Sichuan Lab (Closed)

雖然無話中午唔可以食火鍋，不過烚下烚下呢個動作，都係夜晚做才更盡興。所以一恢復晚市堂食，即刻同大家去川流打邊邊。點好渺湯底及食物，店員隨即奉來免費既Welcome Drink，係茉莉桃橙和麻辣荔枝烏龍，幾過癮。湯底滾起需要時間，食住胡椒餅和涼菜慢慢等。胡椒餅鬆化之餘，精髓係用上柬埔寨既貢布胡椒，香氣與別不同，推薦大家試試。麻辣鴨血個味型對辦既，但切得比較細粒，影響左少少口感。川北涼粉夠滑，辣得來清爽。蒜泥白肉贏在肉質，唔會乾柴柴，辣味加埋蒜香，岩我心水。要左個鴛鴦湯底，酸菜魚湯及珍菌番茄豆腐濃湯鍋，另外加多個辣推出既三十三香辣火焰醉雞鍋。鋪滿辣椒花椒的醉雞鍋，對於辣友而言係吸引既。店員會即場淋玫瑰露，引出火焰，已經完全考慮晒打卡既因素。唔中意玫瑰露嗰種味既話，亦可選干邑或冧酒，好鬼Flexible。雞件長期保持嫩滑，辣勁沒想像中強，而是滲出陣陣麻香，與及點點的酒香，廚子好聰明咁加左茄子及蒟蒻兩款索味既東西墊底，自然精彩。酸菜魚個湯底都唔錯，酸酸地又微辣幾開胃，我個人會喜歡酸菜魚多於水煮魚。睇下啲配料，蟶子皇爽脆，建議放唔辣既湯底。鱔片肉質實爽好味，亦無細骨，比預期中更好。蝦丸當然係手打，口感彈牙，特別在於個酒香，打邊邊食醉蝦丸我都係第一次。香港人打邊爐又點可以無牛，點來份拼盤，不過其實幾款之中，簡單既牛頸脊始終係最合心意，呢度既牛都好軟滑出色。辣友意猶未盡，整碟苕粉放入麻辣鍋那邊，將佢既精髓一滴不剩吞晒落肚。最後食埋韭菜餃、松茸野菌福袋和藐菜籃，飽到上心口。要分兩枱始終未夠盡興，等限聚令再放寬，到時可以八個人圍埋一枱食，仲爽！…Read More

太好了﹗終於回復晚市堂食，可以同朋友去食麻辣火鍋啦﹗ 說實在，有4位以上去打邊爐，確實可以試多點食物﹗連湯底都可點多幾款，過足口癮呀﹗食麻辣火鍋，當然要選間高質食肆，唔好浪費 quota 嘛﹗這晚就去城中火辣四川料理及火鍋熱點｢川流｣ 聚一聚，細味四川菜的甜、酸、麻、辣、苦、香、鹹。 在點餐途中，餐廳送上Welcome drink(茉莉香桃及荔枝麻辣烏龍)，太貼心了吧﹗  餐前小吃呢，胡椒餅是必吃的，採用了香氣獨特的貢布胡椒，並加入四川臘肉，味道氣味更有層次又香口。 蒜泥黑毛豚白肉，沒有那脂肪層，沒有肥膩感，可以更盡情地吃，肉質爽嫩，若多點生蒜的辛辣味會更美味﹗ 嫩滑的麻辣鴨血也不是太麻辣，怎麼看著看著，我覺得有點似麻婆豆腐呢~ 哈哈~ 三十三香辣火焰醉雞鍋，客人可按喜好選用干邑、冧酒或玫瑰露，味道來得更有層次，更濃郁香醇。鍋中有蒟蒻、茄子等配料，急不及待來件嫩滑雞件，酒香肉香麻辣香，實在惹味；待酒精發揮後再嚐嚐，肉味更是香甜。  心思思想試多幾款湯底，我們都點了鴛鴦火鍋，每款各有風味，辣或不辣，任君選擇： 川味麻辣湯鍋 | 貢布胡椒豬骨湯鍋 酸菜魚湯鍋 | 珍菌蕃茄豆腐濃湯鍋 甘甜鮮味的海鮮，搭配任何湯底都難掩其美味程度，鮮甜爽彈蟶子皇、爽甜桂花蚌、嫩滑台山蠔，好滿足呀﹗ 手打蟹籽鮮蝦滑是醉醺醺系列中的｢海蝦醉了｣，酒味香濃突出，鮮甜美味又有口感，同場還有手打墨魚滑。  麻辣火鍋不能缺少的嫩滑鴨血，越滾越好食﹗松茸野菌福袋，本身已有菇香，用貢布胡椒豬骨湯烚一下，一口咬下，那胡辣湯汁一同溢出，好美味﹗ 炸響鈴最吸汁，放到酸菜魚湯鍋中烚2-3秒，酸酸辣辣的沖擊味蕾。 什餃拼盤及蔬菜呢，我就不敢放到麻辣或酸辣鍋中啦﹗放到勁多配料的珍菌蕃茄豆腐濃湯鍋中，更能充分釋放出蔬菜原本的鮮甜度，好搭配呢﹗   …Read More

疫情緩和食肆多返人有返啲生氣😎見川菜館推點心放題就黎試吓有冇咩特別呢個係星期六日menu，如果係weekday會包多幾款主食，weekend就主要食點心。餐廳會先offer全部點心先上一round，有咩唔想要可以講定先，我哋怕太飽放棄左素菜包，其他都有試。上到黎每樣野都係細細份👍🏽唔洗好快就飽左，蝦餃燒賣豆苗餃呢啲同平日飲茶差唔多，無咩特別，味道唔錯嘅😊好鍾意個酸辣抄手，前後叫左4份🤣😎爆汁芝麻牛肉鍋貼都好好食，juicy帶麻香🧐蔥油餅形狀好特別，一舊卷咁，不過我prefer平日食開一塊塊嗰啲😆燒鵝包、魚香茄子芋角都係啲較特別嘅點心，好食嘅，無伏Salad bar有唔少冷盤選擇，每樣都配唔同sauce，可以每樣都試吓，個人特別喜歡酸辣拌闊粉同五香牛肉。仲有kimchi，要健康嘅都有菜salad嘅🤣最後食多碗豆腐花解辣就啱啱好！90分鐘食係有少少急，食物水準唔錯，環境舒服，值得黎食…Read More

又到星期日。疫情下，只可以兩口子吃下午餐，四圍逛下，已是最好的節目。在Open rice 找找，今天選了川流吃頓午餐。以為吃川菜，應該是較辣較濃味，原來又不是，食物較接近港式茶樓口味。這店子近灣仔地鐵站，在大有商場對面的小巷子。走過小巷，看見川流的招牌，卻看不到店子入口，再回頭走一次，哦！原來是一道黑色的趟門，要按制才能進入，真有點神秘。店子不大，燈光較一般酒樓暗，可能配合神秘情調感覺吧😄待應招呼都頗殷勤，說午餐可單點或放題。我們點了菊花茶後，決定吃放題，因為價錢不貴，又可多試幾種點心。雖然放題點心種類不多，待應說第一輪會跟餐牌上的點心每款兩件上，我倆吃得不多，所以太飽肚的都不想試，芋角，葱油餅都不吃，其餘的都試了。點心是即蒸煮的，慢慢上，都好吃。蝦餃，牛肉煎鍋貼，燒鵝包覺得特別好，再多點了一次。在吧枱上還放了一些冷盤，也走出去看看，試了牛肉，捧捧雞，蒜泥白肉，只有五香牛肉較好，但夾食物的工具很難用，要較大力才能夾起食物，不知是否以防客人大批取物呢🧐已經太飽，無法吃甜品了，原來已吃了超過一小時，待應提示已到了最後下單時間，因放題是90分鐘的，我倆已吃不下，就埋單離開了。四百多塊，食物好，環境座位不錯，客人相對斯文，說話聲量小，都是吃得舒服的一餐。抵食。…Read More

🤰🏻平時好少食中菜，平時通常都係同啲fd去cafe 打卡chill下🤣而呢間灣仔嘅川菜比🤰🏻感覺好特別呢餐廳係以黑色為主，環境似西餐多過酒樓，唔知食物質素又得唔得呢？🌝沖繩黑糖糍粑＄78對於糖份愛好者黎講呢碟岩哂🤰🏻口味，外脆内軟，熱辣辣軟棉棉唔會太粉黑糖味勁香🤰🏻諗返起都好回味。🌝灌汁小籠包＄78皮薄多汁餡靚夾落去啲皮唔會溶溶爛爛咁咬落落爆哂汁最得意係醋用滴管裝著食之前就好似打針咁唧入去小籠包內🤣🌖雞汁鍋貼＄58咬落去同樣爆汁，外皮脆又唔會太油。水準之上🌗松花口水雞＄158🤰🏻唔太食得辣，但佢呢個口水雞都唔算太辣麻香多過辣，啲雞肉都算係嫰滑嘅，不過就唔太多雞肉。性價比唔算高🌗乾煸四季豆＄128🌗魚香茄子＄128呢兩樣都不過不失啦同出面茶記食嘅差唔多味，…Read More

趁聖誕節假期最後一日去食點心放題。之前7月都食過一次，果陣仲有OpenRice 訂位8折，不過呢個promotion 已經完左，OpenRice 訂位優惠只限單點。食物同上次差唔多，點心大致上都keep 到水準，蔥油餅同燒鵝包最好食，炒手第二轉夠熱 好食過第一轉，其他點心都唔差，唯一係小籠包好難食。自取小食既牛肉好食，薯粉都好。$25位茶，叫左香片，係香既茶。食物同上次一樣，但係無左8折感覺上唔抵，短期內應該唔會返兜，除非有折！…Read More

🎄聖誕食辣野🌶今次試下位於灣仔薈賢居的「川流」，是如心酒店集團的川菜食府。「川流」承傳經典廚藝並注入嶄新意念，又有多元化的雞尾酒、日本清酒和餐酒系列，很fusion。餐廳裝修以黑色為主，配合吧枱酒杯，很型格餐前小食：4款小食，咸蛋王花生，香口。枝豆看似普通，原來醃過麻辣，辣油好刺激。辣泡菜醒胃。甜爆谷中和下辣味，幾有趣。老鷹茶： 店員介紹此人波咖啡因，吃辣時可保護胃，果然飲完冇失眠👍🌶🌶素菜川式滋味 每位HK$288【頭盤】川流拼盆 🌶️ 🌶️( 薑汁花生芽 松花口水豆腐 藜麥手撕茄子 )薑味十足有d辣，但配埋又辣得過癮，花生芽好脆口水豆腐好嫩，配埋口水汁及皮蛋，好味茄子肉， 藜麥，感覺有益【湯品】清燉菜膽北菇湯：湯清但又香又甜，菇味和蘿蔔味濃，飲完暖笠笠【主菜】泡椒上素獅子頭 🌶️ 🌶️ 🌶️： 賣相好吸引，鮮茄加辣，豆腐做的獅子頭，飽肚不肥膩青花椒鍋燒魔芋素雞 🌶️ 🌶️： 魔芋煮淋配花枝濃汁，有麻辣鴨血的口感，粒狀萵苣一邊切成幼梳，極入味【麵類】清湯自家素水餃配手工掛麵：手工麵幼滑，素水油麻油香，餡料十足【甜品】🌹玫瑰吐司抄手 藤椒香子蘭意式雪糕： 賣相極吸睛，吐司造型好優美，抄手形狀咬落卻是吐司質地，玫瑰餡帶點荔枝香松露味，好豐富。🍨雪糕只以一小串藤椒和薄荷葉裝飾，食落又麻又辣又苦，但雪糕凍凍最後又中和了各種味道…Read More

上星期收到如心酒店會員通訊電郵介紹，就訂咗呢間川流試吓🥟近年連五星酒店都變咗茶餐廳咁嘅服務質素😔，呢度比番我乜嘢係高級食肆嘅服務態度😁所有人都用心、有禮👍不是機械式應咗又無下文嗰種，餐廳環境亦很時尚有品味，點心出品很高質😋餐廳設計時尚簡單整潔呢個咸係用魚香茄子，芋角造得非常好👍小籠包造到皮薄喊靚仲有好多肉汁，蝦餃亦好味😋牛肉鍋貼煎得好香口，蔥油餅亦唔錯蝦膠蘿蔔糕，蘿蔔糕好味不過覺得同蝦膠唔係好夾雲吞有酸辣同上渴，皮好滑唔厚👍蒸包啲皮都造得好，鴨肉包幾好味又有新鮮感，菜同包菜肉調味我覺得就麻麻地出面自助有幾欸冷盤，食材味道都唔錯😋甜品得豆腐花，如果有多一兩欸會比較完美，🤔要比個讚係每檯都備有搓手酒精👍茶具餐具都好雅緻，唯一唔達標係杯茶，無乜茶味，點心好都要配好茶呀！整體呢個點心放題係超值嘅，需然欵式唔多，但出品樣樣都味美，服務員會主動問客需唔需要加點心，態度非常親切，出品又快又新鮮，機本無追單嘅煩惱，會相約朋友再來😁…Read More

貴貴又唔好食又唔好食，湯ok，但送唔好食，最難食係酸辣粉，酸到喊出來。環境ok，午餐不用排隊，甜品ok，服務ok，但係都係果句，有些貴，不值得呢個價錢囉，下次不會食…Read More

雖然餐廳唔算係山旮旯嘅地方，但因為你行過嘅時候唔覺得佢係一間餐廳，有機會你行過左都唔知😂，餐廳唔算大但係裝修主要黑色為主，睇得出啲走既風格應該係比較新派，同埋覺得呢間餐廳啲服務幾好同幾細心第一次見人哋啲前菜有爆谷，好特別我哋叫左一杯含有茉莉茶嘅cocktail🍸，味道幾清新，而且出邊好少見到，去到不妨一試，幾有驚喜見好多人都有推介小籠包🥟，果然唔錯，皮好薄而且好多肉汁，最特別係啲醋係用滴管裝住，食之前呢就篤入去小籠包個窿度家鄉燻臘肉胡椒餅🫓，雖然呢款胡椒餅唔係行肉汁多嘅路線，但真化係好香口🤤，包同啲餡料嘅比例都啱啱好，唔會啲餡料好少👍🏻至於水煮牛肉🥩，原來本身入邊包左少少粉絲之類，水煮系列可以自己加配啲材料，我哋就自己加配左萵筍同白蘿蔔，真係好入味，呢個雖然有少少辣，但個人黎講可以接受，有種食完會想繼續食嘅感覺，諗起都流口水呀🤤我覺得叫得水煮系列，唔爭在嗌埋佢哋嘅蒜泥白肉涼手工涼麵🍜，因為水煮系列唔多唔少都有啲辣，食到覺得好辣🥵嘅時候跟住食兩啖呢個面，我覺得好解辣🤣食親川菜就會好想食糍粑，呢間嘅沖繩黑糖糍粑係我近呢幾年食過最好食😋，做到外脆內軟，同埋唔會食到啲好粉嘅感覺係會想返去再食嘅餐廳🤤🤤🤤…Read More

點心推薦✅灌汁小籠包皮薄餡靚肉汁超多💦味道鮮甜而唔油膩👍🏻用試管加埋醋會更加好食爆汁芝麻牛肉鍋貼🥟鍋貼底沾滿芝麻煎得香脆🍳外皮夠薄內餡菜肉比例適當⚖️重點係超級juicy真係會爆汁😆咬既時候要小心一定要上枱就趁熱食♨️凍左無咁多汁嫁水晶蝦餃皮尚算薄身放涼一陣食質地會更煙韌😋入面包左起碼隻蝦蝦肉🦐新鮮爽彈無加入豬肉唔算好juicy味道同口感層次未算最豐富但足料搭夠👌🏻蜂窩魚香茄子芋角好特別😇芋蓉入面包左魚香茄子🍆魚香茄子帶辣味🌶令成件事更加鹹香惹味同無咁膩芋角炸粉唔多酥脆唔錯🉑紅酒京醬燒鵝包白包皮質地鬆軟、有彈性軟綿得黎又唔會痴牙👏🏻好出色🤩味道似叉燒包但包左燒鵝皮都幾香😻正常👌🏻鮮蝦豆苗餃鮮蝦🦐依然爽彈外皮較蝦餃遜色偏軟🧐鮮肉燒賣包左豬肉🐷同蝦仁🦐面頭有一點鹹蛋黃🍳可以提升香氣💯百花煎釀蘿蔔糕蘿蔔糕外脆內軟😋底面都煎到金黃香脆豐富左口感層次👍🏻入面釀左蝦膠味道更鮮甜但蘿蔔存在感較低🤣麻辣腸蔥油餅蔥油餅質地似酥皮🫓辣味🌶唔突出但味道頗鹹香🧂糊辣殼酸辣/雞湯抄手🥟抄手外皮夠滑🉐但比較大粒糊辣殼酸辣湯底味道微辣🌶偏酸🍋雞湯偏鹹我中意雞湯抄手多啲😝沙律吧酸辣拌闊粉🍜闊粉好有咬口又唔會咬唔斷或者好難吞💯煙韌控必食❤️‍🔥調味方面迎合香港人口味酸🍋中帶微辣🌶拌埋芽菜、芹菜同青瓜絲🥒食好正五香牛肉配醬油麻汁選用牛腱肉切粒🥩燘得夠淋夠入味牛筋都煮得幾好👍🏻唔會好似食緊橡筋咁川北涼粉配涼粉汁涼粉口感似硬啲既啫喱我麻麻地🙊蒜泥白肉配紅蒜泥汁無試到😂雞絲粉皮雞肉唔算嫩滑份量亦唔多粉皮太薄太碎口感欠奉❎古方紅糖豆腐花豆腐花質地嫩滑豆味正常紅糖唔會過甜⭕️涼拌青瓜🥗新鮮爽脆加入蒜頭🧄同醋🍾調味清新解膩一流👅整體而言，川流點心即叫即製上枱全部都係熱辣辣既♨️誠意爆燈💡雖然點心選擇未算十分豐富但每款點心味道同賣相都唔差🌟用心製作🏆點心size偏中細可以試多幾樣幾貼心👍🏻沙律提供既小食refill速度都好快唔洗擔心無得食環境有別於一般酒樓行型格舒適路線😎絶對值得一試‼️…Read More

呢間餐廳裝修以黑色為主，同傳統酒樓好唔同，食物都幾創新！┄┅┄┅┄┅┄┅┄❦ 水煮魚片 $288魚片厚身嫩滑啖啖肉，湯底小麻但好夠辣！萵筍入味又夠爽脆，但薯粉煮得唔夠耐好韌。 唔夠辣嘅朋友可以上加佢地全亞洲最辣嘅辣粉，不過食左少少都辣到噴火🥵🥵🥵評分：🌕🌕🌕🌗🌑-❦ 蒜泥本地黑毛豚白肉 $108蒜泥好多，豉油汁甜甜地又夠香，粉皮索晒個汁好惹味！但d豬肉又鞋又乾。。。評分：🌕🌕🌕🌘🌑-❦ 五十二度慢煮樟茶鴨胸 $208鴨胸好乾，又冇汁點下。。隔離有迷你刈包可以包住鴨胸食，但個包同鴨胸都好乾😕評分：🌕🌕🌘🌑🌑-❦ 小籠包 $68皮薄超多汁！個醋有個管可以俾你吱入去，不過唔好吱咁多🤣評分：🌕🌕🌕🌕🌘-❦ 家鄉燻臘肉胡椒餅 $68外皮好鬆脆，入面食到胡椒同臘肉香～評分：🌕🌕🌕🌗🌑-❦ 沖繩黑糖糍粑 $78外皮煎到香脆，入面煙韌香口，淋上黑糖甜甜地仲好味！評分：🌕🌕🌕🌕🌑-呢到除左坐得舒服，服務更加係100分，食得好開心！😆…Read More

同呀妹好鐘意食辣！揀左呢間嚟試！位於街市旁邊，食辣當然唔少得叫水煮嘢！佢同平時啲店唔太一樣，唔係大大鍋咁，叫左個桂花魚，好滑！仲用川辣大腸🤤好正！最正係個家鄕胡椒餅，好香胡椒味而且juicy非常😍侍應介紹左唔係度度都有嘅芽菜，好清甜！不過佢介紹嘅所謂嘅辣粉，辣唔到我地bor😜下次再挑戰辣嘢…Read More

星期六日有既點心任食放假，$168位茶錢$25，款式唔算太多但款款都好食。點心即叫即蒸，小籠包個皮略厚但味道鮮美，牛肉鍋貼juicy 又脆皮，抄手餡多，蘿蔔糕入面有蝦膠，煎到外脆內軟，蝦餃菠菜餃正常，芋角都好香但少少乾，素菜蒸包同燒鵝蒸包軟熟夠味，自取既白肉、酸辣寬粉、牛肉都好正！仲有普通沙律🥗同豆腐花侍應好有禮貌，添茶收碟都好勤快。比錢果陣侍應話OpenRice 訂位8折做到7月尾，折完$180位，市區算抵食！…Read More

又到了星期日，難得能約齊人，便過海一日遊，吃一餐好的，飲杯靚咖啡。朋友提議去川流飲茶，因為她食過覺得可以encore。餐廳雖食川菜，但設計就如西餐廳，吧枱位置放滿各式各樣的酒和香料，加上以黑色為主調，很型格時尚，幸好有walk in位，所以即入。適逢餐廳正在做點心放題，不用$200的價錢可以任食多款點心，令我們立刻放棄散點的念頭。放題共有12款點心選擇，不算很多，但夠精，我鍾意。另外沙律吧亦有6款選擇，都是開胃前菜，可在吧枱任取！因為我們有4人，所以侍應很貼心，提議我們第一輪試匀所有的點心一次，然後食完再encore想食的！我們當然很樂意。蒜泥白肉、五香牛肉、棒棒雞等都好味，因為配上了特製開胃醬汁，白肉配甜紅蒜泥汁，所以入口有滿滿的蒜味，五香牛肉則飄著麻油香，個醃酸菜好爽脆，酸酸甜甜好開胃！點心都係新鮮即蒸的，所以上枱熱辣辣，一定要趁熱食。灌汁小籠包要自己醬醋吱入個包入面，幾得意，熱辣辣爆汁的！紅酒京醬燒鵝包肥嘟嘟的一個，麵包香軟，餡亦足，食落有鵝皮油香！水晶蝦餃、鮮蝦豆苗餃、燒賣等皮薄餡靚，而且蝦肉爽口彈牙，新鮮的味道。爆汁芝麻牛肉鍋貼又係好食，最欣賞是芝麻底煎得好香，微焦帶脆，上軟下脆，兩重口感。百花煎釀蘿蔔糕平凡中見心思，蘿蔔糕中釀入了鮮蝦滑，香軟中帶點彈牙。麻辣腸葱油餅好驚喜，酥皮好鬆化，入面的餡也汁多，圓轆轆一個，質感輕身唔厚重，平時比較少見的點心， 十分值得一試！蜂窩魚香茄子芋角很邪惡，外層鬆脆，好香口，入面的芋泥質感起沙且幼滑。再來一客雞湯和麻辣抄手，麻香帶辣，足料多餡，基本上都已經有了9成飽。這裏的點心做得很精緻，質素絕對不馬虎，而且看得出每款都皮薄餡靚，用心製作。我們四人，每人每款都試了，encore了一些前菜和幾款點心，再食多碗山水豆花，已經飽到食唔落，以$200唔使食到這個質素的點心來說，絕對值回票價！…Read More