平記餐廳

今日想食焗嘢，第一次試食呢間平記茶餐廳，餐廳有兩層要上樓梯先到餐廳，本身滿心歡喜，諗住試吓新嘢。坐低座位都算舒服，嗌咗個應該係茶餐廳都有嘅焗意粉，上菜都好快，但因為我知焗嘢係要啲時間，本身已經有啲擔心，一開始食已經見到好多水，越食發覺真係好多水。本身諗住下次唔嚟就算，但最後都係同職員反映咗一下，因為原意唔係想佢換過新一份，純粹係想等佢下次有改善。但係職員嘅態度係叫我應該早啲講，責任好似喺我度咁，然後我見佢有同廚房職員再反映，職員嘅態度覺得呢啲叫做多汁，唔係太水，希望佢哋日後會有改善。…查看更多

很多年沒有食平記了中間餐廳一度結業，幸好最後能夠重開裝修亦煥然一新這晚與幾個老友簡單聚餐 決定回平記試試例湯依舊足料清甜西檸雞香脆可口，不輸當年啫啫雞煲香味十足，喳喳聲令人食欲大增再來一個菜膽雞，可謂三雞三味 全部好食特別買左海鮮叫廚房加工結果完全無令人失望炒蜆超有鑊氣蠔煲都非常入味最後叫多碟金銀蛋菜心 完結豐富既一餐整體而言，平記絕對係一間出色的茶餐廳咁多年無食食既除左係味道仲有回憶希望往後仍可以同眾多老友得閒返平記一聚…查看更多

放工同朋友喺筲箕灣搵食，發現呢間餐廳，性價比極高！ 推介大家叫炸魷魚同啫啫雞煲，勁好食，炸魷魚份量多到四個人都食唔晒， 價錢都唔算貴，性價比極高，環境都唔算差， 上碟速度都算快，下次應該會再嚟試食吓其他 …查看更多

今晚成班fd買左海鮮去平記加工👍🏻龍蝦伊麵好好味！伊麵底係炸左架，清得好快～蒜茸蒸扇貝好送飯！廚師落左生蒜加炸蒜👍🏻仲有個沙爹肥牛煲。。。調味好，overall 小店黎講唔錯，值得支持…查看更多

嗌左個西檸雞外賣，成碟野乾爭爭汁都無，一咬落去全部炸粉幾乎無肉。有肉嗰舊啲肉柴到不得了，完全唔知食緊咩。成碟野得個酸字，完全食唔到檸檬味同雞肉味。想嗌個餸送飯結果淨係食白飯，人生食過最難食嘅西檸雞沒有之一。。。…查看更多

很多茶記下午茶做到五點半，平記就提供到六點～加上人比較少，坐得幾舒服～本人印象中，早餐多人，啲位好緊張～。常餐$46叫了沙爹五香肉丁牛肉麵，因為太肚餓，所以咩都會覺得好味～～多士同煎蛋就冇乜特，叫熱幻茶少奶都真係比少奶～見到好多呀叔一個人食～諗都係抵食嘅。。環境因為要上一層樓梯，所以感覺乾淨啲。另外裝修都新淨，整體來說都叫幾好～我見仲提供廁所。。服務呀姐有譚仔口音，都算有親切感同幾好禮貌。。付費因為身上冇現金，問清楚有得拍八新達通先黎，竟然成了餐廳優點～…查看更多

個落單staff態度好差本身叫A餐 佢俾B餐我咁我無留意係我自己衰啦打過去問佢 佢啲態度超差 仲cut我線 佢聽錯都算 我講得唔清楚都算 你話佢正常語氣同我講返 我都可以食得落佢語氣超差 會去去餐廳直接投訴千奇唔好幫襯！…查看更多

今午打電話叫外賣：菜遠叉燒炒河，隔左約10分鐘去攞比錢個時收我53蚊，店員話菜心要加3蚊我覺得出奇打電話叫外賣個時女店員都無講，好取巧啫！搵我笨啫😰我知乜都貴．．但唔係咁囉⋯⋯唉⋯⋯…查看更多

因為大廈重建而搬咗去新位置咁耐都無再食過，今日放假就落街食左個午餐。新位置要上一層先有位坐，下層係廚房及等外賣區。是日午餐 干炒肉片河 大大碟 好有鑊氣 好岩大食既朋友凍飲加$3 …查看更多

中午時份揀左平記茶餐廳食lunch ,叫得平記，啲嘢食抵食夾大件🤣。我未食過舊舖， 多數啲人都會覺得新不如舊， 但我同同事叫左2份午餐，一個豉椒牛肉炒河，一個薯仔排骨飯，好地道，好夠鑊氣，有湯有飲品， 價錢又實惠， 抵食好食😋😋…查看更多

新店第一次到訪，樓梯有一點長，上落真係有點難度！上到樓上餐廳的第一個感覺，裝修新淨，地方整潔，枱與枱之間有適當的距離，容易出入。 每張枱有膠板隔離，感覺衛生，食具乾淨。光顧時間是下午茶時段，沒有點選下午茶餐，點了乾炒牛河，$50加凍飲$5 ，合共$55。牛河好大碟，份量十足，很多芽菜，減低肥膩的感覺。見隔籬枱食緊下午茶餐，炸雞髀沙律，賣相吸引！下次會再來幫襯，吃其他食物！…查看更多

今次因為同事推介下而走咗去食；住咗東區咁耐都無留意呢間屹立喺筲箕灣既良品。今次叫咗4人餐，老實講都係啲大路餸。但一放入口係唔錯既，靠食材吊出味道，係食得出冇落味精（最重食完唔覺口渴）今時今日好難搵到茶餐廳係唔落味精嘅（尤其依家都是因特別注重健康）…查看更多

平記餐廳，店如其名，平！當然仲要好味之前舊鋪棟大廈，因為重建，所以暫時停業。自從2020年10月尾之後，終於喺東大街搵到新鋪。喺疫情嚴峻期間從新出發新鋪主要係樓上鋪，但無阻同路人的決心因為仲係試業階段，我未有機會上去睇下。依家只做外賣一如既往，有A,B,C 餐B餐通常炒飯，楊州炒飯生炒雞絲飯生炒牛肉飯等C餐通常炒粉麵，干炒肉片河豉椒肉片炒麵等平記最正就係炒嘢，夠鑊氣，炒飯夠乾身，啲飯粒粒分明平記，就真係平！午餐ABC都係$42連熱飲，而且好大盒！！一盒炒飯，係多過一個人嘅份量。三個人嗌兩盒都已經夠食佢真係筲箕灣居民嘅食堂…查看更多