幕多

如果想吃超濃鬱的蝦湯麵必定會認識這一間尖沙咀的排隊王。最近在太古開了新的分店，地方大了兩三倍，座位寬敞，相比尖沙咀店這裏舒服超多了。醬油蝦湯麵這店就只有這個招牌拉麵沒有其他，可以額外點醬油蠔或其他海鮮。至於醬油蝦湯麵好不好吃已經不用說了，只賣一個拉麵可以開兩家分店真的很牛🐮。今次是二訪了，雖然湯底和尖沙咀分店有點對比，尖沙咀分店湯底比較濃鬱，而太古分店湯底比較友善溫和。沒有高低之分都是好吃的味道。讚👍🏻今天星期六我六點鐘到剛剛好不用排隊，但大概六點半已經排隊大概20人。…Read More

公司附近新開咗一間主打醬油蝦湯嘅拉麵店，繼尖沙咀本店後開另一分店，店面睇落比尖沙咀大兩三倍，Lunch去食排咗大概半個鐘就入去，可能因為新開座位多，反而廚房唔係好夠人手，有位都要喺出面等。成間舖淨係得一款拉麵，岩晒選擇困難嘅我，麵款有拉麵同刀削麵揀，另外仲可以追加啲醬油小食，第一次食揀咗拉麵同加咗個是日精選醬油蟶子，啲海鮮超新鮮爽口，下次會試埋其他醬油海鮮。拉麵上枱時，店員會再額外喺上面加啲蝦油，個濃蝦湯底總括嚟講鮮甜濃稠，濃而不膩，後加嘅蝦油令個湯底錦上添花，滿口濃濃嘅蝦味，啱晒重口味人士，真係忍唔住會飲晒成碗湯。…Read More

#MC帶你去太古.依間人氣小店，發跡於尖沙咀嘅人氣排隊蝦湯拉麵店，最近更進駐港島‼️➖✨ 幕多.餐廳由2022年於尖沙咀起家，並只賣一款招牌「秘製醬油蝦濃湯拉麵」作為招徠；餐廳用超過40斤九節蝦蝦頭熬成蝦湯底，鮮香濃郁。➖✨ 環境.太古分店店內裝修新簇清雅，走日式風格選和風裝修，木系設計配以日式紅燈籠，並設有四人卡位，寛敞乾淨舒適。➖🥢 醬油蝦濃湯麵｜$118 ✨招牌菜式✨[可配 拉麵/刀削麵].拉麵上檯時，會席前淋上一圈自家提煉蝦油，儀式感滿滿！湯底呈黃牛油色澤，蝦鮮味濃厚順滑，更配上櫻花蝦乾，口感豐富；配上三隻已剝殼原隻醬油蝦，蝦肉彈牙好新鮮！搭配拉麵，掛湯力十足；而搭配刀削麵，口感較為爽滑彈牙。➖🥢 追加—替玉｜🆓.可以免費「加麵」一次，但湯底就不能添加。➖🥢 醬油小食（是日精選–青口）｜$38／份 ✨每日更新✨.醬油小食亦都係網民大推必食！但晚市一開已經無曬鮑魚、生蠔、溏心蛋。是日精選就有一份5隻青口，以醬汁醃漬青口，味道微辣提鮮，好鮮味又無腥味，好開胃！➖🥢 啤酒｜$38.Asahi Super Dry 極泡巨罐裝。➖⚠️ 服務費｜Service Charge.全店沒有加一服務費。➖⚠️ 付款方式｜Payment Methods.餐廳只收現金。…Read More

今日lunch 同同事特登黎食，12:05開始排隊，12:55入坐，新開幕排得耐就預咗，但溫馨提示，大家最好噴定蚊怕水黎，附近花槽都幾多蚊。好唔容易終於入坐，由落單到出餐再等半個鐘。一邊等一邊望住廚房，每10分鐘先出幾碗麵，望穿秋水啊⋯⋯ 老實講，雖然座位比尖沙嘴舖多近一倍，但廚房完全消化唔到人流。即使有吉檯唔放人入座，都係搞唔掂。出餐咁慢，多幾多位都無用，依方面認真要改善下。餐廳都有貼心位嘅，會派水比頭幾個排緊隊嘅客人，亦會補派水比已經入坐而又未有水嘅檯，不過可能始終店員都可能比較新😂 派啲漏啲，例如我地檯😂 大家如果想飲水，都可以主動問。講返碗麵，感覺份量比尖沙嘴店少，女仔食都係覺得剛剛好，男仔可能就唔夠飽了，但依然好食！見同事隻鮑魚都好大隻添！如果大家lunch hour有2個鐘都可以過黎食下。…Read More

預咗係要等，但冇諗過最耐竟然係入座之後等佢上菜🤷🏻‍♀️如果你係只有個鐘食飯嘅打工仔，真心唔建議你去🙄其實個Menu好簡單好快就填完，但等極都未有人收單可能真係人手唔夠同埋佢收完一疊單應該冇跟收嘅次序俾廚房因為見到遲過我入座嘅人都早過我起碼15分鐘有得食🤷🏻‍♀️因為真係好趕時間催咗佢話下一碗整俾我結果都再等多咗10分鐘（前前後後等咗超過半個鐘先有得食）另外加咗個小食催兩次先有🤷🏻‍♀️🤷🏻‍♀️🤷🏻‍♀️講返食物味道係好嘅，不過份量真係極細我係女仔食完都淨係覺得七成飽🤷🏻‍♀️…Read More

🎉 幕多鰂魚涌新分店初體驗 | 滿滿人潮✨今日終於試到幕多鰂魚涌店啦！12:00 開門，我打算早少少到，但因為要用現金付款，而我冇帶現金，結果要去ATM。到返去店舖時，啱啱好12:00，全部位已經滿晒，要排隊！等咗五分鐘左右，職員哥哥好有心，拎咗啲水出嚟，每人派一支，真係好暖心 🥰！排隊安排：雖然已經排咗一段時間，但整體等候唔算太辛苦。等第一輪食客食完，有幾台人走咗，我喺12:45左右終於入到去。入面有張膠咭，俾你填選配料。我今次揀咗：✅ 拉麵✅ 多蔥✅ 加鮑魚用餐環境：我自己嚟食，被安排坐喺最出面嘅位，會同其他客人搭枱。環境簡潔得嚟有種日式風味，好似返到去日本拉麵店咁，大家都好專注享受食物！上菜體驗 & 食物感受：第一碗拉麵嚟到時，真係超靚！職員哥哥仲會用紅色水壺幫你加蝦油，望住佢慢慢加落去，真係有儀式感 🤗✨。湯底 蝦味超濃，我平時唔鍾意啲太稀嘅湯，但又怕太鹹。佢哋嘅湯底對我嚟講真係啱啱好，濃而不鹹，飲落非常順口。拉麵 爽口偏腍身，再加上三隻蝦，全部都已經幫你剝晒殼，食起上嚟好方便，啖啖肉真係加分位！鮑魚 微辣，好香，口感又爽口，真係大滿足！😋店外排隊人潮：當我食完出嚟，第二輪人潮已經開始走，外面仲有好多人排緊隊，感覺呢個熱潮應該有排都未完，想試嘅朋友要有心理準備啦👍🏻👍🏻👍🏻！…Read More