巷仔麵 (Closed)

很多人都知我不吃甜點，就算奶茶咖啡也從不加糖，糖水甜品更掂都唔會掂，但就獨愛吃腐竹蛋糖水！滑溜的腐竹不用煲到溶溶爛爛，薏米要帶嚼勁，微澀的白果是點綴，再加隻飽滿的雞蛋，少甜，就是完美組合！購自河畔花園季季紅旁的外賣小店「糖水鋪」，傳統糖水如紅綠豆喳喳都極出色，重點係少甜，足料，$16碗，冷熱同價，飯後總想走去整番碗做消夜呢！…查看更多

諗住求其食 d 野, 車仔麵乜都有少少應該就最合河車.雖然有點毛毛雨, 但坐在露天的位置還可以接受. 叫了三個餸: 蘿蔔, 白菜仔, 爽肚, 食油麵, 選了咖哩汁.(這裡沒有辣汁, 只有咖哩, 沙嗲以及腩汁, 好失望呢...)另外叫了一客燒賣, 即叫即有, 熱辣辣的. 雖然細細粒, 但勝在煙煙韌韌有咬口. 而且當中略帶甜味, 配以少少的辣汁, 味道可口.車仔麵大大碗的推滿餸菜, 湯底本身都有味, 可是咖哩汁味道很淡, 根本唔覺係咖哩. 白菜 ok, 爽口夠味又不會太老. 爽肚普普通通, 油麵則太淋, 一把把的口感很怪. 蘿蔔甜得有點不太真實, 覺得不太似蔬菜本身的甜味, 而且唔夠淋, 我就唔多識欣賞了.…查看更多

其實已經幫襯過無數次，今次就同大家分享下拉。 7蚊4條腸粉，(之前是5蚊 4條)，其實都算平，熱烘烘，滑溜溜，加上麻醬，豉油，芝麻，甜醬，混醬之後變左人間美食。 原來最簡單的就是最好味的，是真的。仲食左車仔麵，都是沙爹醬汁最好味，可以見到有粒粒花生碎，很香。車仔麵材料大眾化，所以決定佢好唔好食就靠湯底同醬料，呢個抵讚。:)但有一樣野，呢間鋪的工作人員全部是C9，叫親野食，如果人多，D單一多就亂，會變左 first in last out ! 人多又趕時間就自己諗諗。…查看更多

本人在附近居住了一段時間，初初入伙時，由於這檔車仔麵就在附近，都會間中幫襯。但見經過時間的洗禮，由售賣呀姊到食物質素的轉變，真的不想再吃了。小店售賣呀姊無分顧客來到的先後次序，有時真的要等到最後才輪到你。:(至於車仔麵的質素，丸類比一般街市的貨色差劣：魚蛋不彈牙(淋淋地)，貢丸好似食紙般(没有味道，只有聲音)，豬皮、豬紅咬落亦没味道，冬菇不是炆，而是鮮冬菇；總括來說試一次已經足夠。…查看更多

因為住係對面果座，一落街就見到呢問舖，開到好夜，本人因不停做功課，連晚飯都冇時間食，於是試吓, 味道雖然唔似以前細個食個種，但已經接受。鄰近間酒店D自由行内地同胞都選擇車仔麵，都唔揀其他餐廰。除左車仔麵，仲有自家製糖水，鍾意仲唔你好甜，又足料，天寒地凍時，買碗番屋企食簡直sweet, sweet ar!!!:)…查看更多

去麗豪食完飯, 行左黎河畔食糖水.一轉灣就見到呢間野, 即刻坐低叫都糖水一律$10. 依家真係少之又少一行5人叫左熱的椰汁紫米露X2: 多D米仲正, :)什果紫米露X2: 用的係鮮果, 有芒果, 蜜瓜, 哈蜜瓜..什果西米露: 加左D芒果汁.$10, 好大碗...…查看更多

吃完大圍合發由大圍徒步行回家，做做運動落落格﹗行到河畔，想吃糖水，見之前呢間野好多人排隊，就來試下﹗小鋪經營，除了賣糖水外亦賣小食如燒賣腸粉等，我地兩個要了白果腐竹糖水同埋綠豆麥米粥。兩款糖水都係十蚊雞，白果腐竹竟然入面有隻蛋真係好抵食，出面食起碼都要十五六蚊，我鍾意佢味道唔會好甜，用料亦見多，咬爛蛋之後再蛋王同糖水既結合味道更完美。食家的綠豆糖水亦都唔會太甜，口味清甜而潤，清清熱氣必選。埋單$20，滿足，下次會再來試其他糖水﹗…查看更多

由我中學知道有車仔存在之後, 佢到而家都係my favor!但係估唔到哩間咁細車仔都會上openrice...佢間舖根本無位俾客入去坐, 但係佢可以連開廿幾三十張摺台! 開到對面街咁濟...得閒會有食環處d人黎捉~佢d價錢好o岩我哩d學生哥去食, 一放lunch, 除左落雨, 日日都有唔少人去食架!!haha~~~不過我食左咁多年, 真係無嘜試過d食物有污糟野, 以咁細規模的食店黎講, 算係咁啦@v@可惜覺光哩幾年由F.1開始唔俾d學生出街食lunch, 日日幫陳陽光飯盒, 真係慘...佢每碗車仔$15, 包3樣餸or麵底我一定會食沙爹湯底[免費ga!]+米線+2餸!!!咁都係$15ja!! 我中六個陣仲係$12, 不過加左價仍然好抵!!haha真係好好味mad至愛一定係牛丸! 我自己勁鍾意加辣醬一齊食! 不過畢業左之後, 返去食先知道佢加左價, 以前$5 3粒, 而家$2 1粒~~hhaa~~bowlchopstick另外, 佢仲有又平又凍的糖水啦~~西米露等等~我媽咪最鍾意食佢的粉果! 以前返學個陣, 日日都買2,3個返屋企做餸架!!smile佢d腸粉, 燒賣.................全部都好懷念啊!!~~~~PS: 佢d車仔麵我覺得最好堂食, 拎到返屋企d麵會吸哂d湯!!乾左>3< 如果住係河畔都可以外賣ge~不過買返學校食就會乾左好多~~hahhahahaand 佢地d伙計好多都幾好人ga! d醬調味醬任你落! 可以問佢拎, 又可以羅埋位自己落, 我成日都狂落我鍾意ge花生醬!!!hahahatonguetongue…查看更多

想不到連這裡在OR也有登記，真的離奇這間沒有招牌的小吃店，小弟可也算是半個熟客，因差不多隔個星期就會光顧。這裡的腸粉、燒賣及粉果，想起來也陪伴了小弟伉儷數年了:)之前也曾提起過，腸粉好吃之處在於腸粉本身而非在那些醬料上。若以此作為準則的話，這兒的腸粉只可算是普通水平，不夠滑之餘也欠了像合益泰般的下了豬油，香氣自然是欠奉的。不過若您是喜歡"多醬"的話，這兒就一定可以滿足您的要求了....燒賣當然是麵粉多過"魚肉"，但將之混入於粘滿醬料的腸粉內，味道頓然變得複雜，更好吃了:)....粉果皮極厚，挺煙韌，而且餡料算頗多 ---- 花生、沙葛粒及豬肉全部落齊。太座不愛吃，小弟獨吞兩大隻，感覺像吃了一大碗飯似的牛肉內的馬蹄粒下得太少，而且粉的成份太多，水準還不及家樓下的興發小吃....這兒也有車仔麵供應，是夜叫了碗四餸油麵，那個份量實在大得嚇人，幸好是日的胃口頗佳，不然便遭秧了配料當中以雞中翼較好，關鍵在於那蠻入味的滷水；豬腸雖淰但有些異味；牛腩不很重柱候味，但邊位部份帶着些肥膏，吃落豐腴，這個值得加些分啦每人只花二十多大洋就吃得飽飽，太便宜呢…查看更多

上一次去好次話就快會加價... 不過無辦法啦, 而家咩食肆都加價, 起碼我食左3年之後佢先第一次加價, 但仲係咁抵食.呢度主打賣糖水同車仔麵, 仲有d小食如燒賣腸粉~ 車仔麵好食在d料夠多同個汁夠味, 沙嗲汁個人嫌太重花生味, 蓋過左沙嗲應該ge香, 但咖哩仔就好正~ 最鐘意食佢ge豬紅魷魚, 3送1麵都只係$12. (加價前)但係次次同同學黎食完車仔麵就算飽都必定加碗糖水, 芒果/雜果紫米露, 芒果西米露, 腐竹蛋都好正, $8大大碗, d生果真係新鮮唔係罐頭野, 芒果好多時都甜. 最後大家齊齊放低張$20紙o係檯面就走, 食到個個飽死咁散步過對面河新城市搭車返學校.p.s. 環境衛生都係o個句, 唔使預好好, 不過好有我細細個o係屋村的車仔前面食叫送ge感覺.好懷念以前做學生的日子. 其實平野唔一定無好野ga~ =)…查看更多

變差咗........ 牛腩得一兩小塊....完全唔得...…查看更多

變差咗........ 牛腩得一兩小塊....…查看更多

兩餸一麵= $12, 好低食, 老婆同我好喜歡食牛腩(好腍)....…查看更多

行年宵前,求其黎食碗車仔麵...三餸一麵,餸選了生菜,帶子蟹柳卷,蘿蔔,麵則選米線,再加沙爹汁...生菜份量唔少,帶子蟹柳卷都ok,係一d好似魚蛋的卷,中間包住蟹柳,蘿蔔煮得夠甜夠腍,米線唔係腍腍的,比較有彈性,煙韌...沙爹汁花生味頗重,夠香,不過都比較杰...食完都幾飽,快快趣趣比錢走人行年宵...…查看更多

倒數完,人潮回到河畔區,總會路過此店,所以會坐低食番碗糖水...糖家小館晨早爆滿,而呢度都一樣,出現大批人等位的現象...因為太多人的關係,所以唯有買外賣...買左個什果西米露...呢度的西米露唔係椰汁底,而係芒汁的,ok甜同香...西米都ok多...至於什果方面,有西瓜,密瓜同芒果,唔算多...但由於要在除夕後應負需求,所以什果係預先切定的,但都算新鮮同甜...$8一碗什果西米露,相對糖水舖個人認為幾抵食...期盼2007年,所有食肆都有好的開始~…查看更多