Katachi Bar & Kushiyaki (Ocean Popwalk)

以我記憶當中 原本呢間餐廳係日式加酒吧 ， 我只係試過一次🥹 但前幾日經過見到佢哋轉左泰式喎⋯⋯唔知係咪轉咗泰式嘅原因 都幾多人！ 羊群心理入去試一下 😏 撞鬼你呀 點知有驚喜喎👏🏻👏🏻👏🏻👏🏻 是日晚餐 冬陰功烤魚 我同你哋講真係不得了 濃味得來適中 唔搶喉嘅食到一半啲湯都已經俾我地飲晒🤤預訂海鮮非常新鮮 擺盤好靚👍🏻 炸魷魚鬚🦑 燒茄子🍆 串燒一流 仲有好窩心嘅暖爐 暖住啲串燒 聽到隔籬張枱嘅客人講 佢哋嘅雞煲都好出色下次要試一下😁…查看更多

行到攰 同家人入左間比個門口吸引住既餐廳入左去食個下午茶吹下水叫左幾個湯河湯底不太濃 雞牛沙嗲串燒炸魷魚鬚炸雞髀薯條惹味到停唔到口飽住個肚行出門口 仲有環境很好有波篤有標掟又可以帶寵物有機會可試試…查看更多

第一次特登上Openrice 寫評論，不敢相信如此差的餐廳有咁多好評。入座時，接待的短頭髮女侍應已黑口黑面。之後一坐下，未見餐牌，先奉上一碟紫菜蝦條薯片。由於是吃晚餐，本身以為是普通日本餐廳，沒有預料到小食是要收費，之後才知道盛惠$22。但是，收費不緊要，重點是鹹到癲，比平時街買的鹹幾倍。之後下單和送餐時，很不幸地也是由短髮女員工負責，態度嘴臉極差，加上送餐的方式，令我以為是在旺角的茶餐廳用餐。後來令我更無語的是，該員工居然在打桌球，完全當客人無到。雖然餐廳內客人不算很多，但該員工的表現毫不專業。對這餐廳的負評也不只是針對服務。食物份量少，用料質素極度普通，味道一般，座位不舒適。綜合以上所有，真的完全不值這個價錢，整個用餐過程只想讓人快點吃完走人!…查看更多

可能因為叫咗$398特價餐，加支全場至平嘅house wine，閒日晚上，現場三位職員招呼加埋我有三枱客人，支酒竟然就咁放低，要我自己開自己斟🥲食物除左個甜品係熱嘅之外，其餘就連湯煮大根、炒飯都係凍嘅….不過直得一讚係條花魚一夜干，整得好好味😋 三位職員大部分時間都係排排坐喺吧枱睇手機。另外，埋單發現支house wine收多左$20，厚面皮一問之下，職員話係電腦出錯價錢喎，即刻响收銀機俾返張$20我😅…查看更多

餐廳有室外內位置，主打日式串燒，裝修係一間酒吧格局，可以一家大細去玩桌球同掟飛鏢～餐廳通宵營業，仲可以通頂睇波～都幾有氣氛，係呢區少有既酒吧餐廳⭐️🥃 晚餐既2人套餐做緊六折優惠，$398有高湯煮大根、豚肉荔枝卷、鮮冬菇串、牛舌芯串、燒雞翼串、月見免治雞肉棒串、花魚一夜干、燒鱈魚棒、廣島吉列生蠔、配牛肉炒飯、仲有綠茶蕨餅同2杯Mocktail送~份量岩岩好，食完剛剛飽，性價比十分高🤩 特別推介🩷🌟豚肉荔枝卷🐶豚肉好多汁，配上淡淡荔枝甜味，幾夾🤭 花魚一夜干🐟魚皮燒得脆身，如果識起佐中間條主骨就可以淡淡肉，肉質香甜嫩滑～…查看更多

世界繁榮的背後，仍然有許多地方面臨糧食短缺、飢荒的問題，因此多國呼籲大家重視惜食議題，多消費格外品、即期品，養成吃多少、點多少的習慣，以行動支持惜食理念。位於將軍澳的「形」是一間通宵營業、集「食飲玩」的無限時串燒酒場，提供多元化的串燒及酒精選擇，價格合理。最重要的是，不用硬性點套餐，可根據自己食量及喜好，以「一串」單位去點串燒，絕對是區內「惜 (識)食」之選！環境：✨店內設有Wi-Fi 、轉播足球賽的電視、掟鏢機、桌球等等，可選坐舒適的長沙發、吧檯位或高桌椅，配以音樂及射燈折射出更多層次感，營造了適合酌酒、聊天的氣氛。服務：✨職員態度友善，積極收拾餐具及清潔檯面。🍢 中秋優惠二人晚餐 (六折後$398)✨大蜆麵豉湯：選用白味噌，伴隨豆腐、蜆肉，味道不會太單調。✨花魚一夜干：魚肉絲絲分明，非常易起骨，而且不會有細骨。質感新鮮紮實，富油香。✨牛舌芯：口感爽彈，能輕易咬斷，在口腔內散發出淡淡牛香。✨雞中翼：雞翼外表金黃帶脆感，肉質軟而爽，沒有雪味，富鹹勁。✨雞骹軟骨：味帶鹹香，爽脆有嚼勁。✨豚肉蘆筍卷：非常經典的組合，口感紮實的豚肉包裹着蘆筍)，增添一份獨特的草香和爽口感。✨燒豆腐：帶輕脆感的日式燒豆腐滋味，以日式燒汁增味。✨芝士翠玉瓜：翠玉瓜爽脆堅實的特性，加上芝士的加持，更惹味可口。✨紫薯仔：清甜軟糯，適合「走飯」人士。✨吉列蝦：外層炸得黃金酥脆，吃下去口感輕盈，不會太油膩。✨鰻魚炒飯：上菜時已散發香氣，加入大量鰻魚烹煮，粒粒分明及乾身，沒有魚腥味，怕魚類的人都能接受。✨Sour Apple Frozen：呈沙冰狀，以青蘋果為基調，混合檸檬汁與蘋果汁，酸甜清新，很易入口。✨生啤 (+$48)：筆者的最愛，生活就是不能沒有啤酒。…查看更多

今日放工之後都好攰 想係屋企附近搵下餐廳chill下唔講都唔知道原來呢間餐廳係通宵營業又唔限時 仲有電視 Wifi 鏢機 桌球枱 有波睇 真係可以一次過滿足食玩飲嘅串燒專門店 🤣呢到啲串燒都好出名好食 性價比高🤩Happy Friday 就梗係要飲返杯啦 餐廳都提供左好多種酒的 而價錢都幾合理！ 放工之後佢就梗係嗌咗支啤酒飲吓啦 而家仲有happy hour價 真係好掋！燒銀雪魚乾平時得好少見 所以就嗌咗嚟試吓魚味好仲好脆卜卜 送酒一流😬雞串燒 (大蔥雞肉燒, 月見免治雞肉棒,鹽燒雞脾肉串)三份雞肉串燒都好正 雞肉嫩滑👅推介免治雞肉棒 點埋蛋黃汁 簡直一流😏…查看更多

唔知係咪可能離中心同地鐵站太遠，見佢一至日都冇乜人，但間餐廳性價比真係高！高！高！地方大，又寬敞，坐得好舒服。嘢食款式多，定食串燒好好食，好有心，器皿搭配有心思。服務態度良好，又可以係OR book位，唔明點解冇乜人😅，想幫佢係度推下 😊😊…查看更多

這間日式居酒屋Katachi ，晚市的二人套餐做緊6折優惠，$398性價比相當高，作為唔想諗食咩，又想食得豐富的懶人包，套餐包了飲品、湯、串燒、食事、燒物，的確是不二之選。😎👍🏼店內除了食之外，娛樂設施一應俱全，可以睇波、打桌球、擲飛鏢，仲要通宵營業又唔限時，好適合一班朋友過黎飯聚的好地方，在商場地段來說，真是少有的聚腳點⚽️🎯👫👭🥳而且餐廳內做了萬聖節的佈置，室外還有閃爍的燈飾，環境都很有氣氛。✨✨👻🎃大蜆麵豉湯，用蜆肉來煮，味增湯很鮮味。🍲🦪燒豆腐的外層酥脆，內裡軟熟，還有一些鰹魚醬油作為點綴，調味很好。吉烈蝦，每條炸蝦炸得香脆可口，蝦肉又夠彈牙。🍤蔬菜類的串燒代表有芝士翠玉瓜和甘薯仔。🍠🍢肉類串燒的代表有牛舌芯、雞中翼、雞骹軟骨、豚肉蘆筍卷，雞牛豬每樣都有，而且套餐包含的都是最常叫的配搭。特別是牛舌心很厚切，以鹽燒夠晒入味，而且爽口又肉汁豐富，非常回味。🐮🐷🐥🍢花魚一夜干，整條魚長身又大條，一起了中間的一整條主骨就可以開始食，肉質香甜嫩滑，而且烤得好香，啖啖肉又冇咩碎骨。🐟🍽️鰻魚炒飯，粒粒珍珠米圓潤肥大，而且炒飯是用了甜醬油，炒飯和鰻魚都帶有甜甜的味道。😋☺️套餐還包了2杯 Mocktail，只睇 wine menu，原來這店的酒品繁多，而且價錢又都算抵飲，相當於旺區的酒吧7折左右。最後， Mocktail揀了 Cranberry Sangria 和 Virgin Mojito，都是較多水果和冰涼感覺重的飲品。🍹🍸🧊🍊🍋法式鵝肝多士（$128），這是追加的廚師推介，鵝肝大塊又厚身，香煎至軟身，而且油份濃香，入口即溶，連同脆脆的多士一齊食，真的很滿足。旁邊還有青蘋果、藍莓和沙律菜可清一下口腔，去除鵝肝本身的油膩感。🤩😋…查看更多

就到萬聖節啦，經過呢間餐廳已經掛哂啲萬聖節裝飾，好有氣氛😍到咗呢啲特別節日一定好正好好玩佢入面有電視 Wifi 鏢機同桌球枱仲有波睇成班人嚟一齊又食又玩都係一個好選擇餐廳主打日式串燒同好多唔同款式嘅酒款價錢都ok，最正係佢開好夜又唔限時，飲吓酒傾偈玩夜咗都唔怕今次試咗兩款mocktail賣相好靚好好飲個串燒我就揀咗個2人set，見佢入面包好多款唔同嘅串燒同日式嘢食真係海陸空都有齊哂，最正係有個海膽炒飯🤤🤤…查看更多

去將軍澳海濱行吓，附近既餐廳都好chill，海天晉滙更自成一角，搵到呢間居酒屋，有波睇又有鏢機桌球～ GrasshopperCocktail 都幾多款，Happy hour時段$68/杯。 點杯甜品系既Tiffany blue，幾靚！ 薄荷、白朱古力、忌廉奶，清涼滑身，好療愈！ Blue Hawaii Rum base 酒精濃度相對較高亦清爽菠蘿椰子🥥，加上藍柑橘甜酒，真係好有夏威夷夏日感！ 吉列蠔外層金黃炸漿脆，裡面蠔肉大隻汁甜，做佐酒小食啱哂！ 大根豬軟骨大根煮透淋甜，浸湯熱食，內層吸湯。軟骨炆得夠軟滑爽口。串燒雞肝，燒得唔錯！ 外層醬汁惹味，入口粉粉的，鮮味甘香 豚肉荔枝卷，荔枝肉爆汁，豚肉油脂香添上果味清甜度又不腻伊比利黑毛豚扒。texture嫩滑肉汁盛，邊皮略帶脂肪，肉味調配醬香芝麻粒，佐酒一流奶黄鯛魚燒 一客兩條魚，趁熱食奶黃好香又唔甜！ …查看更多

之前經過見到呢間主打日式串燒嘅酒吧覺得幾吸引串燒同酒類款式多，而且價錢合理除咗有波睇仲有桌球枱同鏢機，一次過滿足食玩飲😆而且無限時任坐仲通宵營業，啱晒同fd嚟傾計飲嘢嗌咗二人餐有大蜆味噌湯、串燒、燒魚、吉列蝦同炒飯，包兩杯mocktail，性價比高👍🏻🍢牛舌芯牛舌芯厚切，表面燒得脆身內裡仲有肉汁，只係鹽同黑椒調味已經好好味 🍢雞中翼食親串燒必點雞翼！雞中翼雞皮燒得香脆，開邊雞翼方便食🍢豚肉蘆筍卷豚肉片燒得夠乾身無半點肥膩感，蘆筍清甜爽脆無渣✨花魚一夜干魚皮燒得脆身充滿燒烤香氣一夜干魚肉結實得嚟嫩滑，完全無腥味配埋白蘿蔔蓉同柚子醋食夠清新✨燒豆腐炸日本豆腐燒到表面脆身，配鰹魚醬油同木魚花✨鰻魚炒飯微甜嘅鰻魚照燒汁好開胃唔會太重口味，珍珠米炒得粒粒分明🍹Mocktail - Passion Fizz & Rose GardenPassion Fizz香濃熱情果味，加上梳打夠晒解渴Rose Garden用咗藍柑酒同蘋果檸檬汁，味道酸酸甜甜總括嚟講食物質素幾高，串燒好味，價錢合理。環境幾好坐得舒服，適合同朋友嚟傾計飲嘢。…查看更多

餐廳位於將軍澳海天晉滙，是一間營業至零晨四時的高質串燒店！ 除了串燒美味，餐廳環境超級寛躺闊落，令人舒適。還附設大電視睇波、桌球枱、飛標機！ 同三五知己都愛到這間餐廳聚腳歎串燒飲飲番杯🍻🥂🍹🥃 ，而且價錢合理，性格比高-今晚點選了我最愛的串燒🔸豚肉荔枝卷 $44 有汁燒及鹽燒兩款選擇。一口咬下是爆汁的荔枝及肉汁，十分享受。 而且鮮甜的荔枝巧妙地可以中和豚肉的油香，味道亦富層次-🔸雞腎 $48🔸雞骹軟骨 $36雞腎口感爽彈，而雞軟骨質韌脆嫩，咸香惹味-🔸鹽燒牛串 $58牛味濃郁囗感爽脆多汁-🔸汁燒比目魚 $88比目魚啖啖肉再加上甘甜的照燒汁，令人食指大動-🔸鰻魚炒飯 $98一上枱就香氣撲鼻！ 炒飯夠鑊氣，粒粒爽身；配上肥美的鰻魚粒，很是滿足-🔸Mocktail 🍹Sour Apple Frozen🍎🍏 $58🍹Cranberry Sangria $58除了串燒，這裡的酒水亦很多選擇。但因為明天要上班，所以今次選擇了mocktail ！ 兩款都是誠意之作，有著濃濃的果香…查看更多

如果想約朋友一起吃東西，跟朋友喝一兩杯，同時又想玩桌球，最近就跟朋友去了一間將軍澳海天晉滙的一間日式串燒酒吧餐廳，當步入餐廳後，就感受到現代時尚風格中融入了微微的日式風格，餐廳中間是一張非常引人矚目的酒吧桌，如果可以的話都想坐在酒吧枱前Chill 一下！餐廳主打日式串燒及小食，在餐廳職員的推薦下，我們就選擇了星級優惠二人晚餐，還有兩杯無酒精飲品Mocktail🫶🏻🍸🍹⭐️⭐️星級優惠二人晚餐 六折後 $598⭐️鯛魚味噌湯Miso Soup with Tilapia 味道剛剛好，不會太鹹，香濃的味噌味中帶有一點點魚湯鮮味🫶🏻⭐️雞泡魚乾Dried Fugu Fish跟朋友聊天💬又怎能少得雞泡魚乾，甜得來嘅帶有一點魚香，吃着吃着就已經被我吃完了⭐️牛舌芯串OX Touge爽口彈牙的牛舌芯，簡單用鹽及胡椒作調味，讓牛肉味更出⭐️阿波雞肉串Japan Awa Tail Chicken雞肉嫩滑又多汁的雞肉串，用了鹽作簡單的調味，味道不錯👍🏻⭐️黑豚五花腩串Pork Belly Skewers因為五花腩油花非常豐富，所以五花腩燒到外脆內軟又多汁😋😋⭐️日本青椒仔串Japanese Green Pepper口感爽脆，不辣的，還有一點點清甜味，而且沒有太香濃的青椒味⭐️喜之次一夜干Japan Semi-dried Kinki Fish感覺就像在吃燒半邊魚，厚厚的魚肉，肉質嫩滑，配上酸酸的醬汁，特別開胃😋⭐️安格斯肉眼扒Angus Beef Steak配上燒汁的安格斯牛扒，燒到五成熟剛剛好，鮮嫩又多汁😋有牛味⭐️黒松露海膽炒飯Fried Rice with Black Truffle & Sea Uni每一粒飯都粒粒分明的炒飯，加入了黒松露及海膽，讓炒飯的味更鮮天香😋🫶🏻⭐️日本卷蛋甜食Japanese Roll Cake柚子餡的日本蛋糕卷，軟綿綿的蛋糕捲着忌廉與柚子果蓉，清清淡淡很不錯👍🏻⭐️Mocktail - Rose GardenBlue Curacao, lemon Juice, Apple Juice & Rose以天藍色呈現出來，酸酸甜甜的無酒精飲品，帶有一點點玫瑰香味，很適合女的。⭐️Mocktail - Mix Berry ParadiseStrawberry, Raspberry, Milk & Cream厚厚的Cream 配上 Strawberry & Raspberry Milk🫶🏻🏪店名：形 (海天晉滙)📍地址：將軍澳唐俊街28號海天晉滙地下G08號舖…查看更多

呢間位於將軍澳海傍嘅酒吧環境都幾大🍻座位間隔闊落，適合三五知己chill下傾下計，亦都有桌球、飛鏢機同大電視等🎯可以一路飲一路玩，最緊要係通宵營業，夜晚想飲返杯都冇問題🌙有別於普通嘅酒吧通常淨係提供一啲簡單小食，呢度其實都係一間主打串燒嘅日式餐廳🇯🇵今次就叫咗$598嘅晚市二人優惠套餐，唔洗自己慢慢諗🙈話晒嚟到酒吧就梗係要飲下酒，呢度都有好多款酒選擇🍸價錢合理，套餐本身包兩杯Mocktail，我哋就加咗$48 upgrade咗做Cocktail🍹Blue Hawaii大杯到有啲嚇親😂呢款Cocktail係由冧酒、藍柑酒、椰子同菠蘿糖漿調製而成🍍好係飲菠蘿汽水咁，好易入口。Old Fashioned另一款經典Cocktail，以威士忌為基底🥃加入苦精、方糖、同橙皮，當然味道就偏苦，不過加入咗糖同苦精嘅關係，降低咗酒精比較刺鼻嘅味道😌鯛魚味噌湯首先嚟個熱湯暖下胃先，呢個味噌湯加入咗鯛魚肉，味道唔會過鹹🐟雞泡魚乾送酒一流嘅小食，呢間唔會燒到好乾，入口甜甜哋🐡牛舌芯串之後就到呢間店主打嘅日式串燒，部分食材由日本直送🍖牛舌芯爽口彈牙，唔怕有筋，味道唔錯🐮阿波雞肉串用上日本雞髀肉，肉質嫩滑🐔黑豚五花腩串五花腩肥瘦相間，油脂燒到帶焦香🐷日本青椒仔串第一次見咁細條嘅青椒仔🤓味道同普通青椒差唔多，不過會再腍啲🫑明太子雞翼雞翼脹卜卜好飽滿，入面釀滿咗辣辣哋嘅明太子，幾惹味🔥喜之次一夜干本身店員話喜之次賣晒，點知最尾都係上返喜之次🤣魚肉厚身，燒得啱啱好，肉質好滑🐟另外有個酸酸哋嘅醬汁點嚟一齊食，不過略嫌落多少少鹽去燒會更加好🙈安格斯肉眼扒上枱時已經切開咗一件件方便食用😆配上帶甜嘅照燒汁，肉質唔怕韌，都食得出牛味🐮黑松露海膽炒飯本身以為黑松露味會蓋過啲海膽味，點知入口竟然係黑松露俾海膽搶咗風頭🤣每啖都食得出陣陣嘅海膽香氣，值得一讚嘅係佢嘅海膽味唔腥，係一個唔錯嘅海膽炒飯👍🏻日本卷蛋甜食最後一人有一件迷你卷蛋做甜品，細細件唔會好飽肚🍰…查看更多