Comet Cafe

因為我當日購買了 迪士尼$98優惠券,包括午餐和晚餐而我午餐選擇在火箭餐廳, 晚餐就選擇了來 慧星餐廳!因為我幾年都無看過呢間餐廳的餐牌, 因為當時我認為那些食物唔夠吸引,但係今次$98優惠券要侷限只可以在明日世界同幻想世界的一間餐廳使用,所以我就侷限用呢張優惠券,一走到門口, 有位迪士尼演藝人員就問我要食D咩,服務態度好好, 好親切的感覺!! :)入去見到有 咖厘牛腩飯, 我就試下食啦，點知原來飯都唔差:), 牛腩係偏軟的:), 唔同其他餐廳咁係硬骨骨,漿汁唔係好辣所以適合大多數人食。:)所以我以後都會來這間餐廳食!! :)…Read More

每年太座公司的annual outing都是我倆所期待的，皆因去的地方很多時都被安排在外地，記得上年度便是美食雲集的濠江，很可惜是偏偏去年由於太太臨盆在即，所以就錯失了免費外遊之機會。今年的目的地是大多數小朋友都不會抗拒的廸廸尼，但對於我這大朋友來說，似乎吸引力就不太大了。去的主要原因，乃在於帶帶小朋友入內走一趟而已....當然，到晶荷軒吃一頓精緻中菜點心也是另一重點。與之相關的評論，還是留待下集才說吧....下班後馬上乘地車過來，也不太費多少時間。進入了樂園範圍，此時太座仍在吃公司的政治飯，要自己攪定晚飯。沒有任何idea，反正樂園內大部份的食肆都是又貴又難吃的"掠水"貨色，但最弊不吃又不行 (時間太怱忙，怎夠時間從外面買來外賣?)。唯有咪起雙眼，以跡近點指兵兵的方式，隨便揀一間便算....在這間叫"comet cafe"買了一客福建炒飯。料頗豐足，而且夠熱，飯量也足夠有餘，只是所謂的炒飯底是甚為馬虎，吃起來只是隨便在白飯上加了蛋絲便okay。一客這樣的東西要賣至五六十大洋，真的是吃到"背脊骨落"....不忿氣，叫多碗鹵水蘿蔔，吃着的只是有渣又欠清甜的劣等貨色；鹵水也鹹得很:(....連這碗東西也要十多二十塊錢.....我暈了...…Read More

因為買左餐劵既關係,,一定要食個dinner (其實真係好唔抵-_-)由於餐劵可選擇既地方少,,結果我與友人就第一次黎呢個彗星餐廳開餐...其實計返條數,,唔買餐劵會好D依家其實同原價買無分別..仲要無咩選擇..真洗呻笨!好普通一個雲吞麵盛為45大元,,份量OK,,一個人會夠既D麵都叫彈牙,,但湯就真係普通過普通呢個價錢就算係樂園價都唔抵...!…Read More

第一次比喊面...呢度係先攞野食後比錢...我地叫左3碗南京牛肉麵...跟住呀媽就攞住兩碗麵去張空枱,途中就經過收銀,個收銀員就即刻扯住呀媽件衫,叫佢"比錢呀!"呀媽同個收銀員講"我放低碗麵先"個收銀員繼續扯,叫呀媽"比錢呀"呀媽繼續同個收銀員講"我放低碗麵先".之後個收銀員才肯放手...呀媽果時攞住兩碗麵,點比錢佢呀...個收銀員仲扯住人件衫,係咪倒瀉哂我地冇得食先安樂?佢好似荒死我地唔比錢咁,人地冇手點比錢呀?講下個麵,麵都幾淋,ok.牛肉係幾塊牛展,好韌,唔好食.再加條小棠菜...價錢唔平,原價要成$45一碗.因為我地有優惠,所以$30碗,但都係唔抵...…Read More

由於平日樂園七點就close，我o地又遲左去，於是lunch o係樂園搵快餐食~ o岩o岩玩完巴斯光年(點解咁出名?唔係真係咁好玩之嘛...)o既我o地o黎左依度食~　我o地要左一個冬菇炆雞set同一個鎮江骨set，分別有湯及茶跟~ 味道得一個字：頹，但以前o係CU食canteen o既頹飯仲好食過佢好多；而質素咁低都係收$40...　　建議大家用多少少時間，去隔離掛隊食火箭餐廳好過，儘管冇咁飽，但至少burger & chips好難整得難食嘛~ 而且因為園細，其實一日(以平日人流計)點都玩得哂，唔駛太hurry~…Read More

福建炒飯唔係好得，飯太硬啦，食落又好似有幾多味精，麻麻哋！…Read More