Chinese Legend (Castle Peak Road - Tam Mei) (Under Renovation)

今日老豆生日，同左佢去食佢最鍾意嘅中菜，貪呢一間又有得泊車，環境又坐得舒服🥰脆皮燒腩仔個皮脆卜卜，勁香口，肉質啖啖肉，亦都好軟身，完全唔會乾，而且可以話係冇肥膏咁濟，肉嘅分布好平均👍🏻份量都幾多，我哋四個人食都食唔晒芝士焗澳洲龍蝦伊麵呢個菜式同平時去開酒樓食嘅芝士龍蝦伊麵都有少少分別，你會睇得出佢係龍蝦加伊麵上面鋪滿芝士再拎去焗，焗完就直接拎出嚟上枱，因為見到佢係連埋錫紙一齊上，人覺得比起出邊嘅龍蝦伊麵好食好多，龍蝦亦都啖啖肉，伊麵亦都掛滿芝士汁😋花菇紅燒豆腐呢個真係要讚，豆腐份量多，而且豆腐入口好軟滑，同埋豆腐味道濃郁，真係食咁耐豆腐來講，個人食到呢間嘅豆腐真係最好味🤤馳名燒汁牛肋骨睇賣相好似比較普通，但係入口牛肋肉軟林林，掛滿晒燒汁超級香口，亦都淡淡Juice感覺，份量都唔少生果拼盤食到差唔多嘅時候，店員為我哋送上生果拼盤，生果都幾鮮甜，唔會淡淡的👍🏻出色…Read More

一家四口出左去遊車河，遊遊下去到新田一帶，諗住呢頭都無咩野食，上網一搵原來附近有間廣東名門，隨即我地就過去一試究竟。到左場之後（免費泊車），店員悉心帶位，跟住經理就親自招呼，服務一流，期間向我方推薦深海龍躉。小弟聽到口水都流埋，可惜父母二人不愛吃魚，於是又變回叫小菜。點菜後，飲啖靚茶閒聊片刻，隨即先黎招牌菜：明爐燒鵝（半隻），燒鵝皮脆肉嫩，油脂肥美，再點上烏梅子醬，食落更加惹味～其他菜式都跟住燒鵝一齊送左上黎。上菜速度好快，我地分別點左椒鹽骨，香口，份量夠，送啤酒一流選擇。西蘭花蝦球，呢味菜整得相當出色，炒製時間掌握得岩岩好，西蘭花唔會炒得過生式者過熟。而蝦球更加用上靚貨，一食落口就知質素同坊間既分別，呢味菜小弟推介的！最後叫返一個薑蔥魚雲煲，補償一下我無龍躉食，魚雲煲就比較平淡，但份量足，而且上台熱辣辣出哂煙，都有誠意。風捲殘雲一番，碟上美食都俾我地一掃而空，店員再細心為我地送上水果解膩。坐多一陣見到店員準備打烊，我地都識趣隨即埋單走人。總括，廣東名門待客服務優質，出品亦都高質，小弟相信自己會翻兜再食，看官們都不妨到場一試評下分。…Read More

😍今日入元朗探好姐妹，之後去佢屋企不遠的廣東名門食晚飯。去到餐廳門口，姐妹老公就係免費泊車位置泊好車，然之後我步向餐廳時就俾門口既兵馬俑像吸引咗，好有威嚴啊😍沿途我哋經過自設魚缸位置，水缸非常清澈，俾到我信心保證，然後有一張特大燒鵝圖下面有個模仿炭燒既煙霧效果，令人鼓舞。步入餐廳時環境光猛，而餐廳內人客不多比較幽靜，雖然坐大堂但係完全唔會聽到其他食客既講話內容，非常加分。由於我哋係第一次嚟食，諮詢職員既推介後，我哋叫咗以下幾樣菜式：💗炭燒燒鵝皇半隻由於係餐廳後面炭燒出嚟，上檯時仍然保持溫熱，皮脆肉嫩，肉質鬆軟不易黏牙，雖然有鵝嘅油脂但絕無油膩感，十分出色💗深海龍躉兩味 💫碧綠炒斑球 龍躉肉炒西蘭花，感覺非常健康，因為碟底沒過多嘅油，魚肉厚而嫩滑，西蘭花爽口，整碟菜式實屬健怡類 💫陳皮蒸頭腩 龍躉厚切而連住膠質地既魚皮位置，陳皮味極之入味，估計所用既陳皮屬高級別的，連一向唔食魚既我都食咗4大舊👍🏻💗椒絲腐乳通菜椒絲腐乳通菜非常足量，份量可以放滿多於4個酒樓的飯碗，愛食菜既朋友應滿意😃💗名門太子炒飯此炒飯職員表示係素菜無肉的，但上檯時已香味四溢，而且飯粒係粒粒金黃色，好似一座金沙山，我哋都食到耳仔郁郁，好想學識炒呢碟飯😆，但現場我哋都掛住食，未有時間上網鑽研，留返係屋企再搵搵有冇類似食譜，可想而知佢既美味程度。餐廳職員服務好周到，叫了可樂就問我哋要唔要冰底，然之後棒住幾冰杯出嚟，再者竟然切咗飯後果俾我哋食，好耐無試過食晚飯有水果送，俾心心🥰肯定會再次光顧…Read More

朋友表示呢間係好出名都好難book位既一間餐廳，呢日黎到我地都見到好多一家人👨‍👩‍👧‍👧金牌鳳梨咕嚕肉 $138朋友話必食，我地個個都讚好，讚好既原因係因為即叫即炸，而且食得出佢既咕嚕肉有別於平時用一件人圓形既豬肉，佢全部都係長條型，食落口更加方便，而且好香脆，酸酸地，肉都算嫩，送飯好開胃，份量都唔少而且鳳梨絕對唔係罐頭菠蘿，值得加分💯沙嗲牛肉粉絲煲 $168比想像中大煲，牛肉絕對唔少，超級足料建議撈勻先食，會食到好香嘅沙嗲味，超多嘅粉絲同埋牛肉，牛肉幾滑唔會韌魚香茄子煲 $138茄子同埋肉碎都好多，超大煲茄子好夠淋，汁好多，送飯一流瑤柱薑米蛋白炒飯 $148瑤柱蛋白炒飯炒得好香，我哋走咗薑米，加埋我哋叫嘅餸食完一碗你會再想食一碗，夠獲氣果然係唔同啲原個椰皇燉滑奶 $58（製作需時30分鐘）比我想像中好食😋嚟到熱辣辣，估佢唔到超級滑，而且好香奶味食落去好似食緊熱既牛奶布甸，帶一點椰子味佢椰皇肉好多，記得刮埋啲肉一齊食，佢啲肉絕對唔難刮，加埋布甸食更加好味食落去唔會超甜，但係好香，介乎於豆腐花同埋布甸嘅質感，超級建議叫💯💯埋單佢仲送水果，好驚喜，好甜個環境都幾大，唔會好嘈吵，座位坐得幾舒服，店員服務都幾好性價比都幾高，朋友們都表示想下次帶屋企人嚟食，出面仲有幾個大魚缸養咗好多唔同嘅海鮮，所以絕對新鮮…Read More

搬入新田居住有一段日子，成日聽街坊講呢間餐廳好好食，平時揸車經過已經覺得餐廳門口裝潢好有氣勢，好想去試，襯朋友入黎元朗探我，即提議去試下，book枱時店員話有免費泊車，我地一行4個人叫左以下幾款野食💕🦢炭燒燒鵝皇 （半隻）＄288用自家炭火烤製，燒鵝皮脆肉嫩散發陣陣炭燒香氣，每咬一啖，鵝油甘香充斥口腔每一個角落，鵝肉仍能保留肉汁，而且燒鵝肉質嫩滑肥瘦適中，味道香濃，再配上自家調製嘅梅醬，既可減去油膩感，更進一步打開我地嘅胃口，愈食愈滋味💕🐟深海龍躉兩食 $4381️⃣碧綠炒班球優質食材配上大廚功架，𣎴論龍躉班球，定係配菜雲耳、西蘭花，炒嘅火喉都控制得恰到好處，「鑊氣」十足，龍躉肉大大塊，咬落去啖啖肉而且爽滑彈牙，係不添加味嘅烹調下，更能突顯龍躉原鮮味，相當精彩！2️⃣陳皮蒸頭腩龍躉最肥美鮮嫩的位置，要數魚腩，呢個部位肌纖維緊實豐富，口感尤其正，用蒸煮嘅方法來烹調魚腩，入口特別鮮嫩 ，彈性十足，還散發出陣陣陳皮香氣，甜鮮味道被進一步提升💕🐔乾蔥豆豉雞煲 $168上菜時已香氣撲鼻，配料豐富而且爆得好香，有乾葱、香蒜、豆豉，配上嫩滑雞肉，成個煲熱辣辣上，非常惹味，令人愈食愈想食，真係色香味俱全💕🥘名門太子炒飯 $128以餐廳名為名，係招牌菜式之一，果然名不虛傳，廚師火喉控制出色，炒飯粒粒分明之餘有濃郁蛋香，不會過乾，油感亦不重，調味香鹹滋味，蟹籽份量亦相當慷慨，值得推介💕🥬椒絲腐乳通菜 $118通菜新鮮爽脆，廚師炒得非常出色，保持到通菜翠綠之餘，加上腐乳嘅鹹香、椒絲嘅微辣，味道可口滋味，連平時唔鍾意食菜嘅朋友都難以抗拒！…Read More

元朗廣東名門必食小菜全部小菜都係即叫即炒，而且份量十分足夠都係大大碟，🐰同3個朋友食到抱住個肚腩走👋🥕沙嗲牛肉粉絲煲$168⭐️⭐️⭐️⭐️⭐️表面舖到滿滿既牛肉，重牛味又滑口，底下勁多粉絲，全部都十分入味。沙嗲十分濃郁加上微微辣，食落勁惹味😋🥕金牌鳳梨咕嚕肉$138⭐️⭐️⭐️⭐️⭐️咕嚕肉係長條型，炸到外表脆卜卜，內裡Juice 肥美，裹住酸酸甜甜既醬汁，十分開胃一口接一口啖啖肉，而且真係用新鮮🍍去炒，加上青椒🫑紅椒，色香味俱全！🥕漁香茄子煲$138⭐️⭐️⭐️⭐️☆一上枱打開蓋發出吱吱噗噗聲，茄子🍆炆到十分淋，不會生，容易入口，肉碎都有好多，不會太鹹。🥕瑤柱薑米蛋白炒飯$148⭐️⭐️⭐️⭐️⭐️炒到好夠穫氣，粒粒分明，非常薑蔥香，十分大碟。🥕原個椰皇燉滑奶$58⭐️⭐️⭐️⭐️⭐️即叫即整，一上枱熱辣辣，一打開好香椰奶味撲鼻而來，食落口勁香椰子和奶味，不會太甜，十分水嫩香滑。食到最後更加送上飯後水果，有西瓜🍉和哈密瓜，西瓜爆甜多汁，夏天食瓜當造又應節，剛好今個星期都勁熱，完美消暑解渴！座位寬敞，光線充足，環境優雅，店員服務態度良好，需收茶介$15一位及加一服務費。門口更有多個停車位======詳情======廣東名門 (元朗青山公路(潭尾段))元朗元朗青山公路394號(潭尾段)👣76K巴士或17紅色小巴往上水方向牛潭尾站落車================…Read More

不嬲有食開三聖分店，但覺得三聖越做越麻麻，除左辣酒煮花螺出色，其他都好一般，而且價錢仲收得比其他三聖食店貴。聽講(潭尾段)係總店，見openrice零負評就專登揸車過嚟試吓。濃湯雞煲翅 - 翅係多嘅，個湯底都好飲，不過就偏咸小小乾炒牛河 - 味道𝗈𝗄，不過唔夠乾身同碎濕濕咁滷香豬腳仔 - 正常冇特別菠蘿咕嚕肉- 好食，外脆内嫩，個汁酸甜度好平均，汁嘅份量亦啱啱好，食到尾都唔會浸到淋曬椒鹽脆豆腐 - 外層粉漿好薄，入面豆腐好滑 魚湯鮮腐竹浸時蔬 - 普通一個菜，正正常常勝在夠大碟辣酒煮花螺 - 好失望，平時三聖好好食，佢呢度直情係難食，個螺好硬，個汁又唔夠辣同香😭😭😭當晚大概8點去到人客好少，得三，四圍枱，全部都係2-4人左右，唔算好忙。我哋落單本身係落炸蟹鉗，佢係每件計錢，我哋order左3件，佢覆單時都有覆到，但最後黎左個椒鹽脆豆腐🤷🏻‍♀️🤷🏻‍♀️不過算啦，好彩個豆腐都好食😌😌總結就係食物係OK嘅，不過真心冇特別出色，要入到咁吊腳去食值唔值得就見仁見智。…Read More

講個秘密俾你知，其實我係好鍾意飲茶的，好多中式點心我都好鍾意食，但係之前因為疫情嘅關係，所以都唔係好敢去飲茶。🍵🍵🍵🍵🍵🍵🍵🍵🍵🍵🥢而呢一間廣東名門，係一間我試過咁多間酒樓，我覺得真係可以推薦比大家去一試嘅中式點心。蝦餃、燒賣 (必須食)🍤♨️佢呢一間嘅蝦餃用了係新鮮蝦所以你食蝦餃嘅時候會食得出佢嘅鮮味；燒賣，都一定要叫因為佢啱啱好蒸出嚟嘅時候真係好香，如果食得辣嘅朋友我推介可以問侍應攞佢哋嘅辣椒油。辣椒油有分兩隻，一隻係有辣椒籽，一隻係純辣椒油，我自己本人就鍾意食有辣椒籽嗰一隻，我最鍾意嘅就係燒賣再點辣油食，真係會加100分🤩🤩🤩魚香茄子煲🍆係咪諗唔到我食中式點心會叫煲類食物呢🤣，但佢呢一個魚香茄子又真係好好食，一啲都唔油，聞落好香，而且茄子仲要係好爽的，好食呀。炸魷魚鬚🦑呢度嘅炸魷魚鬚上碟真係熱辣辣同埋佢出邊嗰層炸粉，真係一啲都唔厚，啱啱好，仲有個重點係個口一啲都唔覺得油。👍🏻蒸叉燒腸粉🐷佢呢度嘅腸粉都做得好出色因為都係做得個皮好薄而且好滑，加佢少少甜豉油食真係一流。蒸牛仔骨🐮佢呢一個牛仔骨有少少黑椒味，但係食落肉質係完全林身的，出邊食嘅黑椒牛仔骨有時會骨多個肉，但你放心呢一度嘅完全唔會。炸蘿蔔絲⚪️呢一個係我以前唔會嗌嘅點心，但自從食完呢一間廣東名門嘅炸蘿蔔絲，呢度用嘅蘿蔔絲係用白蘿蔔，我發現原來炸蘿蔔絲都可以係好香甜的，同時亦都完全唔油膩，完全改變左我對佢嘅睇法🙉，自此之後就變成我每一次來必須叫嘅一個點心。沙律明蝦角🍤🍤🥠呢一個係我重中之重嘅推介，有冇人好似我咁都好鍾意食蝦，如果係嘅話，你必須試佢呢一個沙律明蝦角，佢基本上係用一層好薄嘅皮🥠，包住幾隻蝦喺入邊，你冇聽錯係好薄嘅皮。而且呢一個沙律明蝦角其實我見好多茶樓都已經冇，就算有一係就係個皮好厚，有陣油未，一係就係啲蝦唔夠爽口。🙌🏻你放心佢呢一個沙律明蝦角，以一個普通點心嘅價錢來講💰，真係做得十分之出色，沙律醬就係普通沙律醬，但係都好足夠帶出佢蝦嘅鮮味。➰💯📍因為位置比較偏僻，揸車去會好啲， 放心佢有個戶外停車場的可泊車的。🚙順帶一提呢一間酒樓有分戶外同室內嘅飲茶地方，亦都可以帶寵物，狗狗貓貓🐶🐱到戶外地方飲茶，都好friendly 㗎😚😚😚🌤如果天氣唔係咁熱的話，我比較鍾意坐戶外，因為環境都幾好，空氣亦都比較流通。…Read More

年少時候，生日慶祝爸媽會帶我和兩個妹妹來飲茶。今次剛好妹妹生日，便選一齊回味感受下兒時回憶廣東名門地方清雅，環境清潔，有種世外桃園感覺古法燒BB猪用荔枝柴明火燒起皮脆肉滑，燒得香夠火喉，少少肥膏一點都吾油膩，生日必食橎桃形的壽桃叫左一人一隻，與我的拳頭一樣咁大個蓮蓉綿密幼滑不太甜，搭配鹹香鴨蛋黃一絶另外，燒鵝同叉燒下次必定要點，真心説的確係好食小菜味道出色,價錢合理。另外上菜時間好快，侍應有禮，主動換碟。…Read More

有一日搭車無意中經過, 才發現這一間隱世餐廳, 食咗間我認為係全港最好食嘅點心, 味道好過米芝蓮三星唐閣, 我最喜愛嘅桃里! 但係價錢竟然係佢哋嘅一半有多! 而且環境超級優雅, 座位寬闊, 出面有好多車位方便泊車!雞扎是用新鮮走地雞, 蝦餃皮和鮮蝦彈牙, 鳳爪淋滑剛剛好, 酥炸魷魚粉漿脆薄, 魷魚彈牙新鮮, 燒賣肥瘦均勻好食, 腐皮卷最有驚喜, 腐皮有濃厚腐竹鮮味, 餡料有很多鮮甜的蝦. 每一樣點心都很滿意, 恢復晚市一定要來吃晚飯, 仲要同家人一齊, 嘗試多款的菜式l…Read More

香港疫情擴大 每天都幾萬人確診 人心惶惶 近期我都不敢出街吃飯 另很多食店都暫停營業今天臨出門時都先打電話 看這店是否有開門呢由我家駕車 至快都要45分鐘才到 但我仍忍不住每隔一段時間就要去光顧 因為價錢合理 今日去到雖然門庭依舊 但客人不多 幸好食物仍保持水準菜單每次都有小變動 強烈推薦大排檔風味小食 有三至四款 每天11點後供應 價錢不貴 （68元-78元）分量很適合二人用 我們就要了一個豉汁涼瓜斑頭腩 味道鮮美 斑腩也不少 （68元）魚湯鮮腐竹浸菜心 （78元）不見突出 幸好菜心很甜桂花蜜糖蛋散 鬆脆又新鮮 桂花蜜糖分開上 濃淡自己隨意非吃不可是秘製薑汁糕 甜度適中 薑汁味很足 軟糯又彈牙 口感一流埋單只是271元 更有免費泊車呢…Read More

有一段時間沒去這店 一睇餐單就發覺價錢貴了 不過也是正常的事 因為疫情緩和 較多人出嚟消費裝修和格局沒有變化 祇是門口多了生果檔 全是進口貨 價錢偏貴我們到達的時候剛剛好 不用等位 2個人點了6款點心其中最好味的是臘腸卷 熱辣辣的 臘腸皮和包皮很欶 肥瘦適中 鮮蝦腸粉外形漂亮 粉皮滑 蝦很大隻 我吃完之後即刻再點叉燒腸粉 一樣都很好味薑汁糕保持水凖 唯一較差的是煎釀虎皮椒 外形煎得又燶又黑 份量又少 我再和之前的價錢比較 竟然貴了20元 太不值了…Read More

有一段時間沒去這店 一睇餐單就發覺價錢貴了 不過也是正常的事 因為疫情緩和 較多人出嚟消費裝修和格局沒有變化 祇是門口多了生果檔 全是進口貨 價錢偏貴我們到達的時候剛剛好 不用等位 2個人點了6款點心其中最好味的是臘腸卷 熱辣辣的 臘腸皮和包皮很欶 肥瘦適中 鮮蝦腸粉外形漂亮 粉皮滑 蝦很大隻 我吃完之後即刻再點叉燒腸粉 一樣都很好味薑汁糕保持水凖 唯一較差的是煎釀虎皮椒 外形煎得又燶又黑 份量又少 我再和之前的價錢比較 竟然貴了20元 太不值了…Read More

自從大隻佬和高佬無做之後，越嚟越差，幾檯等位又唔比飛，以為自己記得曬，之後又忘記邊個先後次序，希望負責人真係用心去做，吾好令一直支持廣東名門的熟客失望………..…Read More

昨晚在廣東名門元朗店買了一隻燒鵝, 成為$498 ，但係返到屋企打開後，發覺少了一隻我鵝脾和整條鵝頸，然後打電話問廣東名門，佢哋回覆！師傅冇喎姨，仲話我哋講大話，實在太過分！希望大家小心啲…Read More