Xing Fu Tang (Closed)

幸福堂既黑糖珍珠鮮奶，感覺啲珍珠都幾好咬口，奶味都好濃，黑糖味都香，感覺唔係太甜，攪勻嚟飲唔錯。孤型既短杯設計都有返咁上下格調，而且都有其特色。#黑糖珍珠鮮奶 #黑糖…查看更多

今日大食妹喺銅鑼灣行街, 經過幸福堂見到佢某幾款飲品做緊特價, 走近一探究竟:) 諗起媽媽好鍾意飲黑糖珍珠奶, 雖然黑糖珍珠奶冇特價, 但都買返杯孝敬一下<頂級焰遇幸福黑糖珍珠真鮮奶>黑糖分量好足, 珍珠有啲淋, 但勝在入味 鮮奶係用明治嘅3.6牛乳, 奶味濃郁今次去嘅時候啲珍珠已經一早炒好, 望落好似唔係咁新鮮<芒著蹦蹦跳>芒著蹦蹦跳係一種芒果飲品, 飲落有啲似芒果啫喱, 仲有啲粉紅色嘅珍珠, 食唔出係咩野做嘅, 但口感比黑糖珍珠煙韌:)最上高有一隻用椰汁整嘅兔仔, 可惜外賣返到嚟都已經溶曬…查看更多

中間層鮮奶係用盒裝解奶即開，奶味香濃之外仲同茶底好夾。但係下面嘅士多啤梨珍珠真係得個樣，煮得太軟無乜咬口咁，叫左走甜岩岩好🌝但煮到咁軟真係甜度都幾均勻，可能夜媽媽去煮太耐軟得濟啦，平時唔係咁😂不過整體廿蚊都抵飲。…查看更多

叫咗黑糖珍珠鮮牛奶（個名可能唔啱）冇得少冰走冰要加錢咁照叫正常款啦結果一路行過隔離排隊買燒賣一路飲飲幾啖已經冇咗半杯飲完睇吓 成半杯都係冰呀味道正常，但成三十蚊杯有15蚊係買冰過份左啲囉…查看更多

有時忙起上黎真係飯都無時間食但係全日唔食飯又好易會低血糖頭暈今日就係咁 所以經過見到之前嘅風頭躉幸福堂就去買左黎試下賣相都真係唔錯佢主要係由自家製炒黑糖同埋全脂牛奶組成有人話黑糖有益健康但我就半信半疑 畢竟佢都真係好甜 食野都係要適可而止講返個飲品 黑糖甜味十足 而且好多咬口 十分煙韌加上鮮奶嘅濃郁香 配合得好好而且因為成杯都係鮮奶 所以飽足感十足飲完一杯都唔駛食晏~~~~~~~~~~~~~~~~~~~~~~~~~~~~~~間唔中唔想食飯又想飽肚可以叫你飲吓…查看更多

今日好想飲珍珠奶茶，身在銅鑼灣，甘一定有得飲啦。來到渣甸街，由於之前飲過老虎堂，同埋老虎堂好多人排隊，於是想試下幸福堂。要了招牌黑糖鮮奶。太熱。於是攞住去上堂。到左課室，點解只剩下一半！！！一口，好好飲。第二口，冇左。第三口，食左底嘅珍珠。完。結論，下次買老虎堂，一杯老虎堂＝三倍幸福堂除非，你減緊肥，不介意兩口冇左，因為唔駛飲唔嗮再比男朋友。…查看更多

作為一個珍珠奶茶控， 四圍品嘗唔同嘅珍珠奶茶係絕對需要嘅，今日嚟到銅鑼灣，試呢一個台灣過江龍---幸福堂嘅珍珠奶茶， 咩都唔好理一睇完menu，當然要點咗佢個招牌黑糖珍珠鮮奶先得，佢嘅珍珠鮮奶伴住濃厚嘅黑糖漿，飲落有著濃厚嘅黑糖味，而且飲品面頭特登放咗一啲黑糖碎喺面，再用火烤過形成一個薄薄嘅甜脆面， 好特別。 黑糖配鮮奶味道剛剛好，唔會太甜，又唔會太淡。另外朋友亦都試咗佢嘅黑糖珍珠仙草鮮奶， 不得不讚黑糖鮮奶配珍珠 加埋涼粉，呢一個配搭既清新又消暑， 口感都好特別，好多重選擇， 個人覺得佢嘅甜度配得剛剛好，涼粉味道亦都好清新，好適合夏天飲用。…查看更多

最愛嘅黑糖珍珠非幸福堂莫屬🖤之前去台灣日日都要飲一杯😻依家係香港都可以飲到真正既台灣幸福堂啦✨而且唔洗點排隊😆⠀🥤焰遇幸福．黑糖珍珠真鮮奶 ($30)古法炒製嘅黑糖珍珠好入味😋軟得黎又有少少咬口 先將黑糖漿沿杯轉一圈掛杯 配上香濃鮮奶 再用火槍燒一燒面層嘅焦糖 飲完真係有種幸福嘅感覺🤘🏻等緊嘅時候仲可以求籤 我抽到嘅籤文好得意呀☺️✨⠀.幸福堂銅鑼灣渣甸街36號地下1號舖.#gfood_causewaybay #gfoodglife…查看更多

銅鑼灣渣甸街真的好多不同的台式飲品店，還是幸福堂是最好的，等待飲品時，又可以玩簽，你又可以看住職員從玻璃外整黑糖珍珠的整個製作過程，冇花冇假，真黑糖珍珠!同朋友點左 黑糖珍珠真鮮奶，另外也點左黑糖珍珠仙草鮮奶，幸福堂的黑糖珍珠是自己人手打造，所以真的唔飲都唔得啦， 黑糖珍珠真鮮奶鮮奶加黑糖，又香又滑，珍珠煙韌度適中，黑糖味香濃黑糖珍珠仙草鮮奶真的像山水畫一樣，仙草加埋珍珠真的雙同享受~~鮮奶都是好濃，飲哩杯野真的布飽肚哈哈真心推介~~真幸福堂!…查看更多

⁣幸福堂幾年前進軍香港之後風靡一時，未幾就爆出香港代理店🇭🇰同台灣總公司🇹🇼嘅合約風波，令加盟店結業。後來就由台灣總公司直接喺香港開正版幸福堂🤩🤩✨等攞嘢飲期間，記得抽返支籤測下運程呀😌焰遇幸福（$30）黑糖珍珠真鮮奶Brown Sugar Boba Milk幸福堂最出名嘅就係古法現炒嘅黑糖珍珠，每粒珍珠都沾滿黑糖漿，超級入味，仲好夠煙韌🤤入杯嘅時候沿住杯邊倒落去，做成好靚嘅虎紋效果😍再配上香濃鮮奶，好夾。再再喺面頭加層焦糖，增加口感🤩花開富貴（$28）Lemon Black Tea另外飲嘅一杯叫「花開富貴」，其實姐係檸檬茶🍋勝在賣相好睇、茶味香濃。酸酸甜甜，口渴嘅時候整返杯都唔錯👍-Menu:…查看更多

今日同女朋友去左銅鑼灣街行街，行到出哂汗就想搵啲野飲下啦！香港而家周圍都係台式飲品店，大部分都係台灣過江龍黎香港，間間都各有特色。我地去左一間主打手炒黑塘珍珠既台式飲品店。員工即製手打黑糖，全部都係人手手搓珍珠，再即刻炒製，保持粒粒天然無添加。我地叫左一杯人氣黑糖珍珠鮮奶。黑糖味道濃香濃厚，甜度唔高而且黑糖味道濃厚甘甜。奶底好香好滑，茶底好突出。珍珠粒粒好煙韌好有咬口，唔會好飽濟。我好鐘意飲依間茶飲店。…查看更多

約了朋友到銅鑼灣食飯， 仲有少少時間又有點肚餓， 就去附近的幸福堂飲番杯台式飲品。店舖採用開放式設計，讓客人可以清楚看見飲品製作過程，入面還有一部黑糖珍珠爐。我和朋友點了芒著蹦蹦跳$40， 黑糖珍珠真鮮奶$30。 芒著蹦蹦跳～ 看見餐牌比白兔仔吸引了， 所以買嚟試下！ 芒果沙冰， 甜度適中 ， 入面有粒粒珍珠煙韌好味， 還有一隻可愛的小白兔， 口感似布甸，除了賣相精美之外，還非常解渴，夏天透心涼之選！黑糖珍珠真鮮奶～ 黑糖虎紋的賣相，配上香滑的鮮奶，甜度適中的自家製黑糖珍珠，口感煙韌。 個人感覺這裏的飲品味道不錯，價錢適中， 賣相特別， 是一間有質素的台式飲品店。…查看更多

一直夢想想飲勻全香港嘅黑糖珍珠 鮮奶茶， 今日終於試到呢一間好出名幸福堂。幸福堂喺賣相上可以話係贏咗其他珍珠奶茶店， 除咗鋪面色彩繽紛， 顏色又夠和諧， 呢度仲有得抽籤卜運氣。至於正題，黑糖珍珠鮮奶， 係絕對冇令我失望嘅。 個人認為 雖然佢鮮奶唔係 我食過最濃厚嘅一間， 但係佢嘅比例 絕對稱得上獨一無二， 而且甜度亦都比較適中， 個人感想認為係一般均衡之選。 分量方面亦都啱啱好， 一杯夠曬數。中意黑糖珍珠鮮奶嘅朋友一定要來試試。…查看更多

早前人氣台式茶飲店幸福堂鬧出合約風波，後來台灣總公司再度來港開店，這天路經銅鑼灣，終於有機會一試正版台灣幸福堂。餐牌款式不算多，價錢則與其他台茶店的相若。這裡最大賣點就是招牌手炒黑糖珍珠，讓每粒珍珠沾滿黑糖漿，滲入珍珠內部，使整顆珍珠更加入味，過程中不添加任何防腐劑或者色素。另一打卡位就是於巨型籤筒求簽，買飲品就可同時抽籤。求完簽就可於櫃內抽出籤文。籤文內容多以愛情為主軸，讓客人在籤詩中獲得正能量。今次就點了兩杯茶飲 - 焰遇幸福 黑糖珍珠鮮奶及莓天想你 草莓牛奶珍珠。焰遇幸福 黑糖珍珠鮮奶 $30以手炒黑糖造成的掛杯效果，撞上鮮奶後變成深啡色的紋路，賣相絕對夠「IGable」，飲前可把杯身上下搖晃。黑糖帶有炭燒焦香，和奶味平衡得恰到好處，鮮奶厚滑富乳香，整體不會過甜，珍珠質感粉糯QQ，煙韌彈牙。點起火焰讓表層的黑糖順間融化，黑糖經過炙燒後更添香氣。莓天想你 草莓牛奶珍珠 $30顏色粉嫩可愛，漸層分明，上層是帶點顆粒感的草莓果醬混合溫潤醇厚的鮮奶，滲入酸甜果香。底層有粉紅色珍珠，帶有淡淡草莓酸香，質感比較黑糖珍珠略為軟腍。…查看更多

💞幸福堂有幾間分店，今日經過銅鑼灣見到，又要幫襯吓！咁多飲品店，點解要揀「幸福堂」？因為鍾意佢嘅誠意！宜家閒閒哋一柸飲品都要3x蚊，除了好唔好飲，營養價值，個人認為賣相都重要的！幸福堂的黑糖珍珠是自己人手打造，讚！嗱！我真係好少見飲品店會"有野玩", 呢個別樹一格的大竹簽好攪笑！等待飲品期間除了可以玩簽之外，亦可從玻璃外望到員工的整個製作過程！冇花冇假，衛生程度加分！望住員工細心製作，真心感受到誠意呀！鮮奶加黑糖，又香又滑，珍珠煙韌度適中，黑糖味香濃！沖調後雲石紐紋的賣相，加上面層火焰後的焦糖，幸福感由此衍生出來！另一柸是玫瑰花瓣茶🌹, 花味甘、玫瑰的功效是理氣解鬱、調經止痛及美容養顏。呢柸靚靚花茶頂部有6片青檸，造出花瓣效果，飲落更加清新怡香！有質素的飲品店，推介啊！…查看更多