Video
7-min walk from Exit B, Tai Wo Hau MTR Station
continue reading
Payment Methods
Other Info
Alcoholic Drinks
TV Broadcast
Above information is for reference only. Please check details with the restaurant.
28/5為咗遷就老人家所以揀咗呢一間酒樓，入去已經無咩招呼，間酒樓其實冇乜客，隔好遠先有一台客叫咗幾個餸就喺度等啦，上菜嘅時候，完全冇為意到有個小朋友坐喺度，直情係BB櫈位置上菜，要叫出聲先肯第二個空位上菜個沙嗲肥牛粉絲煲係幾好食嘅，其他就好一般同麻麻，條魚蒸到熟得滯冇晒水準，條魚無魚味，最嬲嘅就係叫咗半隻片皮鴨，居然只有八件我就問個侍應，呢個叫半隻？咁唔該我要一隻丫跟住呢個有晒鄉音嘅侍應就話賣晒，無架喇我話點睇呢個都唔係半隻啦我細佬仲話例牌都稱唔上我問佢點解得八件咁少，個侍應堅持就話呢個係半隻（背脊）（佢實在太重鄉音）我話咁你隻鴨有幾大隻呀？呢隻係BB鴨？個侍應再重申半隻係咁㗎，咁你要唔要丫？咁冇計啦，我又想食，咁就叫佢留低啦！片皮鴨就應該會有塊皮去包住食，嗰塊皮就好大塊 ，但係就好厚皮，塊皮唔熱，個感覺唔知道返蒸左幾多次，幾塊皮黐埋一堆跟住我就唔食塊皮，點知呢隻鴨食落去啲肉係霉既，我就即刻搵第二個人退點知第二個人態度又係好差，佢見我投訴就搬開咗碟鴨同埋籠皮過隔離枱就算一句唔好意思都冇
continue reading
其差無比嘅點心，叫咗幾樣點心，除咗腸粉，其他真係難食到一個點。蝦餃皮厚，蝦細。雞扎，第一次食到一件雞扎連腐皮都係難食嘅，入面嘅肉更加唔好提。炸魷魚，無味，裏面濕淋淋。明蝦角，塊皮硬到無言，唯有只食蝦果半。咸菜豬肚，係苦嘅。馬碲糕，我以為自己食緊擦字膠。服務態度已經唔好，連嘢食都咁差，一世都唔會再嚟幫襯！
continue reading
唔理顏色，總之好差既餐廳，服務態度從未見咁咁差，我都未試過咁大聲鬧過一間餐廳😤@荃灣彩龍皇宮酒家。餐廳搞到我條氣勁唔順。事由: 我地一家下午茶時間入單，計數時，時間顯示為午市時間，所以我就問收銀員，點解收午市價，個個話我地手機時間出錯，唔關佢地電腦事，噪到最後連佢地連"人生攻擊"都出埋, 過程中餐廳經理連收銀員個個都無一個認自己有錯，連句"唔好意思"都無! ! 🤬🤬 最後我地話唔會再幫襯你地，佢地竟然話"多謝曬!" 難得我地真係會為左果幾十蚊同你地噪咩，係"道理"和"態度" 問題，未遇過一間咁差態度既餐廳!😡😡😡😡😡🤬🤬🤬🤬🤬
continue reading
無論係大人定小朋友，相信都對飲茶唔會陌生。大窩口雖然地方細細，但數數手指，都有成4-5間茶樓可以選擇。考慮到等位時間、價錢同埋食物質素嘅情況下，我地穩穩陣陣揀左一間之前食過，價錢又ok 嘅彩龍皇宮酒樓。入到門口同資客講2位，資客就叫我地自己搵位同埋隨便坐就得。咁我同朋友2個就揀細枱，未坐底侍應已經手upup ，又話無杯，又叫我地食茶餐廳好過，我起初無為意就無理，之後叫佢地開茶，個侍應竟然話開比我都無用，而家都未有杯.....之後佢叫我去到最遠果邊，話有2個位，我就搬枱啦。下午茶得一張紙，仲要得飯麵無點心揀正價點心紙食物種類款式普通同其他茶樓差唔多先黎2碟炸物，熱辣辣，都幾新鮮好味蒜香椒鹽鮮魷$45鮮蝦腐皮卷 大點其他都無影到，淨係想快d 食完快d 走，因為風口位勁大風，吹到有d 頭痛。
continue reading
這酒家的位置在兩個地鐵站中間，要來吃飯其實不太方便，老實說，若不是帶家中長者來辦證件，是不會在這兒吃晚飯的。這酒家的價格是便宜的，但餸菜的味道就真的算不上好吃了。我們叫了七八碟的小菜，除了蒸魚還算得上是有酒樓應有的水準以外，其他餸菜的味道都強差人意。比如說黑椒牛仔骨，除了超強烈的黑椒味，完全吃不到其他味道，而且牛仔骨頗為肥膩。叉燒很柴，白切雞一點也不嫩滑，炆豆腐，豆腐的中間只是微溫。小菜一碟一碟的送上，心一碟一碟咁令人失望，結果連餸菜的照片也沒興趣拍了。雖說小菜味道不佳，不過侍應的態度是十分不錯的，要加水要拿杯，很快便送上。對我來說，會否光顧一間食店，餸菜的味道佔很重要的位置，所以我想下次是不會再來的了。
continue reading