Video
11-min walk from Exit E, Long Ping MTR Station
continue reading
Telephone
24742722
Payment Methods
Above information is for reference only. Please check details with the restaurant.
因為去Yoho睇戲，所以專登去下冬姑亭食野，上網搵下邊間好食，最後就搵到呢間，食評個個都話好，咁應該無死啦，去到，見間間都好多人，唯獨呢間網上被讚好的，竟然得一個食客，當時都有猶豫一下行前幾間睇下，到最後都係揀返佢，叫左鮮牛腸湯米，牛肉韌，腸仔白烚都算，杯凍奶茶無茶味又無奶茶同水無分別，食左兩啖米粉同飲左一啖所謂既奶茶之後，隨即埋單走人，本來滿心歡喜舊式茶記應該有好食及好味既奶茶，點知，好失望無下次。
continue reading
呢間莊記我耐唔耐都會去食，天水圍要搭輕鐵再行過去，所以都算特登出去食架 呢類冬菇亭嘅小店冇咩環境可言，有啲阿叔阿姐食煙，有個牌話嚴禁吸煙，但根本冇人會理食物飲野都係散叫，冇餐架，價錢尚算可以接受我叫左蛋牛麵，雙拼$30 凍奶茶$19碗麵黎到，睇樣幾靚仔，蛋唔係流心，你冇特別要求佢都會煎熟俾你啖湯一定係味精架喇，但飲落算順口，飲後唔太口渴牛肉係鮮牛黎，有牛味，唔韌麵亦冇煮得過稔杯凍茶就麻麻，茶味唔夠，過於淡口，可能太多冰不得不提，食麵一定要落佢呢隻桂林辣醬，惹味好多架呢啲冬菇亭呢啱麻甩佬嚟食呀，如果你女朋友肯同你地黎冬菇亭食嘢呢，一定娶得過呀下次再講
continue reading
而家傳統美食越來越少，所以今次同屋企人去大排檔，本身我係唔係好想去，原因係 。無。冷。氣，但因為屋企人想食下就決定了。而今次就叫左檸樂，西多同雞亦公仔麵，都係我鐘意嘅～～～檸樂就同普通一般餐廳一樣，不過不失，不過茶味濃左少少，不過都可以解化為味道好足料嘅。西多就好正，係真正嘅厚麵面，唔係大x樂嘅要茶花生醬嗰啲，所以淨係落糖同牛油，係正宗港式滋味。雞亦公仔麵都好唔錯，雞亦係生炸嘅，雖然細細隻，但係真係好滑。而公仔麵就係普通貨色。總結•大排檔其實好有特色，質素也很好，不過如果嘅話都係冬天去好啲。原因？你懂的
continue reading
餐牌比較簡單，没有太多的選擇。我叫了一个双併公仔麵 & 枝裝可乐，麵底唔係出前一丁，仲好似唔係咁熟，但还可以 。。（記住煙韧同唔熟係好有分別). 旁边那枱似乎係熟客，一坐底就叫了一个什么什么有要求的三文冶 & 樽裝鲜奶。大概不是繁忙時間，厨房裏只有一个阿姨係到煮，樓面亦只有一个阿姨在落单收錢。但佢地都好熱心，好有笑容。全程都冇人趨我落单，食完又冇人会趨我走。。。这就是星期天的步伐
continue reading
落雨天的週日下午, 商場都佈滿人, 不想跟人迫, 經過這熟食檔便走入去試試. 莊記面積不大, 只有大約 8張枱, 全部都是室內的. 雖然是熟食檔, 又是下雨天, 但店內都是乾乾淨淨的, 跟一般茶餐廳無異, 值得一讚.餐牌內的食物選擇不多, 只有數款公仔麵食及多士.鮮牛肉多士 ($11) 多士是薄薄的那種, 但仍是鬆脆的. 內裡的餡料只有幾片零碎的牛肉, 牛肉肉汁豐富, 可惜少了一點點, 有點將貨就價的感覺. 其實作為食客的我絕不介意多付一點點換來多一點點牛肉, 令它更加豐富.奶醬多士 ($5) 無錯, 只是 $5, 我們初時也覺得怪, 但即管點了一份. 原來又是少了一點點, 這價錢只有一件的份量, 這當然不夠吃啦, 又要再花時間再點一份了.熱奶茶, 熱檸茶 熱奶茶中規中矩. 熱檸茶反而出色, 茶味香濃, 味道似 English Breakfast Tea, 無澀味深知要這些老店改變是有點困難, 唯有改變自己去欣賞它們的好, 接受它們的不足
continue reading