巴蜀燒 (Closed)

通常去九龍城晚餐都是食泰國菜，今次想轉下口味，去吃串燒。可能是星期日晚八時半，人流不多，隨意點了幾款串燒，直覺串燒應該需時，見到有銀針粉，便也叫了一碗懷緬兒時味道。銀針粉有很多冬菇、肉碎等配料，味道都不錯，但油頗多。吃完銀針粉還沒有串燒，之後聽到店員說很忙做不切，但其實店內只有三份一顧客...好像有點慢... 等得久了肚子越來越餓，再點了個米線，諗住串燒較濃味所以點個清淡些的米線，水準一般，魚蛋只得兩粒...差不多食完米線時終於有串燒。除了雞脾菇塗了牛油來燒，其他的都是以孜然粉及少許辣味粉調味。不得不讚的是火喉控制得宜，牛肉和雞肉都燒得夠嫩。如果不怕等，又或者純粹想食銀針粉，可以一試。…Read More

路過九龍城嘅時候諗住求求其其食一餐就算，就諫咗佢，本身唔抱有太大希望，諗住食得落就算，點知，竟然意外地好味！便錢都好合理！好評！不妨試下！加上地方大，環境乾淨，冇得彈！…Read More

今日想食串燒，我同男朋友就去咗呢間試試。夜晚10點左右，入面冇客人。我哋坐低劃咗9樣串燒。你最好記低自己叫咗乜，因為佢收走張紙後，係唔會印單。佢擺低嗰時又唔會講係呢碟乜。我哋叫兩串翠玉瓜，佢就碟上5片，怪怪的。另外叫咗2牛1羊串，佢就嚟咗2串肉，食落似牛，我以為羊漏咗單啦。埋單佢只講總銀碼，我男朋友就問有冇單check啦，佢仲覺得好唐突咁！睇真就同佢講羊串冇嚟到，佢就話有～～講講下佢話燒少咗串牛喎。羊定牛我真係食唔出，因為串肉都冇乜味。食物唔係難食，我哋全部食曬，不過真係唔惹味。最最最緊要係check單，竟然得一枱叫少少嘢都會搞錯，no eye see 同 no next time！…Read More

早幾日見到朋友黎食銀針粉，又見個食評幾好，今日男朋友特登出黎同我去食。去到嘅時候差不多夜晚10點，連埋我地有3台客，我地2個點左一個銀針粉，一個車仔麵，一個燒鯖魚，芝士西蘭花，一串牛肉。首先黎到嘅係銀針粉同車仔面，呢2樣一般，過得去。之後黎到鯖魚，同喺吉野家食差不多，大份小小。跟住就同我地講無哂西蘭花轉金菇，我地都ok..跟住聽到隔離2班客人分別有聲出。。一個係漏單，唔等埋單要走。另一個係波羅燒得唔熱再燒過。。等左10分中左右，佢就話唔等喇。。2串波羅拎走啦！再同佢地埋單，3個人食左6百幾蚊，表示好唔抵食，食唔飽。之後再等多5分中，出左1串波羅出黎，整漏左一串！ 🙄 我心諗。。間鋪得咁少客都可以咁多甩漏。。。之後到番我地，黎左串牛肉，完全唔好食。。。。。果時淨番我同男朋友2個人，佢地3個staff 坐喺枱度睇電視。。我就問一問個金菇得未，佢地完全唔記得左！！拎出黎係焗到燶左。。。我話: 燶哂喎。。。。。之後佢地拎走坐喺度自己食，再整過俾我地。。。。。總結係唔覺得有咩人情味可言。。無啲食評講到咁好。。今日嘅感覺完全係唔專業+唔用心+求其。。野食無特別，所以無下次☹️…Read More

九龍城多野食就係人都知~親戚住係九龍城既關係,今日慕名而黎同個朋友專程去試親戚極力推介既巴蜀燒~~呢度有好多特色串燒小食~朋友見到個MENU即刻流0西口水~好似想點晒全部野食~冷靜落黎~我地點左以下呢D小食~燒雞腎串 $28/2串雞腎煙煙韌韌~讚~~燒五花腩 $16呢個做得唔肥膩~岩晒女士食~燒牛肉串 $16呢個做得好入味~同埋燒完后一D都唔老~肉質仍然鮮嫩~燒原條蒜蓉茄子加芝士 $42呢個相當唔錯~蒜蓉加芝士混落茄子燒出黎超級惹味~墨魚腸 $32櫻花蝦芥末腸 $32燒大司華力腸 $22燒到外皮好脆不同腸肉咬感味道各有特色~個人最LIKE墨魚腸~燒煙肉蕃仔卷 $20WA~蕃茄仔鮮味滲透煙肉裡~無得頂~蒜蓉香辣焗帆立貝 $48好大隻的帆立貝~帶子肉汁滿滿賣相非常吸引今晚呢餐真係食得好滋味~終於明白點解親戚咁極力推介~黎九龍城除左食泰國菜~~絕對可以黎試下呢間特色串燒小食店~~~…Read More

去九龍城唔一定要食泰國野既，今次食左呢個燒物店。地方位於衙前圍道84號既角落位，一眼就見到。門口大大隻字寫住招牌菜係城寨銀針粉$35，點都應該要試下既。湯底味道夠濃，另外有D菇和肉碎。銀針粉比較爽口彈牙。整體上一口銀針粉同湯一起食，口感唔錯咖。話明燒物店，緊係要試下佢地既燒野食。海虎蝦$48／7吋海中蝦$28，大隻，重蝦味，外邊燒到脆卜卜，但裡面既肉就好鮮嫩。燒大元貝$38，真係大大隻咖，肉質陣牙，用左芝士一齊燒，芝味岩岩好，帶到味。芝士燒西蘭花，又燒得岩岩好Wo，西蘭花仲爽口既。野食都有好多選擇。唔錯。…Read More

九龍城俾人既感覺都係食泰國菜，但呢度既美食又豈止於一種菜色，就等我帶大家跳出泰國，去到巴蜀啦！門面充滿中式感大量燒物選擇，有肉有菜有海鮮食串燒點少得配上一口凍飲，呢度有無糖烏龍茶，岩晒我呢種唔鐘意飲甜野既人招牌城寨銀針粉 （$35）唔知大家仲記唔記得九龍城寨呢個地方？當年位於九龍城的一處三不管，唔知呢味銀針粉係當年係咪風靡一時呢？:)此銀針粉感覺懷舊，湯底無咩味精，配上肉碎冬菇，而家唔係度度食到 食銀針粉時可配上辣菜莆，更添滋味招牌六寶麵（$33）$33有六樣餸去邊度搵，全部大大件，有紅腸、豬皮、魚蛋、豬紅、蘿蔔、菜，份量十足，好抵食蜜汁燒風鱔 （$45）鱔十分之厚，一口咬落去好彈牙，皮脆肉嫩，夠晒口感燒安格斯小排牛粒（$42）牛粒上既孜然粉好香，牛粒好淋，燒得岩岩好，一d都唔乾芝士牛油西蘭花（$38）食咁多肉都要食下菜中和一下既，用上大量芝士同西蘭花一齊焗，芝士控岩晒燒紐西蘭羊架（$48）呢個好抵食，$48有3件羊架，仲要又係燒得好好，肉質鮮嫩多汁，強烈推介燒雞腎串（$28）最鐘意食燒雞腎，又彈牙又香，孜然粉又再次畫龍點晴食左咁多野都係$300唔洗，質素又好，今次呢間新野無試錯…Read More

九龍城，這三個字在我心中基本上已經和泰國茶劃上了等號。但是日來到九龍城，卻被我留意到了另外一間餐廳 - 巴蜀燒。巴蜀，二字，感覺是四川菜所專用的，但這間餐廳所賣的竟然又不是四川菜呢！今晚大約晚上7:00來到店舖，人不多，只有大約4-5枱客人，10-12個人。:)餐廳的裝潢是走中式路線的，十分古典，有北京的感覺。餐廳設有自己的洗手間，而洗手間外設有洗手盤，方便客人清潔！再看一下餐牌，和點菜紙，原來這食店是賣「車仔麵」再加「串燒」的，這是一個十分有新意的combination!看見有我最喜愛的銀針粉，當然要點一碗來試一下吧！招牌城寨銀針粉 ($35) 8/10好好味，湯底勁濃菇和肉味，銀針粉有咬口，必點！蜜汁燒風鱔 ($45) 7/10一串有2小塊鱔，燒得好香，鱔仍然保有彈牙的肉地，鱔皮燒得很香脆！另補有菜脯，店員說有2種，有辣，有不辣，但我感覺2款也是辣的埋單$86，輕輕鬆鬆有完成一頓好味的晚餐，很滿足。…Read More

因為工作關係，有時都會去九龍城食野。 今晚想食串燒，就去左巴蜀燒。兩個人， 叫左燒鯖魚、燒久菜、燒菠蘿、燒冬菇、牛舌、仲有招牌銀針粉。最喜歡最抵讚係燒菠蘿！香甜美味：）冬菇牛舌都燒得岩岩好。主打銀針粉！好足料！淡淡肉！ 如果想穩個地方食野吹水，係不錯既選擇…Read More

今日去做瑜伽之前，近近地喺附近搵嘢食，朋友話你間巴蜀燒佢想試左好耐，未夠七點我哋就入咗去啦。好頭裏面嘅裝修以中國風為主，切合返巴蜀燒烤呢個主題，我見好多其他嘅顧客到石面，又見到呢度有銀針粉揀，咁我同個朋友決定share一個銀針粉，再叫啲小食呀串燒啊咁。城寨銀針粉＄35銀針粉向來最着重個湯底，呢度嘅湯底飲囉好似屋企會煲嘅冬瓜粒乾瑤柱瘦肉湯，不過會比湯再稠d，冬瓜粒就搵唔到啦，但係就多咗蝦米，冬菇絲，同埋有好多乾瑤柱，湯底濃味，銀針粉彈牙，唔會係成Pat粉咁，仲有好多餸可以揀，但係因為我哋叫串燒，所以今次淨食銀針粉，但係都唔會覺得寡喎好ok！泰式生蝦刺身＄98邊度估得到係一間巴蜀燒烤裏面會見到生蝦刺身，咁我哋心郁郁就叫左啦，呢度嘅醬汁都係泰式，但係呢就比一般食到嘅冇咁辣，朋友完全係唔食得辣嘅人，但係佢都覺得OK ,呢個生蝦好適合啲唔食得辣嘅朋友試吓，唔使下下淨係望住其他人食。燒菠蘿＄18好抵食個樣仲好得意添，好似個金錢咁，菠蘿無渣，燒完一啲都唔乾，做到燒既效果但保留到菠蘿既多汁鮮甜，係燒菠蘿之中嘅上乘之選！而且個菠蘿好大件，切開有8份食，唔會到喉唔到肺，正！燒雞比菇＄13喺燒菇方面呢，雞髀菇一直都係我嘅唯一選擇，因為雞髀菇肉厚，加埋燒汁一齊燒，嗰種口感係其他菇類比唔到嘅，而呢度嘅燒雞比菇都係水準之作，一串裏面有三件，但係我朋友已經食咗兩件，我食得個一件有啲到喉唔到肺。燒台灣腸＄16台灣腸一碟有四片，我自己就覺得少咗啲，煎得亦唔夠香，唔算話好帶出到台灣腸果種香味，我估係因為份量唔太多嘅關係。燒雞腎兩串＄28燒雞腎正嘢，雞腎唔韌，唔洗好用力咬但又不失口感，唔乾有肉汁燒到岩岩好夠鐘應該就係呢d，仲一次過一定要你叫兩串，就係知道你一串唔夠食，但係堅係好食，抵佢咁有信心嘅！燒雞翼三隻＄28雞翼size都算大隻，裏面啲肉質滑，無燒乾無雪味，用上香料去燒滋味可口，因為朋友唔識食辣的關係，所以我哋叫咗小辣，但係食完之後我會覺得可以叫中辣，因為小辣唔係好夠味。燒安格斯牛柳粒＄42都係果句，冇諗過安格斯牛柳會係中國嘅餐廳出現，又係忍唔住手叫咗，牛柳粒油香強烈，一上枱已經聞到好香牛肉味，食落肥瘦均勻，有口感又唔韌，一串有4粒，都幾抵食！兩個人食咗＄300唔使，其實最貴都係碟生蝦，如果淨係嗌燒嘢食的話，其實＄200唔使，而且仲食得飽飽嘅，喺九龍城嘅燒烤店來講絕對值得選擇!…Read More

：燒原條芝士茄子 $32 身邊有好多朋友都好討厭茄子，但偏偏我就最愛呢個好好味而且好吸油好肥的茄子 🍆除左經典既魚香茄子，茄子炆米等等，燒茄子都係一個不錯既選擇😙一片片燒見過不少，呢款係原條燒🔥！而且仲要有芝士，芝麻 孜然粉等等調味😋芝士份量唔少 我覺得同茄子唔係好夾，茄子本身燒完會變軟身，同芝士一齊反而令到口感好韌。而且食落冇咩味，全靠孜然粉。⋯食到一半先知原來塊皮唔食得🌚：花枝丸串 & 煙肉荔枝串 整返串串燒呢？呢個花枝丸比起蘭英個個遜色左d😢唔夠大粒，而且冇乜口感，比較實。至於煙肉荔枝串，好特別好得意🌞荔枝酸酸甜甜大減煙肉既油膩感👍🏿不過調味除左孜然粉 食唔到其它味道有咬口到吞唔落既羊肉🐑：燒紐西蘭羊架 $48/2件🇳🇿 好味到唔想評分屋企人同我都一向好鍾意食羊架！見到就即刻order 一上檯見到好大隻好似好juicy咁，而且表面上大量油脂 好似好正！咬左一啖就知道真係好正👏🏾  正到吞唔到 兩舊最後都係我食晒，唔係，係我咬晒但吞唔到👍🏿燒係燒得唔錯 味都好似唔錯 但吞唔到落肚子真係有點兒可惜👋🏼住左九龍城差不多十年有多 出世又係呢到，有咩餐廳未見過。望住一間又一間既新開張又一間既倒閉，係九龍城開餐廳做飲食業的確唔容易呀～味道又要好，又要吸引到d人遠道而來（話晒九龍城都好鬼難去😹）不過我會話，除左野食好味，服務態度都好緊要架！如果你係食service既你都可以去試下呢間 睇下你會唔會覺得滿意啦：）…Read More

專程去九龍城 訂一個靚果籃比老細跟手 隨便搵一民間特色小店坐低平常都十分人氣的巴蜀燒快吃一個晚餐再去睇戲一坐低二話不說order招牌成寨銀針粉 35吃到的是人情味好有懷舊風味細細個去酒樓飲茶成日都會食銀針粉跟這個味道差不多十分足料肉碎+冬菇湯味很濃很香一點都不油膩城寨銀針粉有魷魚~~蝦米~~冬菇等銀針粉很入味柔軟得來都幾滑有咬口~~十分好食京都炸醬麵 28。好早已經售罄咁就一於改招牌六寶麵 33加炸魚皮~~~牛腩兩個人~~~一個食粉一個食麵哈哈當然滿足唔到我哋嘅食慾啦邊食邊聞到串燒嘅香味忍唔住口叫咗燒牛仔骨 28不肥不瘦入口冇渣牛味重金菇肥牛卷 22司華力腸 22燒到外皮好脆而肉都仲好滑我最喜歡就係蜜糖汁燒風鱔 45雖然有點貴但鱔好厚肉沒有細骨令人驚喜的烤鱔香火喉很準確鱔肉仍然十分嫩滑燒雞中翼 28/3蜜糖雞翼十分惹味辣粉很入味外皮脆雞肉柔軟蒜蓉香辣焗凡立貝 48十分大隻的凡立貝帶子肉汁滿滿十分新鮮賣相相當吸引+XO醬食落尚具鮮味唔使半個鐘已經食完呢餐豐富又美味嘅巴蜀燒下次經過先再試吓其他嘢食啦…Read More

再次放學係九龍城搵食, 轉角有一間古色古香的店舖, 貼滿了燒物的相片, 於是入內一試, 可惜中午係無串燒, 要6點後才有.算把, 好耐無食過車仔麵, 都試下啦.店舖有一邊裝修緊, 都算乾淨企理.我地點左招牌城寨銀針粉, 仲有車仔麵.城寨銀針粉有蔥段, 魷魚，瑤柱，蝦米, 冬菇及肉絲等等的醬汁, 冬菇及肉絲好入味, 銀針粉都幾滑, 有點咬口~車仔麵試左好多配菜!招牌水餃足料好味! 必食!墨魚丸彈牙鮮味!牛柏葉厚肉入味!豬大豬幾肥美, 一樣入味!雞中翼及豬手大隻厚肉!估唔到九龍城都有唔錯的車仔麵店!!而且價錢都好抵食!!…Read More

眾所周知九龍城好多泰國菜館，近期經常出沒九龍城既我留意到有一間食銀針粉同串燒既食店星期日晚，我終於一試！一睇到餐牌，我當然即點佢地出名既‘城寨銀針粉’銀針粉一到，第一眼覺得 um...好似好普通既肉碎銀針粉但再睇真D原來有乾魷魚，瑤柱，冬菇湯底好重魷魚味，唔會好咸又唔會覺得好油膩！ 而不得不試佢地既自家制菜脯 有辣有唔辣先試左唔辣，酸酸甜甜！配埋銀針粉一齊食真係一流！而辣味，個人認為真係辣左D，有D槍左湯底個味。之後，我地叫左幾款燒既野食我發覺呢到既醬料都幾特別，唔會好咸而好惹味燒羊架羊架＄48/2件，價錢已經好平！食落口唔‘SO’, 燒到唔會過硬！煙肉荔枝卷煙肉茄仔卷就食得多，呢個第一次食，但有小小燒濃左。煙肉既咸及油 比荔枝既清甜沖和左，食落好唔會覺得好油菠蘿燒得好靚，好甜好JUICY雞翼燒到外皮好脆，而肉亦好滑好JUICY！順帶一提，有位姐姐待應幾好，佢會好主動過黎介紹食品睇下我地有咩需要。另外， 仲有位哥哥好NICE問我地D野好唔好味，又介紹返銀針粉既STORY比我地知。係呢到食野除左覺得食品好外，仲覺得好WARM！值得一試！…Read More

平時經過九龍城，最多的是食泰國菜，所以今次想試一下非泰國菜。經過巴蜀燒，看到這裏有特色銀針粉，很懷念銀針粉的味道，於是便決定一試。當然第一時間點了一碗招牌城寨銀針粉($35)。份量不少，而且放入了肉碎及冬菇。先呷一口湯，蝦子味很濃很香，而一點也不太油膩。銀針粉柔軟得來很入味，完全不像一般食開的金針粉感覺。十分好食。再來點了幾款串燒。燒泰國BB露筍($18)。吃過完全沒有渣，很青綠幼嫩。燒鮮冬菇($13)。燒過隻冬菇很特別，保持了裏面的水份，咬起來很多汁。燒尖椒($11)青椒不會太辣，反而燒過後將青椒的蔬果甜味迫了出來，加上帶甜的醬汁更加提味。鵝肝多士($68)鵝肝上面加了鹽和黑椒以提味。表層稍為燒至乾脆，但裏面還是保持柔軟。鵝肝味道不算太濃郁，完全沒有腥味，但同時亦稍為欠缺鵝肝獨特的內臟味道。下面配上一塊多士，中和了鵝肝本身的油膩感。燒菠蘿($18)菠蘿燒得十分Juicy清甜。燒雞中翼($28)雞翼外層搽了蜜糖和辣椒粉，所以十分惹味。而且肉醃至很入味。於保持了本身的肉汁和油脂，所以雞肉肉質十分柔軟。燒大元貝($68)由於現在是帶子當做的季節，所以帶子十分大一隻。元貝十分新鮮，不論是帶子肉和橙色的部份，都十分Creamy，還加上了XO醬更為提味。…Read More