👅味道95分,每次都好期待下一道菜,全部充滿香港特色🇭🇰💁🏽♂️服務90分,好詳細介紹每道菜用料同製作方法。🏙環境85分,暗暗地有情調,有啲公仔擺設拎住黃傘😯餐廳好有心思,餐具設計都好精緻,有細心襯過。.🎡餐廳間唔中會轉主題,隨主題轉唔同菜式。到你體驗既時候可能已經同我唔同架喇!book時,主題係wedding,到我食已經轉左做”圓”。.💰網上預訂有優惠:$1500+10% /person.小編大概早兩個半星期book 2位去慶祝生日,要比$2000訂金先真正預留枱架!🎂慶祝生日佢會幫你甜品寫字插蠟燭,📸幫你影即影即有,送比你留念。.🌫抹個手都可以好大陣仗~上菜前,waiter拎出經典雙妹嚜花露水,成枝倒入一個”海浪拍打岩石”既銀色器皿入面,冒出夢幻白煙,同時濕毛巾發大,供抹手消毒。.🟡主題: The Story of “O” (”圓”美),有12道菜。.1.🔸O (圓)食粒蕎頭,茅台酒橄欖,開開胃。走馬燈旋轉盤有3款糕點,表面網狀脆片:中間夾住好香濃既烤鴨鴨肝。碗狀糕點:砂礓雞味,亦用左芒果,青芒果整。綠色糯米糍:糭味好出,中心餡料用蕃薯乾,瑤柱,鹹蛋黃製。銀色樹上鳥巢狀:口感酥脆,係咖喱魚蛋味。迷你格仔餅:蔥油格仔餅,由蔥,牛油果,芝士製作。.2.🔸The big 3 O (大三元)識打牌既都知大三元有紅中,發財,白板。碟印有中發白之餘,食物都有元素係其中。中:最頂有紅色既法國胡椒。白:中間有彈牙既蟶子肉,下層係超濃蟶子味既mousse。發: 最底係綠色既髮菜絲蘆筍湯。.3.🔸O to the dragon紀念香港一個鐘意食蠔油牛肉既龍,waiter話食完會知邊個,心諗點會知咁神奇?扮蠔油牛肉既係燒拖羅,仲用左中國白酒整,旁邊有兩片蠔葉,食落真係有啲腥味,我唔鐘意。最後,食到見碟底出現佢個樣喇,我知邊個了~.4.🔸OMG鮮鮑魚薄片,配魚子醬,加少許酸酸地finger lime中和味道。底下由綠豆,牛油,煮到似薯蓉狀態,細滑香口。.5.🔸Tai O大澳漁業,出名蝦醬,海味乾貨。蝦米油自製,用蝦米同油煮左48hrs,超香。意大利珍珠米,上面放北海道海膽,醃製青瓜,蝦鬆。珍珠米好煙韌,又入味,整體好有鹹香。.6.🔸0070=檸,含有鹹檸檬,檸檬,白酒,用帝王杯裝。味道清新得黎,酸鹹甜融合,有特定手法拎住飲。.7.🔸XO表面落無肉XO醬,用蘑菇,香菇,辣椒,豆豉,蒜頭整。底下有新鮮腐皮,枝豆,汁係用鵝肝,黃酒去煮,腐皮稔得黎好吸味,索哂啲汁。.8.🔸Smoke O在澳洲M9和牛表面塗上煙燻牛肉汁,超腍又入味。隔離黃色圓形啫喱狀係紅蘿蔔整,食落自然清甜,冇青味。表面沈左啲黑色粉末,由蔥造成,令味道更香。.9.🔸Chicken BO用公雞碗裝,碗上既公雞,牡丹花,蕉葉,寓意身體健康。黃油雞湯意大利米Risotto,佢冇落芝士,冇咁油膩。鮑魚磨成粉鋪喺面增加香味,意大利米扁身及硬身,亦都入味。.10.🔸JellO蜜糖啫喱代替魚翅,甜甜地,中間有黑松露,底下由南北杏汁底,但苦苦地,有啲藥水味。另外有枝山楂味嘅醋,比你吱落去。11.🔸8🎂慶祝生日,為你寫字,插蠟燭,送即影即有📸甜品香茅味冬甩配Cream cheese雪糕同檸檬gel。另外用八珍甜醋整咗士多啤梨crumble,落埋一齊食。.12.🔸Shek O綠茶味啫喱糖,上面有香片白桃gel,番石榴。.🍬最後推上超大盤嘅糖果,比個小紙袋裝住返屋企。入面有香港特色大白兔糖,椰子糖,山楂餅。🔖仲有明信片送返俾你,一面係獅子山,另一面係一開始走馬燈轉盤上嘅圖案,首尾呼應!有細心留意既話,原來Menu一早已經有獅子山線條🦁😯💛總括嚟講,呢餐真心意想不到超級滿意💛…Read More
The above review is the personal opinion of a user which does not represent OpenRice's point of view.
1
Recommended Dishes
Date of Visit
2021-06-26
Dining Method
Dine In
Spending Per Head
$1793 (Dinner)
Celebration
Birthday