年香園

Open Now

Now Closed

呢間雖然係小店，但內在俱全。每次去鯉魚門都一定要嚟呢間買手信返屋企食！今次就買咗岩岩新鮮熱辣嘅雞仔餅，雞仔餅夠哂酥脆，唔會好硬骨骨同埋食完會黐牙！另外仲買咗豬肉乾，老闆好好人，會係咁俾我哋試完真係岩口味先再買🤩另外仲買咗幾包「蜜味合桃」拎嚟送比人，啲合桃甜甜地食落又夠晒脆卜卜，好味得來仲可以補腦添😛

鯉魚門除左海鮮出名，手制傳統小食又係香港人最愛，呢間標榜手制既小店 係我每次黎鯉魚門都順便買小小 環境乾淨衞生 今日行過岩岩新鮮出爐雞仔餅，牛肉乾即刻燒起熱辣辣，個D卷物店長都係話琴日手制，買左5小包真係好好食，買完手信之後就去坐底食飯

無諗過老闆娘竟然咁好人俾客人自助餐式試食完先買😱想試食邊樣就自己拎一粒即場拆開試食，唔使每一次都問老闆娘，老闆娘唯一要求就係一定要即場食唔可以帶走。於是我就試食左8、9樣野最後先買！蜜味合桃簡直係鎮店之寶！蜜味超濃，食上癮😍😍😍我仲好鍾意低糖黑芝麻糖，真係唔算好甜，但超級脆🤪第一次食南瓜子糖呢樣野，一樣都係低糖，一樣都係超級脆，一試愛上😍😍😍試食左一輪，我最後其實只係買左$60野，但老闆娘好好買完仲送山楂糕俾我試食，成個購物體驗賓至如歸🥰

wow, we are on the way to devil mountain.walking by the gold fish gate, a famous place to eat seafood. we didnt sit down for a big seafood meal as i dont hv money and so poor. we eated another resto. sudden find the nice biscuit shop selling freshly made sugar nuts and little chicken cake named 年香園 in eng. "year smell good garden".service really nice, they give is free to try all the food. we buyed 2 pound of nutz = $100 and 5 piece of chicken cake =$10 before going hike.i will come back‼️ very g

朋友去親鯉魚門食海鮮，都會去埋《年香園》買小食，特別推介佢嘅豬肉乾同牛肉乾～呢日跟佢去鯉魚門搵食，食海鮮前當然要去一轉《年香園》啦～朋友係熟客仔，同老闆娘有傾有講我初次到訪，都覺得老闆娘好熱情，不停叫人試食試咗肉乾、雞仔餅同蜜味合桃 🔸蜜味豬肉乾幾juicy 又唔會太甜🔸雞仔餅鬆軟，唔會硬掘掘、又唔會黐牙🔸蜜味合桃甘香鬆化，蜜味淡淡，仲有芝麻香，唔會太甜朋友大手掃入豬、牛肉乾同雞仔餅 😅我超鍾意食nuts，入左幾包”蜜味合桃”送禮自用，因為佢好味得嚟又補腦、又健腎 😬媽咪食咗都俾讚，話佢超鬆脆！

22年4月9日，年香園阿姨服務態度差！好似唔想賣野比人咁（唔知係唔係老闆娘）勁惡！無心賣野就唔好開鋪啦！味道一般，不及旁邊間鋪雞仔餅好味，真令人失望！早知唔買啦，又要受氣

喂食Niki帶你去搵好嘢食😋😋😋今日去咗鯉魚門三家村行下之前都有聽講過呢度有好多中國傳統小食賣行過見大排長龍有理冇理排咗隊先😻一心諗住買雞仔餅係媽咪嘅童年回憶再加上出面唔係咁易買到排咗大約10分鐘每人限購$10五塊拎上手嘅時候仲熱辣辣始終多人排隊做到個turnover等唔切返屋企行咗出去望住個靚海景食外脆內軟鹹鹹香香的確係好惹味新鮮味道果然係唔同啲我第二日拎返出嚟食雖然冇咗熱力個皮硬咗少少但都仲係好外脆內軟推介給大家❤️

同事去咗鯉魚門買豬肉乾返嚟，大家又有囗福了😋，made in Hong Kong 嘅肉乾好似未食過，無得去旅行嘅日子更懷念澳門同新加坡嘅豬肉乾。一包半磅好似話4x 蚊，用透明袋heat seal咗，攞上手唔係厚切，唔太juicy , 咬落都唔算太硬，味道ok嘅，應該係蜜味🤔，我鍾意食微燶嘅，不過呢個就無，食完都幾囗渴😏，整體不過不失，用返價錢嚟計其實可以嘅，始終豬肉成本高，如果下次經過都會買少少支持下嘅💪

第一次逛鯉魚門，差不多行到鯉魚門燈塔的海傍位置沿著海鮮街走，連同年香園在內，有幾家賣肉乾和餅點的店舖見到年香園門口聚集著一班吃完晚飯的客人購物於是我和老公也湊湊熱鬧的試食一下！年香園除了售賣肉乾和合桃外，還有雞仔餅﹑鳳凰卷和蛋卷等等試食了蜜味合桃，熱騰騰的出爐，好鬆脆，就買了半磅！蜜味合桃又稱琥珀合桃，合桃加上蜜糖烤焗而成，如同琥珀之晶瑩剔透年香園的更標榜低糖少甜，確實的略略帶蜜味而不過甜～～外層加上芝麻，香脆惹味～～帶回家吃，即使溫度冷卻了，鬆脆度亦不減，而且亦不會好油膩！下次可以試試其他產品呢！

鯉魚門啲雞仔餅同我出面買過嗰啲好唔同, 大隻仔好多, 一隻等如出面兩隻咁濟, 仲要堅平, 十蚊有六隻, 一隻兩蚊都唔駛! 不過唔係間間都咁平, 一定要行盡嗰堆海鮮酒樓去到最後一間鋪. 年香園阿姐賣野勁豪爽, 任得你企係到試食, 同埋係咁質你食, 買多小小又送你呢樣嗰樣, 十蚊六隻雞仔餅, 我最終變左八隻😅本來已經封好六隻畀我, 轉頭叫我畀返佢, 話我手上嗰啲唔新鮮, 包左八隻一袋畀我🤣佢啲雞仔餅除左大隻又平, 仲特別好食, 好煙韌, 好香南乳味, 食得多都唔會漏, 不過可能會肥死, 因為裡面唔少冰肉 (即係精製過嘅肥豬肉, 咬落去爽爽地爆開, 好鬼正~). 唔得閒入去仲可以搵佢送貨, 打畀佢就得, 唔係收錢賣廣告, 唔放電話, 自己google吧.買十蚊已經好夠皮, 我放左成十日先食哂都依然好食👍咁大隻, 我鐘意細細啖分開慢慢嗒~左邊半透明嗰啲就係冰肉, 我勁鐘意咬到佢🙈

路過見到有即燒牛肉乾買，雖然晚飯後食慾已大減，但見到也流晒口水，原來牛肉乾可以買一塊，只係幾蚊雞，抵食到嘔，仲要店員好有人情味的服務態度，重回老香港的溫暖，抵讚。

它就在球场边，招牌被电线遮挡，不一定见到。但认住：门口摊位摆了鸡仔饼和现场烧猪肉干或牛肉干，就是它了。10元6个鸡仔饼，好好吃，不会太油腻，很E韧，香。猪肉干，感觉比澳门的好吃。老板娘好好人，咩都可以试吃。

想不到以海鮮聞名的鯉魚門，原來還不乏其他美食！ 小巷之中有許多大大小小的傳統餅店，在不遠處就經已聞到新鮮出爐雞仔餅發出的香味。 這次就來到其一老餅店 － 年香園餅家，購買了一包低糖琥珀核桃仁！核桃仁熱辣辣香噴噴，香酥可口而且沒有膩人的甜，但油還是比較多（包裝膠袋都看到厚重的油！）不經不覺就把整包都吃掉了，好味道！

上週六(8/Oct)，一行六人往鯉魚門食海鮮，行到球場，見一間不太起眼的「年香園」，剛好托出一盤熱騰騰的「雞仔餅」，嘩！好香……，即刻買10蚊試下，好正！外脆內軟，極之回味個種傳統的味道。據講，主人家一直堅持傳統的人手制造，已有50幾年。原來就係當年被火燒過，後有雜誌電視多次介紹個間「慾火重生雞仔餅」。 除雞仔餅外，少見一間即燒肉乾。起初我以為即燒只係裝模作樣，我話要一磅豬肉乾一磅牛肉乾，佢主人家話要等一等，然後一件一件即燒俾我。主人家好好人，怕我等得耐，不停地請我試食……原來蛋捲都係即做，難得食到又熱又脆的蛋捲，款款都係20蚊一盒……都唔知試食了多少，總之好多好多，離開前幫襯一打雞仔餅、一磅豬肉乾、一磅牛肉乾、兩盒蛋捲、半磅核桃，共140蚊。

年香園是鯉魚門的老字號，主人與奴隸獸聽聞此店的雞仔餅仍然保存傳統製法，當然要試試喇！！雞仔餅的味道果然不同凡響，南乳味道濃郁。因為有粒粒豬油的緣故，食落非常甘香，卻沒有肥膩的感覺。口感亦非常好，脆口又『煙韌』。不怕膽固醇的朋友一定要試試這傳統的味道。