Hong Lin Restaurant (Closed)

調景嶺雖然面積細細，但都有兩間不錯的茶餐廳，都幾好彩！「康年」的支裝奶茶及「一粥麵」的冰鎮奶茶都是「賣飛佛」現在好少麵包鋪有新鮮出爐的麵包，但康年堅持每天即焗麵包蛋撻，值得一讚！這裡有不少傳統麵包，叉燒包丶菠蘿包丶雞尾包丶墨西哥包•••，最受歡迎係蛋撻！每次蛋撻出爐，一轉眼就賣完，真係唔敢行開。每次放假都會去買個蛋撻加支奶茶返屋企做下午茶。支裝奶茶 $16我的至愛。這裡用上黑白奶的奶茶，味道不會太差。茶香奶滑，甜度適中。雪凍的奶茶，沒有落冰，絕不冲淡奶茶味，可以慢慢嘆！蛋撻 $5這裡是酥皮底，酥皮帶有牛油香味、而且鬆化，熱騰騰一口咬下去（卻千萬不要太熱，否則燙口），美味無窮。蛋味十足 ，又不會太甜。老公十分喜愛康年的蛋撻，老公真想食埋我嗰個！…Read More

晚上與熊爸去完壹傳媒, 在巴士站下車後隨即走到這間著名出品重質量麵包的茶餐廳。 當然知道晚間的麵包會無咁新鮮, 但如果製作是認真的, 實唔會衰得去邊麵包用紙袋包裝, 相信一為環保, 另外如果麵包剛出爐, 紙袋應該唔會焗到出倒汗水:)重量級叉燒包$9摸上手是重甸甸的, 把麵包撕開兩半, 叉燒餡料已按捺不住要擁出來；一咬之下感覺到麵包鬆軟, 囗感舒服, 叉燒粒粒無「嗱亅過的純豬肉, 頗瘦兼有肉味, 肥膏就唔多食到, 叉燒醬不會太甜, 味道正路中量級沙爹牛肉包$9不知道是否與牛肉價格有關, 沙爹牛肉份量普通, 更加是「嗱」到無牛肉味及質感, 奇怪是沙爹味道竟是苦的 更加沒有沙爹香 只是麵包本身鬆軟可口, 麵粉充足。相信當新鮮出爐時, 賣$9都嫌便宜…Read More

今朝來到康年想食個出爐麵包 但居然話我知今日無供應, 只好硬食早餐 D。(火腿通粉; 腿蛋治; 熱央) 火腿通粉以雞湯作為湯底, 確實比 一般餐廳供應的鮮味,一貫也是火腿切絲置於通粉上, 但通粉連一點咬口也沒有。 腿蛋治的半熟炒蛋十分嫩滑, 配上咸香火腿和軟熟面包, 成為今早的亮點 熱央則茶香較薄, 還稱得上幼滑, 最重要是熱度剛好, 頗合乎我口味。 …Read More

其實我由佢開檔食到依家,但係發現佢啲水準每况愈下,先講佢啲包,由䦕頭會介紹朋友食到依家唔敢話介绍過,由其個波羅包同沙爹牛肉包,之後到晚歺,得嗰兩款揀,仲要西式少汁中式就略鹹,個羅宋湯諗住都幾得,点知要成$22,儍咗,唯一可讚係請咗一班輕度智障年輕人,呢個亦係我肯去食的原因。…Read More

此乃小妹飯堂之一，原因：- 食物好味- 營業至2am，基本上夜咗無得好揀。- 晚上都有新鮮麵包出爐，我最鍾意食佢既蛋撻及椰撻。- 不知店方是否與有關方面合作，經常聘請一些似乎有點retarded的員工... 這點我覺得值得支持! 雖然佢地有時的確有點甩漏，但問題不大。價錢以茶餐廳來說偏貴，是翠華級。不過都可以睇餸食飯既，例如：- 平版：推介各款粉麵，個人最愛金銀旦河粉，魚蛋及魚片頭好彈牙；同埋菠菜餃，較特別。跟餐連飲品約$30起。- 中價：晚餐，一般都幾好味($58)。各式 咖哩飯也不錯，不跟餐約$45。- 貴價：極力推介咖哩羊架，咖喱惹味，羊架生熟肥瘦適中，薯茸打得好滑，連咖哩食超正，仲跟白飯及湯/飲品。($78) …Read More

早上經常買早餐脆皮波蘿包,流沙雞尾包都吾錯流沙雞尾包好正仲好熱次次買都有人喺度排隊但排得吾耐D人都好快手D包都只不過係$4個好味兼抵食但只食過康年嘅出爐麪包堂食野食冇試過:)只能說康年嘅出爐麪包真係吾錯…Read More

此次光顧實在是迫不得已, 因為這間差餐廳, 實在是晚上12時後, 調景嶺地鐵站唯一的選擇幾個月前,本人已經對此餐廳的服務態度感到"驚嘆",內容如下:當日想買外買,在店外向一位女店員查詢:"請問有沒有外賣紙/餐牌?"得到的回復是:"下?無架wor! 要睇有食咩?自己行入黎睇囉!"不管多麼老字號的茶餐廳,也未曾試過如此無禮對待!OK,就上次事件,本人這次就進入店內, 坐下才翻閱該餐廳的餐牌不久有位男仕應走過來說: "落得單未呀?小姐!" (果然"好"禮貌)我回答: "要豬軟骨撈出前一丁,外賣既,唔該!"男仕應: "下?外賣?乜你唔係係度食架?"我: "係呀,拎走的"男仕應: "下?你唔係度食,甘你要去收銀個邊wor! 唔係呢度落單架wor! 你要自己去收銀叫架wor!"(不耐煩地)(隨即收起餐牌)男仕應: "你自己行過去同收銀講你要乜啦!"該名工作人員的態度本人不願置評,付款後走近門口位置,打算坐下等外賣,該名男子又再開其金口: "小姐,等外賣出去出面等!"本人憤怒之餘,同時亦深感疑惑,為何這麼多位,不可以讓顧客坐下等待呢?其實到茶餐廳,並不會期望會有甚麼customer service,但......再怎麼無服務的餐廳,也不至於此吧?:(就是因為壟斷了調景嶺宵夜時份,就可以這樣?:(:(:(紙巾&招牌上大大隻字印上"優質的茶餐廳"?10個有趣..................再來正題----食物,等了一會兒就有,時間正常,:(豬軟骨都有3塊,但味道偏咸,肉質很鞋...肥膏位置很油膩.....汁跟"香X仔魚蛋"的豬軟骨味道有點相似,當然後者好食得多啦....而且有其中一塊有怪味,不懂得形容,有點像變質了,感覺不太新鮮:(:(:(:(出前一丁亦很"淋",,,,,,,,,,:(再來,湯的味道很咸,沒有勇氣喝超過一口....我怕之後因為味精而要喝很多水......總體而言....無下次…Read More

是日午餐找不到位子就到了這家坐下看了好一陣子餐牌都沒什麼吸引的就ORDER了我到處都會試的海南雞廢話不多說直接評價油飯: 一般，不夠香也不夠色，但滲出淡淡香茅味雞: 味道可以，雞味雖不是很濃但都不會雪到無味，肉質算嫩，偏肥，個人能接受湯: 火候夠，但都很重味精油菜: 很好! 菜心很嫩，時間控制剛剛好!我試過的海南雞不多目前只能說翠華的最美味第二是太子的冬潮康年算是第三最差是大角咀的晴苑:(…Read More

之前看某本雜誌,介紹它的流心雞尾包在門外看了一陣,眼見他人吃的......只是一堆椰堆=,=取消念頭,沒有買了早上人流多,找了一個卡位坐下1):(等了10分鐘才有人執野2):(環境衛生好,但她(帶眼鏡,紮馬尾(曲髮))用了一隻手掌蓋著2杯茶遞上,飲得下嗎?...3):)只等了5鐘有野食喇--沙爹牛肉公仔面+腸仔蛋餐包+熱好立克4):(沙爹不多,不夠味,湯水還是淺啡色的5:(牛肉之量適中,但沒有牛味,像瘦肉般勁有咬口6):)(公仔面軟硬度適中7):(腸仔過咸,凍的,8):(雞蛋煎得不油,但凍的9):(餐包名軟好食,但又是凍的10)好立克味被奶味蓋過了....嘆一口已夠!!11)每人最低消費12元..12)我已起身拎住張單,被背後的員工(黑皮膚,髮到膊頭,大眼睛畫眼線)叫著 小姐,去櫃面俾錢呀13)52元正,我放下102,2蚊放上面,收銀員只拿起100,問我拎2元, 本是正常(若我當她看不見),但她的態度好像我欠好十萬九千7咁....難怪只介紹它的"包"好…Read More

朝早凍冰冰走左去買個沙嗲牛肉包第1次食都幾驚喜:)咬左啖仔,已經見到好多餡跟住咬左半,直頭係見到薄皮之下全部都係沙嗲牛肉正丫雖然食落似咖哩牛多過沙嗲不過8蚊都算食得過!!!BTWD蛋撻就強差人意左少少...個底好厚而且4蚊亦唔算係平價…Read More

在樓上的偽意大利餐廳吃到一肚火，之後在這個商場四處逛逛，順便找找有什麼地方可以填填我個半飽不餓的肚子。落到地下，發現茶餐廳一家，之前行過的時候已見這裡大大個招牌。看樣子跟翠華有一半相似，連檯面餐牌的風格都相近，除了燈光比較白調；照計開得在都會駅也不會有太久的歷史，但已顯得有點殘舊，而且空氣中瀰漫著一股油煙味。畢竟餐廳在 1967 年已開業了（不要講笑，該不會是這家分店吧？！）了。下午茶餐有這麼一個叉燒墨西哥包 ($20)，配咖啡或茶。來到茶記當然要飲奶茶啦。叉燒墨西哥包顧名思義是墨西哥包內包著叉燒餡，包來的時候熱熱的，由於太熱包子都軟了，連我很喜歡的牛油 crumble 包面都淋了，不過仍然很香噴噴。咬到裡面的叉燒餡，嘩，小心燙口！叉燒粒作餡，甜甜的，少不免有一灘鮮紅的叉燒汁，而肉質也不必太講究了。門口正正就是賣新鮮包餅的櫃位，難怪麵包是有點水準的。奶茶奶味比茶味強，可能這天我需要單寧重一點的奶茶啊。溝貨成功，開心哂！…Read More

入到去招呼無咩問題....坐落....比左杯清水...水上面有油!!好唔衛生"之後叫左個醬爆牛肉飯係午餐黎...首先黎左個忌念湯~一飲落去係無味道好似食緊白粥咁!!!之後黎左個飯...d牛肉食落好散....汁既味道係完全沒有!!係完全沒有味道!!!餐飲叫左杯熱華田....飲落去飲到有d鹼水味!!!之後同店員講...話杯野有陣味...佢既態度非常差!!話你可能唔岩飲哩隻華田!!之後我問佢可唔可以換個杯佢問我飲咩我話飲熱朱....幫我落單時仲眼超超條氣好唔順咁!!!服務態度極差!!沒有任何專業操手!!以後都唔會去食!!!…Read More

一入到去,,冇人招待......自己找左一個位坐有人拎左D水黎,,,,佢係拎杯的上面,,,,勁唔衛生落單又落漏野,, ,,,,等左勁耐都冇我叫個碟野,,,叫個waiter,, 佢又叫第二個黎,,,,個時我先知佢落漏單,,,又要我再等!!!!個度勁多waiter 企曬係度,,個個呆下呆下,,十問九唔應再要等多5分鐘,,我叫個個瑞士汁雞翼撈一丁終於黎左,,,已經等到我好肚餓,,,碟野唔係好熱,,,,又唔好食,,,一丁又硬,,,,嬲到我都冇影相!!!!!!! 餐飯勁唔開心!!!!下次一定唔會再去!!!!!!!!!!!!…Read More

午飯後在將軍澳區內逛逛商場，本來打算乘坐巴士回小西灣。此時我的電話響起，原來媽媽表示是日早已經在正午十二點食午飯，現在有些肚餓但家中沒有乾糧，想我購買一點食物回家。我除了在附近超市購買了餅乾之外，另外再回到康年餐廳，額外購買六件忌廉雞批，與及一杯熱咖啡給我爸爸。售餅的女職員做事十分仔細，她在收錢之後先用濕毛巾清潔雙手，然後再戴起透明手套才由大型包餅櫃內取出六件雞批，並放入預先準備了的外賣盒內。與此同時見到另一位女職員，拿起一杯外賣熱咖啡由水吧走出來。售餅職員提議將咖啡和雞批分開包裝，避免將咖啡打瀉和壓爛雞批。在盛載熱咖啡的膠袋內，放入了一支膠匙羹和兩包白糖。由於時間關係，唯有改乘地鐵回家。在大約四十五分鐘的車程中，無論在地鐵抑或小巴車廂內，都能夠聞到一陣陣的咖啡香味。回到家中之後，剛好二伯娘、家姐和姐夫已經到步。他們打開外賣盒之後，都被金黃色外皮的忌廉雞批吸引著，你一件佢又一件，不消一會兒已經全部食光。忌廉雞批 - 雖然我一件都沒有食到，不過由家人的口中得知，都認為外皮的顏色好吸引，烘焙功夫非常到家。餡料的份量都算多，每一口都能夠食到忌廉、雞肉及磨菇。熱咖啡 - 爸爸將杯蓋打開之後，咖啡的香味亦顯得更加強烈。雖然我不能飲咖啡，但聞到味道之後精神為之一振。爸爸將一包白糖倒入，攪拌後先喝了一口咖啡，同時再吃雞批。雖然經歷了四十五分鐘的車程，但是咖啡依然滾燙。爸爸覺得餐廳在煲咖啡方面，做得有水準。雖然入口的味道是溶左一點，但是完全飲唔出有什麼的煲燶感覺。其實在我爸爸說完這番說話之後，我都覺得剛才在餐廳內的熱奶茶遭遇，或多或少是與運氣有關。無可否認那一杯奶茶，的確令小弟感到有些失望。但是見到爸爸對那杯外賣咖啡表示滿意，我心中都有點兒安慰。…Read More

周末早上在太古城跑步，跑完步已經是中午時份。準備進入地鐵站的時候，腦海中猛然記起上周在旺角康年餐廳光顧的情況。不過今次前往的並不是旺角總店，而是位於將軍澳調景嶺的分店。餐廳毗連地鐵站和巴士總站，交通十分便利。在我準備進入餐廳時，已經見到有巴士司機正在餐廳內午膳。到達餐廳時已經接近下午兩站，加上周末的關係，人流比較多一點。坐下來之後留意餐廳的四周，現場所見環境是比較狹窄一點。事不疑遲要落單，我選擇了午餐A，包括香草煙肉忌廉湯 + 白菌芝士汁煎雞扒飯 + 熱奶茶。香草煙肉忌廉湯 - 熱湯本身較為濃稠，雖然有煙肉但味道不是太鹹。湯面有幾粒切碎了的多士，入口有一番的口感。白菌芝士汁煎雞扒飯 - 未食都覺得賣相幾吸引，雞扒雖然炸到金黃色，但是雞肉仍然保留到肉汁。雖然侍應已經為我預備了刀叉，但是我全程只用匙羹，就把雞扒輕易地分開。雞扒外皮被炸得香脆，白菌芝士汁味道又不是太濃。再講白飯份量都幾驚人，小弟平日的食量又不是大。本來打算想食埋佢，但是已經飽到頂上心口，最後都要食剩一點白飯。熱奶茶 - 今次呢杯熱奶茶真是有些失望，雖然我飲得出有茶味，但是較為薄身了一點。再者我仔細看過茶杯邊，發現掛邊效果不是十分明顯。小弟估計餐廳在煲茶的時間和火侯上，做得唔係好夠仔細。其實改善的空間仍然存在，希望他們下次在這點做得更好。小弟在進食期間，見到有包餅師傅，先後將多盤新鮮出爐麵包由廚房送出來，並傳出一陣陣的香味。其實見到這個情形及聞到麵包香味，不但可增進食客的食慾，而且更提升食客對食品素質的信心。提到侍應的服務態度，在我個人而言是滿意的。不過食客眾多，加上現場環境較為擠迫關係，難免見到有幾幕「打衝鋒」的情況。想深一層他們這個舉動不是蠻牛，而是著緊餐廳內外每一位食客。以香港現時的物價而言，一份價值三十五元的午餐，小弟個人認為又算不上什麼的昂貴。今次雖然出現了美中不足的情況，但是小弟希望下次再來光顧的時候，熱奶茶會做得更好吧!!…Read More