川魂燒 (Closed)

外賣用叫左串燒同兩碗薯粉，串燒完全無味，牛舌細得黎之餘仲要係凍既，仲有一串雞軟骨，同樣地雞軟骨完全無味，之後個兩碗薯粉d餸係勁少，又係無味，一定唔會再幫襯，垃圾餐廳。…Read More

食左接近二百蚊既串燒份量少都算 9成都係無味既:(:(叫左牛舌，牛仔粒，茄子，韮菜，雞軟骨，燒雜菇，娃娃菜牛舌: 得2件，味道無特別牛仔粒: 40幾蚊得幾粒。。。味道就係成堆蒜蓉味 茄子: 細條，淨係得蒜蓉味韮菜: 無味，得辣椒粉味雞軟骨: 無味x2，得辣椒粉味燒雜菇: 無味x3，仲要有幾舊菇生既。。。娃娃菜: 無味x4，同烚菜一樣味！其實總括黎講，無一樣好食🙂樣樣都無味，好似齋食蒜蓉/辣椒粉甘性價又唔高，座位又迫，張枱擺2.3碟都滿冷氣機拎黎擺，熱到嘔都唔會開見都係新開張，止蝕算啦。:(:(…Read More

黎到長沙灣試新野，入到去以為得串燒但原來仲有麵食。但我最後都揀咗串燒， 大部分串燒價錢都在30元以下。 我在下午茶時段去，這間餐廳沒有套餐全部野食要單叫，所以就算是下午茶時段去都沒有優惠，希望以後會有優惠套餐提供。食物方面我點了一個燒茄子，即叫即整而且大大份，加了點辣粉，味道比較港式。另外又叫了三款其他串燒，燒雞皮和一口牛都在水準之上，都幾滿意，最後埋單差不多七十元。…Read More

50幾蚊嗌咗個外賣，麻辣燙8個淨餸，點知拎到返屋企，每一個餸都勁少份量，菜又得一兩條，少到唔值呢個價錢～橫觀咁多個餸，都係得蘿蔔最多舊，但都得細塊到痴線😂😂😂…Read More

係foodpanda到叫外賣，叫左個8淨餸，肥牛得兩塊，雞翼得一隻，娃娃菜得3條仲要係勁細條，雞串勁細粒，其餘全部都係一件起兩件止，仲要係唔好食，食完又唔飽，食物種類已經小，點解品質同份量唔做好小小呢？你新開張都咁樣擺明趕客姐。…Read More

依間已經幫襯過兩次，第一次食咗個麻辣燙五餸面，可以一次過試五種餸🤩有四款面揀揀咗紅薯粉，好煙韌果然無揀錯！😋個麻辣湯底我揀咗小辣，味道岩岩好，唔會太重口味，周不時都會想食吓過吓辣癮😍😍每款餸有2-3舊，唔多唔少。之後試咗個酸辣粉，都係揀咗紅薯粉😂😂，揀咗四個餸 （娃娃菜、腐竹、腩肉、豬耳）。個人覺得娃娃菜同腐竹到索晒酸辣湯啲味好入味，而腩肉同豬耳個味就比較清淡。呢個價錢黎講如果餸嘅份量可以再多少少就好。個人鍾意麻辣湯多啲，不過酸辣湯啲花生芫荽都好足料，同時又唔會太多食唔晒，酸度亦都岩岩好，不過我鍾意再酸啲。另外，串燒都值得一試，有好多款式揀，味道送啤酒一流！依間野新開張黎講，嘢食嘅味道做得唔錯，經過都可以入去試吓😋…Read More

見有間鋪新開張咪買個外賣試吓要咗個5餸麵，豆卜，豬耳，大腸，雞肉同生菜。返到屋企一打開，見個盒粉同湯分開裝，又幾好👍👍，之後打開發現每樣餸得2粒，最過分係個生菜只有兩條發黃嘅菜🙄🙄講真一個麵50幾蚊啲餸真係少咗啲，希望可以有得改進下啦！…Read More

串燒 麻辣燙 酸辣粉 涼拌全部都有❗️係晚市禁堂食兼限聚令嘅期間，開餐廳真係一件非常有勇氣嘅事，今次呢間小店就帶黎火辣辣嘅麻辣燙！-🥘麻辣燙 (8餸冬粉 $55)1️⃣大大煲麻辣燙，成煲上都只係55蚊，揀夠8款餸相當抵食。2️⃣麻辣湯底麻而鮮，冬粉必叫，索哂湯汁非常惹味。3️⃣配料方面，少見嘅鵝腸絕對必試，爽口脆身，一咬散發脂香。👍🏻7.5/10🍢唔同串燒都係十零蚊一串，相當抵食。1️⃣雞翼燒得外脆內軟，鎖住肉汁。2️⃣牛舌肥美，燒到出哂牛油，切成薄身，更爽而唔韌。3️⃣五花腩肥瘦分明，爽口肥美。👍🏻7/10…Read More

今日去開長沙灣見客，喺天悅附近見到依間川味串燒鋪好似幾抵食🧐 四十幾蚊有5餸1麵，仲又要有新開張85折優惠！另外嗌咗個燒茄子，有驚喜嘅係佢用醬燒而唔係椒鹽！希望快啲開返晚市，下次收工經過可以再去食過😋😋…Read More

放工行過見到有間新嘢，少少地想過吓口癮就試吓。 門口唔算好起眼，可能因為搭左棚，遮住左。 門口有塊灰色簾，有磁石攝住中間，開頭以為係聯埋左新開張未剪開 串燒味道香口，放工經過想食雞軟骨，過過口癮好開心。 好香孜然味。牛舌係薄切，好味，我喜歡厚切多啲。 口感都唔錯。後來加埋五花腩，肥膏係嘅邪惡wor。 下次要試埋紅薯粉麻辣燙 鋪頭係00後開的，好年輕，見佢地逆市創業，都好想支持一下！ 加油哦。…Read More