張記小廚

Open Now

Now Closed

在香港鴨脷洲橫街小巷，有一家名為「張記小廚」的隱藏版大排檔level小店，這裡的菜餚“充滿鑊氣”。每一道餸都能感受到那種獨特的鑊氣，是那種只有高溫快炒才能帶出的香氣和滋味。這種鑊氣，不僅提升了菜肴的風味，更使得每一口都成為對舌尖的一次極致寵愛。”薑蔥台山蠔” 必須讚賞味道一流，燒肉加薑蔥再加上台山蠔，原來是如此美味。透過細膩的火候控制，薑蔥炸蒜的香氣完全滲透到蠔肉之中，使得每一口都散發著誘人的香氣。廚師精心掌握火候，讓蠔的邊緣部分達到外脆內嫩的絕佳狀態。這種獨特的口感對比，讓人在品嚐時首先感受到的是酥脆的喜悅，隨後是蠔身的豐腴多汁。這樣的口感層次，令人難以忘懷。台山蠔本身的品質也是這道菜能夠如此美味的重要因素之一。選用的是肉質飽滿、鮮甜多汁的優質蠔，這種天然的海鮮滋味，在經過薑蔥和精準火候的加持下，讓整道菜的滋味達到了一個全新的高度。總的來說，薑蔥台山蠔是張記小廚的拿手好菜之一，其獨具匠心的烹飪手法及對食材品質的嚴格挑選，讓這道菜成為不少食客回味無窮的美食經典。无论是蠔的鮮美，還是薑蔥的香氣，都讓人難以抗拒。“椒鹽大鮑魚”，這道菜展現了廚師對食材的極致掌控。鮑魚肥厚多汁，經過精準的火候

喺鴨脷洲碼頭落咗船，想搵地方食晚餐，見到呢間小炒好似唔錯，所以就試下脆炸豆腐超好食，好乾身，好脆，而且一啲都唔油，非常之推薦另外魚香茄子因為係煲仔上，所以好惹味，本身其實係叫咗風沙雞，點知落單個哥哥話佢聽到係沙薑雞，所以話冇得轉，一定要食沙薑雞。。。唔緊要啦都ok嘅薯仔牛柳入面嘅薯仔好食個牛柳，因為仲有少少脆口，又鑊氣反而唔係太值得一試嘅就係西蘭花炒鮮魷舖頭細細，如果冇訂位，晚餐時間其實都好難搵位

鴨脷洲街市自購海鮮再去加工初嘗試😎🥰被推介到張記小廚加工 果然好介紹👍🫶鋪頭好細，10張枱都無，最好打電話去book定枱👍晚市5點半開始～✨椒鹽鮑魚7隻鮑魚喺街市買盛惠$80，加工價$85💰所有海鮮都勁新鮮‼️必揀椒鹽💖 口感超級爽口彈牙，椒鹽味道突出，勁好食😲✨芝士龍蝦伊麵底龍蝦一隻街市買$90，加工價$125💰上碟好靚💯芝士滿瀉🤩 龍蝦勁厚肉，同樣整得爽口彈牙👍 加左伊麵底一定夠食❗️真係好好味🤤✨蒜蓉粉絲蒸扇貝5隻扇貝街市買$100，加工價$65💰好香蒜蓉味啊😍 時間蒸得啱啱好，扇貝又大粒，口感啖啖肉 好好味🤣✨豉椒炒蟶子一紮街市買$240，加工價$98💰師傅擺盤勁有心機😍 出碟勁香💯 炒蟶子超級爽口，味道剛好（通常偏鹹🫢）仲要隻隻都好肥美🤣 食到停唔到口😬 ✨薑蔥蠔一桶蠔街市買$130，加工價$65💰好食到不得了🤭 勁有鑊氣，除咗薑蔥仲加咗唔少配料😋 個人覺得蠔可以生少少🤪 所有加工價錢都係根據重量而定，大家可以參考一下🤗 呢到3-4人份量 加工價total $438 好抵食👏計埋街市買海鮮加埋工除番開都係2-3百零蚊/1個人👏味道👅👅👅👅​👅抵食🤑🤑🤑🤑​🤑環璄⭐️⭐️⭐️服務👍🏻👍🏻

第一次黎度鴨脷洲食海鮮，由於第一次黎唔太熟路，經街坊介紹就搵到呢間張記小廚因為時間比較晏所以我地今次就無買到海鮮加工,直接係餐廳叫就算啦，但估唔到有驚喜首先試左老闆推薦既椒鹽鮑魚先，一定要講既係非常有驚喜，估唔到佢走油之後仲可以保持到鮑魚既鮮甜味，另外佢無用到炸粉唔會影響鮑魚本身既口感同味道，值得一讚，先一定會介紹朋友黎食另外叫左避風塘瀨尿蝦，味道恰到好處，唔會太鹹太老平凡既外表，但係有超既廚藝，我會再番黎食架

午市炒粉面飯或夜晚小菜都好正，平民價錢，仲可以自來海鮮，絕對平靚正，午飯例湯必飲，蔥油豬扒飯無得輸，但要有心理準備，招呼質素就麻麻，但熟左就唔會覺得一回事⋯⋯😋

一行數人本想去市政大廈食，後改往此張記小廚，傾計好D，以前食過一次亦不差。沒有自買海鮮，點了幾個小菜，食味及收費都OK，惟覺得老板不太好客，態度冷淡，幸好待應姐姐有些笑容，心想可能我們不是熟客丶豪客，阻住張枱吧！若老板款客熱情/寬容一些，定必生意興隆。

早幾日，有個朋友叫我一齊出嚟食飯，佢話有一間隱世嘅小店，話一齊食個"痛風"大餐🤣🤣係地鐵站大約行5分鐘就到，一去到，門面上好似一個普普通通嘅街坊大排檔咁，7點去到，都係得1枱食緊，心諗唔係啩，食飯時間都無咩人，係咪伏嚟架。但係佢嘅食物係會令我想再嚟多幾次鹹蛋黃炒涼瓜海鮮全部都係即叫即劏，所以就先嚟咗啲肉同菜先呢個鹹蛋黃涼瓜真心出色，佢鹹味啱啱好，完全包裸係個脆漿上面，而脆漿都仲係好脆，包住件涼瓜，涼瓜少少甘，好嫩好脆口蔥油脆皮雞隻雞皮脆皮薄，完全無多餘嘅脂肪令你覺得好油膩，雞肉好嫩滑，而且有雞味，加上啲蔥絲同雞味互相提升咗大家，最後我差唔多一個人食哂咁制😅😅黑醋一口骨酸酸甜甜嘅肉排係非常醒胃，同樣地好炸得好脆，但啲肉又唔會老哂，仲有肉汁，每一粒都有陳醋嘅味道，有陳醋嘅香味係你個口腔到慢慢飄番上去個鼻到，又係值得一讚蒜蓉粉絲蒸扇貝等咗咁內終於到海鮮出場，第一個蒸扇貝，蒜香撲鼻，個豉油都帶出新鮮扇貝嘅甜味，但係略略蒸過火，啲扇貝有啲韌，不過都係好味嘅酥炸桶蠔呢個係大魔皇，超級好食。隻隻蠔都手掌咁大隻，非常酥，非常脆，加上有淮鹽同喼汁嘅配搭，係會想食完一隻再一隻，差啲要爭嚟食🤣芝士焗琵琶蝦炒

今日來到南區，想食海鮮。所以試了當地有名的張記小廚。😚但我選擇在對面的海鮮檔叫人情味先買了新鮮的海鮮，再拿去張記小廚加工煮。在人情味（張記對面)，買了$24 兩隻鮑魚 ，用椒鹽。$50 一斤花甲 ，用豉椒炒。$80 半斤花蝦，用蒜蓉開邊蒸。$50 花蟹，花雕蛋白蒸。而$339就是張記這裏加工費。😍以下是人情味片名。豉汁炒花甲，份量很大碟 ，滿滿的，配凍凍的青島啤酒，正，花甲遠聞已好香，豉汁炒得好惹味，濃度剛剛好，花甲完全吸收了豉汁的味道，好豐富。椒鹽鮑魚2隻，這煮法是由老闆娘勁力推薦，其實我第一次聽和第一次嘗試這煮法，對我而言，是很特別的做法。一上碟，黃金色的外型，加分。味道是超香的椒鹽，鮑魚煮得好軟身，易咀嚼。蒜蓉開邊蒸蝦。超級有水準。蝦整得剛剛好，配上上面淋上的豉油和蔥花，非常好食。接着就是主角，花雕蛋白蒸花蟹。一上碟，就聞到花雕酒香。蛋白完收吸收了花雕酒。蟹清蒸上也是原汁原味。蟹屬於公，裏面很多膏，膏是淡黃色。食得到很鮮味。蟹肉也有吸收了花雕酒的餘香。完美。張記小廚地址：鴨脷洲鴨脷洲大街33號順景閣a-c號舖

下午時分 和朋友到海怡半島行outlet途經鴨利洲 就來個海鮮午餐吧🤤到了附近海鮮檔 自購海鮮給餐廳加工買了以下海鮮 價錢可供參考：$24 兩隻大鮑魚$50 一斤花甲$80 半斤花蝦$50 一隻大花蟹到餐廳後 放下海鮮 說了想要的做法便叫了青島 慢慢等待美食店員提供辣椒醬及喼汁辣椒醬偏酸 而喼汁用作點鮑魚到了！豉椒炒花甲一斤花甲 熱辣辣送上即買即做新鮮是必然的花甲沒有沙 炒得入味汁味道適中 不會蓋過鮮味當我們在猶疑製作方法時老闆娘自信滿滿地 推介椒鹽鮑魚我們便跟了😏 果然有料👍🏻👍🏻咬下去發現輕易咬開 完全不會韌點上喼汁 非常好的提鮮配搭😋蒜蓉開邊蒸花蝦花蝦肉質紮實 蒜蓉味很香很快被我們消滅了花雕蛋白蒸花蟹蟹生熟程度剛好 蒸蛋白不算滑 可以接受花雕下的份量剛好 不會蓋過蟹的鮮味總括而言 以上的食材都有被好好發揮店員的態度也很好 一直有為我們更換骨碟唯一不足是蒜蓉開邊蒸花蝦的蒜 味精放多了吃完過後 持續口渴 下次應該選清蒸最後埋單$322 加工費連飲品兩杯 價錢合理建議多點人一齊吃 平分加工費 會比較化算

早兩個星期，有同事新入職，佢話要做老細請我地食好野喎，就睇下佢帶我地食咩先。我地一行有十一人分車去左鴨脷洲大街，莫講話去，食野都未試過。果到其實好細，6-7張枱左右。第一批同事去到已經飲緊啤酒食緊前菜啦。老細都叫左好多野食。呢碟蜆加湯水好鮮好甜，推介一定要叫！大大隻粉絲帶子，煮得岩岩好。清清地叫碟菜都要既。我同另一個同事都好想食蟶子，好大隻好肉地。黃金蝦！連殻食都得，如果咸蛋多d就好啦。蒜椒鮑魚好香口，唔老。仲有蒸斑，蒸得岩岩好，好滑。點會少得薑蔥蠔，唔算大隻，但好香口。

張記嘅餸真係由細食到大😋沙拉骨真係一定要嗌😍😍😍食慣咗張記嘅沙拉骨，係第度食嘅都完全唔合格🥺唔會好似其他大排檔咁裹勁厚粉同炸到燶哂！係啖啖肉😍😍😍好嫩點埋沙律醬簡直係完美🤤肥牛煲又一必叫❤️❤️❤️肥牛嫩口啱啱好，成煲調味啱啱好唔會過咸😝成菠蘿粒酸酸甜甜為成煲添上一絲清爽！個茄子煲上嗰陣仲係滾架勁有獲氣😏煮開飯都知茄子好難炒，你見佢keep到茄子皮仲咁靚，又熟而不爛就知大廚幾勁🍳平時食好少食飯嘅我都忍唔住扒哂成碗飯😝

適逢一年一度母親節，要同媽媽慶祝，更應該要同媽媽既媽媽慶祝! 可惜老人家唔方便走動，我地呢啲不才既後輩唯有買啲小菜再煮少少就一齊食餐便飯慶祝下。之前已經食過兩次張記，都覺得幾好食，決定再encore👍🏻嗌左4款餸咖哩牛腩煲，個個都盛讚👍🏻咖哩香，牛腩焾，唔太辣，啲汁撈飯簡直一流👍🏻八珍豆腐煲，呢個基本上次次都嗌，老人家要食豆腐，又多餸唔會好似好寡咁。椒鹽焗鮮魷，成餐飯最貴，但最唔抵，同最唔好食既一味。蒙古燒烤骨，幾得意，不過硬左少少，老人家食唔到。

午餐時間，周圍好多人，平日經過吳多覺眼，望入去見到有位，就走入去食，叫左個自選午餐涼瓜火腩米粉➕熱🍋茶來到上枱，又香又夠熱，午餐都炒得甘有鑊氣，見隔離枱個D食物一樣又係好有鑊氣夠香又夠熱，相信佢夜晚D小菜一定炒得好好食😊😊😊😊😊涼瓜夠爽口，不帶苦，又清甜米粉炒得脆口，好味。火腩入味又不會過咸，味道恰當餐牌上款式多，價錢大眾化👍😋侍應禮貌又客氣，坐位一般，但勝在食物同服務都有水準，一定保持到客人👍like

家人相約飯聚，推介他家附近的食店。早了一點到，但四處逛逛，買些蝦乾等東西。外子剛好看到有海金鼓，就買了待會吃。原來，家人亦已預留兩條其他海魚、蝦、奄仔蟹及其他菜式；豐富的海鮮大餐。店面少少卻客滿，看看其他客人也是吃海鮮為主，就安心等待上菜。難怪釣魚友視它為愛魚之一，金鼓的確很鮮甜，魚香四溢。石蚌非常可口，肉質比較肥美加上有美味魚油，大家盡情大快朵頤。小菜質素高，值得一試再試。不得不贊是師傅恰到好處的蒸魚時間控制，大力推薦這店！

星期一的大街好多食店也休息，咪試下張記。店細細但也人頭湧湧，可能怕我地寒風中等候，特登開張枱俾我地坐，只不過係洗手間旁(幸好之後可轉枱)。人少少只叫了2個餸，鹽焗雞都幾好食。最重要係盛惠$251，見我倫倫盡盡拿錢仲叫我唔駛俾1蚊雞，真是有人情味(當然我俾埋貼士)！