幸福石磨腸粉

Open Now

Now Closed

新開張時仲未有OR，當時叫左2碟叉燒雞蛋腸/粟米瘦肉腸 各$28腸粉係我食過咁多間之中呢間加咗雞蛋都唔厚，仲要滑身個蒜蓉辣椒醬惹味到不得之了最近再幫襯，餐牌多左好多野但我只想食腸粉！好似見請左個學徒啲腸粉明顯同之前食冇咁皺皮厚度有啲不一，但仍然夠滑今次我叫雜錦「幸福滿滿腸粉」$35有牛、豬、蝦、叉 、蛋、粟米、菜脯、生菜另外一碟叉燒雞蛋腸粉+粟米🌽$33豉油要添加😋估唔到個菜脯都幾好食喎，雜錦乜都有啲$35 千祈要落自家辣蒜蓉！勁惹味！蒜蓉係煮過辣椒🌶️岩岩好如果拎封bbq燒茄子一流呀 😆我有考慮買一樽走嫁其實仲送無糖豆漿，不過我地唔飲所以冇要到啦呢間時間開得較夜 岩哂我啲細食嘅夜鬼

好簡單叫咗個豬潤腸粉+豆漿（送嘅）外賣，等咗大概10分鐘，即叫即整，好好味！豆漿係唔甜嘅但都ok! 個豉油同辣油好似自己調，鍾意蒜嘅人會好鍾意。返到屋企已經諗過多兩日再去食！

假期起身早餐諗唔到食咩？可以試吓去呢一間匿埋喺旺角入面嘅隱世石磨腸粉店，而家呢一種傳統美食真係買少見少，推薦大家黎支持吓呢啲小店。### **🐮🥚牛肉雞蛋腸粉｜雙重嫩滑の暴擊！** 一上枱就見到腸粉皮薄到透光，入面嘅牛肉同雞蛋若隱若現～👀 米漿用石磨即磨，腸粉滑到用筷子都夾唔起，要用匙羹兜住食！💕 最正係加咗少少蔥花，清新得嚟唔會搶味！ **✨隱藏食法**：可以自己加餐廳嘅菜譜同辣椒油，辣辣哋更加開胃！🌶️ ### **🐷🌿香蔥豬膶腸粉｜濃香惹味の經典** 豬膶控必試！豬膶切到厚薄適中，煮得啱啱好，外脆內軟仲帶少少粉嫩～😍 腸粉吸晒豬膶嘅精華，加埋爆香嘅蔥花同薑絲，香氣撲鼻！最驚喜係豬膶完全冇腥味，反而有種獨特嘅甘香，配埋腸粉嘅米香，簡直係絕配！

買宵夜：一個豬什粥、小籠包及义燒腸。落單時，得疑似老闆，但態度極差，我落了第一個腸粉時，我未開囗就講了幾多錢，我話仲有粥同小籠包，之後三個加埋1 1 0，算平。粥係健康粥，冇乜料，可能怕膽固醇高，再看看之前的留言，都係話冇乜肉，小籠包皮厚，超細粒，而且不是上海小籠包那一樣。腸粉一般，义腸同淨腸冇分別，我們個仔好唔好食，佢話唔知义燒係邊，我試一條，勁！第一次食义燒肉粉腸，連一般白飯粉都大粒過佢。唔好意思，冇影腸粉，不過都影唔到义燒！唔通肉真係咁貴，最差係態度！

我本身真係好鍾意食腸粉，特別係石磨腸粉呢一間，我都食過好多次，當食外賣都有試過好想讚嘅係，係OpenRice 叫外賣自取無外賣額外收費仲同堂食一樣都會送豆漿👍🏻👍🏻我今次食粟米瘦肉腸粉，米味好香濃，個醬油甜甜地好好味🤤

係旺角街頭行來行去，想食小食，又可以坐陣。最終揀左坐左係呢間小食鋪。1）幸福滿滿腸粉，即係乜材料都有，包羅萬有。除左椰菜外，其實食唔到任何味，連豉油都唔鹹。但係可以飽肚👍🏼呢個價錢，喺旺角有得坐，算係咁。2）另外，餐廳老闆送豆漿，豆漿熱嘅，但係完全冇味，同水一樣。由於係送嘅，所以就當係一杯水啦。

現場落單一個豬膶粥，一個小米，一個牛肉腸粉，三杯豆漿，咁佢就話「好呀 坐底等一等先。」點知喺門口等咗一粒鐘，睇住佢做晒啲外賣平台嘅單都未處理自己張單，都算數公道啲講 佢有話要等不過冇講等哂平台先。一個鐘後第一句問你既係「你要咩雲吞 你2樣野係咪」 下，師父你冇落單？「ehh 冇叫雲吞」 糾正返之後叫我地拎大佬 我要3杯豆漿師父pack左一杯 得啦我嘩話「3 杯豆漿」大佬 可唔可以尊重下人？$118 你值唔值 小人做野粥好鹹仲有燶煲仔味小米蒸唔透豆漿完全冇味都算 $5當買水飲腸粉爛蓉蓉 老實小小過分

腸粉本身都幾滑，幾好味。但瘦肉腸，幾乎冇瘦肉！肉碎都好難搵！食得非常之唔爽。開頭有去過幾次，後來都係唔再去啦。建議老闆闊綽少少，俾多幾粒肉碎客人啦。啱啱諗住叫外賣，見到呢間舖頭，專登入返嚟OpenRice留言。🤧🤧🤧強烈反對:幾乎冇瘦肉！幾乎冇瘦肉！幾乎冇瘦肉！

小店一間，座位唔多有啲迫，服務普通～叫左瘦肉雞蛋腸粉加生菜賣相吸引👍 瘦肉幾滑，生菜爽脆，腸粉係正宗石磨腸粉，少少皺皮，滑身唔漿口，吸豉油吸得好快，係好食既！😋#石磨腸粉 #幸福石磨腸粉 #旺角美食

鮮肉雲吞麵轉米粉落咗勁多芹菜芫荽蒜頭，所謂作為調味，但隻味勁難食又臭，仲要冇得比客人選擇是否落這些配料，要求退款，得到不友善的回覆，其他食客沒有問題 不代表我沒有問題 態度勁差 冇諗過食第二次諗住試吓其他嘢竟然係咁 不會再幫襯 垃圾店家

終於係香港九龍區食到一間抵食既足料腸粉 早幾日係趕時間底下搵間部食店，咁岩經過這間腸粉店，就走入去試一試！我就叫左一份幸福滿滿腸粉，超級足料，套餐仲要包一杯無糖豆漿，難值抵食$35 腸粉皮薄，又多餡料，腸粉包了牛，豬，叉燒，蛋，粟米，菜脯，超級豐富，再配搭少少豉油，真係好好味😋 豆漿就正正常常，沒什麼特別，只係無糖比較健康😊簡簡單單既午餐，質素算唔錯，大家可以黎試一試 👍🏻環境方面：地方比較小，快食都可以既

其實就食開 不過有日拎個外賣都俾個阿姐大大聲小 唔會再幫襯野食就正常唔差嘅 係香港可以食到30零蚊嘅足料腸粉算係咁 不過珍珠餃竟然唔俾蠔油我 叫佢比蠔油就會唔俾辣醬我不過對返題先 個阿姐真係好趕客 係咁先

鋪頭坐位唔係好多，5張四人枱腸粉即叫即蒸超好味，皮薄餡多！仲有個蒜蓉辣椒醬，溝埋落腸粉度食簡直一流，買返去煮面食都正。平均28蚊一碟仲送一杯無糖豆漿，值價比超高！

終於係香港食到好食的石磨腸粉！HKD28 瘦肉雞蛋腸加HKD3生菜／或其他料平靚正，通常大陸先食到好食的石磨腸呢間做到，皮又薄又滑，夠料。希望下次經過旺角都來食，可以過下口癮但蒜蓉雞翅HKD30/4隻有待改善，雞翅黎到，有大隻有細隻，冇乜蒜味+炸太濃，感覺好熱氣。叫腸粉送豆漿一杯，好飲！堅無糖，唔會愈飲愈口乾都算好大杯，誠意十足2人食，前後叫左1碟雞翅，3碼腸粉，送3杯豆漿，埋單HKD117

位於濕街市裡面有間細細的腸粉店，週末的這天時間已經是下午三點多，還未食午餐就內進試試一個輕盈的late lunch吧。食物選擇只有這幾款，是專做腸粉的店，而每叫一份腸粉都配有一杯豆漿，是一個套餐的那樣。豆漿很快就送上，店員沒有詢問我要凍還是熱的，給我一杯微暖的豆漿。飲品質地幾滑不過沒有甚麼豆香，她們說本身沒有加糖，檯面有砂糖客人有需要可以自行加入，個人覺得不加也可。叉燒雞蛋腸粉($28)用上一隻完全不夾的膠碟上菜，感覺好像是拿了一些貨版、別人不要免費的膠碟來用的似 腸粉做得幾薄，雞蛋只是上面的那層，裡面包著叉燒碎份量普通，但這個價錢也沒有甚麼投訴。餐廳加入的豉油不鹹，若是重口味的朋友可以加入放在檯面的蒜油，蒜味濃郁帶點辣，都是惹味的不過加一點點吊吊味就可以了。如果經過附近不太肚餓想要吃點東西填填肚的話這裡也是一個選擇，食物正常而這個價錢也是抵食的