廟街小廚 (Closed)

對比其他食評，我呢餐服務算幾好，員工全部幾禮貌。有漏單但算補上得快。但食物真好麻麻：蠔餅炸粉佔左2/3碟、煲仔飯無味亦唔熱到以為食梗碟頭飯再加上我張枱位置間唔中會飄黎陣渠味⋯⋯有d唔開胃總論係無下次

呢一晚諗住食完飯出去尖沙咀睇除夕煙花, 已經好幾年冇喺廟街食煲仔飯, 但係朋友想食所以一齊去, 真係唔知點解廟街依間煲仔飯啲嘢食可以做到咁差, 差到係一個最低點, 坐咗喺度五分鐘完全啲侍應系度傾下偈寧願行嚟行去冇乜嘢做都可以唔理我哋不特止, 落單要叫兩三次先至走埋嚟, 個傳餐員捧餐埋嚟嘅時候好大力將個煲仔飯放喺檯面不特止, 開個煲蓋大大力開少少之後走咗去, 呢啲就係香港人香港地對客人嘅服務嗎？好啦！個煲蓋熱辣辣自己開煲蓋都冇所謂, 啲排骨同肉嘅比例係只有三分一肉另外三分二係骨, 哈哈當堂一邊食一邊笑咗出嚟, 我嗰個係排骨臘腸煲仔飯, 臘腸只有半條都唔知有冇？條臘腸係另外加收我十蚊... 個蠔仔餅仲好好笑, 碟同個蠔餅都係大, 但係啲蠔仔只有四五隻, 仲好似少過我隻手指尾一節咁細隻, 排骨臘腸煲仔飯成為78蚊, 潮式蠔餅又係78蚊, 仲要加多10%服務費, 總數為172蚊..., 唔怪得知香港地好多餐廳都話經營不善要執笠, 啲香港人全部要北上消費食飯, 香港飲食界協會真係要打擊呢啲不良分子, 要大大力改善一下香港地嘅餐廳對市民或者遊客嘅觀感！

今次同大家分享既系廟街小廚廟街小廚同興記一樣，同以炭爐即叫即煮煲仔飯聞名🌟窩蛋牛肉煲仔飯 $68加臘腸 +$10牛肉㜜滑，亦有以炭爐烹煮獨有既風味，米飯粒粒分明，飯底焦香🌟泰式蝦餅 $98食得出真材實料，有蝦味 炸得香口📍廟街小廚地址 ：油麻地廟街29-35號地舖#油麻地 #廟街 #煲仔飯 #廟街小廚 #泰式蝦餅 #覓食油麻地 #油麻地食乜好 #廟街食乜好 #炭火煲仔飯 #窩蛋牛肉飯 #廟街煲仔飯 #窩蛋牛肉煲仔飯#ʜᴋɪɢ #ʜᴋɪɢᴇʀ #ʜᴏɴɢᴋᴏɴɢғᴏᴏᴅɪᴇ

煲仔飯完全無鑊氣，黎到之後係唔熱嘅 。北菇雞飯淨係得d骨 然後椒鹽九肚魚係腥 同埋好多油 員工態度仲要好惡劣 搬嘢大大力唔講 仲問候啲食客 非常失望 唔知道有無人都係同樣睇法？

叫左個粉絲煲等左成個鐘都未到，叫伙計催又話廚房要時間整，check都唔幫我地check吓⋯等到阿姐想我地交枱先問我地啲野齊未，之後再check先話漏左單，重新落單後又等左15分鐘都未到，最後就直接走人😡聽到隔離枱都一樣漏單，睇返openrice先知原來呢間野係出名咁混亂，下次都係要做定research先好入去食。臨走時仲見到出面好多人排隊，好想叫佢地唔好嘥時間，因為排到入去坐底，都唔會食到想食嘅野。食物質素一般，要等+受氣嘅話，真係大把其他餐廳好過佢

同老婆去拍拖，見天氣涼涼哋啦，心血來潮諗住去食個煲仔飯，行到入廟街見到依間要排隊，應該都不錯，我哋即管就排隊試下，我哋叫咗個啫啫通菜煲同埋一個窩蛋牛肉煲仔飯，上菜速度尚可，始終即叫即做都需要少少時間，首先將個煲仔飯焗大約三至四分鐘，然後將豉油淋喺煲蓋邊，香味馬上傳出，已經急不及待要食了個牛肉好嫩好腍，加上個飯勁香，加少少豉油撈飯簡直一流，最重要係勁多飯蕉！另外個啫啫通菜都唔弱，非常足料，亦都炒到好香，絕對值得排隊去食！

朋友仔敍舊之晚餐。一行六人，食咗十幾樣嘢，因為太開心，影咗四碟已忘記影相😅😅😅炸物香脆、用料新鮮，最緊要係冇偏鹹、唔重口味，個廚好掂喎😋室內座位冷氣勁，闊落、光猛，坐得好舒服💖洗手間🚽在店內，唔係後巷。以廟街來講，應該算係算企理👍🏻啤酒🍻汽水🥤飲品都頗多種類，仲要開到半夜3點🤩，好適合夜晚放工、吹水、食宵夜嗰啲人真心講句，食完好想下次再去！😆已約緊下個月原班人馬再聚、再食、再飲、再吹水！😍

廟街向來都係品嚐地道煲仔飯嘅熱點🤩這間小店提供超過30款煲仔飯🥘款式傳統不花巧，全部以炭爐即叫即煮🔥炭香飯香瀰漫於空氣中😃米飯乾爽甘香，飯焦可原塊刮起，金黃勁脆，熱辣辣非常好味😋🥢

速寫大排檔食評｜📍廟街小廚☞潮式蠔餅☜｜💰$78侍應姐姐一遞菜上嚟講到碟蠔餅好鬼正😑食落成口炸粉連蠔都揾唔到幾隻🤷🏻‍♀️完全唔知自己食緊乜🫡$78買粉食🏳️☞蜜椒薯仔安格斯☜｜💰$128薯仔好食🫶🏻但啲牛好韌，大伏🚬$128蚊嚟講真係唔明點解佢夠薑開呢個價🫡♡椒鹽鮮魷♡｜💰$98份炸粉薄🫶🏻食落唔韌幾香口出乎意料嘅唔錯❣️可惜份量唔多♡金沙甜粟蝦球 ♡｜💰$88呢個鹹蛋味唔太出又無起沙感🫣但個味道整體嚟講又唔太差，蝦球都多而且食落彈牙好適合送飯💛但係粟米偏硬🫠♡西蘭花炒帶子♡｜💰$118西蘭花份量都幾多，帶子都唔少而且幾厚身🤔但無乜特別好似喺屋企都輕鬆煮到咁( ･᷄ὢ･᷅ )

各位～本人今晚光顧了廟街小廚，點了一個黃鱔煲仔飯，蠔餅，乳鴿。等了約20分鐘，煲仔飯來了，打開蓋一看原來是白鱔而非黃鱔！找服務員查詢，才告知我黃鱔沒有了，用了白鱔。那麼，在點餐時又不告知我，還說那個落單的員工是新來，所以沒有告訴我。那只好吃下，免浪費食物。之後，再來那碟蠔餅，碟蠔餅竟然大部份是粉漿。於是找服務員理論，他竟然說可能廚房師傅今天賭馬錢輸咗。吓～心想這個藉口也可以的。當然不能接受，於是再找另一個服務員投訴，她說會向大家姐反映……跟著， 旁邊的那枱食客見我們反映，也對服務員作出同樣的投訴（因為他們也是點了蠔餅）……結果，投訴接受，錢照收！我特別在此提議～各位若光顧此店，切勿叫～蠔餅！謝謝～

今日一心諗住食煲仔飯，所以6:00就到油麻地，點知得佢一間開鋪。心諗本身想食煲仔飯，又突登黎到油麻地，所以是但啦，就照坐左室外。本身好期待，因為細個時屋企人會帶我去廟街食飯，愈大就唔會跟屋企人，所以想重溫返細個嘅風味，真係好期待。一坐底就好快叫咗2個煲仔飯、一碟炒蜆同一罐汽水。炒蜆同汽水好快就到咗，亦都好快手食晒。咁煲仔飯要即煲遲黎係正常嘅，所以得12度凍到震晒咁等都冇所謂啦。等咗45分鐘左右，一個煲仔飯都冇出黎，其他枱開始問侍應姨姨，當然佢地唔會知道幾時有，只會叫你等。由於其他枱早過我黎，我都冇出聲，唯有繼續等。過咗10分鐘左右，有幾枱客開始嘈，話等咗一個鐘，唔想繼續等要埋單，咁侍應姨姨當然阻止唔到。而遲黎嘅我唯有等。過多5分鐘，終於見到有煲仔飯出黎喇。雖然有啲枱走咗，但個飯係繼續煲無cut到嘅，所以一有飯其他枱見到岩就拎，又或者新枱坐低冇耐，姨姨上返之前走咗枱冇cut到嘅飯，新枱岩就照食。其實啲單開始好亂，而我都係一個煲仔飯都冇。佢開始不停出飯，但都唔見我嘅，而新黎又有飯，我前後問咗姨姨幾次，佢都係話等吓先好快有。最後7:30我忍唔住直接入咗餐廳問，佢竟然同我講第一轉啲單唔見晒，唔

開頭諗住去興記食煲仔飯，點知興記要初九先開工。呢間廟街小廚開枱開到響興記門口，諗住都係食煲仔飯，應該都唔會差得去邊，就咁坐低叫咗三個煲仔飯，之後再加多個蠔餅。再望下openrice啲食評全部都係bad。心諗冇咁橋又中伏？跟住個蠔餅嚟，都算中規中矩。我哋五點幾鐘去到等到成六點半都仲未有煲仔飯出嚟，心諗有啲唔對路周圍望下見另外幾台都冇煲仔飯，淨係得蠔餅。再等多陣同阿姐講唔掂喎，七點幾㗎喎仲要等幾耐？阿姐答我係好快呀就嚟就嚟，正常等都要六七個字啦。但其實我係第3台客我唔明點解我唔係一個正常嘅等。再等多一兩個字其他食客都有啲鼓譟，話要埋單走跟住見到有個疑似老細嘅男人同阿姐講，唔等得就唔好食囉！叫佢哋埋單！於是乎我同阿姐講話，咁我唔等喇埋單啦。阿姐馬上收咗我個蠔餅嘅錢。我覺得呢間嘢千祈唔好幫襯，除非你有大把時間大把人生去等。

我第一次食呢間野 都第一次咁嬲 一開始職員叫我地坐裏面 出面凍 都幾貼心 我地一家人去食我都肚餓 小朋友都係 坐低左 等左兩個幾字 未比菜單我地睇 我揮手 嗌埋佢先有反應 叫我地等等 再等一個字多啲 我地就問隔離男女 拎菜單個職員 3-4分鐘先過來 問我地嗌乜野食 心諗 你連菜單都唔拎比我地 當我地死 心諗大獲呢間野嗌野 佢又要人地等佢 又係3-4分鐘 嗌完 足足等左9個字 飲料都未有 一碟餸都無 吹佢 最叻話 去睇睇 又要等三個字 唔食 走人 逼我地去食m記 果陣成11點幾 明明9點幾去呢間野 唉 垃圾大排檔 服務 出餐 完全零分 連比一星都唔想比 食咪搞 呢間野免費都唔去

初七興記同肉季都未開，唯有試下唯一有開嘅廟街小廚。眼見依間野啲枱開哂成條街，開到去興記出面。夜晚10點，叫左2個煲仔飯同豉油王鵝腸，落左單半小時都冇野食，叫員工跟下，佢表示因為隔離另外2間冇開佢地做埋人地啲客，所以廚房應付唔黎。聽完真係無奈，1.老闆知道廚房做唔黎就唔好開多咁多枱，2.知道要客人等咁耐都完全冇提醒客人，客人追就話整緊，完全不負責任。😡😡😡等緊期間有一枱韓國人追單幾次，一位男員工就話幫佢取消。韓國人知道冇就話要點其他，落完再等左十幾分鐘都未有韓國人又提出取消，該男員工就同事講: 都話唔好幫佢落架啦，依家又取消，照收佢錢! 咁嘅服務態度真係世一。😥最後豉油王鵝腸40分鐘到黎(太餓冇影到)，但係我食過最唔好食，豉油完全冇味，芽菜仲係生，鵝腸質感好鞋。2個煲仔飯超過1小時先黎，仲要完全唔好食，又係冇味嘅，其中我地叫北菇滑雞加臘腸要加10蚊，得半條。依間野真心差，千祈唔好幫襯!

年初六落廟街想食煲仔飯，興記無開就揀左哩間垃圾店，坐底叫野食啦，講完個侍應話講號碼，無問題又講一次，落完單，等左十幾分鐘，隔離檯上菜話人哋無叫哩個問人岩唔岩食，客話唔岩拎走，轉頭落我哋檯話落錯隔離，我哋話都無叫，跟住又比返隔離檯，真係廢解，個老細走黎同我哋講落左咩，原來之前落單條友無入機，痴線都盤，黎左兩樣野食晒，我半個幾鐘又出埋個炒萵筍絲，繼續等兩個煲仔飯，越等越唔對路，啲飯全部送去其他檯，但我哋叫先，問個廢侍應，問完無影，最終等左一粒鐘都無黎兩個飯，谷鬼氣唔食埋單走。應付唔到，就唔好入咁多客啦，一係開頭就同客講要等幾耐啦，叫晒先你喺度呆等。垃圾店