川滿居 (京都廣場)

Open Now

Now Closed

最近和朋友去了銅鑼灣的川滿居 有各式各樣的特色川菜 可以按個人需求選擇辣度🌶️ 雞煲和酸菜魚份量也超多！😆♡ 川香鮑魚雞煲 HKD168雞煲很入味 雞件很多 我們選擇了小辣 微微帶麻但唔算好辣～♡ 金湯酸菜魚 HKD188酸菜魚份量好多！魚塊好滑 仲有好多唔同配料 個人最鍾意就係佢仲有好多薯粉🥰🤤 我哋叫咗小辣 同樣唔算好辣～♡ 黃金蝦球 HKD128我同朋友都好鍾意嘅一道菜！蝦球好大粒而且好彈牙 好香鹹蛋黃味 但係又唔會太漏 ！♡ 乾煸四季豆 HKD72四季豆都炒得好香身～ 好惹味(˶ˊᵕˋ˵)

今晚去川滿居嘅呢場美食盛宴，絕對係味蕾嘅探險之旅金湯酸菜魚金湯香氣四溢，酸菜爽脆帶微辣，配埋滑嫩嘅魚片，每一啖都刺激味蕾，酸爽之餘仲帶啲回甘，令人忍唔住一口接一口！涼拌毛肚絕對係爽脆之最！毛肚夠哂彈牙，冰冰涼涼，配埋香辣醬汁，入口微麻帶香，刺激感啱啱好，完全係夏日開胃神器！京蔥羊肉配麼麼皮真係意外地驚喜！羊肉軟嫩無羶味，搭配京蔥嘅甜香，味道層次豐富。再加上麼麼皮，薄而彈牙，包住羊肉咬落去啖啖肉汁，簡直係幸福感爆棚！呢餐真係唔止滿足味蕾，仲係一次味覺探險，酸、麻、辣、香、甜，每種味道都恰到好處。下次再嚟，仲想試埋其他驚喜，睇吓仲有咩神級美食等住我哋！ 🍽😋

駱克道餐廳琳瑯滿目，要刺激一下辣度除了以前的傷心酸辣粉，今次晚餐同友人就黎附近的香鍋聞名的餐廳。比放工時間提早到，還好晚餐不用排隊，還有卡位選擇。#麻辣香锅 本身源自於重庆和四川地區的川菜，以麻辣鲜香、食材丰富大雜燴。香港好多餐廳例如連鎖十二味都有，餐廳都系採用自助QRCODE落單，DIY我選擇的香鍋，通常以麻辣为主，選了BB辣融入不同香料（如花椒、干辣椒、豆瓣酱等），也可根据喜好调整辣度（微辣、中辣、变态辣）。食材完全可以自由搭配所有食材大雜燴，而且有好多備註，我加了勁多備註。而香鍋的肉類，通常肉类我選擇了肥牛。 蔬菜一定要選擇土豆、莲藕，花菜，豆芽等。豆制品方面如果有豆腐皮，腐竹，更好。因為我配料都加了5-6種，完全無叫白飯。薯粉都無加，🤣香料爆炒之後混合食材的香味，湯汁少，食材更焦香。#蒜泥白肉 呢間無醋，都是辣油和蒜蓉的鋪墊，當是川菜冷盘，佢的地方肥瘦相间的五花肉加蒜泥酱汁，雖然不是蒜泥蓉，但脆卜卜的蒜粒，辣椒油，搭配口感层次丰富，肉质紧实弹牙。如果太油膩，也有传统搭配黄瓜丝、豆芽等清爽蔬菜，增添脆嫩口感，平衡油膩。肥瘦交融、蒜香霸道的味道，呢兩個餸的確令味蕾噴發，非常过瘾！#

結束忙碌的工作日後特意以正宗川菜犒賞自己踏進餐廳，就被濃郁的中式裝潢吸引，紅色燈籠高掛牆上掛著京劇臉譜和傳統裝飾，還有寫滿中文字的木桌將四川麻辣風味帶到香港，讓食客感受到濃濃的川渝風情麻辣香鍋任選五餸起炒，挑了牛黃喉、肥牛、豬大腸、牛筋丸和牛百葉川香鮑魚雞煲雞肉嫩滑，搭配青椒和香菜，味道層次豐富熗炒萵筍絲清爽開胃，翠綠脆嫩，配上微辣的乾椒，酸辣平衡，解膩一流飲品凍檸樂酸甜清新，冰涼的口感正好中和辣味

今日想食下辣野，就搵到銅鑼灣呢間川菜小店試下，呢間川滿居都開左好耐，確實係以質素取勝👍🏻👍🏻👍🏻金湯酸菜魚 $188酸菜魚份量超多，呢個價錢相當抵食，魚肉爽口又夠滑，配料都非常多，有幾款菇，酸菜，薯粉超彈牙，真係必點金牌滑田雞 $128田雞好新鮮，炒完出黎都白雪雪，髀有好多啖啖肉，配埋萵荀炒得清清地幾好孜然牛肉配6張麼麼皮 $88呢個牛肉好滑，配埋洋蔥炒非常惹味，呢個濃味同麼麼皮一齊食好match

我同朋友都鍾意食 #酸菜魚喺銅鑼灣行完街就去醫肚仔就去到位於銅鑼灣主打四川同京川菜 「 #川滿居 」餐牌有多款辣同辣嘅菜式選擇就算大人細路都好啱食喔最後我哋order咗幾款菜式大家開心share食❣️⊰⊹════════════════⊹⊱💬 ✎ 食後感 ：✨#大金湯酸菜魚酸菜魚迷的我們揀選了BB辣好鍾意魚湯味道很濃郁桂花魚魚肉份量很多魚肉質感滑溜、多肉少骨少少辣酸酸地真係好開胃送白飯一流之選#孜然羊肉（配6張麽麽皮）用上洋蔥炒香的孜然羊肉羊味香濃肉質好腍配上麽麽皮包住食可以中和油膩感#滕香雞雞件多肉少骨而且雞皮薄肉質鮮嫩味道清香鮮麻口感帶微辣好惹味每人飲番杯百香果檸檬茶及酸梅湯爽一爽喉嚨喔最後還有甜點 #紅糖糍粑外皮酥脆內裏軟糯為豐盛的川味融合菜畫上句號。

呢日同朋友一齊嚟咗呢間喺銅鑼灣嘅樓上川菜餐廳食午餐🤣$198「鮮椒魚」：大大一盤上枱，魚肉肉質幾鮮甜兼幾軟滑，味道又麻又辣，魚湯就幾濃郁🤩；配菜有 青辣椒、紅辣椒、脆口嘅蓮藕片、藤椒、大豆芽菜、薯粉 等，份量相當多😋$98「孜然肉片 Cumin Pork Meat（配6張麽麽皮）Served with Sesame Peel (6pcs)」：豬肉片炒得幾軟熟，仲加埋大量洋蔥一齊炒，味道甜甜哋😋；又可以用「麽麽皮」包住豬肉片同洋蔥一齊食🤩$38「蒜香拍青瓜」：青瓜新鮮爽脆，加咗大量蒜蓉簡單幾好食🤣$18「熱檸水」：去油膩非常好 🤣$18「熱檸茶」：配味道濃郁嘅食物好夾🤣$15「白飯一碗」🤣食得飽飽嘅一餐🤣

搵到一間位於銅鑼灣嘅四川菜，可以加好多配料落去個水煮牛肉入面，望落去超大碟 真係好正啊🥳今次我就點咗芝士腸萵筍放埋入去一齊食，原來入面都有青瓜同埋金菇，水煮牛肉 牛肉鮮嫩，搭配香辣的湯底，每一口都讓人感受到麻辣的刺激，十分過癮。蕃茄炒蛋 色彩鮮豔，蕃茄的酸甜與蛋的滑嫩相得益彰回鍋肉 五花肉經過重炒後香氣四溢，外脆內嫩，與青蒜的清香形成絕妙的對比，令人食指大動。拍青瓜 清脆爽口的青瓜搭配醬汁，既清新又開胃，是夏季的完美小菜，前菜食佢真係唔錯

今日去銅鑼灣買嘢，之前聽朋友介紹Lee間“川滿居”啲嘢幾好食，於是就去試下。去到人山人海要等位，亦都見有好多外賣order，食物質素應該有保證。午餐多選擇又抵食，見店員做到冇停手。甘湯酸菜魚：我哋點咗唔辣嘅，非常大碗，份量非常足。魚片好大塊，彈牙爽口，鮮美，湯底味道非常鮮味，配埋酸菜同其他菇菇類，同埋爽滑嘅薯粉，每樣都好食！京蔥牛肉配麼麼皮：京蔥香氣撲鼻，牛肉非常入味，用煙韌嘅麼麼皮包住材料，蔥嘅爽，牛肉嘅嫩滑，口感好有層次，送飯一流。仲有可樂同柑桔檸檬，暢快！

Keep住番食再番食既餐廳 午餐menu 其實有辣有唔辣 有菜有肉 任君選擇。 鋪頭唔算大，所以lunch 上黎要預早少少。熱炒香鍋 可選三餸 香鍋係車仔麵嘅玩法 大概有30種左右嘅配料任你選擇。揀咗牛筋牛舌同雞比菇。 雖然有好多辣椒係裹面。不過其實只係揀咗小辣而且啲辣椒只係裝飾🤣 口味方面 有幾種選擇，分別係香辣，麻辣同埋唔辣既醬香。 今次揀左麻辣就會多啲花椒 會刺激啲。 同事揀既醬香 蒜蓉炒無辣味 但蒜蓉又係另一番風味另外如果夠多人一齊食，下次想試下單點既片皮鴨同埋酸菜魚。

話說我同O先生前晚放工後，決定去呢度試試佢哋嘅川菜，呢間餐廳嘅麻辣風味真係好吸引！餐廳位於京都廣場，好近地鐵站、環境簡約舒適，帶點街頭風，啱晒放鬆食飯嘅心情。我哋兩人點咗四款菜式同飲品，首先係招牌烤加州爐魚（香辣BB辣），魚肉嫩滑，烤得外脆內軟，香辣BB辣真是一個驚喜！辣度適中，辣香撲鼻，食到我哋一邊流汗一邊讚好，份量仲好夠二人share，如果唔夠食仲可以添加配菜添。霸王蝦球係另一亮點，蝦肉彈牙新鮮，濃郁蝦香同微微甜味好開胃，O先生話呢道菜係全晚MVP！清炒時蔬就中和咗辣味，清爽脆口，簡單但好平衡整餐嘅味道。飲品方面，我揀咗百香果檸檬茶，酸甜清新，解辣一流；O先生試咗桃之夭夭，桃香濃郁，帶點氣泡感，飲落好refreshing。服務方面，店員好親切，細心周到，見我好似覺得辣，仲主動問我要唔要俾杯水我添。整體黎講，呢度嘅川菜夠正宗，食材新鮮，味道層次豐富，特別推介鍾意辣嘅朋友試吓！下次想試佢哋嘅水煮牛肉！

去完附近百貨公司嘅感謝祭，都係時候祭一祭個五臟府，上黎呢間，睇完餐牌，就可以自己掃二維碼落單。其實唔多明解蕃茄牛肉炒蛋 ($78)會係川菜店餐牌出現，以為係廣東菜式，不過想食就夠啦。賣相似阿媽手勢，有蛋香，味道酸酸甜甜，成為偷飯賊。一餐中不能無菜，就簡單地黎碟清炒萵荀絲 ($66)。確實係清炒，無任何配料，食到萵荀絲嘅清甜爽脆，可以形容為川菜中嘅一道清泉。加多個招牌香鍋，有辣有唔辣，辣嘅可選麻辣或香辣，選醬香($28)就唔辣，仲帶少少甜甜地，幾惹味。自選食材，有海鮮，肉類及蔬菜類，五餸起。呢鍋有鷄件($42)，鮑魚($68/4隻)，牛肚($46)，豬皮($36)及花菜 ($26)，加埋蔥芹芫茜，份量足夠2-3人食。鮑魚夠厚身，入口彈牙。鷄件經過爆香，仲有豬皮可以索醬汁，送飯無敵。今餐有凍檸樂($24)同凍檸茶，大大杯，解渴之選。上菜速度快，但無限用餐時間，本來想食埋糍粑，但實在太飽，唯有寄望下次。

呢間真係我最近如果又諗都要食川菜就會去食嘅飯堂，尤其是午餐時段超級抵食。 我鍾意食到連去同屋企人食飯都推薦食呢間，呢日我就係去咗同屋企人食，所以就叫咗好多款同川菜食物食得川菜，第一樣一定係要食大盤花菜， 調味適中，微微辣再加上是椰菜花，簡直係絕配其次，我推薦食酸菜魚，午市黎講呢個份量係相當大份，魚肉唔單止滑，而且冇骨，女仔嚟講一定食到捧住個肚走。 再來就是推薦這個酸菜炒豬大腸，愛嚟送飯真係一流，呢間餐廳用嘅酸菜唔會係死鹹，而且仲會有一份甜甜地嘅味道，再配搭埋豬大腸呢啲爽口嘅小吃，超級好味片皮鴨係我意料之外覺得好食嘅嘢，因為冇諗過食一間川菜入邊都會有片皮鴨食，肥瘦均勻，而且肉質厚實， 推薦人多嘅時候可以試吓。

惹味香鍋最欣賞川滿居的酸菜魚和麻辣香鍋。這次再次到訪，點了一個麻辣香鍋，選的配菜有小酥肉，午餐肉，豬大腸，雜姑，豬頸肉和茄子。小酥肉是即炸的，香脆可口，小酥肉一點都不小，大得像豬扒😆。午餐肉經煎炸才放進香鍋的，忍不住一口接一口。雜姑有點硬。豬頸肉和茄子是最好吃的，豬頸肉入味，茄子把香鍋汁全吸入。香鍋可隔個人喜好而加入配菜數量和款式。兩人點了6款配菜，加了一碗白飯和一份麼麼皮（把午餐肉夾在麼麼皮是特別好吃😋），份量足，吃完棒著肚子！辛辣🌶️度亦可自行選擇，受刺激的可選中辣以上，如不能吃辣的亦有bb辣選擇。

今日約咗朋友去銅鑼灣行街, 就去咗川滿居食晏。去到已經有幾台食客等緊，見佢嘅午餐Set價錢非常親民抵食，有好多熟客幫襯。店員忙過不停，但亦有禮招呼。金湯酸菜魚：我哋order咗唔辣嘅。上枱賣相吸引，份量非常足，有芝麻做點做嘅魚片，非常彈牙鮮味，大大塊，好正！酸菜，菇類，薯粉，掛湯入口順滑，湯底嘅酸味恰到好處，跟襯托出食材嘅鮮嫩。京蔥牛肉配麼麼皮：陣陣香氣撲鼻！牛肉醃製得非常入味，肉質嫩滑多汁，配上京蔥嘅香氣，風味非常，用麼麼皮包住嚟食，口感獨特，令人一口接一口。飲品就有凍柑桔檸檬茶同凍檸樂，清涼怡神。