Hong Wo Kok Restaurant

平日嘅下午茶下晝兩點開始，但係生意好到不得了，就算係閒日都最好一點半就排定隊，如果唔係起碼都要等半個鐘先可以入座下午茶嘅點心價格我諗係正茶時段嘅三分一左右啦， 其中孖寶非常抵食，33蚊可以揀兩款點心我哋叫咗鴨掌，白雲鳳爪，蒸蘿蔔糕，炸蝦角，蝦腸，牛肉球鴨掌同白雲鳳爪都好入味，蒸蘿蔔糕個人覺得個味有啲太重，但係有好多粗條蘿蔔炸蝦角係兒時嘅味道，外皮好脆亦都好足料蝦腸都有大大隻蝦，冇因為係下午茶特價時段而偷工減料整體嚟講呢間街坊茶樓嘅下午茶非常抵食…Read More

康和閣酒家，係紅磡都有一段歷史，好多老街坊都會幫襯佢，早茶同下午茶都好抵飲，我今日就幫襯咗下佢嘅下午茶，😝其實康和閣嘅點心一向都好食嘅，如果星期六日就會比較冇咁抵食，因為冇乜特價！2:00去到酒樓，其實已經好人等攞位！我哋等咗15分鐘，然後就可以有位入去坐！點心種類都好多，叫咗特價點心😋苗菜餃：皮好薄裏面嘅蝦肉好大粒👍🏻叉燒包:叉燒包一向都好食沙律明蝦角：值得推介！鳳爪排骨飯：份量徧少，但係味道唔錯！黑椒爽肚：好入味又彈牙😊總括嚟講水準係不過不失😊…Read More

中午一行九人到康和閣飲茶，叫左兩個四人餐加少量點心，一個四人餐包三個點心，三款菜式，菜式有炒粉麵飯、燒味、小菜，選擇都幾多，燒味叫左叉燒同燒肉，份量好足，燒肉皮勁脆，有少量肥膏，正，叉燒就瘦左少少但都夠淋，另外小菜叫左鎮江骨同芥蘭炒豬頸肉，鎮江骨入味，豬頸肉就普通啲冇乜味。另外，叫左鹹魚雞粒炒飯同乾炒牛河，炒飯過咸，牛河就不過不失。點心就正正常常，起碼唔重味精。座位有啲迫，服務都可以，揚手好快有人招呼，人均消費$140，尚算合理。…Read More

今日出邊好大雨，一入到去酒樓冷氣超級無敵凍，即刻叫佢哋可唔可以收細啲個冷氣講咗好幾次先冇咁凍。入邊嘅員工都好快手問飲咩茶安排好所有座位。但係冷氣好大建議各位帶多件外套食飯。等齊人之後就先來一大碟大閘蟹，😍蟹膏多到隻腳都流晒啲黃油出嚟。一人食咗兩隻。蟹醋一人兩碟先夠。跟住嚟咗啲薑茶飲落好舒服。跟住上咗我好鍾意食嘅炒魚片✨。因為冇晒骨，而且肉都好結實好新鮮，唔係嗰啲林啤啤嘅冰鮮魚。再嚟就係一大碟粒粒飽滿嘅蒜頭炒菜，啱晒啲未必會食蒜頭嘅朋友，又或者啱晒啲好鍾意食蒜頭嘅朋友。因為如果係蒜蓉炒菜唔食蒜頭嘅朋友就唔會食㗎啦。鍾意食蒜頭嘅可以成粒啪。叉燒係半肥瘦。佢未去到話肥到流晒啲油出嚟入口即化果種，但係食落去口感好好，肉實淨得來有啲油脂包住啲半肥瘦肉。枝竹羊腩煲一打開個煲蓋即刻話一聲，因為真係好有秋天嘅感覺。可能再凍啲更好食😋枝竹魚腩煲個人覺得更加啱啲鍾意食魚嘅朋友。因為好入味得來，肉一啲都唔會柴。佢落咗啲粉漿包住啲魚肉炸完再炆所以入邊好滑好肥又好香好入味。🫶最緊要啲枝竹煲入邊啲枝竹吸晒入邊啲汁嘅精華，食到sharp sharp聲，正😄最後嚟咗一大碟秋天必備嘅臘味飯，落埋啲豉油撈飯真係完美嘅句號。飽飽。每一樣嘢都好好味唔會有比下去嘅感覺，10分滿足😝…Read More

又到放假可以同老公去嘆下午茶，就揸車去黃埔康和閣，我鍾意去呢間酒家係因為呢度有齊我鍾意食既七彩牛柏葉、咖喱魷魚、沙律明蝦角，而家唔係好多酒樓有齊呢三樣，同埋呢度下午茶有張特價紙，點心特價之外，仲有個自選孖寶$32可以選2款點心，抵呢度啲款式夠多之如，味道平均都唔錯，而且蒸點心夠熱，座得都算舒服，所以呢度下午茶好多人排隊，要早啲拎飛等位呀不過可惜我今日差唔多三點去到，七彩牛柏葉同埋叫咗幾款點心都賣晒，落咗2個孖寶等等吓又賣曬，最後要食兩籠牛肉，下次真係要早啲去…Read More

Good old dim sum will always have a special place in my heart~ .Was surprised by how good everything was! Their taro cake 芋頭糕was real thick and chunky😍 and their steamed rice rolls had crispy prawns 🍤 wrapped inside 👍🏻👍🏻👍🏻 .Their Ma La Gao (steamed brown sugar sponge) was super fluffy and their various dumplings were filled to the brim with good stuff 😋.No wonder it was difficult to get seats even as early as 8:30am on a Saturday morning!! …Read More

員工服務態度極差，一入門口冇人理，伯伯唔識嘟安心出行，又唔幫佢，後來幫佢態度又極差，好嫌棄人哋！跟住攞飛等位，有位後一粒聲都唔出，都唔知張枱喺邊，有冇人理好慘！跟住坐低又冇人執枱，後來點咗幾樣點心，鹹水角粉果味道ok,但係點知蝦米腸就極度唔掂，一啖咬落去，係凍嘅，又大舊，只有一邊係輕輕煎過，好似食緊舊粉咁，終於忍唔住同阿姐講要求取消阿姐仲吱吱佐佐，問究竟有乜嘢問題，跟住我真係好嬲，講咗幾個原因之後補充一句：你同我取消啦！佢先至行咗去。😤😤😤仲有食粉果嗰陣，問亞姐有冇辣椒油，亞姐只回一句：我冇嗰噃！就走左，咩事呀！飲茶飲到一肚氣😡😡😡我話過以後都唔會再幫襯！…Read More

又到同老爸嘆茶嘅時間，連鎖酒樓絕對難以滿足嘴饞嘅老人家，為左同佢飲茶經常都要瓹窿瓹罅，今次搵到嚟紅磡黃埔，經朋友介紹嘅街坊酒樓。晨早自選孖寶($31)非常抵食，今次叫左5碟點心，加埋茶位都只係$109。自選孖寶1 :鮮蝦布拉腸 + 田園灼菜心自選孖寶2 : 瑤柱蒸蘿蔔糕 + 驅寒薑汁糕本期推介點心: 西洋菜餃子($21)腸粉 腸粉皮雖然厚身，但真係食到原始布拉嘅表面粗糙，而入口滑溜嘅感覺，鮮蝦亦非常彈牙。菜心 無渣、嫩綠、鮮甜；不過唔夠熱，唔似新鮮灼熟。蘿蔔糕 只有幾條瑤柱絲😅，不過都好好味，有蘿蔔質感、香味。薑汁糕 呢個超正👍👍👍薑汁味極濃郁，爽彈、煙韌。西洋菜餃 第一次喺酒樓食到呢款餃子，每隻都漲卜卜，非常多料；醬汁似係紅油抄手個汁料，少辣，有醋嘅酸香味。餃子同個汁料都係好食嘅，第一啖沒有點太多汁，食到好香嘅西洋菜味，第二隻餃子撈了很多汁伴食，食到汁料嘅鹹辣酸甜香味，但亦因汁料太濃味而掩蓋了菜香，兩者好味之處不能共存😅。呢間酒樓點心雖然未致於十分好食，不過勝在點心肯定唔係一般工廠現製來貨，食得出手工嘅味道，老爸除左彈過碟菜唔夠熱之外，其他通通收貨。😃…Read More

黎呢度飲茶就飲得多，食晚飯反而係第一次。今晚我哋兩家人訂咗半席套餐+訂咗間房仔，間房仔比我想像中細好多，基本上就係放得落一張8人枱同10張櫈就完。套餐包有10道菜+糖水1.脆皮極品燒鴨王：因為有熱住所以燒鴨保持香脆同肉汁，唔會食食吓又乾又凍咁2.美極王煎海生蝦：有少少失望，因為蝦偏細隻…3.龍蝦湯海皇花膠翅：食唔到龍蝦味，味道就係only膠翅。4.花膠花菰扒翡翠：可能我見識少，唔知佢呢種花膠係乜品種，質感同味道都唔係我杯茶～5.醬王螺片炒珊瑚蚌：珊瑚蚌兩三塊，西芹脆口，不過整碟菜味道較辣，食到媽媽hihi 😂6.清蒸游水大海石斑：石斑肉質軟滑，不過條魚唔够熱，可能出得唔够快7.白切貴妃雞：凍晒～8.鮑汁金菇炆伊麵：熱度够，味道唔錯9.黑松露蛋白炒飯：松露味好够，飯够乾身10.金瑤什茵三層樓：呢道菜係套餐中我覺得最好食嘅。豆腐應該係玉子豆腐，炸完外脆內軟，面頭有一層海苔紫菜，食落口感層次十足。最尾仲有紅豆沙甜品，味道唔會太甜，加上可能太耐無食紅豆甜，我覺得好好食除咗半席套餐，我哋仲叫咗兩道菜：咕嚕肉及茄子🍆，個茄子出乎意料地好食😋總結而言，菜色略為普通，只有一兩道較為出色。不過作為家庭聚會嘅酒樓，呢度環境唔錯，位置亦十分方便。…Read More

今次係第二次黎食!!第一次係同同事黎!!見佢的確唔錯所以帶老豆媽子黎試下!!呢間食海鮮真係無令人失望!!隻飽魚好大, 要用刀叉据!!乜都唔點, 有藥材味, 好清新!!點左WASABI豉油又係另一種食法!!都係好出色!!冰皮燒鵝, 皮好脆, 啖啖肉!!皮下面無多餘脂肪, 塊塊皮都可以食晒!!最細心係碟底有火慶住, 唔駛驚變凍!!粒粒都大大粒, 加埋粉絲蒸, 調味一流!!真係非常出色!!紐西蘭蟶子王, 條條勁粗碌!!炒完又唔會韌, 加埋佢個煎米粉底!!好似兩面黃咁, 就算有汁濕左都KEEP到脆身!!呢個簡單得黎又係好好味!!帶子同貴紀蚌好足料, 用XO醬炒好惹味!!西蘭花炒斑球, 魚啖啖肉, 而且魚皮好爽!!完全感受到魚皮骨膠原, 加埋西蘭花好平衡!!呢個叫牛魔王, 我咁大個仔都係第一次覺得!!中菜廳都可以煮到牛肉咁好味, 咁出色!!我都係為左佢再次黎食,慢煮得黎完全唔韌唔老, 仲保留到牛味!!絕對要試!!黃金鮮魷, 濃濃鹹蛋黃味!!炸到熱辣辣脆口, 送酒一流!!不過已經食到尾聲, 其實已經好飽!!海鮮炒飯, 試左少少, 味道又係好好!! 勁多蟹子!!不過真係勁飽, 已經要打包, 留返之後果日食!!最後仲有糖水甜點, 都係水準之作!!整體黎講食物同服務都做到高水準!!以後有乜喜事想食中菜都會黎食!!都會KEEP住幫襯!!…Read More

同媽子飲茶，吃左兩個小食，幾個點心🔸涼瓜排骨涼瓜剛剛好，唔會太淋，湯頭仲有少少苦瓜甘香！👍🏻🔸鹹菜豬肚少少鹹香，豬肚同支竹都幾多，又有胡椒粒，食落幾暖胃🔸野菌燴魚肚幾失望，寧願好似平時棉花雞就算。兩粒草菇，加上雪藏雜豆，4片魚肚。魚肚都厚身，但配搭雜豆，無下次🔸煎蝦米腸煎得幾透，不過腸粉卷得好粗，太大舊又厚，口麻一般🔸蒸蘿蔔糕蘿蔔粗厚，又有蝦米，瑤柱絲，臘腸粒，粉漿同配菜比例剛剛好！總括🔹小食品質幾好，但點心有待改善…Read More

爸爸想食康和閣，上午鐘點姐姐忙緊我就落去買點心比家人食啦。點知去到只係叫四個點心，燒賣、雞包仔、馬蹄糕、馬拉糕。但係要等成35分鐘，問左3個伙記，都只係話做緊做緊，經理們就行黎行去，個個都只係識得話燒賣係咁久架啦，拿到外賣返到屋企外賣打開已經涼左一半，都唔係即刻係蒸爐取出來嘅熱度，又話因為等燒賣所以要成35分鐘？感覺像被騙了一樣，打開之後已經唔想食，真心買糖記包點或7-11外賣無咁生氣，今次罰站好唔開心…Read More

呢間一到下午茶就好多人排哂隊拎飛仔，不過呢間d點心質素係係呢個地區比較好，所以可能因為咁就好多人排隊。入到去食下午茶係幾好食，點心新鮮品質好，有多d品種揀。點心做得有心機…Read More

呢間酒樓屋企人都幫襯左6-7年，今日去幫屋企人攞定位先，入座左半個鐘兩個阿姐就行埋黎話我坐左咁耐d人仲未到，想趕我走，話比多一個鐘我就要交枱。我登記入座果陣阿姐從來無講過限時1.5小時，門口亦無任何紙貼住話限時，而呢間酒樓亦唔係做放題嘅。無啦啦就同我講限時，仲窒我坐左咁耐（半個鐘）。我即刻表示無可能而家同我講限時，比多一個鐘我就交枱，何況我岩岩先落左單。佢地就話調我枱，亦都無再催我走。到我食完嘅時候，我見到本身我張枱係無人坐嘅，現場都有零星空枱，即係純粹要趕我走。阿姐仲同我講，而家飲茶不嬲都係坐個半鐘添！如果第日想去呢間酒樓飲茶，記得唔可以幫屋企人攞定位，仲要1.5小時交枱呀！後話：呢間酒樓強推安心出行，唔少客表示想寫紙登記，佢都會係咁叫你使用安心出行，唔識尊重客人意願。…Read More

The fried rice noodles are quite special! I love it being so crispy and the taste matched very well with the sweet and sour sauce! The fish mixed to sweet and sour sauce was also quite yummy, I think it worths trying! The fish didn't have a lot of small bone, and it was quite fresh and smooth. The sweet anr sour flavour wasn't too strong in flavour, but it has real , large pieces of tomatoes! 🤤The staff was quite friendly, even though had some waiting time, but it was acceptable. …Read More