康樂茶冰廳

Open Now

Now Closed

差唔多隔一段日子(say..一個星期)就想黎食,好似飯堂.例牌食面餐, 我地一人一個~康樂的多士好正,又重又濕又多牛油.個面亦好有水準.奶茶又濃又香~

今日心情relax,所以周圍搵冰室食野。地膽老公帶左我黎,估唔到咁多人,唔通好好食既!?雖然人多,但一侍應仍安排卡位俾我地,仲好多時同客人講,唔該、唔好意思。而家茶餐廳好少會咁架喇。黎得試食,又係試盡佢!午餐：火腿奄列+餐包、义燒公仔麵(原本係意粉)。前者無乜特別。後者,义燒沒有浸入湯度,保持”令立立”的買相,而且仲幾好食添!公仔麵好爽口,唯獨個湯無乜味。鮮牛蛋治,鮮牛韌到不得了,又咸,唔好食。麵包雖然軟熟,但密度疏,質素差。西多士,炸得均勻,而且頗脆,代價就係好吸油。麵包查左過多的花生醬,麵包切得薄,吸晒油既西多士,俾花生醬搶晒!奶茶,太多奶,唔得!大家可叫佢,少奶,可能好D。

十二月中旬流感暴發，走了幾間西醫應診，結果最快的亦要排近兩小時，真是不好的年頭．．．登記後到附近找間茶記吃些東西打發時間吧。嗅到茶檔的香，這裡的茶記味道最濃走入來吃個碟頭飯，飲杯熱鴛鴦吧。下午茶的時間大家都拿著報紙刨馬經，懶洋洋的流感年頭，但想起還有十噸重的文件等著處理，真是頭痛亦頭暈．．．來碟滑蛋茶燒飯吧，結果呢，還是滿滿一碟蛋花叉燒飯，白飯底濕軟黏實不好吃，為慳皮而出的味精蛋花，與甜口的叉燒是格格不入，頭變得又痕又痛起來．．．熱鴛鴦嗅起來香，但喝起來卻是很淡，只有奶甜卻不著咖啡的香，不過已較附近幾檔新派茶記對辦了。一袋二袋的止咳藥，愈吃愈累，這年頭大家也真的要多保重身子。

呢間嘢好耐了...我食咗成30年...環境之前好壞舊, 幾年前裝修過,而家新一啲...待應態度好好...不斷"唔該...唔該"...沙爹牛肉麵同义燒意粉... 都係我常叫的...麵好林...我鍾意...^_^食物來得又快! 價錢好抵! $21...

剛吃完下午茶，肚子塞得滿滿的時候，又被人拉了去吃東西。問我想食什麼? 不必了，但求找個地方飲杯嘢就得，結果來了舊式的冰室。拿著餐牌，望望飲品的一欄，發現有奶昔供應。好耐沒飲過了，有點興趣，苛打杯芒果奶昔。是幾幼滑的，卻嚴重缺乏芒果的濃郁香味，十分淡口。味道不夠的飲品，正正是我的大忌。等待飲品期間，發現有長曲奇&朱古力，官方名字無從稽考，急急叫番一件，還記得小時候「麻麻」經常會買這小東西給我吃的。可惜，曲奇質地稔身，未及鬆脆，亦欠缺牛油香，只有頭尾和中間朱古力的那部份較好一點，整體水準未能達標。這一餐証明了，舊式冰室不一定好。

我五年前...開始食lee間...原本我最鍾意食多士, 又脆又不厚身..但係..最近來左o個四眼哥阿叔...服務超級差...食過三四次都見到他...服務越來越差...*o*...星期二假期兩點幾...不是繁忙時間...原本仲有3/4杯熱奶茶...飲完就走...但是他要求我同朋友坐半邊卡位...等多兩三分鐘都唔得...就迫人走!!!我即刻無胃口...走人...最差係出面仲有其他空檯...沒有人坐...連味道都一樣越來越差...*o*...啲多士又細又唔脆...好似烤過...lee幾次食...每次都發現貴左一兩蚊...越來越貴..服務,味道及價錢都沒有吸引力... 我同朋友唔會再去食...*o*

面餐好好味, 最鍾意食個多士, 外脆內軟又重身, 仲有一大pet牛油, 諗起都想再食. 牛肉面同杯奶茶都好味, 平均黎講, 係above average 啦~

茶餐廳定冰室...一時之間也搞不清, 反正今天是假期, 短距離由荃灣至大埔, 今早來這裡先補充體力, 也為我的茶餐日誌努力{茶餐(二)應是中國冰室}!二人也叫 F 餐 - 蛋治/腿治 + 麥皮 + 奶茶, $21! 奶茶先上, 說不上很喜歡或不喜歡, 但味道稀為淡一點, 只多提一點是我那杯飲到最後才發現杯子裂到底, SO BAD! 蛋治的蛋剛剛好, 麵包是傳統茶餐廳...薄薄, 顏色較暗淡 (不是雪白的), 卻非常軟熟, 老公至愛這款! 麥皮甜味剛好, 淡淡的, 份量足夠, 但不夠綿滑!門口擺放了好幾張食煙枱, 沒有關門...煙霧飄入餐廳, !

今朝早起荃灣開工, 入左E間康樂茶冰廳,叫左碟意粉and 凍奶茶,其實我係有蒲奶茶引, 但香港識沖好飯奶茶d 地方越黎越少,個意粉幾好味, 重點係杯奶茶, 係有 9.5分, 推薦一試

七月十七‧晴 在附近練習完，天氣熱，沒有胃口，但也要快點吃東西，補充體力。由地膽帶路，來了這裡。周日早上，人客不少，我們各自找位，加上兩位阿姐的協助，很快便可以全部坐低。 還未過早餐時段，還可以叫個B餐。沙爹牛麵，火腿煎蛋，加杯凍咖啡，幾豐富的。這裡的即食麵煮得有咬口~~也不要說，縱使是即食麵這般普通的東西，也不是度度煮得好吃的。沙爹牛就凍凍的，如果可以煮熱一點才放下去，感覺會好一些；荷包蛋煎得剛熟，但也油光滿面，而火腿就煎都未煎過，索性全部放在湯麵內，連湯吃清，飽一飽。 凍咖啡下了不少的奶，不知道的話，還會以為是奶茶來的。 埋單23蚊，經濟抵食，也要快快走人，留位置給正在湧進來的客人。

其實呢個餐廳名好特別: 茶餐廳 + 冰室 成為全港唯一一間茶冰廳以為會有好多食評, 點知無乜, 點解呢?! 如果你未嚟過呢度, 好難想像一間小小冰室, 車水馬龍, 平日無時無刻都有人光顧, 一到假日就直程無間斷堆滿人.其實買緊唔係乜野特別, 可能係杯絕靚奶茶同多士, 令到呢區0既人都會嚟.由我讀小學到依家 30年啦........都無乜變 (除0左價錢貴0左一倍)

冇去半年再去翻,麵餐加咗兩蚊,凍飲由加1蚊變咗加2蚊,其他都冇乜唔同,不過我以後都唔會再飲熱好立克,因我從未飲過咁難飲的,淡過水之餘仲落咗唔知花奶定淡奶,睇落啲顏色好似好濃,其實只有淡淡奶味,超級難飲!

見到有人比劣評, 真係有D 驚訝...差唔多朝朝都黎食早餐, 一杯奶茶再加碟沙爹牛肉或者榨菜肉絲麵, 仲有碟靚炒旦, 食飽飽跟住返工博殺...朝早好多人黎食早餐架, 想搵個位都唔易

又一過期食評...果日無聊行下行下,行左去荃灣,本黎想食刀削麵,但要成$30,又唔想食咁貴,就黎呢度食...又一舊式冰廳...因為係星期日,所以多人食...入黎要左個午餐...先講叉燒意粉,意粉係有咬口,但叉燒就...乾身,硬,唔好食...至於牛油餐包就唔熱,牛油唔算多...火腿奄列,都幾多火腿,但都係唔熱,只係一般...埋單$22,價錢上ok,ok飽,但味道就一般了...未必有下次...

再一次證實傳统冰廳出品並不代表一定係好嘢...唔可以叫難食，但一定唔可以叫好食。普通奶茶(唯一好處係用瓷杯)；普通之極嘅煎雙蛋；有D未淥熟嘅大光麵配上味淡淡嘅沙爹牛，甚至可稱之為難食...可以不去...