Blessing Home (Closed)

午市新蒲崗通常都是人山人海,不單有學校,工廠,還有很多新的商業大廈.來到這間試下客飯, 發覺都d菜式唔算油膩, 而且都幾好食. 幾次有試過菜肉雲吞, 西芹雞柳, 炒鱔糊,菜膽獅子頭(太多獻汁)等. 但如果衛生做得再好些少, 一定會更好!…查看更多

這家甜品店(及食店)甚有創意和點子：既有最時興的蚵仔麵線，又有最潮的雪葩冰，食品味道甚為不錯～在淡靜的深宵時份，仍人多多～吃宵夜餐的食客一伙一伙～可說是新蒲崗這個老區的食肆奇葩，值得試試，試過你自會叫encore～ 蚵仔麵：有幾可？蚵仔麵內裡有蚵仔！旺角的阿ｘ甚麼，頂多給你豬大腸碎屑，盛器又極不環保，討厭唷～旺角的阿ｘ甚麼，也給你辣菜圃，卻辣到傻～這兒則不同，平宜的蚵仔麵竟然有蚵仔，辣菜圃的辣度竟然不少不多，棒唷～ 香芋，是香芋，不是香芋奶茶：入口芬芳馥郁～這麼一大杯，感覺很是滿足～ 巧克力有冷有熱，還有幾種款式：榛果巧克力、焦糖巧克力、and so forth.:) 雪葩冰，OK啦：雪葩冰近期這麼紅，吃過又覺得不外如是，個人則較喜歡綠茶雪糕。…查看更多

今次係第二次食上次下午食 生意麻麻 食物都算過得去 今次夜晚去食 成晚得我地一個客叫左個晚餐飯 係個卥水蛋較佳 個飯煮到好爛 加埋d肉燥就仲爛上加爛個米線叫大辣 無乜點辣味 比上次食爭好遠 辣度好唔統一加六蚊一個芒果木糠布甸 質素劣 個布甸太軟無下次…查看更多

近排每個星期六一早都要黎附近(直頭係隔離)返學，天氣凍左唔夠訓又唔食早餐(想慳錢)所以上兩個星期都病病地攪到集中唔倒精神上堂，今個星期終於決定食完早餐先上堂。呢區已經唔旺，呢頭直頭算係呢區比較靜既地方，都無乜特別野食，見倒求其茶餐廳就行入去，見倒個餐牌，有小小嚇親，兩個食送一個麵加熱飲都係$15？雖然要出前一丁既話要加兩蚊，不過我一向唔偏愛所以無轉，幾年前已經唔易搵倒何況而家，即刻叫個沙爹肥牛炒蛋麵加杯熱咖啡試下，一黎杯咖啡雖然無乜特別，但比起一般茶餐廳呢度算大杯，然後個麵都比我想像中大碗，炒蛋應該兩隻份量，仲有好似比較少茶餐廳會用肥牛做沙爹牛肉麵既料，份量一樣唔少，質素都幾好添，食到我好鬼飽都只係$15，之後上堂個人真係唔同晒，下星期繼續黎！…查看更多

星期三, 放工後要返學, 返學前, 正想搵食之際, 見到這間食店有很多食客, 於是入去睇睇。入到食店內, 看看餐牌, 有很多頗特色的小食和甜品, 有台灣的雞扒和花枝丸呀, 本來想一試, 但因為最近怕熱氣, 於是打消念頭, 還是吃飯較為正氣點吧!六時許,還有下午茶餐, 點了一個意式肉醬龍脷柳飯和一杯當日的特飲, 是荔枝紅茶。意式肉醬龍脷柳飯---- 用碗上枱的, 用上珍珠米做飯, 口感十足, 龍脷柳很嫩滑, 有五、六件, 都算唔錯, 意式肉醬的味道適中, 還附上半隻蛋呢!荔枝紅茶 ---- 凍飲, 荔枝味很濃, OK吧!以23元的價錢來說, 算食得過, 如果穿校服的學生還有學生價啊。我諗下次可以試試其他特色小食~~:)…查看更多

晏晝諗住買外賣返屋企食~記得阿妹介紹的呢間鋪~就o黎試下!本來諗住買個糖水當lunch...但酷愛芝士的我! 見到芝士撈公仔麵! 點可以唔試!一個芝士撈公仔麵餐...有個麵加一杯凍/熱飲... 可以飲普通野飲又得...蜂蜜綠茶/是日特飲都得!芝士麵可以揀雞扒, 鴨胸肉, 中蝦(+$2)等等...仲有幾款唔記得...加埋$26...價錢算ok~門口寫住加$6可以有泰式魷魚鬚/(好似係)生果盒/酒店級木榶布甸..本來要木榶布甸...但係無晒...所以要左泰式魷魚鬚~ 芝士雞扒撈公仔麵: 一打開以為佢比錯焗蕃茄汁我...有d失望...再試下d茄汁有冇芝士味...點知無...諗住唉...26蚊算啦...點知食左一啖公仔麵...嘩! 即刻眼都突埋...好芝士呀! 直頭好似每條公仔麵都有芝士咁ga! 坊間有好多芝士撈公仔麵...但好多都係淋芝士味上面就算...呢道唔同...每一啖麵都好有芝士味...就算一啖面加埋一舊醬咁食...d茄汁都唔會蓋過芝士味!泰式魷魚鬚: 酸酸地幾開胃~d魷魚鬚都幾多~有6-7梳仔~不過我覺得硬左少少~個底有d粉絲吸味...雖然只係加$6要ge小食...但係d工夫都做到好足:)!荔枝紅茶: 今日ge是日特飲係荔枝紅茶...雖然返到屋企d冰已經溶晒...但係飲落都仲好有荔枝味wor! 無hea做的! 不過有少少粒粒...細粒到唔似椰果~應該係荔枝ge渣~本來諗住食個外賣無諗住打食評的~但係食左一啖真係好好味...所以決定即刻影相寫食評=)另外要講ge係o個道ge員工都好好禮貌~我問佢幾樣野佢都笑住咁答我:)下次一定會再o黎! 不過下次唔會加$6要泰式魷魚鬚了...應該會加木榶布甸~因為我食完個餐已經好飽~如果有埋個甜品就10個滿足喇…查看更多

其實我一向很少去新蒲崗但這間甜品屋為小弟的同學的親戚開的所以無論如何也要捧場一行5人共叫了:3個木槺布甸($10), 一個榴槤木槺布甸($13)芒果西米露($18), 珍珠奶茶($8)北海道朱古力($10), 芒果多多沙冰($10)total: $89食物方面大部份也很好木槺布甸是好友推介的整體是偏硬, 但味道一流有點像吃杯裝雪糕看看餐牌, 原來先前生果日報也推介過榴槤木槺布甸是好友點的榴槤味非常重, 整體來說跟原味分別不大但比原味木槺布甸更硬芒果西米露用料絕不吝嗇西米很大顆, 也很多夏日炎炎吃這個冰凍且甜入心的甜品簡直一流飲品方面則較為差珍珠奶茶我喝了一口, 甜味比先前的甜品更重而且茶香不重北海道朱古力(凍)其實只是冰太多累事拿到枱來喝第一口時飲到明顯的朱古力香(當時飲品未完全凍)但隨著冰不斷的溶, 味道也不斷的變淡喝到底時飲到的是溶冰後的水味芒果多多沙冰其實只是芒果味思樂冰不算差, 但也不是很突出另有芒果沙冰(便宜$2), 不知道有甚麼分別呢?可改善的是, 餐牌的位置令人難以閱讀而且有不少餐牌改動, 但未更新又有些新價錢貼在牆上較為混亂服務方面已加了友情分眼見友人頗忙一行人吃完就走, 不阻人做生意了…查看更多

見到D 食評話呢間好好食咁, 仲要話好食過綿花冰....話D 朱古力味好汝濃但係覺得一般...信錯晒...…查看更多

同班同事打完羽毛球，因為成班女仔睇左今期TVB週刊介紹，加上我食過話好正，於是帶佢地來近排常食的冰冰甜品....來到又有記者在影相採訪，真係唔明點解在呢區都咁多記者留意都幾爆場，不過好彩唔使等位....冰冰menu唔同左，多左豆腐、荔枝等....不過我都係想食朱古力冰，呢度d冰唔會似d雪花冰咁奶粉味重，味道超濃！同埋d小丸子真係好好煙韌！阿珊食雜誌講的草莓冰，佢話草莓重得無話可說，唔使一陣就食晒，大家見個冰大到有7,8寸高，都笑佢厲害:)…查看更多

今日同d同學仔去左幸福甜品屋 度食野裏面有好多選擇~又好味仲有榴槤木槺布甸超正!!!食完返尋味]]…查看更多

又要獨個兒找東西吃。在家附近閒逛了一會，遇上了這家"幸福甜品屋"。幸福......真是個令心也甜起來的名字。單是門口已經貼滿了各種優惠食品的照片- 8元的台式飲品、16元的牛肉飯餐、各式芝士撈麵餐，最吸引的終究是色彩絢麗的雪葩冰，只是一看已經沁人心脾了。一進店內，我的目光就停留在那部高清大電視久久不能離開，心想: 晚上可以在這裡一面吃東西一面看電影一定會很棒呢!仔細看一看餐牌，wow!只是甜品已經有很多選擇了。除了傳統糖水、西米露、涼粉等等之外，還有很多在其他甜品店甚少見到的- 爸、媽、囝、囡的七彩水晶、日式豆腐花、pancake、甜絲燕、珠珠......其實我很想試試雪葩冰的，奈何只有我一個人，沒趣嘛。雖然開宗明義是主打甜品，但飯麵小食的選擇也不少。我點了個"芝士撈加拿大藍青口烏冬"，餐飲要了鮮奶烏龍。"芝士撈加拿大藍青口烏冬"很足料，藍青口也很新鮮肥美，茄汁下是一層碎芝士，最後是烏冬。把整碗都吃光光後，感覺很滿足啊:)鮮奶烏龍，口感有如奶茶般香滑，可是又不盡相同，而是更清新而齒頰留香，不能盡道，只能體會。吃完整個餐後，其實肚子已經沒甚麼空位了，但我心未息，想要多吃個甜品才罷休。多吃個豆腐花，應該還可以吧店員送上豆腐花的同時，給了我一盒類似豉油的東西，我不免一臉疑惑，他解釋說這是比其他糖健康的黑糖，與日式豆腐花最配合。豆腐花的模樣很有趣，它會好像啫喱似的搖擺最令人驚喜的是其質感極為滑溜，還沒有捉緊感覺已經溜走了，甜度恰到好處。不知為何，一試之後會很想笑，甜甜的笑。原來幸福，就是叫你快樂。吃完之後的我才驚覺，忘了拍照!!沒關係! 我會再來的!…查看更多

今日睇到某報章專題介紹，就同屋企人走去試一試，特別係為左食榴槤。唔知係咪上完報紙關係，沒想到新蒲崗區十一點多都坐得滿！坐下來發現原來除左甜品，連芝士撈麵、吐司、蚵仔麵線等好多食品都有，枱枱食的都各有不同~不過記得報紙好似話個老闆來自飲食世家，可能係呢個原因吧...唔理咁多，今次正題當然係甜品啦，我地食左榴槤木糠布甸、pancake同雪葩冰，阿爸話要食埋魷魚鬚、蚵仔麵...呢度d榴槤好香，好適中，熟得來又唔會淋得滯，我好鍾意那個似酒店食那種pancake，個皮超得，好重蛋香同煙韌；木糠同澳門食那些真係好似，好滑又唔濕，d伙計拿過來仲話有硬同軟2種食法，我都唔知今次係咪算軟食；個榴槤雪葩冰更加係無得彈，點解咁冰都仲可以咁重味道，同埋唔會好似刨冰咁大大粒好難咬！其他小食都幾好，所有食物都掃得晒。…查看更多

雖然食品不至十分出色最難得是店員親切友善而且小店用心改進如果在區內要找一個吃消夜甜品的地方此店不失為一個不錯的選擇還有大電視!推介的有PANCAKE 還有新推出的芝士肉醬撈麵…查看更多

吃過宵夜又怎會不吃甜品呢~順道來到新蒲崗…人生路不熟…終於給我們看到一間甜品店的易拉架…這裡不單只做甜品的…原來還有早餐, 午餐和晚餐供應的呢…我沒有特別想吃的甜品…所以最好就是分食別人的…甜品餐牌上有很多奇奇怪怪的甜品名…有一個很別的…是用半個挖空了的西瓜…以西瓜汁做底…加上各式各樣的生果…如西瓜…哈蜜瓜…火龍果…奇異果…還有椰果, 涼粉和珍珠呢…餐牌上寫著是四個人的份量…名字我忘了…叫大班人?還是朋友什麼什麼的…不過上檯的時候發現西瓜不見了…只淨下大大的湯碗….店員好像解釋說”西瓜唔靚”…確實是有點失望的呢…照片與真實不符呢~生果拼盤的味道其實不會差到那裡的了…不過不加糖漿的話我覺得味道有少許淡….可能西瓜汁本身不是很甜吧~糖不甩和外面的有點不同…因為糖不甩通常都是沒有餡…要靠花生碎, 椰絲和糖粉調味…但這裡的糖不甩像小小的湯圓…有食友看到牆上的介紹好像是寧波湯圓呢…煙煙靭靭的味道不錯呢~…查看更多

一大班吃完晚飯,總不缺甜品之一環,否則就有點若有所失似的,眾人在慈雲山飯後出走,來到新蒲崗,比我們找到這間幸福甜品屋.平日晚上只得一檯客人,自然輕易找到位,店內電視上播著本來極為胡鬧的"味分天下",我們竟看得津津有味.價錢不算貴,始終是在新蒲崗,一碗腐竹蛋糖水,$12一碗.腐竹很多,全部已煲到溶為一體,食落清新香甜,連碗內的蛋也很大隻,吃得很滿足.其他朋友的什麼甜品,沒有去試,唯有看相.…查看更多