川都香味園

Open Now

Now Closed

麻辣魚皮必點，價錢好平，岀面好多地方賣緊$5x以上。魚皮好爽脆，調味岩岩好，好食。水煮魚米線同行朋友點嘅，佢話味道好正宗，同埋唔會好油，好好食。肥腸魚麻辣湯米線肥腸洗得好乾淨，唔會有奇怪嘅味道。魚片份量好多，差啲食唔晒。魚片處理得好好，冇魚骨同好滑。餸菜方面除咗主要嘅肥腸同魚，仲有大量配菜架。湯底方面，麻辣湯有得選擇麻度同辣度，今次試左小麻小辣，味道唔錯好正宗，夠味得來唔會好重口味。米線就軟硬適中，正常發揮，唔錯。一樣都係份量好多。

今次去咗元朗呢間隱世川菜館試佢嘅冒菜想講一到中午舖頭就坐滿晒人 尤其係好多中學生喺度食嘢睇到餐牌見到啲價錢都算係好親民下五款配菜加埋一款麵先至48蚊 八款配菜加埋一款麵就58蚊 雖然出到嚟每款餸都唔算話好多 但40幾蚊都可以話好抵喇我就揀咗土豆片，鴨血，腩肉，肥牛片同午餐肉同埋正宗川味麻辣湯（小辣）最特別係有得揀土豆粉 呢個真係加分土豆粉煮到好軟熟好滑好Q彈 又好索湯所以食落好正川味麻辣湯就正常 麻味我覺得唔算好重 個辣都算好勁

我叫外賣平台 投訴分量吾足 魷魚鬚成隻手指尾咁細 同我講分量係今 豬大腸好似未洗過今得臭味 打電話要退款 店員態度超差 之後話到個客錯晒 蕃茄湯完全冇味 2碗完全吾同味 鴨血又係一細塊

豬腸腩肉娃娃菜米線中麻48蚊5個餸每餸份量都比想像中多腩肉係偏向豬肉片 瘦身同譚仔個啲唔同豬腸整體感覺係有認真處理過唔會污糟米線偏淋身同軟 好彩唔係爛融融個啲食材做同煮法同打邊爐無異如果鍾意麻辣火鍋嘅人嚟講應該都會鍾意唔使話特登要去食麻辣火鍋價錢亦唔貴 餸又足料但係有樣缺點就係肉類偏少暫時只有豬同牛可以選擇湯底夠麻夠辣 但未到話有自己嘅特色同好香口店舖裝修一般 整體上嚟講不錯 份量足抵食想過下麻辣火鍋癮可以一試

.元朗近期新開冒菜 | 5餸$48好足料📍#川都香味園🌶️冒菜A餐 $48 + 凍奶茶 $6- 紅薯粉 / 萵筍 / 鴨血 / 腩肉 / 豬大腸 / 黑豚肉- 正宗川味麻辣湯 / 小辣 / BB麻特登叫啲唔係丸啊菜啊既餸😃試下佢咩料🤭- 薯粉幾好食幾彈牙- 萵筍就正常發揮啦- 鴨血應該係啲好平價、冇咩味道亦都冇台灣鴨血既口感、切太薄- 腩肉係平時打邊爐嗰啲豬腩肉- 豬大腸係最出色😻好入味同埋超級爽口 好QQ- 黑豚肉其實都唔錯、有豬味💡全部餸都有四至五舊😱😱😱真心估唔到🫶🏻湯底係真川菜冒菜既大量紅油既麻辣湯😍幾惹味、不過未係好有麻辣香😀可自選辣同麻度👍🏻總結: 見到食在元朗社交平台專頁開始介紹😃所以未洗排隊、平日去食密住都有客入餐廳既😇由於元朗比較多辣野選擇😳呢間未係頭十位、間中食下都ok既😆都真係抵食👏🏻量算多但質素就一般🤗下次試下酸菜魚/小鍋米線🍜——————————————-📍川都香味園📍元朗西裕街5-11號金福閣地下3號舖📆星期一至日：11:00~22:00#hkfoodstep#hkfoodstep元朗#hkfoodstep米線#元朗美食 #hkfood #hkfoodie #

平時食開「成都冒菜」不過天氣熱唔想行咁遠，咁啱搵到呢間新開又近屋企就幫襯下。有卡位，坐得舒服同埋乾淨過成都 （話哂新開）叫左一份冒菜，味道正宗，豬大腸都新鮮，又加多份紅糖糍粑都好食～下次再黎試下酸菜魚同其他小食👍🏼

心心唸唸想係元朗找冒菜吃，終於比我找到呢家新開無耐既冒菜，昨晚6點幾到，客人唔多，座位都幾闊落，坐得好舒服，店家隨即比左點餐紙我哋，咁我哋點左一個中辣毛血旺土豆粉，一個bb辣自選8餸酸湯紅薯粉，份量都幾大份，粉好有咬口，8餸選左蓮藕，豆皮，娃娃菜，海帶結，牛肉，黑豚肉，午餐肉，豬腸，每樣餸都有2-3件，絕對夠吃，辣度都唔錯，吃得辣人士話中辣都好鬼辣，唔到2分鐘就即冒汗，相當過癮，飲品叫左凍檸茶和無糖可樂，埋單$128，超實惠又好味，推薦！

前排夜晚行過見到新開，冒菜可以自己揀餸，又有酸菜魚，都幾吸引。同時間有好幾個人都拎起張點菜紙，想叫外賣食，點知原來已經收舖。今次就喺正常食飯時間過嚟，可以坐低慢慢食。我叫咗五餸配主食$48，揀咗萵笋、油麥菜、鴨血、豬大腸及黑豚肉，主食就揀咗紅薯粉。湯底就揀蕃茄湯，雖然揀唔辣，但都有少少辣，茄味都算濃郁。主食份量好充足，食極都有，唔會太淋，煙煙韌韌，口感一流。配菜味道份量都不俗，鴨血同豬大腸都有5至6件。佢叫咗酸菜魚配紅薯粉$68。紅薯粉份量都係十分充裕，魚片新鮮，都好似食極都有。湯底叫咗BB辣BB麻都好有感覺。以份量同味道嚟講，會有下次幫襯。

啱啱新開嘅「川都香味園」即刻同老婆去試吓啲位都幾舒服，一啲都唔迫👍🏻👍🏻如果以冒菜嚟計$48有五個餸，另加一個主食，真係算係幾抵食！另外仲有酸菜魚麵/牛肉套餐/酸辣粉等等唔同嘅套餐🤩🤩冒菜B餐$58（8餸配主食）肥牛、黑豚肉、魚腐、龍蝦丸、海帶結、金菇、豬皮、土豆片跟米線，酸湯BB辣走麻❤️酸湯都幾酸，食得出似係陳醋嘅酸味，BB辣仲要越食越辣👍🏻米線，唔會太硬，又唔會太淋，份量適中。肥牛有3片正常水準，黑豚肉有兩塊都算幾厚切，魚腐有兩舊都係正常嘢，龍蝦丸有兩粒有蟹籽喺入邊，咬口都幾好👍🏻海帶結有3舊，比較厚身，夠爽口👍🏻👍🏻金菇冇乜特別，豬皮係條狀有3條，比較硬身爽口唔係淋果款👍🏻👍🏻土豆片有3片，都幾大塊，好食🔥🔥🔥招牌酸菜魚麵$58第一次食酸菜魚配火鍋麵（公仔麵）正宗川味麻辣湯BB辣小麻，有幾正喎😆👍🏻👍🏻👍🏻個麵都幾大個👍🏻個酸菜魚湯底都幾正👍🏻推薦🔥🔥🔥都係越食越辣，小辣都食到條脷有麻痹嘅感覺👍🏻👍🏻應該係鱸魚片，有10片，都係厚切同埋幾滑👍🏻推薦🔥🔥喜出望外嘅係，原來除咗鱸魚片外，仲有其他餸，尋寶一樣（生菜、黃芽白、萵筍、土豆片、蘿蔔片、豆卜、雲耳、豬紅）每樣都有少少🫢🫢真係覺