Backstreet Yaki (Closed)

一間幾高質嘅日式串燒店 除左有串燒之外 仲有特色日本丼飯 晏就食好抵食～ 佢座位好少 偏細 但裝修幾整潔同有特色 所以長期爆滿 記得要book位先好去！🙌🏻-🔸厚切牛舌 $38🔸所有串燒即叫即燒 熱辣辣 最鍾意就係佢地嘅厚切牛舌上面有薑蔥 好惹味👍🏻 呢度嘅串燒調味全部無落味精 係師傅親自整的 唔係坊間嘅孜然粉 所以食完都唔會好口乾 值得一讚！-🔸原隻茄子 $38🔸係老闆特別推介 超快賣哂！佢做法好特別 係用上芝士同紫菜鋪面作調味 有別傳統做法 又真係幾值得一試 (雖然我都係鍾意傳統個款多啲🤣)-🔸煙燻蕃茄沙律 $46🔸酸酸甜甜 作為前菜咁食幾開胃 有火箭菜 黃瓜 生菜 份量都唔少 兩個人食有啲多🤭 咬落蕃茄口感岩岩好 可以試～-🔸明太子雞肉丼 $78🔸個人麻麻地呢個丼飯 感覺呢個口味有點怪😂唔太match咁 因為飯係凍食但雞肉係熱的 下次應該會剩係食串燒🤣…Read More

位於深水埗的這間小店，在長沙灣道隔離的小街內，店舖的英文名字和他的位置很相Backstreet，今天兩人叫了一個十勝醬油牛肉丼和讚岐臀肉湯烏冬，兩個定食也跟了1分沙律和麵豉湯，兩個定食也跟了1分沙律和麵豉湯，沙律配上芝麻醬和白芝麻口感不錯，在深水埗午飯是一個不錯的選擇…Read More

之前有朋友介紹過這間舖，一直都很想試一試，但奈何真的很少去深水埗啊！今天終於有幸吃到，感到很幸福呢！店舖面積雖小，卻很溫馨，店員也十分有善好客，很有家的感覺唷～ 餐牌很有特色，加分啊！我和朋友兩個人點了個二人餐，再加了一個飯和些許串燒小食，表示快要飽死了，正正展現出眼闊肚窄的一面。建議二人可以分享一個飯已經很足夠啦！牛肉飯是其中一款茶漬飯來的，茶漬飯如湯飯一樣，只是將湯換成茶而已，可追溯至日本室町時代的一種吃法啊。將茶倒進飯裡，味道也意外的夾呢！另一個飯是鰻魚丼，遺憾的是該鰻魚比較多小刺，口感不太好，有少少失望。可是雞蛋燒得不錯喔，邊邊有少許脆脆的口感。至於串燒方面，燒冬菇和肉都不會很乾，反而保留了很多汁，加分！最最最推介的是燒棉花糖啊！酸酸甜甜的，絕對是飯後甜品不二之選！…Read More

唔係講笑，認真好好味，串燒未食過咁好食睇唔出細細間鋪有隱世美食，特別個串燒豆腐，真係冇得頂。我一個唔食菠蘿既人食完個菠蘿都覺得不得了，真係可以黎試下，佢話所有配料都係自己調製。好可惜食唔到茄子，但係廚房好好人請我地食左個燒菠蘿。正啊！…Read More

深水埗門面乾乾淨淨嘅餐廳, 都比較吸睛。餐牌幾得意. 我媽睇就唔太friendly lol同媽媽兩個share茶漬飯, 個茶湯味精味重d, 但還可以, 加埋飯素同米通(?)食, 口感非常好☺厚切牛舌果然係串燒必選👍🏻好味燒帶子唔會燒得太熟, 仲係juicy。不過小甜薯就失望d, 個皮濕濕地咁, 食落太林, 好似劣質野咁😂鹽燒翠玉瓜, 健康之選! 如果放多dd鹽味道更好😋雖然想快食, 但唔夠飽都要再order 芝士燒茄子lol 店員好貼心畀隻匙羹仔食茄子! 但可惜 燒茄子唔夠香, 畀芝士味蓋過左😕總結, 服務係周到, 以串燒黎講, 價錢公道! 食物方面就要加點油了~…Read More

係高登商場附近有間隱蔽嘅日本野食，今日lunch就入去試下一入到去坐低睇menu，老闆就走出黎講佢唔記得煮飯，所以得烏冬食都無咩所謂，咁就叫左個讚岐豚肉湯烏冬（$78）佢一個set係包埋前菜、湯同主食，一次過serve比你。麵豉湯好濃郁，裡面有蘑菇同豆腐，個人幾中意；前菜好開胃，但食多兩啖感覺有啲酸，無食哂。主菜係烏冬，湯頭好清，烏冬煮得岩岩好，係讚岐烏冬，好食。估唔到係深水埗區都有啲咁高質嘅日本料理，開心…Read More

深水埗多美食食係人都知㗎啦！今個晏晝去咗間日式小店，店舖雖小但係入面嘅裝修都花心思。就以牆上嘅掛畫為例，都唔係普通掛兩幅畫喺牆上，而係經過深思設計畫出嚟嘅畫！呢度嘅午市套餐有前菜、湯、同埋煮食。湯係魚肉豆腐味噌湯， 用料十足，有蜆，又有豆腐。味噌湯濃郁， 又唔會太鹹，好飲！濃醇汁煮雞肉 ($68)賣相吸引，有紫菜，又有飯素！ 雖然雞肉望落有好多汁煮出嚟，但係汁嘅味道同一般嘅醬汁有啲分別，同埋雞肉好稔身。讚岐豚肉湯烏冬 ($78)豬骨味湯底比較淡，但係豚肉煎得好香，接近香脆可口的口感，不過煎得有啲過咗火，燶咗啲！烏冬麵質煙韌適中。不過不失！要留意，呢度收加一服務費，呢個價錢喺同區嚟講算係比較貴，我會期望更好食囉！…Read More

呢日老闆請食晏話想食好少少，所以去咗弄．燒食，之前已經食過兩次係幾好食👍🏻，但真係要博下運氣先有得食，皆因舖位超細，又好似無得訂枱。好彩同事醒目去霸咗位先😎，一行六人都食到。有午市menu，四款午餐，由$68-$98，其實喺呢區嚟講都幾貴吓，不過呢區又無乜同類型日式食店。小店真係得一個樓面落單送菜好忙吓，佢做到有啲燥底分身不下😅。我一點鬆啲去到想食3號餐(十勝醬油廣島蠔牛肉丼)($88)，但話已經賣哂，一問之下原來係無哂牛肉，但好彩可以轉豚肉，雖然都有啲失望😞。都等咗一陣先有得食，成個午餐有前菜、湯、主食同茶，好豐富😍。前菜係柚子洋蔥青瓜沙律🥗，以前沙律係成個蕃茄㗎，但都各有各好味，青瓜🥒好爽，配埋柚子汁同洋蔥好開胃，但食完洋蔥真係好大陣味🙈。另外仲有漬物，就正正常常啦；個香蔥蜆肉味噌湯都無咩特別，不過真係有幾隻蜆仔同豆腐。終於到主菜喇，呢款係第一次食，碗飯唔細仲有好多餸😋，估唔到炸蠔有成四隻，而且好好味👍🏻👍🏻，唔會炸到好乾。另一邊箱嘅🐷豚肉都超入味，我諗唔差得過牛肉，配埋啲醬油飯(有芝麻同紫菜飯素好香)，真係食唔停，就算飽都堅持食埋，因為真係好食😊，好滿足。雖然唔平，但成碗飯嘅質素對得住個價錢，飯餸都一流💯。同事叫咗2號餐讚岐豚肉湯烏東($78)，賣相都非常唔錯。呢個我之前都食過，啲豚肉較似叉燒，而精華所在係個濃濃嘅豬骨湯，又係會連湯都唔放過🤤。另外，我之前都食過佢個輕煎半熟鮪魚茶漬飯，又係超正，勁鐘意佢個湯，好香茶味🍵又有啲澀澀哋，其他地方食唔到，仲好大壼，完全大過你要嘅量，不過留意返唔係日日午餐都有得食🤨。老闆好好請我哋食飯，仲專登叫哂咁多款小食比我哋試，真係飽肚追加🤣，我剩係試咗唐揚炸雞，啱啱炸起熱辣辣都唔錯。總括嚟講，食物質素係超哂班，但性價比尤其喺呢區真係唔高，而且服務我覺得有侍改善，唔係話態度問題，而係之前同今次嚟食啲午餐都好快就賣哂(只係中午一點)，四款午餐再要少一兩款咁，基本上佢哋都只係做1 round午市。另外，午餐餐牌我見過主要得2 set輪換🧐，如果可以轉密啲我諗我會食多幾次，有機會我都想試埋晚市😛。…Read More

行過有位又見幾有日本風，所以入咗去食。價位親民，服務態度好好。食咗超多嘢，大䓤雞肉、甜薯、翠肉瓜、豆腐、烏冬、腐乳飯，仲有粟米！個燒粟米唔知點燒但真係超好食要encore😋食完先話我哋知所有嘢食係廚師自己調味，唔係用味噌。然後我哋仔細感受吓，又真係冇口渴冇味噌味。咁樣嘅串燒真心好難得。如果鍾意食串燒，慢慢嘆日本🇯🇵嘢，又喜歡有少少人情味，值得一試☺️…Read More

今日早收工同少爺食飯。他提議去尖沙咀食串燒。我話不如試深水埗呢間日式小店弄。燒。。訂左7：30枱。去到果然非常細間。全間得20個位左右。都幾迫下。但裝修得幾簡潔店內有2款2人餐。我細心睇完決定先叫個平既餐。雅。夕食(288蚊)好食先再散叫。。精明呢?!2人餐前菜我地選左蕃茄沙律(煙熏汁)。呢個酸味味真好好味而且賣相好靚個餐包左2個麵豉湯。裡面有蜆肉而且吾咸。跟住8款串燒可選3。每款有2串。煙肉雞脾菇(照燒汁木魚)。呢個有少少咸五花腩(柚子醬汁)呢個好好味。呢間店既醬汁做得幾好:)雞脾肉(日本紫蘇)我本身好鐘意食紫蘇葉。呢個比不上福岡食的串燒。但都好香😋yummy2人餐小食我地選左酥炸廣島蠔細細舊但幾香口2人餐可以選1個飯。我地要左牛飯。因為我吾食牛所以無得試。但少爺話味道ok good因為食左餐。覺得味道好ok。所以再散叫左海鰻(照燒汁)(38蚊)+鹽燒赤舌(38蚊)。開頭以為鰻魚好細舊。點知原來咬落好肥美好好味再叫左雞軟骨餃子(38蚊)。裡面有細細軟骨好咬口見隔離枱叫的免治雞肉(照燒汁。蛋黃)(38蚊)好似好好味。所以我地都叫左個汁吾咸+豬頸肉(花椒醬油)(18蚊)非常多蔥(太多了)既雞皮(18蚊)最後黎個甜品：鮮鳳梨(辣椒。糖燒。28蚊)。呢個非常正。又甜又辣。必叫呢間弄。燒真係好有驚喜。我地最喜歡既係蕃茄沙律+紫蘇雞脾肉+五花腩柚子醬+鮮鳳梨辣椒糖燒。但其他都好有水準。呢餐埋單加一568蚊。食得好飽平日食日本串燒都幾貴。但呢間價錢幾合理。我地一邊食。隔離的4位客人又係不斷讚個串燒汁好好味我覺得呢間小店好值得再幫襯。下次我又去試下午市套餐先…Read More

每次經過都被門口既裝修吸引左，想試好耐，但星期日都休息唔開鋪，今次終於可以試，而且不負所望！我地兩個人，因為無訂枱既關係，所以坐bar枱。平時食飯，覺得餐廳既裝修靚同特別已經可以加左一半分先，再加上Menu係以日曆既設計，好特別👍🏻我地叫左：明太子雞肉丼，略為偏咸。茶漬飯（鰹魚綠茶），好大碗抵食，店員俾左兩隻碗仔俾我地，原來d要倒湯落碗仔再撈飯食，但我地一開始就倒左湯落大碗飯度，搞到d飯浸泡左，不過仍然好好味，好滿足。煙肉廣島蠔，好味，十份推薦，下次會encore!多春魚，好味！厚切牛舌，好juicy，回味無窮！雞軟骨，幾好！雞肉，幾好！店員仲好好咁請左杯酒俾我地飲。整體食物都好好味，而且零味精零雞粉！服務態度好好，雖然得1個人，但仲會同客人有交流。…Read More

喺open rice 無意中發現咗呢間鋪，可能佢唔喺深水埗嘅旺區，所以無咩人知。間鋪佈置好有特式，牆上面2個poster好似關公咁，但留意返，佢哋係叉住啲食物，同埋佢哋個menu好似中國日曆咁，中日合壁，好特別。食物方面，製作好認真，食落口你就知同其他燒烤店好唔同。牛舌上面加咗啲薑蔥，好野味。紫蘇雞腿肉一送到嚟就香噴噴😌，勁香！佢個炸蠔都好好食呀，炸得好好，我食過有啲好多炸粉，佢唔會，剛剛好，外脆內軟，啲蠔都大粒㗎，無縮水。😋牛肉飯上面嘅牛佢哋有燒過㗎，好香，但好有肉汁。老闆話佢哋啲食物全部都無落味精，係自己整汁同醬料上去，咁我返到屋企又真係無口渴嘅感覺喎。呢間店寫收10點，但原來8:30去到，佢哋都話要聽日喇，好彩我同朋友7:30去到，老闆話係收10點呀，10點走人呀嘛，咁都要有時間去埋數，執嘢（如果我老闆都係咁就好喇🤩）老闆好好人呀，佢無趕我哋走，仲送多杯🍶俾我地飲，叫我哋慢慢食!佢推薦我哋食佢個茄子🍆呀，下次去試吓先！…Read More

之前見朋友高度評價，所以一試😊雖然只有一個侍應，但服務很好每樣食物亦很好味，不熱氣，調味亦很出色^^雖然鋪不太，但可以訂位，離地鐵亦好近去開黃金商埸買野，值得支持小店👍🏻…Read More

今晚同同事放工後去左依間係深水埗的日本料理，估唔到有啲驚喜，我地叫左燒魷魚、酥炸廣島蠔、十勝醬油豚丼、芝士燒茄子、鹽燒赤舌，每道菜的水準都唔錯。炸蠔係十分新鮮，而且香脆，亦都唔咸，令蠔本身的鮮甜出哂來，值得再叫。而燒魷魚鋪頭落咗平時配白切雞的薑蓉喺旁邊，出奇地夾，亦令到依道係唔同日本料理的菜式變得特別。至於道鹽燒赤舌就好重肉味，因為店鋪話用左牛舌上少少的肉整。個豚肉飯醬油味好出，塊豚肉亦都好有肉味。不過全晚最特別係個茄子，用左芝士同麵豉燒，每一啖都有好濃的芝士同麵䜴味，係全晚最好食的。總括來講，依間日本料理價錢唔係好貴，味道平均地好，絕對值得再去。…Read More

間店喺深水埗細細間唔起眼，但試過就知係用心製作。装修，點餐紙都好特別。首先食咗個蕃茄沙律。簡單菜式但好驚喜。味道唔係平時食到既配搭仲有啲紫蘇葉絲，好香好味。再點咗燒青椒仔同燒茄子。都好好味燒得剛好。係茄子既芝士多少少鐘意比較濃味就啱晒，但整體味道配搭加埋味噌味，同茄子本身好入味燒到好淋，好味。最後有個明太子雞丼，雞肉上一層明太子再燒咗個面好香。仲有彩色配菜見到都開胃。整體都好味。係啲雞肉似啲包裝肉，如果係店自己整自己燒既雞肉應該會好味啲。全餐都唔錯,服務都好好。下次再去試埋其他野食！…Read More