Video
Payment Methods
Above information is for reference only. Please check details with the restaurant.
🍽️lunch set⬇️$54:.✨黑椒豬扒飯視覺上好吸引，見到又多醬汁淋喺啲飯度 豬扒望落又好大塊咁🐷切落係偏薄，but…唔知係咪我問題，我覺得呢塊豬扒啲質地好奇怪，同我平時食嘅豬扒唔一樣，而且冇咩豬味🫢初頭我仲以為係魚肉..😰😰；而黑椒汁嘅黑椒味唔重～.✨餐飲配熱咖啡：飲第一啖覺得好苦澀🥲☕️
continue reading
星期六下晝放工後，去咗探下我好朋友同佢小朋友，因為好耐冇見啦，仲一齊去咗彩龍船中西美食坊食下午茶😋我聽我好朋友講佢成日都同佢小朋友嚟依間茶記食早餐，所以一直都想試吓呢間茶記嘅出品😆由於我星期六返工下晝兩點先收工，所以去到佢屋企附近已經過咗三點。由於其實我都幾肚餓，所以我就叫咗楊州炒飯作為我嘅下午茶，因為其實我都好鍾意食炒飯☺️😋 呢間茶記嘅楊州炒飯都炒得唔錯，幾有鑊氣，份量都幾足，我食完都覺得好飽肚😄而且廚房廚師都好快手，落咗單冇幾耐之後就已經有得食😄👍樓面夥計服務態度都唔錯，我諗住下次再去探我朋友嘅時候會再去呢間茶記食😄到時再試吓佢其他嘅嘢食😆
continue reading
講真，在荔景想找食，方便的就只說「大家樂」，但無論午餐同晚餐，多次食過都後悔。所以今次行遠一點上祖堯找食。曾經試過這店午餐，食炸雞脾飯，味道不錯。今晚同老公試試小菜吧！我們叫了南乳炸雞和豆腐斑腩煲。點菜時，店員補充「斑腩」只是龍利柳，本來就知這價錢不是斑腩，但店員再補充，很老實😅。南乳炸雞很香脆，不會過鹹，不過本身隻雞太瘦，無乜肉，不能評高。豆腐斑腩份量足，但有點鹹。我們的加了支啤酒，這樣就滿足了。
continue reading
「祖堯邨」對小弟嚟講，可以話既陌生，又熟悉，點解？陌生，喺因為從來無進入過呢條邨，熟悉，喺因為每每由美孚行上「華景山莊」（當行山），實經過「祖堯邨」，但只限外圍。今次，卒之入邨喇，因為送個焗爐俾朋友，兼聚一聚，就相約晌邨內嘅茶記「彩龍船」食個下午茶。餐廳轉咗老闆，比以前喺集團「彩龍」經營時，質素提升咗，但環境依舊，兩側喺卡位，中間就一排細圓枱，裝咗啲大電視俾客人電視撈飯。「祖堯邨」都好多年歷史喇，聽友人講，都算喺條老人邨，所以，幫襯嘅都喺啲街坊客、家庭客，加上位置縮咗上去，就更無乜生客，相反，嚟嚟去去都喺嗰批食客，店員跟食客有傾有講，噓寒問暖，更顯得人情味濃。睇番以前啲食評，都會見到供應吓點心，大抵因為喺有酒樓集團嘅背景。但依家，賣嘅嘢就如慣常晌茶記所見嘅，早餐、午餐、茶餐、碟頭飯餐、晚市小炒……等等。就連放晌枱上嘅餐牌，跟外賣紙一樣，都喺平實版，只喺白紙黑紙嘅普通影印單色，無乜花巧。既然嚟下午茶，目標清晰，就向茶餐一欄睇睇。沙嗲牛肉包餐 $31呢度就無賣菠蘿油，不過，沙嗲牛肉包都啱我，皆因茶記嘅沙嗲牛肉普遍都做得有一手，又喺百搭食材，早餐、午餐、常餐……等等都會有佢嘅蹤影，定價亦都合理。麵包用上巨型嘅潛水艇包款，大大個，算好有誠意，而且，包身烘到暖暖，質感非常軟熟；包內塞滿好多沙嗲牛肉，絕無欺場，牛肉醃得入味，口感軟腍，但唔會好似搵啲鬆肉粉「乸」到散晒，個汁底又香濃惹味，份量啱啱好包住啲牛肉，唔會因為過多而瀉到一手都喺。熱奶茶 喺小弟落茶記嘅心水至愛，更鍾意傳統嘅厚身茶杯，保溫力強。杯奶茶有水準喎，茶底醇厚芳香之餘，口感都算細滑。所以，經常都話，晌茶記揀奶茶，真喺衰極都有個譜。 唯一要改善嘅地方，喺杯口有啲崩，怕啲老友記鎅親口就唔好啦，換走去就大家都安心啲。不經不覺，坐咗個幾鐘，坐到人哋茶市啲客都走晒，但突然有啲寂靜感，老邨就喺咁樣。所以，友情可貴，他朝大家都做咗老友記，都喺靠飲吓茶維繫友情，彼此問候。
continue reading
說來慚愧，住祖堯既我，這間餐廳開業已有數年，到今日我先第一次幫襯，趁今日放假近近地黎過下午茶，叫左牛腩麵同凍檬茶，牛腩好入味，尤其牛筋好正，凍檬茶都好有茶味，望真吓呢間餐廳擺設很像以前結業既福田餐廳，有一種懷舊既感覺，值得一提既呢間餐廳外表比較殘舊，但內裏空間很充足，座位都很寬敞，埋單34元正，價錢見仁見智，總括黎講都算係一個優閒既下午茶
continue reading