巴蜀燒 (Closed)

星期六要番半日，放左工之後同同事黎到九龍城搵食，見到雜誌有講既銀針粉同事就係咁拉我入黎要試下。招牌城寨銀針粉($35)湯底真係落足料煲成既靚湯，有魷魚，冬菇，元貝，每樣都好多份量，湯味好吸收晒所有食才既味道。加上幼滑既銀針粉，真係值得一試。我地兩個仲叫左其他野試下，特別既有手既魚蛋，十分彈牙同埋鮮嫩。另外個人食完最回味既柱侯牛腩，味道入晒肉既內部，而且食落去仍然保持到肉既軟滑，並不是好多地方可以食到，問了老闆原來是用古法制成，難怪咁入味咁軟熟。…Read More

去九龍城食飯，食黎食去都係泰國野，城寒風味嘅串燒小店真係第一次見，當然要試下啦。店面裝修雖然唔係好古色古香，但係就有一種說不出嘅純樸嘅典雅城寒味道，坐得都幾舒服嫁。叫左幾款串燒，我個人食串燒比較喜愛食蔬菜類，因為貪佢吸哂啲燒烤嘅醬汁，好香好正。燒韭菜 - 唔會燒到乾哂，咬落去仲有適量嘅水份，調味唔錯，唔會一味死鹹，辣粉吊起左整體風味，推介。 燒翠肉瓜 - 唔會燒到太熟而攪到淋哂，不過味道就偏淡。黎到串燒舖，竟然有銀針粉食 ，緊係要叫黎試下。 銀針粉都係主打城寒嘅味道，雖然我就唔知城寒實際係咩味😹。碗野配料都幾足嫁，有蝦米、冬菇、肉碎等等，嗰啖湯都幾濃厚嘅，好鮮甜好香。而銀針粉烹調得都唔錯，食落爽口彈牙，唔錯唔錯。…Read More

站在衙前圍道，向著新蒲崗方向望去，只有以紅襯黑、配灰色磚牆的巴蜀燒，讓人聯想到九龍城曾是個寨城。以川式串燒作主打的餐廳，除了佈置得有中國風，食物也充滿風味。選了下午拜訪，卻發現串燒僅在晚市供應，午市只有粉麵。有點失望，但陽光普照的正午，又的確欠了吃串燒的氣氛。一場來到，一試無妨。茶濃得帶苦，配串燒或有消滯之效，但配銀針粉有點過火。招牌城寨銀針粉媽很久沒有炒銀針粉了。配料豐富無比的銀針粉可是她的拿手小炒之一。清湯底很夠味，尤以冬菇的鮮味最突出，還有魷魚乾的咸、肉碎的鮮和適量豬肉的油香。滑溜的銀針粉跣入口裡，粗身爽口帶米香，條條滋味。又滑又腍的鮮冬菇、跟一遍清新的蔥花，成了最簡單卻味最鮮的配菜。相比曾經一時無兩的狗仔粉，銀針粉有不相伯仲的風味，卻是個較爽口、較健康、味道較清、味精較少的選擇。京都炸醬麵幼麵彈牙，不會有梘水味。略嫌炸醬偏甜，但愛它的少辣，更加惹味。本有炸醬和一粒雲吞作配菜，也可以如車仔麵般，自選額外的餸菜，豐儉由人。店員一副澳牛的氣勢，服務態度竟是友善有禮好客。吃不成串燒，一人一碗麵之行，並沒令人失望而回。想像幾十年前的香港，生活水平較低，物質沒那麼豐富，能夠跟至親的人一起，吃碗熱呼呼又味美的銀針粉，已是一種享受。當年的香港人，憑著獅子山精神，使香港經濟起飛，造就了我們這代人豐衣足食的生活。人要求進步，有了生活基礎，就繼續下一個追求。有人說民主自由，有人求更豐俗的生活。我呢？吃飽後，再次走進一星期不見的陽光的懷抱，吹著涼風的同時，又感到陣陣暖意。但願時間可以永遠停留在這舒適怡人的一天，讓我逃避迷失的方向，看不見的目標。…Read More

在雜誌看到住家附近居然有銀針粉，這道以前我常常做早餐，而家已經很少見。既然係屋企附近有，襯之前周末就同家人去回味一下。係九龍城的《巴蜀燒》，日頭以車仔面爲主，晚上就搖身一變成爲串燒店。我一心諗住食的銀針粉就係早晚都有。店面不算大，但不知道是不是冷氣壞了，打開了全部門沒什麽冷氣，吃飯都挺熱的。幸好雖然是串燒，但不會弄得滿身油煙味。城寨銀針粉 $353個人只叫一碗嘗嚐鮮。怕叫兩碗會太飽。因爲它的分量都唔細，大約有4個碗仔分量。裏面的料都不少，有魷魚、冬菇、肉碎等。個湯講真有d肥，但又好鬼好味。唔覺得會味精，味道好濃，配上軟硬適中的銀針粉剛剛好！！完全值得再encore。燒紐西蘭羊架（2件） $48這個係爸爸點的。我唔食羊所以無食。據稱味道幾好，因爲有大量香草香料腌，而且不會overcooked，以這個價錢吃到兩舊羊架覺得幾划算。燒雞全翼 $18燒雞中翼（3隻） $28食串燒好難唔點燒雞翼~~~我分別點了自己食的——燒雞全翼同大家些牙的——燒雞中翼其實兩者味道差不多，都係用差不多的腌料，雞中翼覺得燒得有點燶，不過講真，好難唔好食（笑）。五花腩 $16令我驚喜反而是五花腩。平時去韓燒例點的五花腩，來到吃串燒也要吃~~燒完之後不會覺得很多肥膏，濃烈腌料加上辣辣地的辣粉撲面，惹味之餘，令人停不到口。原條生燒粟米 $22非常一般。粟米細粒又唔juicy，甜度一般。燒原條蒜茸茄子 $32又一我無食的。鋪滿蒜茸青蔥的燒茄子不會燒得過乾，很難不好吃之作。燒肥牛蘆筍卷 $25分量有點少（得2條）肥牛燒得有點乾，脆脆的配上爽口的蘆筍，算是一整餐裏面比較“清新”的選擇。牛油芝士海鮮焗飯 $78全晚最敗筆。我真係以爲自己食緊茶記午餐。雖然，料算多（有青口、魷魚、蜆、超細粒蝦等）飯完全沒有什麽味道，而且分量不大，可以不點。總括來説，以每人約$100吃到這麽多串燒的價錢算是抵食，大部分野食味道都不錯，尤其係城寨銀針粉絕對值得encore。以上。* 文章分享内容純為本人之個人意見。…Read More

完全係衝著城寨銀針粉而黎，好彩都冇失望！湯底好濃，魚味好重，加上魚乾、冬菇等提升香味，唔錯！可惜既係湯較少，唔夠喉！另有大量串燒 水準尚可，最愛燒韭菜，夠香夠辣而且口味偏重，但仲未做到大陸個種野味，尚有改善空間！自家製涼茶，推薦！…Read More

近近地, 見新開黎試下晚上6點半, 侍應多過客一入來, 就有位聲音響亮的姐姐問食咩原來晚上6點半後就唔會做車仔麵,其實一心我來是為了那個"銀針粉", 幸好銀針粉應該全日都有得供應的晚市這裡多做串燒, 串燒我同男友慢慢睇, 先點住一碗銀針粉先唔明點解要先收左銀針粉既錢先, 好奇怪$35賣相....唔靚,不過粉質算係叫正常面頭有d肉絲+冬菇片, 侍應會比埋辣既菜脯, 食得辣既可以落一點不過食到尾升, o趙到d膠既物體 @@男友點了幾款串燒, 大家望過價錢唔叫平豆卜要$13/串.....點了5款串燒, 侍應都有交帶因為啱啱開爐, 所以大約要等20分鐘食過針銀粉打底, 等下唔怕男友點的豬腩肉因為未溶雪, 所以有 位姐姐自動的幫我地cancel, 好搞笑,完全無問我地等唔等就話cancel, 另外全部涼菜類都無=.= 想食皮旦(無)逐樣逐樣食物慢慢上檯無豬腩肉就改左侍應推介既芝心魚餅,$38/份, 一份有2片, 一片大約2隻麻雀大少少既size, 都幾貴白色的魚旦, 中間有溶溶地既芝士, 都唔錯既燒牛仔骨, 重$28/份, 都係得2片, 一埋黎就好大朕孜然粉味道肉質都可以, 不占見到牛肉上面有好多油無涼菜, 男友加點了牛脷芯, $28/串無諗過上黎係得3粒, 平時外出食既, 至少都2片啦呢度似係一片將佢切開3粒, 少到....咁28蚊真係幾貴下喎唔通佢係和牛脷?! 要收到咁貴但我唔覺出奇的好味, 只係同平時既一樣雞中翼, $28/3隻, 合理全部串燒都由廚師加上孜然粉, 如果每檯都放多一樽給客人自己加就更加好啦~最後好彩都有個飽塞下個肚, 面頭既蒜茸似係自家製的很香脆, $25/3件芝士牛油西蘭花 $38, 唔知點解黎到, 有一忽無左咁, 好似比人偷食過, 好唔掂菜整得太淋, 似白恰, 鍚紙盤仲有好多水係面頭既芝士帶到d味, 但係d花好碎, 唉...好彩有個銀針粉打下底, 唔係一定唔夠飽唔係二百蚊比唔起, 而係唔合理同一般, 就覺得唔值!食完個西蘭花都啦啦臨走人, 去第二度再食過…Read More

行過新開的《巴蜀燒》，聽聞有串燒食，同個friend逛了一會之後進入餐廳歇一歇、食番兩串。餐廳在日間主要賣車仔麵，而晚上主力賣燒烤串，燒烤款式分別有海鮮、豬、牛、雞、素食、焗類、鐵板類及廚房類等.....食物種類都起碼超過40款，選擇多元化。:)城寨銀針粉($35)是本店的招牌菜，也是跟據傳統的製作，乾瑤柱、蝦乾、肉碎、冬菇、土魷及豬骨等熬製湯底，我先飲了一啖湯水，味道濃郁好鮮味，銀針粉的size都是幼細，吃起來都好滑身又好彈牙，店員也推介我們可以加些菜脯來伴食(有辣或晤辣)，材料更豐富美味而且更有嚼勁。燒煙肉荔枝卷($25)煙肉燒得夠脆又有鹹香，煙肉包著大大粒的荔枝肉，咬下已經爆出荔枝的肉汁，食落鹹中帶甜，也是不錯。五花腩($16/一串)燒烤時已經加上一些調味，好有嚼勁肉味都好香濃，晤算太肥，口感相當爽口。燒台灣腸($16)皮脆肉香，上枱時已經切成小片，方便享用。:)燒生蠔($25一隻)可以有幾款煮法，例如有芝士燒、蒜蓉燒、xo醬燒、五式燒、剁椒燒等....我選擇了芝士燒， 燒蠔的蠔肉都好大隻，芝士燒至金黃，芝士味道真是好濃郁，上枱時已經芝香撲鼻，蠔肉都好鮮甜。鹽燒7吋海中蝦($22一隻)原整的7吋蝦連蝦頭真是好大隻又長身，蝦頭有少許蝦膏，真是好誘人，蝦肉爽彈又鮮香，用上鹽燒製作，蝦肉有鹽燒的香味，果然是絕配的製法。:)最後點多個甜食的燒菠蘿($18)，上枱時菠蘿已經擺成銅錢的形狀，賣相好意頭又吸睛，燒香的菠蘿水仍然保持果肉的水份，好香甜又滋味，正好用來減輕下口腔的油膩。服務都好熱誠主動推介我們食不同的燒烤及銀針粉，店舖雖然不算好大，但都好好舒適又不會坐得太迫，又有電視收看，都讓人好relax的感覺。:)…Read More

口淡淡的，想吃點燒烤味道的香味，街上行著，看到一間看似是新開張不久的燒烤店舖，好奇心推使我去試一下。坐下後，留意到店內裝修都是紅紅的，以黑色作輔助，就連枱椅，碗筷都是紅紅，看來巴蜀風情都是熱騰騰的。先來個羊肉串燒及牛脷串燒，羊肉香嫩多汁，軟綿綿的，入口溶化的感覺、牛脷串燒，香口入味，外脆內軟，雖然店員送上辣粉，可是兩者都辣辣的，卻有剛好有點提作用，個人覺得再加辣粉就遮掩本身的燒烤香味。雞泡魚乾，看上去又乾又硬的，可是入口先沒有魚腥味，雖不至有肉汁，可是卻又軟又魚，容易咬，與外表完全兩回事，令人有點意外。燒羊架，香草及辣粉滿滿，咬入口卻滿是肉汁，辣辣的，卻更能增加食慾，燒烤的香味，更帶出羊架獨特香氣，與西式的香草羊架，形式一大對比，卻各有特式，喜愛羊架的朋友，定能有另一番新鮮感。個人迷上三燒文魚頭，這個店舖有，當然也要一份。看上去好像烤得過燶的樣子，原來卻帶出三文魚頭的香味，滑滑的，而且還有很多魚肉，魚肉烤過，有點燒烤味，與一般熟食又別，另一番層次感。叫上一個蔬菜，芝士焗西蘭花，雖然只是很普通的焗西蘭花，與燒烤完全拉不上關係，卻從不馬虎，西蘭花不會太熟太老，芝士香濃軟軟，入口香滑，想不到焗菜也有一番工夫。仍有點未滿足，店內寫著城寨銀針粉，也試一碗。銀針粉，在港並不是很多店舖有售，看上有肉絲，冬菇，試一口卻是可口非常。冬菇的香味濃郁，肉絲除了吸收了冬菇的香味，還有一點鮮味，問一下店員，原來還加了瑤柱，難怪有種鮮香的味道。可惜的是未太夠熱，若能在暖度上控制較好，相信味道更好，鮮味更為突出。一碗銀針粉，另類風味的燒烤，細膩的焗菜，小城的味道，又有另一番巴蜀風情。…Read More

夜媽媽肚仔又打鼓, 但又唔想煮麵食甘麻煩, 即時吹雞叫住附近既朋友出黎食宵夜先, 都算老友, 一call 就蒲頭~~ 我知最近開左一間新既燒烤店, 就試下佢啦~~見到餐牌都算多選擇喎, 連龍蝦都有, 可惜太夜黎,雖然餓但又食唔到甘多, 今有小小叫住黎食先, 下次再黎先再掃餐勁既~~食串燒配啤酒簡直正呀~~ 話晒食甘多燒物, 飲返杯鬼佬涼茶, 即時降降火變得無甘熱氣~~店員推介左呢隻大元貝比我地, 真係有成隻手掌甘大呀!! 配以辣油及秘製醬汁, 除帶出元貝既鮮味, 更令元貝份外野味, 正~~還有雞腎也是推介的, 燒得啱啱好, 唔太乾又不會唔熟, 配以四川調味粉, 小許辣, 既爽口又回味~~豬頸肉咬落啖啖肉, 非常有嚼口, 飽肚之選~~燒雞翼, 我致細鍾意食, 又點小得佢呀!!同樣配以四川調味粉去燒同樣是飽肚之選, 外燒致微焦, 但肉質仍然很嫩~~花枝丸都好彈牙又好香~~金菇牛肉卷不用燒太久, 只要燒致牛肉轉色就可以了, 所以仍然可保持金菇既鮮甜, 牛肉既肉質鮮嫩, 很怕燒致太乾, 流失晒金菇既水份!! 去趁燒烤店必叫雞泡魚干, 對它有份情意結, 燒致脆卜卜, 但必需點小小沙律醬先好食, 這樣感覺沒有那麼乾, 一條一條好快就比我KO 晒了~~係冬菇稍為燒得乾了點, 不過冬菇係比較難燒的, 很容易燒乾的~~食飽飽我個肚準我返屋企lu~~~~~…Read More

今日同朋友黎到九龍城行街，行到７點零左右，想搵下附近有咩好野食！但每一次黎親呢度都係食Ｄ泰國餐廳，今次想搵Ｄ新意思，試下呢度第２Ｄ既特色餐廳！：） 於是就行左一圈，搵下有冇Ｄ係特別想食既。行到去轉角位，果然有一間唔錯既小店，一大陣既燒烤香味吸引左我埋去睇睇！原來果然係ＢＢＱ！係呢Ｄ天寒地凍既日子裡，見到間咁既小店，好難唔入去試試。於是同朋友就走左入去。 小店的規模唔算大，裝潢都比較簡樸，可能是新開張既關係吧：）不過唔緊要，食物質素先至係最重要！一坐低之後，見到一張＂點心紙＂，原來是以剔點心的方式去ＯＲＤＥＲ食物的。點心紙上還有標明價，好讓客人心目中有個預算，十分細心呢！而且點心紙有很多的選擇，絕對令人眼花撩亂：）有羊類，素食類，海鮮類，鐵板系列，分好哂類別！ 我地ＯＲＤＥＲ左泰式鳳爪，上碟既時候，見到鳳爪旁邊有Ｄ洋蔥。食落去酸酸辣辣，十分開胃，賣相都相當吸引：）真想再叫多一客，連平時不太喜歡食鳳爪的朋友都話想再叫多一個！之後我地再叫左一個燒象拔蚌，賣相望上去似蜆的樣子，原來佢地係用貝殼作為裝飾，上面的的確是象拔蚌！不得不讚象拔蚌整得十分爽口，令人食到唔停口，除左新鮮之外，上面Ｄ蔥蒜都好香口，味道好夾！ 之後我地再試左燒牛柳粒，入口唔覺得硬同難咬之外，仲有種軟棉棉的感覺，十分ＪＵＩＣＹ，出面唔係間間都可以做到咁好食：）肉類方面我地仲叫左個羊架，同埋是唔覺得佢太硬難入口，而且啖啖肉，冇左本身個陣好騷既味道，反而多左一陣香料味道，值得一試！ 燒魷魚桶同埋燒多春魚係必食之選。燒魷魚桶有別於街外食到個Ｄ，乾爭爭，呢個咬落去有口感之餘唔會乾爭爭，啖啖肉夠大隻。上面Ｄ蒜容都係個句，冇得頂！多春魚燒得脆卜卜，灑上七味粉已經能夠輕易帶出佢本身既鮮味：） 素菜類方面都叫左幾樣，原以為素菜類一定好單調同普通啦。見到格離台都叫左個燒茄子，嘩，賣相好吸引，梗係要叫啦。一上台，茄子真係好大碟！兩個人份量黎，當然好食既野通常都係唔嫌多的。呢個茄子除左賣相令人嘩一聲外，連味道都係出乎意料地好食！茄肉十分入味，十分ＪＵＩＣＹ！雖然上面香料調味料多，但唔會覺得咸，好香口！ 另外芝士牛油焗金茹，肥牛露筍都值得推介！芝士牛油焗金茹味道香甜，一Ｄ都唔會漏：）十分爽口，入味，唔似得出面就咁係金茹上面加上牛油咁求其！肥牛露筍兩樣加埋一齊非常夾，爽脆有咬口，香料味道都係令人難以忘懷！:) 下次一定會再同朋友黎再試其他野食！：）…Read More

城寨風味銀針粉 ($32)銀針粉係香港已經好難搵到，有時候司令係街市都唔係成日都買到，但九龍城原來而家都有城寨風味嘅銀針粉😍，即刻試試先！銀針粉配料甚多有冬菇、肉碎同蝦米等等，湯汁味道頗濃厚，好香豬骨味，銀針粉彈牙，但湯汁更多就好啦😝。店鋪仲有燒烤食，但司令就覺得未夠係大陸食到嘅淫賤🤔，但九龍城嘅燒烤鋪不多，想食都可以試試。…Read More