞到陣陣清甜香氣，好令人期待。入口果然冇令我失望，雪梨嘅甜同川貝融合得啱啱好，配埋瘦肉嘅肉香，飲完真係好潤喉又暖胃。對於成日喉乾或者天氣乾燥嘅時候，必點一盅！另外點左脆炸薑絲龍躉包，呢道菜都幾特別，腸粉包住新鮮既龍躉肉同黑木耳，上面再加上脆炸薑絲，層次豐富，薑絲嘅香味又唔會搶晒龍躉魚肉嘅鮮味。魚肉嫩滑得嚟冇半點腥味，呢道菜絕對係全晚嘅亮點！金瓜蒸黑豚肉同樣高質，金瓜即係南瓜，南瓜嘅甜配埋黑豚肉嘅肉香，呢個配搭真係一流！蒜蓉豆苗翠綠得嚟唔會過熟，仲保持住菜嘅自然清甜味。蒜香濃郁但唔會過頭，好有家常嘅感覺，簡單但又好好食。呢餐菜式有湯、有蒸、有炒、有炸，配搭得好均衡，每道菜都有特色又唔會搶風頭，成餐飯俾人一種好溫暖嘅感覺，值得再嚟！見到呢度既lunch set都好抵食，下次返工放lunch過黎試下！…Read More

喺香港覓食，想食到有鑊氣又有心思嘅中菜，私房菜往往係識食老饕嘅首選。呢間餐廳無論食材配搭、火候掌控定係調味層次都令人驚艷。而且佢嘅位置都非常方便！🔥蝦滑釀花甲私房菜講究手工，呢道蝦滑釀花甲正正體現師傅嘅巧思。選用厚肉花甲，再釀入手打蝦滑，一啖入口，花甲肉嫩滑無沙，蝦滑彈牙得嚟帶、更將兩者鮮味逼出，層次分明。最驚喜係花甲殼內藏滿汁液，好juicy。 🔥薯仔牛柳粒 坊間常將牛柳粒煮得過韌，但呢度選用高質嘅牛肉，再猛火快炒至表面焦香，內裡保持粉紅色；薯仔則先蒸後煎，外脆內綿。鑊氣十足之餘，和牛油脂香同薯仔澱粉甜意外地夾，食到尾都唔會話好鹹，而且我覺得味道都非常足夠，食到師傅嘅工架！🔥野菌自家製豆腐以為豆腐菜式平淡？呢道「野菌豆腐」絕對打破想像。每日用非基因改造黃豆即磨製豆腐，加入雞蛋同牛乳，質感比布甸更滑嫩；醬汁係用羊肚菌、雞油菌熬成嘅素高湯，再勾薄芡。豆腐豆香濃郁到似食緊腐竹糖水，野菌醬汁鮮味深邃，面頭灑上炸過嘅舞茸絲增添酥脆口感。全素菜式竟能做出媲美葷菜嘅滿足感，可見師傅對食材理解之深。 🔥姬松茸螺頭燉雞湯：時間淬鍊的滋補精華】 老火湯係粵菜靈魂，呢盅燉湯足見真章。選用高級走地雞、野生螺頭、姬松茸，煲足多個小時。湯色清澈金黃，入口先係松茸 earthy 嘅木質香，中段湧現螺頭嘅海水鮮甜，尾韻係雞香味嘅醇厚。最難得係完全唔見油花，飲完喉嚨有股回甘，秋冬進補必點！ …Read More

和朋友到灣仔一間樓上私房菜餐廳用餐，整體感覺像在家裡吃家常菜一樣，氛圍舒適且親切。這裡的料理簡單但用心，味道實在且充滿家庭的溫暖。陳皮欖角排骨炸過的排骨肉質鮮嫩，醬汁很惹味，帶有陳皮的微微果香和欖角的鹹香，帶有蜜汁的甜，單吃或伴飯也適合，而且份量也很足夠。金瓜蒸黑豚肉豬肉肉餅選用新鮮黑豚肉，肉質扎實且帶有自然的肉香。金瓜即南瓜綿滑甘甜，並配上銀魚仔增添風味，簡單更能吃到食材的原味。 鮮淮山浸菜苗湯汁較清淡，剛好配搭其他濃味的餸菜，白菜仔嫩綠清新，搭配蘑菇與鮮淮山香氣自然。 蘋果雪梨川貝燉瘦肉這碗燉湯非常驚喜，蘋果和雪梨的甜味融入湯底，又有肉香，搭配川貝的清潤感，剛好喉嚨不太舒服，喝了後感覺好很多。這間餐廳的午市選擇幾十元已包含一份燉湯，性價比極高。環境簡約、像家般溫馨，讓人放鬆享受每一道料理。 …Read More

平時出街食得多、但係有無時間煮，點先可以食得健康啲？就係去私房菜啦！偉師傅私房菜位於灣仔，位置唔算難搵，都值得大家去試下。坐低無耐就上咗兩盅雞腳蟲草花瘦肉湯，湯色清澈，香氣撲鼻。雞腳慢煮釋放膠質，蟲草花增添獨特風味，令湯水十分清甜。瘦肉鮮嫩，與雞腳口感相得益彰，唔會太油膩，應該冇落味精令食材的自然鮮甜更為突出。作為年輕人食得中菜就當然有椒鹽鮮魷啦，魷魚新鮮彈牙但唔會韌、炸蒜的香氣濃厚，散發出濃烈的蒜香，帶有微焦嘅香氣，每一啖加埋炸蒜嘅焦香，特別欣賞鮮魷唔會炸得太老、炸漿亦都唔厚。不得不推介佢嘅經典牛氣沖天配wasabi汁，牛肉十分鮮嫩，香味濃油香重，脆口而且唔會韌，一定要講佢份量十足，兩個人都未必食得哂，wasabi汁勁香，又唔會太搶喉，反而解到膩。最後要介紹埋佢嘅金瓜蒸黑豚肉，本來係午市一人餐，跟飯同湯，午市價88蚊，包你食得飽，肉餅十分足料又軟腍，容易入口又唔粉；南瓜清甜，剛剛好可以中和豬肉味，加上無味精令成餐飯都好健康。…Read More

呢間私房菜好近灣仔地鐵站同電車站，系一間樓上鋪。今次午餐時間過嚟，午市套餐真係好抵食，八十幾蚊有即整小菜、燉湯同飯，吸引唔少打工仔嚟幫襯，我就係其中之一🤣。❤️涼果雪梨燉川貝呢一盅燉湯真係好驚豔，加咗雪梨片同新鮮無花果，有天然嘅清甜味道。瘦肉唔柴，仲加咗少少南北杏吊味， 真係好好飲，午市套餐價淨系飲呢盅湯都抵。我仲專登留返少少食完嘢再飲，作為一餐美好嘅開始同結尾。❤️脆皮黑豚肉外層少少拔絲口感，脆脆地、酸酸甜甜好開胃，撈飯一流。豬肉肥瘦、軟硬度適中。有新鮮菠蘿，清甜多汁，解膩。❤️富貴蜆中求呢個係餐廳嘅招牌菜，無喺午市套餐入面，見到隔離兩枱都有點，所以嗌嚟試一試。賣相真係好靚，一睇就知系功夫菜式。 蜆殼入面除咗有蜆肉之外仲釀咗蝦膠，令到粒粒蜆都好飽滿，好似打邊爐卜卜蜆咁大粒。成道菜醬油唔多，可以突出餡料嘅鮮味。❤️金瓜蒸黑豚肉黑豚肉餅份量好多，有肉汁同彈性，上面仲放咗好多白飯魚仔，一上菜就聞到鮮香味。南瓜蒸得啱啱好，夠曬軟腍腍但又唔會爛。南瓜、魚仔同埋黑豚肉餅口感都唔一樣，一齊入口層次豐富。另外，餐廳仲有一啲獨立包廂，大房可以坐兩三圍，中房仲有得唱k，幾啱朋友同事聚會。…Read More

唔好以為私房菜會好貴, 俾我搵到一間位於灣仔嘅中式私房菜價錢相當親民又好味, 而且份量都相當多, 呢個價錢嘅私房菜真係好少有😉我哋就叫咗銀魚仔南瓜🎃蒸肉🐽餅/時菜炒🥬肉片/豉汁蒸🐟烏頭再加兩個燉湯🍲添🤪🤪每樣我都超級鍾意，尤其是個😍蒸肉餅真係不得了, 喺香港好難搵得好食嘅肉餅😋呢個真係超級推介, 午市時段幾十蚊仲有交易添, 呢個價錢呢個質素嘅中式私房菜唔係度度都有🤗 而且佢哋仲設有獨立房間，有卡拉OK🎤麻雀等等, 好適合一大班朋友聚會用餐🥳🥳🥳仲有偉師傅相當親民勁好人，想食中式嘅私房菜嘅朋友不妨試吓☺️…Read More

🌟 **在湾仔的隐秘居民楼里，我找到了私房菜天花板‼️*得宝轩伟师傅私房菜👉 **「鸡枞炖鸡汤」**掀开砂锅的瞬间，菌香扑鼻而来！鸡枞的鲜与老火慢炖的鸡汤交融，金黄透亮的汤底，一口入喉，暖到心尖～是秋冬滋补的灵魂，也是广东人刻进DNA的温暖。👉 **「虫草花炖鸡汤」**养生女孩必点！虫草花如金丝般漂浮，鸡肉炖到酥软脱骨，汤头清甜不腻，喝完连熬夜的暗沉都退散了～谁说滋补不能美味？👉 **「椒盐深海鱼块」**外皮炸得酥脆如金甲，咬开是雪白的鱼肉，椒盐的咸香与深海鱼的鲜甜碰撞！👉 **「菠萝咕咾肉」**酸甜控的天菜！猪肉裹着薄脆糖衣，菠萝的果香解腻，一口咬下汁水四溢，是童年记忆里的味道，也是港式情怀的复刻。👉 **「清炒豆苗」**镬气十足！豆苗嫩到能掐出水，蒜香点缀得刚刚好，清爽得像雨后竹林的风～荤素搭配的完美句号。🌆 **环境 & 体验**藏在湾仔老居民楼的转角，推开门却是另一番天地。没有网红店的喧闹，只有阿伟师傅专注炒菜的身影。每一道菜都是功夫活，连摆盘都藏着老广的讲究。…Read More

以前平均一個月都會去一次。最初質素相當不錯，但近來發現水準開始下滑，有點失望。 菠蘿咕嚕肉 - 甜酸汁調配得宜，炸得夠香脆之餘又能保留肉香，整體表現仍然不錯油浸野生筍殼魚 - 這道菜依然維持水準，約斤半的魚炸得外脆內嫩，完全不油膩，魚肉細緻嫩滑太白海花蝦配炸饅頭 - 每次來都會點的菜式，重點是醬汁非常出色，配饅頭一流。不過這次出菜順序有問題，蝦吃完後饅頭才送上，而且還是冷的。叫了多饅頭但數量依舊，最後要再三催促才補上，服務稍有欠缺。 ❌ 杏汁白肺湯 - 之前幾次喝到的杏汁濃郁，分量也足夠，每人最少有一至兩碗。但這次湯明顯稀了很多，杏仁味不足，而且每人只分到七分滿，完全沒有過往的水準❌ 豉椒蟶子王煎脆米 - 這次的蟶子王比平時細隻了不少，口感和份量都有落差❌ 蜜椒薯仔牛柳粒 - 牛柳本身正常發揮，但薯仔過於腍身，雖然入味，但沒有炸得香脆的口感，略為失色❌ 送甜品 - 蛋白杏仁茶 - 之前兩次喝到的都香濃好喝，這次卻明顯加了水，變得非常稀薄，幾乎喝不出杏仁的香氣，整體表現大打折扣。 價格與服務不穩定 收費模式比較浮動，價錢會因人而異。某些熟客可以免茶、免加一，還會送甜品，但有些客人則完全沒有優惠。另外，菜式的價格也存在變動，例如「蜜椒薯仔牛柳粒」在正式餐牌上標價 $168，但結賬時卻變成 $180，有點取巧。 人均消費大約 $400 - $600，取決於你與師傅的關係，以及他端上來的食材。 地點在灣仔，算是方便，但環境比較殘舊，裝修不算好。不過，餐廳設有電動麻雀機，可以包房，如果當作打麻雀的聚會場所，還算可以接受。但整體而言，食物質素與服務水準每況愈下，性價比不算高，除非是熟客，否則不太推薦特意前來。…Read More

樓上私房菜，樸實低調，偉師傅資深有功架，家常小菜中添新意。脆香薑絲龍躉包 $188(限時推廣優惠價)龍躉肉粉皮，內藏木耳絲，薑絲炸至酥脆鋪面，調以豉油汁，層次豐富，魚肉頗厚，鮮嫩多汁。加埋粉絲更加錦上添花！咕嚕鬼馬油條 $168蝦膠與墨魚膠混合，釀在油條內，炸至酥脆，咕嚕肉的酸甜汁，啖啖肉，吃得開胃。蟲草花螺頭燉竹絲雞 $50湯清味甜，熱騰滋潤。蝦仁鮮炒蛋 $168滑蛋做得好，非常幼滑，蝦肉大隻有蝦味，唔會只得個爽。值得一提，中午的蝦仁鮮炒蛋餐，只收$98包燉湯，抵食！附上午市餐單，$100以下已經有餸有飯、且送燉湯，中午免茶芥及加一，CP 值超高。傳統中菜佈置，私房菜格局，服務態度親切，設有很多私人房間，沒有最低消費。…Read More