川粵時光小廚

Open Now

Now Closed

作為無飯主婦😂耐唔耐想食中菜🙈咁啱接完收工，係土瓜灣見到中菜館又好多咪錶泊到車😆6點幾full 左一半，就俾個機會佢啦🤭 💫麻辣雞煲雞煲一上枱已經好香，食落唔算太辣有小小麻，唔會太油膩👍🏻👍🏻 本身見佢個Menu唔算太多嘢揀，點不知原來佢有隱藏嘅Menu，老闆娘親自介紹先知有啲咩好推介同新鮮😎 💫金銀蛋桑葉 平時金銀蛋通常配莧菜/白菜，今次配新鮮桑葉，可以清熱氣！個金銀蛋湯好甜又冇味精🤤 💫川味小炒肉本身依個係lunch先有，但係老闆娘話而家開始夜晚都會有😙本身個自己嫌青椒有草青味，但係呢度食落口完全冇，佢配埋少少辣炒落去勁開胃，送飯一流！ 整體黎講性價比幾高，見到隔籬枱有叫海鮮，下次可以試吓🙆🏻‍♀️

昨天路過一間川粵菜館，見到名字頗特別，於是入去試下，豈料有驚喜。先點了一個泡椒鳳爪($32)，味道不像雲南鳳爪般酸酸甜甜，反而有少少辣味，作為開胃菜也挺不錯。然後值得推介嘅係呢個酥炸豬手（$138）：一般嘅德國鹹豬手只有鹹味，但呢度除咗本身脆卜卜嘅豬皮之外，上邊再有一層好薄嘅炸漿！層炸漿做得好鬆脆，又薄又香，師傅嘅技巧可見一斑。不過最難得係豬手並冇炸至乾爭爭，炸香後的豬手切得大小適中，而且筋肉層層分明，外脆內軟，大讚！❤️ 最後兩個人不知不覺已經食晒成隻！另外亦叫咗個小炒王($98)。一般小炒王如果韭菜花太老，會好硬和難咬。但呢度嘅韭菜花非常香甜，好嫩，而且加入咗魷魚、蝦等海鮮，仲有好香脆嘅腰果！整個菜甜甜地，就咁食都好好味。整體嚟講，呢度嘅性價比高，師傅將平常煮得很出色。下次希望可以試吓餐廳嘅水煮魚！

近來土瓜灣新開一家川菜館，有近年風靡香港的酸菜魚、川式烤魚 👅👅👅👅 涼瓜排骨湯（ $ 38 )一盅湯份量、湯料不少，味道微甜回甘，正正是涼瓜的甘味，而排骨熬得鬆軟，兩個人分食剛剛好☺️👅 招牌金湯酸菜魚 （ $ 188 )一大碗金光澄黃的酸菜魚，顧及友人口味點了個小辣。平時在香港吃川菜，最怕遇到一些不會調製酸菜魚的店家，有些會加入辣椒油就完事，結果整碗都是港式辣椒味，十分古怪。而這碗酸菜魚味道頗為地道，咸辣相宜，湯底偏酸，有部分酸菜真的酸得不得了🤣 愛酸之人一定喜歡。估計餐廳用了嫩滑的鱸魚，另外加了點雲耳、芫茜、青蔥，原來芫茜跟酸菜魚同食也頗合襯 😇👅 麻辣雞煲 （ $ 168 )經典必吃之雞煲，濃味偏辣，醬汁平均分佈於雞件，而雞肉數量不少，咬下去一刻醬香四溢 ☺️👅 蒜蓉炒油麥菜 （ $ 78 )吃川菜魚不可以一味點大油大辣的菜式，為了平衡整頓飯的味道，點了一碟炒青菜。蒜蓉爆炒後香氣四射，嫩綠的油麥菜口感爽脆，為這一餐帶來一點清新 🥬🍹 大檸茶 ( $ 38 )一大札凍檸茶只是 $ 38，可分到 8-10 杯，清涼、酸咪咪 😝▫️◾️▫️◾️▫️◾️▫️◾️▫️◾️▫️◾️▫️◾️▫️川粵時光小廚 (土瓜灣)📍土瓜

早幾日夜晚無煮飯, 同屋企人落街諗住求其食, 醒起係附近新開左間食川菜中菜店, 見到都有川菜又有家常小菜可以叫, 所以就去左睇下有無位, 好在去到唔洗等, 有張二人枱可以立即入座睇左陣餐牌, 見到有我地至愛既酸菜魚同土豆絲, 所以就叫左依兩樣, 另外店員再推薦是日中湯有涼瓜排骨湯, 叫左一盅試下店員推薦嘅靚火中湯，涼瓜啱哂依家天氣熱消暑，食落一啲都唔苦，有回甘味，個湯飲落完全無味精，清帶甘甜味道，值得一試依度嘅下火靚湯招牌金湯酸菜魚估唔到份量同平時出去食酸菜魚店既差唔多, 魚肉好滑嫩, 而且一啲魚骨都無, 湯入面有好多酸菜、粉絲、雲耳同金菇等等配菜，我地叫左小辣，食落個辣度都唔惹少，愈食愈嗆喉，而且味道濃郁又夠入味，食完一啲都唔口渴，幾有驚喜🥰酸辣土豆絲食川菜必點之一，土豆絲口感爽脆，味道夠酸，好醒胃大檸菜食食下見隔離枱叫左渣大檸茶，我地都跟住叫左1渣，同平時茶餐廳飲到嘅一樣味，加分係唔會太甜同埋依個價錢好抵飲啊

家常小菜再encore早排喺土瓜灣做跑腿 發現呢區有好多地踎小菜館 今晚繼續尋寶 去新碼頭街一間街坊小菜館 食住家菜-🦑椒鹽鮮魷魚鬚 $118先嚟一round香口小食 魷魚鬚沾上嘅粉漿唔厚 所以外皮勁酥脆😍 椒鹽味同辣度🌶️唔算明顯 蘸喼汁食反而唔錯 滿口嚼勁 充滿大排檔風味-🥘木桶蒸雞 $128/半隻滑雞件連皮帶肉 蒸得剛剛熟 雞皮滑嘟嘟甘香可口 加埋雲耳蟲草花 半隻雞好快好易食完-🥗欖菜四季豆 $88呢味家常菜 百吃不厭 四季豆翠綠爽口 油潤有光澤 醬汁肉碎勁香濃惹味 相當好下飯🍚-📍川粵時光土瓜灣新碼頭街8-26號恆景閣地下1A號舖

📍 川粵時光小廚🌍土瓜灣新碼頭街8-26號恆景閣地下1A號舖 Shop 1A, G/F, Hang Chien Court , 8-26 San Ma Tau Street, To Kwa Wan📝整體評分：７／10⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⤫ 生啫臺山花 ⤫ ＄７８好難得菜可以咁好食，加入唔知咩醬，炒到西蘭花勁香，略嫌多油。腩片肥膏位置彈牙，肉質算嫩。⤫ 椒鹽海中蝦 ⤫ ＄１１８脆得黎唔硬，連殼食，愈嚼愈香口。炸蒜同橄欖菜，好似仲混入左少少辣椒籽，有少少辣勁~⤫ 魚皮 ⤫ ＄３８ 魚皮超級爽脆，麻勁十足，香油勁吸引，令你一口接一口！⤫ 四川口水雞 ⤫ ＄４０成隻雞脾位置，皮爽肉嫩，辣中帶香、香中帶麻~

非常有人氣的街坊小店，剛好我們來的時間有有位置，等我們吃到一半左右，門外已經有人在排隊了！菜式就如其名，有粵式的，也有四川的，雖然不會有很多選擇，但常見的都有！水煮牛（１１８元）面上全是牛肉片，而且牛肉片都是比較大片的，有醃過的，吃起來挺嫩的！水煮辣度不算太高，約微辣，但味道挺香的，帶點麻！下面還有大量的芽菜和粉絲！整體挺惹味的！木桶雞（１２８元）即叫即蒸的雞，來到新鮮熱辣，雞剛剛好熟，吃起來非常嫩滑多汁，就算雞胸也一樣，味道蟲草花的香味，再加上醬油香，拌飯一流！蒜蓉炒油麥菜（７８元）炒得火喉不錯，蒜香味十足，油麥菜又滑又脆又嫩！麻辣魚皮（３８元）店員特別推薦的，想不到還挺有意外的！吃起來非常爽脆，完全不會腥，味道麻麻辣辣的，但不會太辣！

樓下新開左間川菜，上網 google 過以前佢地係港島有分店，唔知點解後尾執左，但見人潮不絕，川菜愛好者如我當然要試下佢咩味道 🤤🤤麻辣雞煲就算平時食開譚仔4小辣既都會食到 ，有鑊氣，花椒既麻辣味令人愈食愈過癮 ，都幾好食 😜酸菜魚（小辣）大大片既鱸魚，魚肉偏實，呢個價錢黎講份量算多 ，湯汁偏酸但可接受，如果就咁食粉絲同魚就唔太覺酸，而辣度剛好唔會掩蓋魚既鮮味，都算不俗之作 🫰🏻講開又講，見隔離枱叫左個水煮魚，職員當場係水缸捉左條活魚上黎煮，成件事好新鮮 🤣🤣

不想再吃網紅店連鎖店，最近到訪這間位於土瓜灣的川菜，這個地區以住宅為主，餐廳的裝修是比較平實的類型，新店開張沒有很久，還是不缺捧場客，還有是我最喜歡的川式口味，真的比起連鎖川菜餐廳好吃太多，每人平均消費也是150，在香港真的算是很經濟實惠！定價非常合理酸菜魚$180 份量很足，特別喜歡鱸魚的口感，完全沒有骨，藤椒味道麻麻辣辣，是我在香港吃過最好吃的酸菜魚其中之一，喜歡吃酸菜魚一定要點，而且本來已經附上粉絲 和金菇 ，吸滿湯汁很美味燉湯方面，黑蒜排骨湯非常足料，很暖胃非常滿足，認真製作蔬菜方面，炒花菜也是去四川餐廳必吃的，最緊要係夠鑊氣，非常惹味

椒鹽鮮魷魚鬚，炸得好香脆，不厚粉，feel 到即叫即炸，魷魚鬚彈牙爽口，感覺都幾新鮮，重點係食落口，一d都無油膩感覺，推介！值得一試！小炒黃牛肉，有芹菜，蘿蔔，辣椒，牛肉好嫩，炒得剛剛好 ，牛味突出，而且份量都幾多！整碟餸都好夠鑊氣！配飯就一流。蒜蓉炒蕃薯葉，菜都炒得好好味，好嫩！！小菜，醬香蘿蔔，都幾特味，味道較濃！見到餐廳有酸菜魚，烤魚食，但因為今次同媽媽兩人食，食五到甘多，下次要試吓酸菜魚，價錢方面好合理！

📍土瓜灣《川粵時光》四頭鮑好入味🤤👍🏻💯必食推介大大隻 非常美味 而且好扺食只係$68咋‼️🤩一人一隻😬🔥烤魚🐟🌶️ 我地揀咗🧄蒜香味份量好多我哋兩個人 低估左佢喇🤪🤪(店員話係寧波魚 唔係爐魚)d肉幾實 幾彈口 唔錯👍🏻好飽 兩個人先剛剛食得曬另外 叫左碟通菜店員好nice主動介紹唔同嘅川/粵菜比我地如果我哋唔係比條烤魚填滿左個肚嘅話…真係好想叫多1-2個餸😜🤭好似招牌雞煲翅,酸菜魚,燉湯都幾吸引😍見到隔離枱6-8人叫左龍蝦🦞好大隻店員話要一早預訂幾吸引😙 下次試吓先

難得早收工，當然要慰勞下自己食餐好既(˶‾᷄ ⁻̫ ‾᷅˵)呢晚就去左食屋企附近新開嘅中菜館餐廳唔算好大，但座位舒適闊落叫左3餸1湯，食物都係水準之上價錢合理性價比極高❣️-花旗參燉雞湯 $48💰燉湯十分足料，除左雞之外，仲加入咗瘦肉嚟燉，湯水鮮甜回甘，花旗參味濃，但甘而不苦，呢排日日捱夜呢碗真係救命湯水❤️-冰鎮咕嚕肉 $128💰咕嚕肉外脆內軟，口感外冷內熱，食完真係透心涼，而且醬汁酸甜度適中，非常開胃😋冰底啲肉真係食到最後都脆卜卜，絕對係好 考功夫嘅一道菜式，真係好好食十分驚喜-金銀蛋桑葉 $88💰比較少見餐廳有，桑葉其實營養價值好高，又清熱解毒，最岩夏天食仲要係金銀蛋做法，鹹鮮味甜，食完個人係好舒服-招牌金湯酸菜魚 $188💰食親中菜川菜都必叫酸菜魚🤣湯頭濃郁，香麻酸辣好有層次魚片嫩滑，而且配料豐富比較特別既係佢係配粉絲而唔係常見既薯粉 或寬粉，粉絲吸晒湯汁非常惹味😋